大隻佬麵家 (已結業)

今日去完中旅搞回鄉證，之後去後面街睇下有乜好食，先發現"大隻佬"原來開響依度，所以滿心歡喜入去試下，入面裝修有啲怪怪，我叫左"招牌豉油炸醬撈河$44+$6拼水餃"，好快就上菜，佢用碗唔係用碟，所以感覺份量唔係好多，首先飲一飲佢個湯，味道唔錯，佢到我食個撈河，個炸醬個様好似好好味，但食落唔可以話冇味，係完全唔特出，同個撈河一樣，全部撈曬豉油，但又係一樣唔令人有好味嘅感覺！而佢個水餃裡面啲料亦十分少，完全唔掂！$50一個唔好食嘅午餐！如果依個可以係招牌，我可以唔駛再返嚟！

第二次來到位於旺角黑布街的大隻佬，餐廳位置近旺角東火車站，行完街坐低食個面最方便不過啦！今次點咗老闆大隻佬力推的招牌鼓油王炸醬撈面。老闆向十五十六的遊客推介：「撈河粉已經少見，仲要炸醬撈喎！試下啦！」蔥花湯隨撈河送上，撈河尚算足料，有冬菇、肉絲、叉燒，加上自家秘製的鼓油王汁，口感豐富。鼓油王汁的份量剛剛好，不多也不少，令每一口河粉都有香口的芡汁。唯一要扣分的是份量比較少，女生吃剛好有飽肚感，若果男生吃的話，相信要多叫一碗才夠飽呢！所以覺得撈河的份量跟價錢($44)有點兒不成正比。題外話，有熟客問老闆：「最近有冇出咩新野呀？」，老闆毫不猶豫：「冇喎！咪又係嗰啲，出新野就變質嫁啦！」由寂寂無名的小店做到明星們都熱捧，相信就是靠老闆這份堅定不移的信念。

辣牛根撈麵, 真係夠哂辣, 比我想像中辣, 牛根都算好吃, 麵質可以, 彈口, 沒有鹼水味! 水餃米, 得3隻, 份量少得驚人, 水餃沒有蝦, 勁細隻, 非常失望, 仲要成$30一碗, 有覺被人搶錢的感覺以咁既價錢, 有好多選擇, 簡單講句, 這間只係坐得比賽較舒服的粉麵鋪

店名：大隻佬麵家地址：旺角黑布街97號地下好味指數：8.2／10價錢：$42濃情金莎撈麵濃情金莎是指由多種扁薄魚類曬乾，製成大地魚並磨粉，加入麵中而成。賣相跟一般吃到的蝦籽撈麵相似，味道香口惹味。麵質佳，撈麵配上一碗鮮甜的湯底，很滿足 。店名：大隻佬麵家地址：旺角黑布街97號地下好味指數：8.3／10價錢：$42招牌豉油皇炸醬撈麵招牌豉油皇炸醬撈麵食材用豬上肉，配以「水醬」炸醬，混合成獨特口味。味道跟傳統的炸醬麵有點相似，汁多味濃，很惹味。麵質佳，撈麵配上一碗鮮甜的湯底，很滿足 。店名：大隻佬麵家地址：旺角黑布街97號地下好味指數：8／10價錢：$36水餃撈麵水餃有三隻，味道夠鮮。麵質佳，爽囗彈牙，口感非常好。撈麵配上一碗鮮甜的湯底，很滿足 。店名：大隻佬麵家地址：旺角黑布街97號地下好味指數：8.5／10價錢：$36辣牛筋撈麵份量不多，辣牛筋汁濃爽滑，味道不太辣。麵質佳，簡單地配上腩汁已經美味極了。撈麵配上一碗鮮甜的湯底，很滿足 。

約左朋友去睇《等一個人咖啡》睇戲前先食個簡單的DINNER，出到旺角就去食《大隻佬》啦其實價錢都唔平架！宜家真係搵食艱難呀！OPEN KITCHEN水餃麵~~~麵質彈牙又爽口，水餃夠足料，湯底有味又夠清辣牛筋撈麵~~~麵質好彈牙，但鹼水味好似濃左D，牛筋炆得好入味又夠"林"，牛筋係帶有辣味的，非常的好味呀！油菜~~~菜芯夠嫰口，加入腩汁，好好味呢！食飽了時間剛好可以入場睇戲LU

當年身處於黑布街內冷巷的大隻佬雲吞豬手，大大話話都幫襯過好幾趟，基本上是從未有留下甚麼的印象。別人常說她的出品有多好吃，小弟是完全感覺不到的....直到今天，大隻佬入了舖，於同一條街再戰江湖。不信邪，走去再試一次。若然仍是那老樣子的話，這裡就可以從小弟的腦海記憶中消失....料想不到，只試了一碟撈河及油菜，印象竟然就改觀了....撈麵平時就吃得遇得多，但撈河便沒有機會常嚐。今天加入了號稱店自慢的辣牛筋及雲吞進去撈，想不到風味是絕佳的 ---前者是辣得令人馬上冒汗，汁香且帶點啃辣拌上河粉來吃是讓人欲罷不能。牛筋是軟淰但不至於爛，咬進嘴巴內是跡近起膠又啜口。這樣的牛筋是最好吃的了；雲吞是傳統帶少許散尾而體積嬌小的，餡內是一半蝦一半瘦肉，相對來講我還是喜歡舊式加了肥膘肉的那種，現在的食起來就少了滑溜香甜的感受...試了一口拌麵的湯，是頗清甜之外又帶點鮮....芥蘭色水綠油油而莖的部份又是爽至嗦嗦聲，一吃便知是極新鮮的揀手貨...吃完後走出店外，馬上便到轉角位的便利店去買飲料去解辣了....

收工即走又趕唔切返拳，過晒鐘，是但食個麵返歸。上次食過大隻佬好好味，今次試吓其他野先。豪情金莎撈麵？我估係蝦籽撈麵掛，哈哈！下次先試您。西洋菜、清湯、牛腩撈粗到齊，一家團聚，可以慢慢嘆喇。白灼西洋菜，甚少麵檔有西洋菜供應架喎，可能因為難洗又易爛掛，就您啦。西洋菜勁爽嫩多汁又鮮甜，非常難得，高質喎！大多食店只有又老又韌又粗糙既西洋菜。牛腩撈粗走蔥走蔥，叫左兩次走蔥落單阿姐都聽唔到，魂遊太虛！搞到送貨阿姐要行多轉，話訂無寫走蔥，唔該晒。撈麵只比腩汁幾滴，點夠撈成碟麵呀？好淺口呢，好采有美味辣椒油代替啫。牛腩入味鬆化無渣，唔肥無羶味，非常滿意，只係有點凍囉。粗麵滑溜彈牙帶蛋香，烚麵既功力非常厚！但因腩汁太少實在淡口，好采無味救星到！自家辣椒油，我當然係勁撈淨辣椒渣啦，辣味澎湃加上散發出陣陣酒香，好味又特別。飲啖清湯降降溫先，幾好味喎，成碗清湯飲晒，之後渴死左！上次位阿姐好落力推介產品，仲建議加錢用招牌豉油皇撈麵添。但今次依位阿姐斯文有禮但粒聲唔出，掙左少少。晚飯時間七點幾勁少食客喎，計埋我得兩枱乍，靜靜地嘆美食我最鍾意，哈哈。

之前網上見到網上有人介紹這家大隻佬，中午就來一探究竟。看到門口照片，又一明星效應的食店。兩人分別點了雲吞蠔油撈麵和牛腩鼓油皇撈麵，各$36。撈麵都用碟盛著再跟一小碗湯，份量比較小，我吃完有點不夠飽⋯先說雲吞蠔油撈麵吧，味道不過不失，撈麵帶少許皂水味，不算太濃，算爽口，雲吞似湯丸般一啖一粒，蝦不大粒但有蝦味，不錯。牛腩豉油皇撈麵，撈麵的鼓油味中也帶著少許皂水味，偏少少咸，牛腩偏瘦多肉，不過略嫌有點不夠入味⋯整體來說，味道不過不失，還可以。

今日都算是慕名而來的, 因為在電視看過幾次訪問都有介紹黎間小店.星期五的晚上, 小店都算坐得滿滿, 而好幸運地剛剛有卡位比我地2個坐到.今日來目標是撈麵,所以必叫的當然是撈麵啦.叫完麵後, 老闆勁推招牌撈河說出面食唔到架WOR, 所以我們又叫了撈河.撈麵一上台, 見到D 豉油好均勻地沾左每條面條上.吃一口後, 馬上令我想起這便是兒時食過撈麵既味道.麵條好爽口, 完全無梘水味. 所有麵條好快便比我們吸光光.之後飲埋碗湯, 本想ENCORE之際, 撈河來了.可能D麵實在太好食, 所以撈河馬上便比下去了.之後我們再加多個云吞. 坦白說撈河及云吞沒有甚麼特別, 最後埋單HK$121-今時今日仲食到甘正既撈麵, 真係除左大隻佬我都唔知邊度再搵到.下次一定會為左個撈麵再來.

星期六遲小小走之麻，都趕唔切操拳，唯有食碗名牌撈麵返屋企休息啦！以前係電視見過訪問大隻佬麵家舊舖喎，終於有緣試試，剛巧路過，初嚐手藝。。望望先，勁多 fans，好爆喎 ﹗眼見坐得密密麻。碰碰運氣入去問問有無位啦，我一個人好易啫。幸好有個臉壁位，無緊要，食飽閃。辣牛筋撈麵豉油皇汁走蔥，姐姐力推招牌人氣豉油皇汁，試試無壞。每位姐姐都待客有禮又耐心介紹及推介，難得！menu 寫住人氣辣牛筋，辣牛筋咁有趣，就由您開始啦！姐姐推介招牌豉油王撈麵好正，但要加 HKD6 蚊，無所謂。好多野想試呢，花多眼亂。辣牛筋撈麵豉油皇汁走蔥，嘩！牛筋棉滑膠口又非常入味，超高質數，夠晒心滿意足喇。無可想象既爽口鹼水麵，彈牙到索索聲，第一次索得咁利害！雖然我好鍾意食硬麵，不過依個鹼水麵似乎真係略硬左少少，湯麵應該會剛剛好。撈埋豉油皇汁，味濃而清香不濁，堅好味！一個撈麵真係唔多較飽，難得又咁好食喎，真係好想叫多碗麵食，但又怕嚇親人，都係少食多冶味啦 ﹗但原來好多食客都叫兩個架，今次算數唔食咁多。矣？！辣椒油味道好特別！食到有酒香，非常惹味，味道複雜，夠香夠辣而帶甜，而且一辣即散，令人好想再繼續食！好神奇又好好味！要勁

可有想過自己五十歲能說出多少個經歷故事嗎? 不過可以肯定一家五十年的店鋪所載的故事比你的人生還要多數十倍。一碗雲吞麵做了五十年, 帶的是獅子山下社會的眾生相, 吃出的是一口人情味。旺角龍記雖然結業, 但承襲而來的是細佬的大隻佬。週末收工有約, 還專程抽點時間過來試試。已有一段時間沒來旺角, 可能是因為自由行泛濫, 又可能是自己已沒有了那MK味。可是就算是來到旺角也只願意走走邊旁少人一點的橫巷, 猶記得黑布街上曾有我每月訂書的American Magazines, 還有並未向外走的石磨坊。雖然兩者已不存在, 但街道仍留給我一點親切感。店鋪比以前光鮮許多, 一身現代麵館裝束, 價錢也現代。桌上餐牌精美, 以大隻佬為標記, (有話說在前), 不知遲下會否發展成商標。餐廳主打辣味牛筋, 雲吞麵, 還有炸醬麵。一心為炸醬麵而來, 因個人喜愛炸醬惹味多於雲吞。不過除麵食外, 剛收工正餓肚子的我也想要個小食。一碟炸魚皮, 至今麵店少有自家製, 分別就只在供應商如何。這個魚皮也算是薄, 輕輕放入湯中也能發出”嘞嘞”之聲。入口脆而不太鹹, 只是細碎小片太多, 一不小心會嗆到喉。炸醬麵一碟, 配上清湯一個

雲吞-得半隻蝦咋，還好夠爽有蝦味，         有少量肥豬肉，一口一隻，但雲吞皮略硬   麵- 好爽口，good牛筋-有腍有爽，有一舊爽爽，好脆口，有咬口         另外有些可化在口腔，膠質豐富   湯-就係最傳統嘅雲吞麵湯味環境算👌食物都好味，不過收$48就貴左d囉

很久以前，曾經在一間便利店當夜班。便利店的對面的小巷，有一家麵店，店主身上滿是紋身，看來很兇神惡煞，但那裡的雲吞麵和水餃麵很美味。那就是以前的龍記。離開了那份工作以後，極少路過。一年前，在報上得知老闆希望和愛妻享受退休生活，決定結業。由於工作太忙，來不及與它告別。然後幾個月前，再看到店主弟弟在舊店對面開店的消息。而舊店，現在變成一家點心店。一直都想來，可是現在絕少踏足旺角。今天下午處理完私人事務後，去過肥姐吃過三串大墨魚後，走了十分鐘來到這裡。舖面不算很大，但相比以前，算是整潔企理， 店後的大玻璃窗，也讓顧客看到麵食的製作過程。這裡的侍應出乎意料之外的友善及主動，相對旺角其他幾家同類店家，真的很難得。叫了個雲吞撈麵。這裡的雲吞是傳統包法，小巧精緻。麵身爽而不腍，沒有梘水味，不過下的蠔油略多，我覺得太鹹。上湯味道清甜對味。只是如果麵略為熱一點，更完美。找回回憶中的味道，心滿意足。有機會回再來。

the food is overpriced. especially the signature dish. $45 for a small bowl only. the 炸醬is very usual. the 河粉is too soft. it did not match at all. seat arrangement can be betterservice is nice. staffs are friendly though

無論幾忙，除了試食外，都想盡量記錄下自己的飲食片段，因為可以更加暢所欲言。上週一，一場實在非常麻麻地的試食後，原班人馬連同T兄來了大隻佬晚餐。這家店是食友的提議，沒留意飲食資訊的媽媽真的不知道它的背景云云，只知道食物水準比前一場甜品好多了。首先上檯是炸魚皮 ($14)，清脆可口，不帶油益味，淨吃或泡湯都一樣美味。甜魔媽媽愛吃淨雲吞 ($28)，也點了一客；一客共有9隻，身量十分小巧，女生也可輕易一口吃掉一粒，重點是皮薄肉鮮甜，襯上清徹味鮮而不太味精的湯頭，感覺很舒服。辣牛根幼麵 ($28) 很有驚喜，微辣的湯底，令稔滑微微黏牙的牛根更添惹味，加上口感脆彈的幼麵更妙了。後來看了Oph的介紹，原來這麵是這店的口碑菜式之一，大家來吃要試試了。其實個人喜歡吃牛腩多於牛根，不過是晚的牛根實在出色，將牛腩幼麵 ($28) 比下去了。不過以此價位，吃到份量不少的牛腩麵，也算不錯啦，如果牛腩肉質鬆化一些會更好。招牌豉油王炸醬撈河 ($40) 是另一款新嘗試，味道有點搞笑，那醬是咸中帶點甜的!? 而且河粉一撈易斷又散，不過整體口味也算不壞，人多貪好玩這樣一試也幾開心。自己一個人來就選點前兩款湯麵較好。最