大頭蝦南風海鮮酒家

營業中

休息中

朋友介紹這間充滿大排檔風味的地道餐館真不錯，餸菜夠鑊氣，菜式多選擇。先來一鍋廣東家常菜胡椒豬肚雞煲，濃郁的胡椒湯驅風散寒，撈起Q彈軟嫩的豬肚，補虛損、健脾胃，加上肉汁豐腴的雞肉，燜煮得入口即化，既滋補又美味，娃娃菜口感嫩滑，入口鮮甜。再來一碟清淡又營養的金銀蛋蒜子浸莧菜，消暑清甜，以收潤燥之效。莧菜乃當令蔬菜，可以清熱利濕，蒜頭爆香鮮甜可口，皮蛋鹹蛋風味特殊，清香四溢。香茅胡椒蝦香脆惹味，香茅炸香胡椒拍碎，用新鮮大蝦煎到蝦身勁脆，剪掉蝦足部份方便食用，保留甘香蝦膏，蝦肉爽口彈牙，讓人大快朵頤。明爐燒鵝色澤油亮，皮脆酥香，充滿地道風味，不僅色、香、味俱全，肥瘦適中，肉質細嫩，蘸點酸梅醬同食，開胃美味。

鑑於疫情，大概已有數年沒有跟朋友到小館一聚的機會，難免不時會心癮起，想相約三五知己一同到小菜館相聚。早些天，剛好有公事需到東涌處理，便順路探訪隱居東涌的朋友，偶然遇上這間真功夫菜館「大頭蝦南風海鮮酒家」。.餐廳位於大型屋村中，被幾幢屋邨大廈包圍，地理位置不是太優越，亦不鄰近任何地鐵站，比較尷尬。餐廳裝潢亦較為平凡普通，普通的混泥土地磚，低調的黑木長椅，給人沉實平凡家庭菜館的第一印象。.一入座見竟然有明爐燒味，立即點了最愛的燒鴨一嚐。喜出望外的是燒鴨賣相討喜，油光閃閃，肉汁豐富，份量非常充足，大概四人份量，不得不提的是出色的熏烤技巧，皮脆入味，皮肉皆沾滿濃郁的煙熏味道，絕對是近期吃過最出色的燒味！.肉吃多了自然有一點膩的感覺，於是叫了一碟馬拉盞炒通菜解膩。老這道菜式較為遜色，馬拉盞的味道不大濃烈，整體口味較淡，幸而通菜新鮮，口感爽身，不過不失。.經過職員推介後，身為肉食獸的同行人再叫了幾款肉食，當中最為推薦的有兩款，雞煲和黑椒牛柳粒炒薯仔。.於連鎖餐廳相較下雞煲價錢較為親民，用了兩至三款不同的辣椒調味，味道嗆口而強烈，四川風香料調味味道十足，雞肉肉質鮮嫩，用此雞煲汁拌飯風味十足！另外強烈

成日以為東涌美食沙漠 估唔到原來依邊都有大排檔美食朋友帶路下黎咗逸東村對面嘅依間餐廳入口都有點隱蔽 唔係朋友帶路都真係未必搵到呀我地係平日晚市黎到 都幾旺場 相信食物有一定質素招牌叉燒 肥瘦正常唔係好重蜜汁嘅叉燒另外有酸梅醬自行點 適合唔同口味嘅人金銀蛋時蔬無落味精清清淡淡 感覺健康咸蛋黃香濃胡椒豬肚雞煲湯底濃郁惹味 配有大量菇類 飲落鮮甜雞肉肉質鮮美 整體幾滿意 特別係湯底加粉當日雖然係平日但都好熱鬧如果多人去可能要留枱比較好餐廳內仲有兩隻可愛狗狗相伴整體而言餐廳質素不俗住附近嘅朋友可以試試

終於去到東涌嘅一個角落，如果唔係揸車去真係有啲遠，係一間坐得好舒服嘅大排檔，我就約咗幾個朋友仔一齊去飲啤酒chill返兩啖，大排檔嚟講呢間都算大，有冷氣位，亦都有戶外位啲海鮮好新鮮，蜆冇沙嘅，個冬陰功汁都好正，好有鑊氣。啲菜亦都好新鮮，我仲嗌咗粉絲雜菜煲同埋金銀蛋浸菜，好甜好好味。雞煲好惹味，辣到適中，唔會太鹹，係普通人都接受到嘅辣度，就算我唔係好食得辣都覺得好正，雞都好大件，好有鮮味，以後會再去食。蜆蚧鯪魚球好香口，強烈推薦大家嗌，好脆，又唔會太油膩！

💛 東涌隱世美食 ·大頭蝦南風海鮮酒家#隱世小店 #東涌 #大頭蝦南風海鮮酒家呢間餐廳係朋友介紹我去食🤣小妹夜晚八點幾入去食嗰陣，已經坐滿左人。本身想叫燒腩仔🥲但係嗰陣已經賣曬 聽朋友講佢啲燒味好出色🤫📋小妺今次就叫咗一個 ［ 巴蜀川味烤魚-原條鉗魚］+［ 半隻沙薑雞］+［蝦醬炒通菜］💁🏻‍♀️可以揀咗室外或者室內，咁第大熱天就梗係揀咗坐入邊🤣佢冷氣開到好足唔使驚熱🙈🔅 巴蜀川味烤魚-原條鉗魚 揀咗鉗魚係因為鉗魚本身冇咁多骨，肉又厚身啲，又唔係好鞋💕佢攞個烤魚上嚟嗰陣魚，是方型淺底嘅盤。開住個火爐，魚湯開始慢慢煮滾，散發出麻香辣嘅味道，真係令人垂涎三尺！加咗好多唔同辣椒，泡椒，花椒，八角等🤤令魚唔會好腥。除左魚之外，重加左大量洋葱、芽菜同一啲豆卜可以吃。豆卜浸落啲湯到好入味🤩吸滿晒啲湯汁 好正🔅 沙薑雞 皮滑肉嫩 好多汁 無肥膏 雞肉好入味 （強烈推介）🔅 蝦醬炒通菜 炒得好有鑊氣 通菜食落去仲好爽口💘 有BB櫈提供 ⚠️大排檔餐廳格局 但室內應該重新裝修過 好乾淨 位置闊落💰 巴蜀川味烤魚($258)+半隻沙薑雞($118)+蝦醬炒通菜($68) 合供444元 人均消費大約 12

今日去完迪士尼，就諗住出去東涌睇吓附近有咩食，最後去左東涌嘅大頭蝦南風海鮮酒家😍 咁我哋一行三個人🥹都點仲有幾多餸既～ 首先係一個薑蔥豬肉煲～ 佢裏面超多材料，有豬腩肉，豬皮，豬大腸等等！但因為我唔太食內臟～主要都係屋企人食！佢哋話好好食呀，好夠鑊氣！ 之後我點左我最鍾意食嘅沙薑雞，佢哋嘅雞好入味，雞肉好嫩滑😉😉鍾意食海鮮嘅我又點左一個冬陰公味嘅蜆😍😍真係好好食 好入味 蜆肉都好大粒😝 但我最想介紹俾大家嘅係一碟我哋好少見到嘅菜式～ 鹹蛋黃炸茄子🍆，真係炸得剛剛好超好食😋佢地既紅燒豆腐同炒通菜都好出色！ 下次再去迪士尼都要encore 大頭蝦❤️

大頭蝦南風海鮮酒家 (東涌)東涌黃泥屋村2號地下1⃣️避風塘粟米 $68一上枱賣相都十分吸引，避風塘陣味撲鼻而來，味道又香又爽又甜鑊氣十足！可以將簡單嘅粟米演變成惹味嘅一個小食確實不錯😋😋2️⃣奶油蝦$178奶油又香又creamy，唔單止每個蝦身都入味，每個蝦殼更沾滿濃郁的奶油，蝦嘅肉身緊緻吸收晒奶油嘅精華😍真係幾好味😋3️⃣明爐燒鵝例牌$148燒鵝係呢間大排檔嘅主打，燒鵝嘅油脂分布平均，塊皮燒到又香又脆，例牌上庄肉質厚身，下庄係脾肉質嫩滑。4️⃣牛肉炒通菜$78腐乳炒通菜係一道家常小菜，平時食開多數是蒜蓉腐乳炒，配上牛肉更豐富成道菜。牛肉肉質爽身沾上腐乳汁又有牛味和鹹味。🚇港鐵東涌站A出口，步行約12分鐘；逸東邨居逸樓對面☎️2988 1770

大頭蝦南風海鮮酒家呢間大牌檔有啲隱秘，位於東涌-逸東邨附近，唔係朋友介紹都認識唔到呢間咁出色既大牌檔。首先一去到門口就見到有好多燈飾同植物盤栽✨，仲有隻好精神既狗狗同你打招呼😆，然後店員就安排坐位比我地，有室內同室外都可以坐。 落單後好快就上左第一樣菜係燒味雙拼，我地叫左叉燒同燒肉味道唔錯，而且份量十足！到第二樣菜係雞煲，辣勁十足對於鐘意食辣既我地真係合適不過，加上d雞皮嫩肉滑, 真係食到舔舔脷🙋🏻‍♀️🙋🏻‍♀️第三樣菜係冬蔭功浸蜆，蜆肉鮮甜配埋冬蔭功酸酸辣辣既味道，絕配啊最後第四樣係肉碎唐生菜煲，同行友人同我地都係第一次見用煲仔既形式黎處理蔬菜，估唔到唐生菜煮到十分爽口，一D都唔會煮過頭最後覺得所有小菜都好適合送啤酒，同朋友聚會既話呢間大牌檔真係一個十分 合適既選擇😆。下次有機會再黎，一定會叫燒魚😍

呢間近大嶼山醫院嘅大頭蝦南風海鮮酒家就係我最近食完俾五粒星嘅海鮮酒家。門口露天坐咗好多圍，感覺有啲大排擋feel，而怕熱嘅，原來入面仲有冷氣嘅室內位置。全餐飯我最中意嘅係原條酸菜魚，用料足，上枱時仲不斷冒煙，滾下滾下。份量都算多，魚肉新鮮，配料嘅豆卜亦索滿酸菜湯汁。外面食酸菜魚都比較貴，估唔到呢到嘅價錢都可以食到咁高質嘅酸菜魚👍👍👍👍👍而酥炸茄子口感幾有趣，外層沾滿脆漿，入面就係軟淋淋的茄子肉，外脆內軟。至於即叫即整嘅生炒骨，新鮮熱辣上枱，同樣外層香脆，甜酸汁恰到好處，而青椒和菠蘿份量同生炒骨份量相若，有時食完舊生炒骨，食返舊青椒和菠蘿感覺都清新啲🙈🙈😂。而後來聽到附近街坊話呢度燒味唔錯，即刻嗌返個燒味雙拼試下先！叉燒半肥瘦，脂肪比例均勻。而燒鴨居然俾大大隻鴨脾我，啖啖肉又好食。燒味水準果然高，街坊真係冇介紹錯！金銀蛋莧菜好濃味，具鹹香。但唯一挑剔嘅位係啲菜有少許沙，食起上嚟嘅感覺唔太好。最後一道就係好開胃嘅冬陰功浸蜆，冬陰功酸味好夠，我中意正宗嘅冬陰功，就係個湯清清地又夠酸味。蜆肉冇沙係扺讚，而且隻都好大隻又開哂唔，配上索滿湯汁的粉絲，真係幾正！！！全餐飯都食得好滿足～無論食物定係環

同家人去東涌玩，夜晚去咗食一間勁有風味嘅海鮮酒家，就係呢間近大嶼山醫院嘅大頭蝦南風海鮮酒家～環境寬闊，入面仲有冷氣廂房～😘首先上枱嘅係燒味拼盤，有肥瘦勻稱嘅蜜汁叉燒，脂肪比例平均。而燒鴨居然仲有全隻髀，大大隻。燒味水準拍得住街外燒味舖，估唔到喺呢度都有美味燒味食！而酸菜魚上枱時熱辣辣，仲不斷冒煙。一呷一口湯，酸菜的香味和魚肉的鮮味都已經湧出來。而酸菜魚愈滾愈出味，去到中段已經好濃郁。而魚肉十分新鮮，肉質彈牙。至於冬陰功浸蜆，冬陰功酸度十足，好開胃，撈白飯食都應該幾正。蜆肉份量合理，而且隻隻都大大隻冇沙，配上一大堆配料，包括索滿湯汁精華的冬菇，粉絲等。另外有一道酥炸茄子幾得意，表面脆卜卜，入面就係熱乎乎又軟身的茄子肉。全餐飯入面我最中意就係呢道餸。至於金銀蛋莧菜份量都合理，蛋花平均唔會一舊舊，不過略嫌莧菜有少許沙，影響口感。最後就係生炒骨，新鮮熱辣即叫即整果然好食，外層酸甜香脆，入面肉質嫩滑，配料的青椒和菠蘿恰到好處。如果唔係咁啱入開東涌，都未必發掘到呢間隱世菜館🙈🙈🙈💓💓💓好食！！

今晚同同事去左與世隔絕 鳥語花香嘅風味大排檔食晚餐😋 位於東涌嘅「大頭蝦南風海鮮酒家」😊南風小炒王$98好有特色 同 風味，夠晒鑊氣！啲韭菜花非常嫩😋蜜椒薯仔牛柳粒$98薯仔外脆內軟，仲有蜜糖嘅甜味，非常好味！啲牛柳粒大粒之餘仲非常鬆軟，識落好好似入口即溶咁！😂重慶香辣雞煲(半隻) $198有少少辣味，引起食慾🤤雖然係半隻雞，但份量都唔少！☺️滷水拼盤（例牌） $118有好多款式嘅滷味，例如有鴨舌、鴨腳、雞腳等等……送酒認真一流！🍻

難得入到東涌梗係要搵啲特別嘢食，係OpenRice見到呢間大頭蝦酒樓，非常之旺，好多人食！我哋兩個人叫咗半隻薑蔥霸王雞，個汁好入味，同埋啲雞好滑，配飯一流。仲叫咗一個黑椒茄子牛仔骨煲，啲牛仔骨冇筋，黑椒調味啱啱好，仲有茄子可以中和下，不錯！蔬菜方面叫咗韭菜花炒鹹肉，好少食韭菜花，配鹹肉都幾岩，重點係好有鑊氣。最後叫咗個蘿蔔炆鱔，蘿蔔好鮮甜，好入味，推薦個鱔，食落啖啖肉，配飯好正。最後梗係唔少得叫啤酒，兩個人食四個餸岩岩好，下次會再叫多啲朋友嚟試多啲餸！

2022年8月3日 雨今日收工山長水遠入左東涌同朋友食飯, 餐廳係大排檔, 好有風味燒味雙拼 $108有切雞, 油雞, 燒鴨, 紅腸燒鴨皮下唔會有好大層油, 而且冇膻味。而雞都好滑, 唔錯胡椒豬肚雞$318(1隻） $198(半隻）豬肚好淋，入面仲有d 娃娃菜同菇菇索曬d 胡椒味，竟然幾夾椒鹽魷魚 $88食落好重椒鹽味, 確係重口味之選, 而炸出黎都算乾身, 食落好香口椒鹽鴨舌 $88有點避風塘風味，鴨舌好香脆惹味，送酒一流豆豉鯪魚炒時菜 $68入面竟然有菇😳真係估佢唔到油麥菜幾解膩，濃味得黎又清清地咁，幾好食啫啫通菜煲超惹味，要送飯食

今晚唔係朋友介紹，都唔會嚟到東涌咁遠食飯。呢間東風大頭蝦海鮮酒家唔單只係唔近東涌地鐵站，仲要去到逸東邨附近，令我好好奇究竟有咩咁吸引我朋友一定要帶我來。第一道菜係燒鵝，熱辣辣同埋外皮燒得好脆，好食但略嫌有啲唔夠肥。第二道菜係霸王雞，上面有好多蔥同芫荽，辣豉油墊底，但唔算辣，可以接受。第三道菜係黃金蝦，一嚟到嘅時候係熱到擺唔到入口嘅，真係新鮮炸，非常好食。不過沾滿左蛋黃嘅外殼唔可以食埋就有啲可惜。第四同第五道菜分別係炒虎皮尖椒同肉碎唐生菜，尖椒係以豉椒炒，個人比較鍾意唐生菜，因為上面有啲辣椒絲，同埋有啲肉碎，食落冇咁單調。而第六個菜就係鹹魚煎肉餅，雖然係餐牌上呢個係小食，但味道其實都屬於大份，鹹魚好入味，肉餅蒸得乾身但入面鎖住肉汁，送飯一流。今晚嘅小菜都好適合送走，所以就同朋友小酌幾杯。同朋友聚會嘅話都會再嚟呢度，不過就一定會選擇揸車！

今日食嘜好，成日都在大城市，今次去左比較地道既東涌大頭蝦南風海鮮酒家，試試當地既風味先！呢間餐廳地點也不是很遠，搭巴士東涌消防局下車都是行5一10分鐘便到了，地鐵站也是15分鐘。到了後真是眼見幾有特色的大排檔，門外有植物和燈飾，一家大細食飯聚一聚很悠閒。坐下可以簡坐外圍大排檔沒有冷氣，和內裡有冷氣的，三五知己啤一啤都不錯的好地方。坐下後我選了幾款特色小菜，有脆皮乳豬，外脆內軟，入口鬆化的，很滋味啊！再來一個小炒皇，有大蝦，帶子，魷魚，腰果等配菜，很足料和有風味啊！之後也叫了一款招牌菜，麻辣雞煲，雞件新鮮易入口汁醬剛好，想吃完再吃啊心，也不會感到太辣！最後還叫了一款蔬菜，就是欖角肉碎四季豆，新鮮的菜蔬實在少不了。綜合來說吃完後飽飽很滿足，環境很有風味，菜式新鮮多元化，吃完會再來呢，開心的一天又過了。