大澳炭燒雞蛋仔叔叔 (已結業)

在TAI O LOOKOUT吃過午茶後，還餘一個小時就要乘回程船，妹妹的友人便提議買炭燒雞蛋仔吃。我們行到來大澳街市街至石仔埗街交界時，很容易看到有一間大大個橫額寫"XX(自稱名字)炭燒雞蛋仔"，那時候人龍不絕，我們以為這是心中那間有名雞蛋仔店，便跑上去排隊。但我留意到主理人的樣子並不是記憶中的戴住黑超的有型叔叔這人是染了啡紅頭髮的叔叔，因有些不明白就再次上網查看。啊﹗幸好有網友放了黑超叔叔的相片，原來我們排錯店了，這檔並不是大澳最HIT的大澳炭燒雞蛋仔叔叔立即前行吉慶前街找找，行到倒數廿幾號了也不見(是一間食檔都沒有)...回頭之際，一位村民聽到我們的說話，就主動問及我們找什麼﹖說明來意後，本來他用手指指教我們去，點知指指下他直頭帶埋我們過去哈哈。原來大澳炭燒雞蛋仔叔叔正正一小街之隔，與我們身處的地方不到廿步路...XD人流比預期少，廿人左右，不過我們要趕船，所以如果排剩半個鐘都未到我們的話就會放棄。等侯期間我計過大約五分鐘弄好一底，最後等了十五分鐘就到我們了。之後，先向黑超叔叔說要多少底，然後上前付款，再等製成品。黑超叔叔手勢超純熟地將蛋漿倒入雞蛋仔模，再將模具公轉一圈令蛋漿平均沾

自從上一次係呢度食完伯伯既炭爐雞蛋仔之後,就一直對佢念念不忘今次入黎大澳既原因唔多唔少都係為左佢,實在係太好味喇粒粒雞蛋仔都好似蛋糕咁實心,而外層就係脆卜卜阿伯隔離有隻狗,一見到人影相就狂吠,哈哈,對鏡頭好敏感呀雖然排隊都排左幾耐,不過都係值得既!

去大澳郊遊,當然要尋美食。大澳炭燒雞蛋仔叔叔在OPENRICE人氣高企,當然在行程之內嘩!! 好多人排隊呀, 我們排了20MINS左右先有得食,不過都係值得的大澳炭燒雞蛋仔($13): 好有炭香,好脆,粒粒都充滿蛋味,外脆內軟四個字應該最貼切不過可惜的是, 新鮮熱辣用炭爐整雞蛋仔已經買少見少了, 要再食就要再來大澳了.......

11月5日, 我們的122週月快樂慶祝活動就係走入大澳郊遊! 食完大澳小食個香妃卷, 下一站已經諗住去搵黑超伯伯炭爐雞蛋仔食~ 點知兜勻半個大澳, 欣賞水都景色之後都未搵到, 原來我地兜咗個大圈… 雞蛋仔早已入舖~ 仲要喺大澳小食嘅斜對面咋!::: 雞蛋仔 ::: $13好彩我地去到都唔係好多人~ 可以休閒地近距離睇住伯伯整雞蛋仔! 只見帶住黑超嘅伯伯手起鐵板落, 起蹍嘅手瓜熟練地將鐵板反兩反, 幾分鐘後就雞蛋仔已經整好~ 不過仲要攤凍一陣先入袋, 咁先可以保持香脆! 新鮮熱辣嘅炭爐雞蛋仔, 聞落焦香中有少少炭燒味, 食落又特別脆, 仲有超濃蛋味! 不過雞蛋仔嘅質地就好似蛋糕咁, 成舊都軟綿綿嘅, 唔似平時食到d上半係脆脆外層中間漏空下面先係軟綿綿咁~ 但都已經好好食!呢個伯伯真係好有型, 一把年紀但有十分魄力! 睇佢一副鋼條身形, 一定係日日不停手整雞蛋仔所練成~ 真正用炭爐整雞蛋仔嘅地方買少見少, 希望伯伯身體健康~ 可以將呢種獨特風味嘅街頭小食帶比更多嘅人!

原來大澳食街全條街搬了,要留意啦!我都係第一次試大澳炭燒雞蛋仔, 好正, 用炭燒出來既雞蛋仔色澤比較深咖啡色,脆脆,粉不多不太厚,不過很多多多人排隊!很開心香港留著這種風味~~~~不過$13一底囉

聖誕節去大澳一日遊, 慕名而嚟食碳燒雞蛋仔, 見到超多人排隊都冇退縮, 一於羊群心理人排我又排!叔叔表演整雞蛋仔, 任影唔嬲.食落口 - 我屋企人話太甜喎, 我就覺得味道係 OK 0既, 不過口感就有啲單薄. 總括嚟講都幾失望吓, 排咗成四十分鐘都淨係食到一餅好普通0既雞蛋仔.

一行人入到大澳，就梗係要食雞蛋仔啦！呢到嘅雞蛋仔出晒名又香又脆又好味ga 啦而家搬咗位，所以排隊方便好多排咗5分鐘左右就到我哋，我哋叫咗3底，個蛋漿好＂杰＂身，唔知點解，未食果陣個蛋漿就已經好香。伯伯開始燒，伯伯周不時會反下，就係敢先至有情趣。燒完啦，由於係用炭燒嘅，所以特別香同特別脆，仲好夠甜添

之前都去咗大澳, 不過就無試過炭燒雞蛋仔, 今次咁啱見到緊係要幫襯下啦~聽見前面個姐姐叫咗五底, 心諗有排等啦, 點知都唔算等好耐~ 伯伯帶住副超, 用純熟嘅手法扭扭"另另"個工具, 好快又一底喇!等嘅時候已經聞到蛋香, 所以都好期待。一邊望下隔離鋪嘅伯伯燒魚乾, 一邊等伯伯嘅雞蛋仔, 轉下眼就到我喇。果然好香脆, 味道果然同平時嘅唔同, 不過對我黎講有少少美中不足就係... 個雞蛋仔無乜內涵, 好似得個殼咁。如果有番多少少肉食下就 very good 喇~~~

從沒吃過炭爐雞蛋仔，來到了大澳，絕對不會錯過此機會。人流不多的街道，想吃雞蛋仔還是要排隊的。等了一些時間，買了一底。眼看已經知道夠鬆化，吃下，鬆化之餘滲出輕輕的蛋香，既脆不膩，有大澳簡樸實在而不華的氣息。再來的時候，會再回味的！

同一日第二次在大澳盪失路幸好一問人:「請問雞蛋仔伯伯係邊？」立即回答：「搬左入舖啦！直行轉左再直行就見到」由於閒日 只有一對小情侶排隊下一個就到我地喇 唔駛一分鐘就有得食眼見佢三兩下手勢就倒哂蛋漿入個模份量岩岩好 無倒瀉 爐邊放住一袋黑炭!岩岩新鮮整出黎既 要攤一攤凍 等佢外皮變脆入袋喇 可惜散左少少不過唔緊要喇 味道先係最重要質感同以前係牛頭角下村食既一樣呈蛋糕口感 粒粒充滿蛋味 不過好似甜左少少外脆內軟四個字最貼切不過伯伯仲推介斜對面賣既凍羅漢果茶解渴最好無糖無添過喎 !!

話說數月前曾到大澳遇見傳聞中的黑超炭爐雞蛋仔叔叔, 大排長龍下我成為了當日第二名買唔到雞蛋仔的食客教我飲恨大澳! 懷著一種食環署爪牙隨時由大坑延伸到大澳的恐懼, 今次長途拔涉都要到大澳領教雞蛋仔叔叔的威力!當日星期日正午十二點幾就到大澳, 發現原來黑超叔叔已經由車仔檔搬入鋪了! 就在蘇籚咖啡店的斜對面, 可能時間尚算早, 只有一個人等緊雞蛋仔黑超叔叔燒雞蛋仔手勢非常純熟, 而且非常細心, 看到蛋漿比一般街外的都要杰身好多, 剛燒好既雞蛋仔叔叔會放在鋼架上放一陣, 確保仲係好脆先會放袋俾你!一拎上手就覺得雞蛋仔係好輕身的, 放入口, 好鬆脆, 唔似一般雞蛋仔咁硬, 重點係入便係鬆綿綿的, 成粒雞蛋仔入便都係好飽滿好似海綿蛋糕咁! 而且雞蛋仔有陣好香既牛油味! 絕對唔係一般既雞蛋仔可以媲美呀!!!!!!!!!! 希望大家下次入大澳都去支持黑超叔叔呀! 多得我地最偉大既食環署, 全港唯一可以食到炭燒雞蛋仔既地方可能就只有大澳喇!順帶一提黑超雞蛋仔叔叔隔離都有位燒魷魚伯伯既燒魷魚都好好味, 下一篇再寫!PS 溫韾提示一下各位食家千祈唔好好天真地好似平時食雞蛋仔咁兩三個人share一份, 因為雞

很好味的炭燒雞蛋仔,又脆又香,又鬆化,離遠已看見長長的人龍可能炭燒關係,很快就烘完一底,所以10分鐘就買到,很容易就找到正!

食完lunch之後就去揾呢檔雞蛋仔~開頭揾吾到v_v行左一段路先揾到~見到附近有大澳小食,但都係幫襯雞蛋仔好d好彩前面冇咩人等,吾洗等好耐就有雞蛋仔~呢到d雞蛋仔同出面個d吾同,裡面吾係空心好似蛋糕仔咁(y)好有蛋味,不過就甜左d喇都值得一試不過呢份味道係好難得先有~

好吃..口感不錯.味道也好香...雞蛋仔阿伯帶著黑超..都幾型..值得一試........食完之後....建議也到對面買支羅漢果茶飲..生津止渴.之前還未試過..在這裡即場飲左...爽~!!連場還多買4支出番去....

原來搬左舖啊..現舖係吉慶前街..一條小小人龍就要等 15 mins, 見到 d 蛋漿好杰, 一底一底咁出爐, 金黃色, 好香呀 食落外脆內軟啦, 個人認為甜左小小吧*呢間係全港最好食既雞蛋仔啦 !!!