大頭蝦南風海鮮酒家

營業中

休息中

今晚提前父親節，兩仔爺行出逸東邨，行遠小小，係北大嶼山醫院隔離，有條小路，去了第一間的大頭蝦海鮮酒家，由於很多人坐出面的露天座枱所以坐入餐廳內，但已經差不多滿座，很多熟客都揸車來食，所以要早點去或預約先點了燒腩仔，因為一入門口已經見到廚房前有個檔位是有燒肉燒鵝油雞掛住，燒腩仔燒得皮很脆，皮脆肉嫩，很香口，襯上黃芥末，不油膩，啖啖肉，見到隔離兩枱都點了燒鵝，下次都可以試試黃金茄子，即是咸蛋黃炒茄子，很有鑊氣，粉漿很薄皮，每粒都均勻沾著冒油的蛋黃，茄子不會炒到乾，很好吃，值得推介這款另外點了香煎粟米墨魚餅，墨魚餅彈牙爽口，簡簡單單配上泰式辣醬，已經好好味最後要推介這個酸菜鯇魚，叫了半邊都已經很大條，魚很滑身很厚肉，魚皮很滑很有膠質，另外配菜有芽菜豆卜，建議豆卜留到最後吃，會索了很多酸菜辣味，很野味總括來說，很適合一家人或一班同事朋友吃，露天座位氣氛很熱鬧，每道菜份量都很多，十分抵食

放假入了東涌行山，之後再約埋住東涌的朋友食飯，他帶了我去一間在北大嶼山醫院對面的大頭蝦南風海鮮酒家食晚飯，這間有酒家有多款海鮮及特色小菜供應，而且價錢便宜，比酒樓抵食。香茅胡椒蝦：胡椒蝦用了大頭蝦，走油至蝦殼都脆口，表面淡淡胡椒香味，大頭蝦蝦膏豐富，蝦肉爽彈。蒜香骨：表面灑滿了炸蒜，排骨肉質很腍，全部炸至離骨，有淡淡蒜香。醬爆蒜芯炒煙鴨胸：煙鴨胸油脂經爆炒後滲出，所以肉質帶點焦香，但又不算太油，蒜芯吸收了鴨油香味，十分爽脆。熱辣辣飲返杯降下火。

這間位於東涌逸東邨附近的海鮮餐廳，晚市主打小菜，另外還有炭燒乳豬等特色菜，價錢合理。蝦干蒸勝瓜勝瓜表面舖上了蝦干及蒜蓉，下面以粉絲墊底，勝瓜吸收了蝦干的鮮味及蒜蓉香，蒸至腍身，下面粉絲更集所有精華一起，爽口又鮮味。沙薑雞雞肉嫩滑，皮下脂肪不多，但雞肉味濃郁而且無雪氣味，雞肉有淡淡沙薑香味。黃金四季豆黃金蝦、黃金魷魚就食得多，第一次食黃金四季豆，入口淡淡蛋王香味，而且不算油膩，炸至金黃香脆，中間四季豆爽口。

咁啱去開東涌 同屋企人夜晚喺附近搵咗間類似大排檔嘅餐廳食晚飯🍽個人覺得呢間餐廳好有驚喜~😆星期二晚去到，出邊都坐滿晒人 最後我哋坐咗入邊見到都有唔少附近街坊或者一大班朋友嚟食飯傾偈吹水👨‍👩‍👧‍👧我哋一共食咗四道菜。首先嚟到嘅係滷水拼盤。份量好足夠😳😳有豬耳、紅腸、雞腳、豬手、掌翼、腎等等。滷水十分之入味但係唔會好鹹🤤而且處理得好好同埋都好新鮮！配埋啤酒一流🍺之後就嗌咗半隻四川麻辣雞煲🥰雖然話係半隻，但係份量都好多。雞件唔會全部都係骨，有好多肉。而且食得出隻雞都新鮮！肉質冇雪味之餘仲好滑😋另外，佢嘅配菜好新鮮，比較似住家食嘅雞煲！另外有麻香唔會太辣，啱晒唔係好食得辣嘅我✨但係可能最鍾意食辣嘅朋友會覺得唔夠啦，如果想食辣啲可能就要同佢哋講加辣🌶最好食就係覺得係佢招牌嘅胡椒蝦。係我最推薦嘅菜式呀🤩本身以為都係平時食開嗰啲炒蝦咁樣 點知佢出乎意料地好食😍首先啲蝦好大隻，又夠新鮮‼️完全唔會炒完之後得返好細隻或者霉 另外炒得好乾身好脆🤤最主要係佢個胡椒十分之惹味，好香，夠晒鑊氣。講真，食到停唔到🤭一個人都食咗四隻哈哈最後都嗌返個菜😛叫咗啫啫通菜煲。上到枱熱辣辣，啲菜份量都好多，又唔會老👍🏻👍🏻

坐得舒適嘅小炒王喺東涌想食大排檔，雖然選擇不多，但今次反而非常有驚喜！朋友帶我哋去咗大嶼山醫院隔離嘅大頭蝦，地方非常隱蔽，店內環境熱鬧，侍應服務亦很快，還會推介有乜好食。必點炭燒燒鵝燒鵝皮脆肉嫩，不會過肥，配上自家製酸梅醬，非常開胃蜜汁薯仔牛柳粒配料很多，炒得很有鑊氣，薯仔乾身，十分出色。蜜桃沙拉蝦球 蝦球入味，啖啖肉，西蘭花不會過火喉，份量適中。滷水拼盤豬肚爽口，雞腳鴨腎鴨腳滷得入味，值得一試！上湯浸莧菜，火候控制得剛剛好，翠綠爽口人均消費不到貳佰圓，食到水準鑊氣小炒實在難得！

入咗東涌搵朋友，梗係要食埋晚飯啦，朋友提議到大排檔，原來東涌都有大排檔，仲要風味十足！喺東涌醫院隔離，地點非常隱蔽，入面非常大，有戶外有室內！必點炭燒燒味燒鵝皮脆肉嫩，仲有好香嘅炭燒味，配上自家製酸梅醬，非常解膩！蒜蓉蒸大蝦用上非常大隻的海麻蝦，隻隻爆膏，新鮮爽口，底下的粉絲配上蒜蓉醬和蝦汁，回味無窮！脆皮咕嚕肉，用上無骨腩肉，香脆可口，甜酸度剛好，水準之作。魚香茄子煲，滾住上，魚香味十足，加多個靚仔飽到上心口街坊生意，人均$150左右相當合理，難怪咁隱蔽都座無虛席！

去完愉景灣 Staycation出左去東涌，有個住東涌的朋友話帶我去食平靚正中菜，食左幾餐泰國越南菜就當然好啦😍「大頭蝦南風海鮮酒家」係位於黃泥屋村的地下，村屋外設置了一組大帳蓬，容納了好幾張圓枱，不過我就揀左室內位置，有冷氣而且地方又舒適。雖然大部分係做街坊生意，但店員服務都好細心周到，性價比又高，$400食到好鬼飽👍🏻🔹燒味雙拼 $108「大頭蝦"」平日在帳篷對開的空地會自家燒製燒鵝、燒肉、燒豬等燒味，所以燒味係佢地其中的一大賣點。既然燒味係自家燒製甘正，我就揀左燒腩仔拼叉燒。燒味雙拼份量十足，叉燒係梅頭肉，所以肉質好淋，肥瘦適中、肉質仲非常juicy，加上香濃的蜜汁非常惹味。燒腩仔自家燒，塊皮果然非常脆卜卜，肥瘦適中，入口甘香，送啤酒🍻一流。🔹豉汁蒸鱔 $148豉汁蒸鱔係我最愛菜式之一。份量都算多，鱔片厚薄適中，非常新鮮，鱔片入口爽口又彈牙，配埋豉汁蒸真係非常惹味🤩🔹蜜桃沙拉蝦球 $98賣相已經相當吸引! 蝦球非常多，隻隻都炸到金黃色，大大隻蝦球入口啖啖肉，肉質新鮮彈牙。酸酸甜甜的沙拉醬配埋蜜桃，真係愈食愈開胃🤤🔹豉味虎皮尖椒 $63本身唔係好食得辣，所以從來都未食過虎皮尖椒😅朋

東涌除咗Outlet 之外都有好嘢食㗎！今日去一間係東涌屹立左10幾年嘅酒家～主打特色小食小菜、烤魚雞煲、燒味、炭燒乳豬。係東涌站行10分鐘左右就到【大頭蝦南風海鮮酒家】，地區小店充滿兒時同屋企人食飯嘅感覺🍚，有冷氣房同露天茶座選擇🙌🏻🔥明爐燒鵝 $148當然要試下招牌燒味，同細佬2個人食關係叫咗碟例牌明爐燒鵝試試，皮脆肉滑，內層脂肪比例剛好，脆皮超加分，真係好香！🌶椒絲腐乳炒椰菜 $68一上枱都呆一呆，份量都好多下，炒菜勁有鑊氣！係小店先食到果種味道😉🍍菠蘿生炒骨 $72酸酸甜甜好開胃😍薄薄一層炸粉唔會食到成舊粉，配菜都幾多，發覺每碟餸份量都偏多好抵食👍🏻🍤奶油蝦 $178全晚最驚喜係依碟奶油蝦，辣辣地好惹味，大大隻蝦食到好滿足，有d仲有膏！嚟到一定要試，專登數過有8隻大蝦，2個人夠哂食😋大頭蝦南風海鮮酒家（東涌）地址: 東涌黃泥屋村2號地下

朋友介紹我嚟到東涌嘅大頭蝦南風海鮮酒家，如果唔係有人介紹真係唔會嚟到東涌嘅黃泥屋村，所以今日見得閒就約埋一班朋友嚟到呢度開餐。招牌炭燒乳豬呢個真係極推介👍🏼一嚟到即刻點嘅招牌菜，外脆內軟，不過有幾舊係肥咗少少🤏口水雞點解嚟到呢度都要食口水雞呢？佢哋嘅雞超嫩滑，就算平時唔係好食得辣嘅朋友都同我哋爭住食☺️欖角骨送飯之選，甜甜地最啱送飯。份量好足，四個人食都覺得好多舊😦😦韓式泡菜烤魚加咗豆卜同芋絲喺入面，熟晒個湯底嘅味超正😬係新鮮又爽口嘅鯇魚，不過魚就有啲多骨，同埋湯底啱啱嚟到嘅時候有啲淡，係食到最後慢慢越滾越出味✅總括來講，我覺得呢間餐廳好值得嚟試，如果有揸車嘅朋友更加唔使猶豫，怕熱嘅朋友可以坐室內，但如果想體驗吓風味嘅話，就更加適合坐室外啦！

老板娘態度差,同佢講野完全冇反應,黑口黑面食物：乳豬肥膏多過肉,冇調過味,只靠乳豬醬粉絲什菜煲就係一鍋水浸什菜,粉絲又極少,什麼配料都冇,虾米都冇隻小炒等食物味道可以,但可惜勁係多味精,食後飲足一公升水以上,唯一可取係價錢吾貴,但老實果句真係冇下次

之前去東涌都去食過大頭蝦，食物不過不失，乳豬比較好味啲，今次再去東涌諗唔到食咩，諗住再去食啲小炒，去到時候，見旁邊有串燒食，感覺好似幾好咁，一於試試。叫左炸乳鴿，好味、入味，好香脆燒鷄全翼，甜甜地，皮脆肉嫩麻辣魷魚鬚，好夠辣度，麻脾錫紙金菇菜，香口、蒜味濃燒九菜，好味燒蠔，肥美，口感正現場所見，應該好多熟客，見啲客人同老闆有傾有講，好親切。

晏就2點20分到打過去諗住嗌外賣送富東 一開始諗住問佢某兩個餸有咩分別 佢同我講一樣(笑死，一樣嘅話就唔洗兩個名 而且分開兩個餸啦)之后佢就話3點送到俾我 咁之后我就話咁我自取啦 咁佢又話半個鐘先得 咁我就話咁不如你送過黎啦 因為差個10分鐘 點知佢又話司機收工 叫我自取 咁你一開始就唔好話送到啦咁都算 本身起電話到講180幾 之后諗住行過去自取 佢打黎問我係米黎梗 我話係 佢竟然同我講200幾 問佢點計出黎 佢又話過到黎先計 咁過到黎米姐係焗住我要？ 明明自己9588仲好意思鬧翻人轉頭

沙嗲金菇肥牛煲一坺嘢，炒菜心有獲屎，白飯送頭髮！唔識煮就唔好開舖頭啦！害人！all dishes are shit... never try this restaurant again. Rubbish!!!

午餐碟頭飯試過，平靚正。晚餐同朋友親戚食過x次。真係唔錯。燒豬，滷水，海鮮，炒菜樣樣都OK。今日兩條友嗌左馬勒水煮牛肉，正條魚，勝瓜豆腐魚蛋煲。味味都好得！連埋兩罐汽水，一支水，埋單＄400樓下。

因為懶得去煮翻.所以系大頭蝦叫外賣食.大大份價錢唔貴.只不過要叫夠100蚊先會送.我鐘愛個西炒飯.次次都淨系食佢.啲蝦有好多.夠獲氣.麻婆豆腐飯就唔夠辣.不過都好好食.整體黎講都算唔錯