大頭蝦南風海鮮酒家

營業中

休息中

呢間大牌檔相當隱秘～佩服我朋友搵到～ 系東涌站行左差不多二十分鐘先到😅 然後佢門口有好多盤栽 店主好細心 系每張枱下面都擺左個蚊香 減少客人比蚊咬既機會 系sweeet ge一行四人叫左吾少小菜同一個煲因為勁肚餓既關系 叫左燒味雙拼 但佢雙拼其實似拼盤 有切雞 油雞 紅腸 燒鴨 味道吾錯 雞都嫩 不過吾中意食肉既我覺得燒鴨既肉太多😂😂第一次食用土魷黎炸既椒鹽鮮魷 幾特別一直都好中意食鴨舌 所以鴨舌今晚榮登冠軍😂 好味😋😋 會keep住想食 雞煲好足料 超多雞同豬肚 湯底yummy 豬肚淋 雞肉應該都系用左切雞 所以肉嫩 菇同娃娃菜吸收哂啲精華好入味 😋大獲好評既炒油麥菜 雖然望落好油 但食落又吾覺 不過呢碟菜吾近我個位 我少食 😂主要食通菜煲建議通菜煲配飯😎 因爲我地叫左好多 所以怕食吾哂 無叫到飯 味道系good 但keep住食 可能會覺得重口味左 夾反其他野食就會好反啲

響東涌行完山，去到逸東嗰頭，就響附近搵嘢食，結果去咗間響醫院附近嘅餐廳，味道唔錯，款式都多，最緊要係夠鑊氣，而且都幾抵食。1️⃣水煮牛 $138花椒同辣椒完全突顯出咗麻和辣嘅獨特味道，牛肉都幾多，入口夠嫩滑，豆卜亦都吸收晒湯汁嘅精華，底下仲有芽菜同煙靭嘅寬薯粉，非常大碗，而且味道香濃，辣得好過癮，相當惹味。2️⃣燒味雙拼 $108 例牌叫咗南風燒鴨同豉油雞，燒鴨皮香肉嫩，肥瘦適中，甘香美味，咬落去就食到鴨油慢慢滲出嚟嘅味道，好好食。豉油雞味道帶香甜，肉質嫩滑，色澤鮮艷，而且肥而不膩。3️⃣面醬肉碎唐生菜 $68上菜嗰陣已經聞到一陣好香既味道，唐生菜清脆爽口，醬味濃郁，鹹香美味，份量亦都夠多，真係好抵食。

今日同朋友去咗位於東涌嘅大頭蝦南風海鮮酒家。 因為我哋都係揸車去 ，嗰邊有得泊車對我哋來講都比較方便。 咁我哋兩個人就叫咗四個餸食。第一碟係叉燒🐷因為我真係好鍾意食燒味，又好耐冇食叉燒♥️佢嘅叉燒都幾大碟，比我想像中份量要多好多👅 半肥瘦剛剛好，咬落去都幾嫩同埋多汁 送飯一流呀!!  我仲點左炸鯪魚球 完全冇諗過會有咁大碟 上碟嘅時候粒粒都係剛剛炸好 咬落去熱辣辣 差啲焫親個咀🥵 但真係好好食 好入味 點啊佢哋自製嘅汁就一流啦😋 最值得讚嘅就係佢哋嘅韭菜炒鴨胸 其實我平時出街食飯真係好少食鴨胸，但佢哋炒得真係好好食好香🤤🤤 將鴨嘅油香同韭菜完美配合😈 送飯食都係一流呀 因為我自己都好鍾意食魚所以就點咗一碟蒸鯇魚😈 骨都唔算太多 蒸得剛剛好 肉質超鮮嫩 調味亦都調得好好唔會太鹹 我自己最鍾意就係食呢條魚啦👍🏻 如果下次有機會再去東涌 我都會嚟呢間食下小菜✌🏻

燒味拼盤 （豉油雞&燒鵝）$118依個燒味拼盤超級有驚喜，首先賣相已經好靚，豉油雞食落第一啖已經覺得依間餐廳有水準，隻雞好淋好滑，至於燒鵝外皮好香焦香味啲肉好厚實啖啖肉，正😄避風塘茄子 $68之前完全冇食過嘅菜式，冇咁過咁好食，佢個炸漿做得好好，好薄咁包裹住茄子，但又做到好脆，外脆內軟，同埋避風塘嘅炒法成碟餸好惹味。上湯浸娃娃菜 $68娃娃菜好新鮮好甜，正正常常嘅味道啫啫雞煲 $82雞好入味好淋好滑，成間餐廳嘅雞都好出色，最有驚喜係入面有豬潤做底！酸菜味烤魚 - 原條鉗魚 $258酸菜湯底做得好好，唔會太酸又做到啲啲辣味，鉗魚大大條好抵食，肉質厚實！再夾埋酸菜一齊食好好味！韭菜花炒鹹肉 $73鹹肉大大片好足料，韭菜花唔會老！正常發揮！

「 🏡東涌隱世養廳」地址：大頭蝦南風海鮮酒家❤️❤️❤️❤️❤️❤️❤️好開心今日嚟到東涌呢一度睇日落，竟然誤打誤撞去咗一間隱世嘅餐廳！呢度有室外同室內區域，想有冷氣無冷氣都任大家選擇！環境座位方面，有足夠空間感可以係度開開心心，同一班朋友或者一家人係度歡樂聚餐，飲番杯！係食物方面，首先我哋叫咗個😍燒味拼盤 $118 (豉油雞, 明爐燒鵝)用嚟做一個晚餐嘅開始實在太合適啦！豉油雞滑嫩，油脂分泌均勻，仲有淡淡的豉油香非常開胃！明爐燒鵝係佢哋招牌菜，果然外脆內嫩，鵝肉香氣十足，係正嘅！之後再嚟🥰避風塘茄子 $68基本上係我第一次食呢味菜，竟然有莫大嘅驚喜！佢係我有記憶以來食過最好食嘅茄子菜！竟然用避風塘炒茄子粒再係好好食！上湯浸娃娃菜 $68娃娃菜烹調時間一流，發揮好好，水準繼續保持向上！啫啫雞煲 $82食多啲一味菜，我都已經飽飽地但係竟然呢一個啫啫雞煲個味係一流，豬膶同雞件都係非常滑嫩，調味非常出色，所有配菜包括青椒洋蔥等等都係完全屈機嘅表現！酸菜味烤魚 - 原條鉗魚 $258嚟到呢一條魚，竟然係可以大大條完全係可以四個人食，佢個酸菜魚湯簡直係極品，條魚完全擁有晒佢哋一流嘅酸菜湯底嘅味道，係可以食到連

有個住東涌嘅朋友極力推薦我食大頭蝦南風海鮮酒家，佢話炒餸食飯一流，係一班朋友飲啤酒炒餸食飯嘅聚腳地，今日見人齊就同屋企人一齊去東涌試吓。我哋今日帶咗四樣餸，第一個係呢啲燒乳豬，師傅話乳豬係佢哋自己即場燒，經店員極力推薦，我哋就嗌咗一碟燒乳豬。價錢係138，見到價錢幾抵食我哋就叫左黎試下，乳豬皮脆，略帶少少油脂。咬落去爆汁，送啤酒一流，燒乳豬係極力推介。之後我哋嗌咗個口水雞，雞肉唔會太肥，調味適中，香口得來又唔會太辣，雞肉又滑，值得一試。另外，因為我哋有個屋企人係飯桶，所以就叫咗欖角骨，調味方面甜甜地，外層香脆，送飯真係一流。而我自己就好鍾意食鱼，所以就叫咗一個泡菜魚煲，鯇魚食得出係新鮮嘅，最緊要係夠晒肥美，啖啖肉得來又有啲油脂香味，入邊啲配菜例如豆卜，芋絲朔晒湯底啲魚汁，非常滿足。唯一美中不足嘅係，我哋只係嗌咗半邊魚身，如果大家鍾意食魚，可以叫整條。總括嚟講，呢間餐廳性價比高，每個小菜都係$100樓下，味道又香口美味，唔會好似一般大排檔，想你飲多啲啤酒而調校到個調味好重，所以整體而言都係值得推介。

老老實實，呢間真係朋友推薦話「好有鑊氣嘅老字號」先至識得特登入嚟食地方係青衣站沿著天橋行入去大概十分鐘坐低食咗碟「燒乳豬」，好似係呢度嘅招牌菜，果然名不虛傳，好耐無食過新鮮出爐仲卜卜脆嘅乳豬，油花嘅味道簡直係我嘅最愛~~~跟住我個人最最推薦嘅喺「南風小炒王」！不愧喺鑊氣出名嘅大排檔，呢碟小炒王真係香氣十足。入面有魷魚、大蝦、帶子、腰果、菜脯，啖啖都係海鮮，最正係嗰啲韭菜全部都勁嫩喺揀過先炒嘅，完全唔似屋企啲炒韭菜，搞到我忍唔住叫咗碗白飯食我地仲叫咗個「香茅胡椒蝦」，啲蝦好大隻好新鮮，香茅胡椒呢個配搭都夠曬特別，不過我覺得胡椒味喺大過香茅味好多嘅，明明係用新鮮香茅，可能胡椒粒太多？總之兩個味道夾埋都好好。 仲有「沙拉骨」，啲肉有腌過，比我想象中軟熟，一啲都唔韌見咁開心我地開咗「半條酸菜烤魚」，見到呢間大排檔出面都有養住魚，全部都新鮮嘅，無叫辣，我覺得可以再重口味啲~下次可以叫埋食辣嘅朋友過黎再試

大隱隱於市我地一行3人去左東涌既大頭蝦南風海鮮酒家食晚飯呢間餐廳幾特別， 分左有蓋無冷氣既位同有冷氣既室內位， 我地好早到， 梗係坐有冷氣位啦碳燒烤乳豬$138頭盤黎左呢個， 好脆既豬皮， 好香既肉， 同平時去飲既質素一樣咁好南風小炒王 $98用料好豐富啊， 有大蝦，帶子，魷魚，蝦米， 韭菜，菜甫，腰果。 炒得夠鑊氣， 推介！香茅胡椒蝦 $178好香胡椒味同香茅味， 蝦肉爽甜彈牙， 配合粒粒香辣胡椒， 當堂成左個level沙拉骨 $78舊骨炸既火喉剛剛好， 食得出係新鮮炸起， 有肉汁既， 個醬同舊骨好夾酸菜烤魚半條細邊 $138魚肉滑嫩細緻，酸菜底夠酸夠香， 仲有好豐富配料， 包括芽菜，酸菜，菇菇，豆卜等等天地一號 $35叫左2 枝蘋果醋， 夠3個人飲啦食得好滿足好飽， 近住北大嶼山醫院， 有需要既朋友可以考慮下呢間酒家

今日入去東涌搵朋友，當然要喺入面食埋飯啦，原來呢邊都有大排檔，仲好有風味。大嶼山醫院隔離有條小路入去，呢間叫大頭蝦風味菜館，非常之多人，想快啲食嘅朋友就要等吓啦！ 先來一碟脆皮燒鴨，燒鴨一啲脂肪都冇，啖啖肉，加上酸梅醬，非常開胃。🥰🥰🥰豉椒炒蜆，重點推介，夠晒鑊氣，用咗半個小時煮，食到用心嘅味道☺️☺️😋😋 特色酸菜魚用上大量豆卜和芽菜，再加上半條淡水魚，少許草青味加上酸菜味，味道非常特別，喜歡淡水魚的可以一試😋人均消費100元吃到飽飽,喺東涌呢啲地方，食過連鎖快餐都唔止啦！

入去東涌行街，梗係要喺入面食埋飯啦，想食得有風味，首選一定係大排檔，大嶼山醫院隔離的黃泥屋村入面的大頭蝦一定係首選！呢度食品多元化，即燒燒味，風味水煮系列，鑊氣小炒，雞煲火鍋，應有盡有。先來一支青島啤啤佢，非常冰凍，炎熱天氣透心涼。兩個人唔係好肚餓，點咗三個小菜。星期五非常人多，可以慢慢飲慢慢食！黑椒牛仔骨，用上大量洋蔥青椒京蔥爆炒，非常惹味！油鹽水魚肚浸勝瓜，肥豬肉加上炸蒜頭，慢慢浸熟啲勝瓜，非常健康！豉椒炒蜆，夠晒鑊氣，粒粒飽滿。人均消費百多元，能吃到風味小炒實在不錯👍

假日同家人去搵特式小菜食晚飯，今次去到東涌村屋，內有幾檔餐館，就好似大排檔格式一樣😌先點上燒味雙併，燒鴨肶👍🏻叉燒，肥瘦剛好，yummy😌黃金茄子， 外層香脆，有蛋黃口感，令我食唔停口😂🤣😂小炒王，多款材料，有帶子，九菜，魷魚，腰果，大蝦🍤，好友鑊氣👍🏻炸墨魚餅，厚厚的墨魚餅，啖啖爽口😍奶油大蝦，奶油感不太出但有少少香辣，岩哂我不太食奶油🤩最後加多份 胡椒豬肚雞煲，媽子表示好滿意，香濃胡椒湯，雞肉滑溜，豬肚爽口♥️🌟有室內室外提供，怕熱的我，當然室內🌟假日多人，訂位最好了

屋邨小菜之選，今晚天未黑已經去食，因為遲左好多街坊會去食 先推介這款白菜仔豆腐魚雲湯，魚雲湯奶白色又足料，魚雲大大舊又滑身，有豆腐白菜仔冬菇，啖啖營養 另外燒味拼盤點了一份細份，其實細份都很多，叉燒得入味而且淋身，油雞燒鴨大大件，配上黃梅醬，啖啖肉，餸飯一流 黑椒茄子牛仔骨煲，牛仔骨很淋身完全不靭，排骨骨不大，啖啖肉，加上茄子黑椒很惹味 海鮮炒韭菜，材料很多，蝦魷魚帶子腰果，蝦米更加大大條，很有鑊氣，韭菜很新鮮沒有渣，爽口翠綠 另外店內有兩隻小狗，很可愛，但不用怕狗隻會來討吃，牠們很乖，食物一到就會自動走出露天地方，不會阻礙客人進食

東涌唔單止outlet for shopping, 仲有好野食既，今次來到村屋區搵食，就好似私房菜一樣😋「黃金茄子」外脆內軟，而且外層豐富蛋黃😋「胡椒豬肚雞煲」香濃胡椒湯，淨飲也不錯🤩 雞也夠滑👍🏻「奶油大蝦」真的大隻😮 啖啖蝦肉「小抄王」夠火候☺️ 送酒一流「燒鴨叉燒雙併」叉燒淋身，燒鴨脆皮，重點仍然暖暖😋「炸墨魚粟米餅」爽口墨魚餅，正呀😍備註：🔺由於係村屋，門口就可停車🚙🔺有室內，有室外😌🔺就像住家式私房菜😋

難得咁遠水路入東涌探朋友，佢帶我去附近嘅大排檔食一聽見大排檔，我初初有D驚，怕夏天太熱。但原來呢間「大頭蝦」有冷氣房，仲要係梳化櫈🤩坐得好舒服👍🏻叫左黃金鮮魷，沙拉蝦球，金銀蛋莧菜，酸菜魚同麻辣雞煲黃金鮮魷:去大排檔呢個我必叫！一試就知間嘢得唔得！👍🏻呢間野好好味👍🏻鮮魷大件，蛋漿炸得金黃香脆，咸旦黃有咸香味得黎，我仲食到有少少甜味係中間👍🏻唔會太咸，必食！沙拉蝦球：又係大大粒炸蝦球，酸甜沙拉醬同黃桃，中和到炸物嘅油膩感♥️酸菜魚♥️：點魚時，店員仲介紹左條冇咁多骨嘅魚俾我地🤩啖啖肉👍🏻酸茶魚湯味道濃郁，一夾魚肉+酸菜都吸晒D湯汁精華👍🏻鐘意食魚嘅朋友♥️必點！四川麻辣雞煲：真係麻辣👍🏻岩曬我呢D鐘意食，又唔食得咁辣嘅人🤩做到麻而不辣！食咗第一個就停唔到口，不停追食😂雞肉又大大塊，又鮮又滑，外面仲掛住麻辣汁🤤好好味各位東涌朋友快啲去試下，真心好味👍🏻

今日陪男朋友出車，一場黎到東涌，就睇下有咩好食。發現左呢條路仔入到黎，有幾間室外餐廳（都有室內位）。最後就揀左呢間睇落好地道既海鮮酒家🍲。晚市都都好多人，室外位坐滿八九成，好彩仲有室內位坐，驚室外會太熱。不過見佢室外都有冷氣機同風扇，所以都唔少人坐出面。（啲相食完先影🤣啲人走左幾枱）檯面擺定左紙巾同搓手液，呢點要讚一讚。食海鮮好多時都要直接用手，咁樣真係方便好多😎。🐔 豉油雞雞肉好滑，都幾juicy，整得好入味😋，大推！！🥘 豉汁蒸鱔好耐無食鱔，口痕就嗌左🤣 肉質食落好明顯係新鮮，份量都有八大舊，都係厚肉既😋🍲 西芹腰果肉丁呢個係4碟入面既我的最愛，一上菜已經聞到超香，份量都好多，同埋唔會話偷雞比曬勁多芹菜🤣 肉丁同腰果都有好多😋 淨係食呢碟都超飽，我地最後淨係share一個飯就夠😆🍤 香茅胡椒蝦呢個整法又幾特別，我地都係第一次食。聞落好重胡椒香味，食個陣要妹埋個殼先正😆！一碟有八隻，肉質都好實淨（食蝦最怕食到啲肉梅既蝦）我地兩個人淨係食餸都超飽，但啲餸好送飯，都係叫個飯兩份分。整體黎講都好滿意，食材新鮮又足料，價錢都好合理，好岩一家大細或者朋友聚會黎食～