大頭蝦南風海鮮酒家

營業中

休息中

其實我好鍾意食充滿香港風味嘅大排檔今日就去左東涌村屋食久違的大排檔‼️呢度嘅食物質素好掂夠鑊氣之餘又唔會好多油普遍嘅大排檔每碟餸面頭都會有一層厚厚嘅油‼️但呢度完全冇呢個情況～～「沙薑雞」沙薑味同咸味好ʙᴀʟᴀɴᴄᴇ，十分惹味「黑椒薯仔牛柳粒」呢道菜真係大排檔之王相信好多人食小炒都必叫的，我就覺得薯仔先係重點🥔先炸後炒嘅薯仔外脆內軟，再配上黑椒味，真係難以抗拒黑椒配牛柳粒簡直冇得輸‼️連嘅洋蔥、青椒都勁好食沙拉骨豬肋條好香，沙拉均勻地佈滿每一條豬肋條豆豉鯪魚炒油麥菜係其他餐廳食呢道菜，都一定會偏咸，同埋比較油膩！但呢碟用油岩岩好，唔會油冧冧味道亦剛剛好❤️大排檔俾人嘅感覺一啲都唔拘謹，想大聲講嘢又得❤

呢日去咗東涌探朋友，跟佢去左一間佢屋企附近嘅大排檔，佢話呢間舖頭都開咗10幾年，佢由細食到大！入面有室內嘅位亦都有室內嘅位，因為嗰日好熱，我哋就揀咗坐室內～ 天氣太熱唔想食太多濃味嘢所以食嘅嘢都比較清淡，除咗試咗佢好出名嘅雞煲之外！我哋四個人叫咗五個餸，都叫幾飽！👉🏻粉絲雜菜煲 $68呢個好驚喜！啲菜全部都好新鮮，個湯好夠熱，粉絲索味，加上有啲蝦乾、八爪魚、雜菇吊味，勁鮮甜！最後我哋連個湯都飲埋😋👉🏻冬陰公浸蜆 $88個冬陰功好有椰汁香👍🏻 酸meimei咁好開胃，同個蜆好夾，第一次食呢個食法！👉🏻香辣雞煲半隻 $198雞煲係呢度嘅招牌菜，幾好食！算係top tier嘅雞煲👍🏻🤣👉🏻蜆蚧鯪魚球 $78一見到就知一定要嗌！真係唔係度度都有！鯪魚球外脆內軟，配埋個蜆蚧，唔腥，充滿鮮味，正👍🏻👉🏻金銀蛋莧菜 $68因為我哋鍾意食菜所以又嗌多咗個菜，啲菜照舊都係好新鮮！味精唔多，食到媽媽嘅味道！🤣四個女仔食到飽都係$500左右，都幾抵食，如果有機會再入嚟東涌應該都會試😋

⭐東涌黃泥屋村2號地下⭐今日去左東涌outlet血拼一下, 見難得入到東涌就係到食埋晚餐先出去啦曾經有朋友介紹過東涌個邊都有d好有鑊氣小炒就聽我朋友講 揀左呢間大頭蝦南風海鮮餐廳試下啦我地2個人叫左辣雞煲(半隻), 燒味拼盤, XO醬炒蝦仁, 飽到不得了燒味拼盤(有叉燒拼燒腩仔)叉燒大大塊, 半肥瘦叉燒燒腩仔墊底, 烘得層皮好脆, 小小咸咁辣雞煲(半隻)雞件多, 而且好入味, 好辣有洋蔥,芫莤,大蔥,花椒八角勁多條辣椒, 同埋辣椒油做底,配料既香味令雞更加好食, 同埋愈煮會愈辣XO醬炒蝦仁蝦仁大大隻, 數量都唔少, 一上枱已經好香XO醬味加上西芹新鮮爽脆, 唔錯!雖然唔太近市中心但員工NICE, 野食好,下次會再黎!

嘩嘩嘩 疫情之後少咗好多出去食飯 今次機緣巧合之下竟然比我試到間 認真有鑊氣嘅大排檔～ 真係要花啲時間寫個食評介紹吓😋呢間大排檔位於 📍東涌黃泥屋村2號地下佢雖然唔係開喺啲大街大行嘅位置 但係都絕對值得大家 當係一個小旅行咁尼探索下 佢哋嘅奶油蝦 絕對一試難忘😍 我對奶油蝦嘅印象 停留咗喺沙巴嘅某間海鮮餐廳 因為當時食過真係太好食嘅緣故我以為如果唔去沙巴一定唔會識到超越到佢嘅奶油蝦 點知竟然俾我係香港遇到 我實在太感動啦😆！ 唔講咁多快啲睇圖haha 佢哋嘅奶油蝦係全隻炸脆咗 連個殼都好香口 可以食得！ 加上除咗個頭佢全身都有蝦膏🥹 配上小辣極重奶油香嘅奶油醬 食完第一啖我已經心花怒放🤣🥰 真係好滿足呀！另外佢哋嘅小炒王都好值得推介 夠鑊氣 香口十足之餘 仲好足料 蝦仁 蝦乾 帶子 菇 樣樣齊 韭菜仲要好新鮮 咬落又脆又多汁😋另外值得一讚係 佢哋小菜ge性價比好高! 睇圖都見到每碟菜份量都好大 然而價錢都係$78-$100左右 好岩朋友敘舊坐低傾偈尼食😆

今日難得早收工，同朋友敘舊，喺東涌站搭巴士早咗一個站落車，當散下步，順便係附近搵吓有咩食，行行吓見到喺山附近有幾間舖頭，有食pizza、有食大排檔朋友話近排熱氣，所以想食下啲小菜，我哋就揀咗隔離呢間大排檔啦見有位可以坐，就同朋友入去試吓原來係食大排檔嘅小菜見佢有個例牌拼盤，好似幾正我哋叫咗一碟滷水拼盤試下有滷水鴨、腸、豬腳、鴨腎等，煙煙韌韌，味道岩岩好第一次食香煎墨魚餅，啱啱煎完好正，味道幾香個人鍾意佢啲醬料，好入味👍🏻咁多碟之中最鍾意呢個金銀蛋時菜，啲菜煮到啱啱好，配搭埋金銀蛋煮出嚟嘅菜汁，食落好似家常小菜咁，好味道👍🏻

係東涌有一間隱世美食係北大嶼山醫院隔離--大頭蝦南風海鮮酒家菜式主打即叫即燒炭燒乳豬, 燒味, 炒小菜, 烤魚, 雞煲等去到門口店員熱情招呼, 店舖仲好細心每張枱下都有擺放蚊香驅蚊☺️☺️仲有得睇師傅即場燒乳豬, 果然係招牌菜, 色香味俱全, 一上枱已經聞到好香碳燒味, 層皮咬落脆卜卜, 肉同脂肪比例岩岩好, 唔會得好小肉, 而係啖啖肉, 食落仲有油香味, 真係好正!!👍🏻👍🏻奶油蝦; 好驚喜既一道菜, 整得好入味, 亦食到蝦既鮮味, 奶油好香, 連殼放入口脆卜卜, 蝦又大隻, 又新鮮爽甜😋😋燒鴨又係即燒既, 所以係脆皮, 有燒鴨脾, 好開心~ 肉嫰多汁😍😍巴蜀川味烤鯇魚; 半條細邊已經好大條! 肉厚鮮嫰, 而且好多料, 底部有闊薯粉, 份量十足!好驚喜, 食材新鮮, 會再黎!!

我地2個都唔算太肚餓，叫左1碟例牌 $98 燒腩仔做頭盤，餐廳叫得海鮮餐廳就當然試一試海鮮啦。主食有 酸菜烤魚， (鯇魚細邊) $168，同埋冬蔭公浸蜆 $88。燒腩仔一落枱真係冇諗過咁大碟，$98 但有咁多真係好抵食。燒肉肥瘦適中，個皮真係卜卜脆，好香口，送飯一流呀。隔左一陣就見員工搬左個大型長型烤魚盤過黎，下面仲係gas 爐熱住佢，除左有鮮甜多肉既鯇魚之外，仲另有芽菜& 豆卜係低下，索哂湯底汁，好好食。不過要小心少少嘅係，鯇魚因為骨比較多，但係大而長，所以都ok既。仲有個冬蔭公浸蜆都好出色，蜆洗得好乾淨，完全冇沙，都唔係D得個殼而冇蜆肉既蜆，粒粒蜆都會有大大粒蜆肉，好正架！冬蔭公湯底都好正宗，酸辣適中！希望下次可以試埋其他菜式啦!🔥

搬咗嚟東涌之後都想周圍搵吓有啲咩夠風味的餐廳。今次就去咗屋企附近既大頭蝦南風海鮮酒家。叫左個例牌燒鵝，簡直係喜出望外。估唔到個燒鵝皮甘脆，燒得好有光澤，肉汁好多。丫囡爭住食肥厚又嫩滑的燒鵝髀😂 。加個米粉簡直一流。仲叫左個香煎墨魚餅。呢個大人同小朋友都好啱食。墨魚餅熱辣辣整好，彈牙爽口，食到停唔到口呀!兩個人食咗呢度都已經夠飽，不過慣咗每一餐都會食個菜，叫返個蒜蓉炒菜心。菜心好甜又大條，好新鮮。總括嚟講燒味質素幾好，小菜即叫即整，夠晒新鮮熱辣辣。下次想等埋爸爸嚟一齊叫啲海鮮食。

🦐 #東涌 #大頭蝦海鮮酒家今日同朋友去咗東涌行山，之後去到東涌至逸東邨之間嘅黃泥屋村食嘢😋 朋友熟路，介紹呢度嘅餐廳，位置寬躺又舒服，食嘅嘢都好有風味又抵食😝🐠 酸菜味烤魚魚可以揀鉗魚、桂花、生魚、盤龍鱔，豐儉由人😆 酸菜魚有少少辣，有啲花椒、八角、辣椒，啲酸菜煲得越耐會越辣😆 鍾意食辣可以留返最後食！ 魚就唔會太辣，啲魚肉好多好滑，又唔痴骨，成條大魚骨勁易起，食魚肉食得好爽！😆🦆 明爐燒鵝燒鵝真係招牌必食！一上枱已經超級香，例牌都勁大碟🤤 肉質好，夠香甜，仲係熱辣辣嘅，而且仲配好味嘅甜酸醬😋🍤 香茅胡椒蝦又係一上枱就勁香！超夠穫氣！啲蝦炸到表皮好酥脆，鍾意可以啜埋個皮🤤 裏面蝦肉超大隻！好香又嫩😋 推！🍍 菠蘿生炒骨啲肉超級多，好足料好夠份量，而且皮薄肉厚🤤 甜甜酸酸好好味😋 再加上洋蔥、紅椒、青椒、菠蘿，色彩鮮艷又營養豐富😙

好耐冇同男朋友食晚飯😋見到東涌村屋個頭呢間海鮮酒家🤔今日係附近收工就過黎食啦😆天氣好熱🥵但係東涌地鐵站搭巴士到北大嶼山醫院落🏥行五分鐘內就到！餐廳地方大😌有露天同室內冷氣位😉兩人或一大班人聚會都幾適合👍🏻見天氣好就坐露天位 感覺氣氛唔錯🌞炭燒燒鵝🦢即叫即斬🪓香氣十足👃🏻鵝肉嫩滑 配埋自家製酸梅醬🤤都幾開胃㗎！食多幾塊見到下面仲有花生喺底🥜花生夠淋夠晒入味！韮菜花炒鹹肉🌾燒腩肉本身夠哂鹹香😋炒埋一碟為韮菜花調味！令菜入面有埋鹹肉味☺️令到成碟菜都好好食！豆豉鯪魚炒油麥菜🌱小炒大排檔必叫菜式👍🏻上菜好大碟 超足料！果然師傅炒得有鑊氣📡菜新鮮又唔會老😋加埋豆豉鯪魚一齊食😳成件事健康得黎又邪惡😈椒鹽鮮魷🦑炸野最緊要炸得夠乾身夠脆🤔哩度就做到炸衣酥脆可口😋入面魷魚大隻又夠鮮味！最鐘意入面放咗大量炸蒜😆配埋一齊食夠哂滋味！巴蜀川式烤魚🐟呢嗰餐廳招牌菜係我最推薦菜式！兩個人叫咗半條鯇魚🐟送到嚟分量十足果然冇呃秤🤣個爐一撻着啲香辣味即刻飄出嚟😌入面勁重料放咗唔同辣椒🌶蕃茄湯汁濃🍅所以魚肉麻香同椒辛好出😋豆卜同芽菜都入晒味！一邊啖啖魚肉🤤一邊飲野解辣🍺食到出汗頭皮痕癢 但係超過癮😆總括黎講 每碟菜份量好足

今日約住逸東邨嘅朋友食飯，平時都係佢哋就我哋出九龍食，今日我哋一於入去東涌搵佢食飯。佢提議左我哋嚟炒餸食飯，一入到去見到師公原隻乳豬燒緊，第一感覺都覺得呢間餐廳應該幾誠意，但由於朋友唔係好食燒豬，所以我哋就冇叫到。夏日熱辣辣，一坐低梗係要嗌返枝啤酒gur一gur, 值得一讚嘅係呢度嘅啤酒真係超級冰凍，夏天過嚟飲番杯，炒個餸食個飯真係一流。一嚟到我哋嗌咗隻燒鵝例牌，一上枱見到隻燒鵝就知有板有眼，皮脆肉嫩得嚟，又唔會好似一般燒鵝好多肥膏，肥瘦啱啱好，燒鵝皮又脆，值得一試。另外因為我好鍾意食雞，所以叫咗半隻霸王雞，一嚟到都見到份量十足，雞肉食得出有雞味，唔會好似啲雪藏雞食到一陣雪味，雞整體上都好食。飲得啤酒，梗係要食啲餸酒小菜，黃金蝦就唔話得。好重鹹蛋嘅香味，蝦殼炸到到脆卜卜，我自己就連殼一齊食埋，黃金蝦大大隻，肉質又夠爽脆，呢個下次嚟一定係必點！另外仲有一個鹹魚煎肉餅，一攞上嚟熱辣辣出晒煙，煎到好香脆，每一啖肉餅都食到又咸又香嘅肉餅味，肉質又彈牙，食得出唔會落咗好多份，又係送酒一流嘅小菜。食咗咁多肉，梗係要炒番兩個青菜。朋友好鍾意食尖椒，所以嗌咗個豉椒虎皮尖椒，我自己就唔係話好鍾意食尖椒，

東涌呢間海鮮酒家環境唔錯，店面好似大排檔，去到店舖大概7點，已經好多人坐滿哂店面💕💕由於我地一家四口去食，店家安排我地坐店舖入面，有冷氣又坐得更舒服。嘢食方面都唔錯，試咗幾款店舖招牌菜。首先係有燒味拼盤，有乳豬同埋叉燒，乳豬皮脆卜卜，而叉燒則肥瘦勻稱，食落口就啖啖肉。跟住上枱嘅係冬陰功浸蜆。冬陰功味道偏酸，唔算好辣，幾開胃，而且份量都好足夠，蜆肉好多。菠蘿生炒骨和薑蔥魚雲煲同時上菜。菠蘿生炒骨酸甜可口，令人食指大動，表層香脆，肉質細嫩。魚雲煲熱辣辣，一上枱仲出煙，調味唔算重，簡單嘅薑蔥味反而食得到魚雲鮮味。奶油蝦一共八隻大蝦，醬汁一流，一咬仲爆哂蝦膏，不知不覺就食哂。而值得一讚係雞煲辣度好夠，雞肉嫩滑，雞煲醬汁十分惹味，絕對可以一戰！總括而言，我幾鍾意呢間店舖嘅氣氛同埋嘢食，比較經濟嘅價錢就可以食得好飽，仲可以舒舒服服同屋企人傾計和聚會😘正～✨🥳

夜遊東涌，卻發現美食。極力推薦大頭蝦南風海鮮酒家，地點近逸東村及北大嶼山醫院，交通尚算方便。環境尚算寬敞，充滿有大排檔風味，仲有戶外及室內冷氣區選擇。而食物方面種類也有很多，基本上小菜、烤魚、雞煲等都一應俱全。試咗燒味雙拼，選擇咗平日少食嘅乳豬同埋大路嘢叉燒，乳豬外皮香脆，脂肪比例平均。叉燒肥瘦勻稱，啖啖肉，食完都唔會好大罪惡感。而我最喜歡的菜式是奶油蝦，蝦膏豐富，咬落整隻蝦極脆口，表面淋上濃郁的奶油汁，極之惹味。而雞煲水準亦很高，可媲美坊間專賣雞煲嘅店舖，夠辣夠惹味，雞肉唔鞋口，價錢亦十分合理。另一道冬陰功浸蜆湯汁酸味十足，夠哂開胃，撈白飯食都應該幾正，夠開胃。蜆肉份量合理，配上一大堆配料，包括索滿湯汁精華嘅豆腐卜、本身甜美多汁嘅蕃茄等。菠蘿生炒骨和薑蔥魚雲煲同時上菜。菠蘿生炒骨外層香脆，肉質嫩滑，酸酸甜甜又可以送多碗飯。魚雲煲一上枱仲“卟卟”聲，夠哂新鮮滾熱辣，魚雲好新鮮，調味唔算濃，但我地幾欣賞，因為咁先食到海鮮的原味道。今次得4個女人仔，好多餸菜都冇嗌，下次入開東涌，都可以試下其他菜式😘

朋友搬入東涌，極力推薦大頭蝦南風海鮮酒家，地點近逸東村及醫院, 在村屋地下.環境尚算寬敞,充滿有大排檔風味,不過都有戶外及或冷氣區選擇。香茅胡椒蝦：名副其實大頭蝦，蝦膏豐富，咬落整隻蝦極脆口，表面灑上碎胡椒粒極之惹味。蒜蓉粉絲蒸元貝:一客有四隻，放低已聞到蒜蓉香味，元貝新鮮爽口，送飯一流。不過都係中意粉絲多啲,哈哈！京蔥芥末牛柳粒：京蔥惹味，芥末刺激味蕾，再加上微辣嘅牛柳粒，絕對係啤一啤嘅好菜式。 整體食物即叫即炒有鑊氣，平日都見到有八成滿座，甚鉅街坊支持。

今日同朋友係屯門打完波，諗住揾處地方食飯傾吓計。朋友建議不如入東涌佢屋企附近食。有咗條新隧道， 20分鐘就到東涌，真係好方便。朋友帶路去一間地道小菜館，佢話都有10幾年，不過覺得有啲難搵。佢叫我認住個大頭蝦橫額同個open嘅燒臘。我哋5:30到，應該太早所以未有其他人入座，啲位都好闊坐得好舒服，傾計真係幾好。做完運動肚餓，就叫咗幾個餸。上咗個黃金鮮魷，新鮮炸好，好脆，啲脆粉吾厚，好有鹹蛋味，好食。欖菜四季豆，差唔多去親小菜館都一定叫，好惹味，唔太鹹。最後上咗個胡椒雞堡，個湯好好飲，因為我自己鍾意胡椒味，啲雞都好食。夥計好好，見D風吹到嗰火，加咗個擋風格。兩個人食唔到太多，一路食一路吹水。依一餐吾貴，下次多D人嚟可以試吓佢啲其他小菜。