天府人家

營業中

休息中

經過灣仔就去食下天府人家。離開地鐵站大概行5分鐘，搭lift上到去就見餐廳。平時食開酸菜魚🐟，由於男朋友不食魚，所以今次就試咗 廚師推介 嘅 - 霸王鮮牛肉。真心好食嘅霸王鮮牛肉🐂牛肉係彈口，有質感，唔同平時茶餐廳嗰啲沙嗲牛肉，林晒，一pat pat咁。 個鍋仲有金菇，粉絲，綠色的我估係冬筍絲，因為爽口的唔似冬瓜絲。仲有埋紅辣椒🌶️，青椒🫑，花椒。如果喜歡食麻的朋友，可以咬一粒花椒，等個口充滿花椒的麻香味，別有一番風味！之後再點左一個娃娃菜，娃娃菜夠甜，份量好多，個湯可以飲埋解辣。點左一罐$20的王老吉，同$20的椰青水。雖然知道好貴，不過為咗解辣，點都要嗌定兩罐凍飲做後備。兩個人食共$398 = 每人大概$200總結：夠麻，夠香，嘢食質素好！環境坐得舒適，冷氣夠大，你唔會一路食一路揼晒汗，尤其食辣野。缺點： 嘢飲偏貴，為求經濟的朋友，可以飲茶，因為茶介 🍵都要$20。

朋友話想食夠辣嘅地道川菜，之前已經黎食過一次，絕對值得再試，所以今日就毫不猶豫帶左勁食得辣既朋友黎試下。兩個人叫左個2人餐，份量唔小，每道菜都大大碟，乾淨企理又好食，最緊要係夠曬辣！食到我朋友讚不絕口，唔食得太辣既朋友可以要求小辣，都一樣咁正。有小朋友既家庭，佢都有一d唔辣既小菜，有個鐵板和牛粒都係一絕！食完主菜，可以叫埋甜品，有個涼粉必試，另外個酒釀丸子都係唔可以漏左佢既！朋友食完都話可以再encore！

晏晝喺灣仔搵食真係好難朋友介紹咗一間坐得舒服嘅川菜俾我哋，如果多人食仲可以早少少book位，咁就唔怕摸門釘環境清幽，又坐得舒服，好啱一班同事一齊食飯吹水<酸菜魚粉條$78>午市套餐平均80幾蚊個，今日想食啲酸辣野所以叫咗個酸菜魚粉條前菜係一個辣辣地嘅花生，外層脆辣，keep到花生嘅香味酸菜魚勁滑，滑lulu 真係好正Fatbrown 唔算好食得辣，好彩呢個酸菜魚啱啱好唔太辣，都唔算好酸粉條原來就係薯粉，掛湯力一流，配上酸辣嘅湯底，好啱夏天食

🇭🇰天府人家·呢間係我係附近翻工既朋友仔推介話唔錯 所以專登book左位去食既 不過因為我個日遲到 所以我就咁快快脆影左張相就算🤭🤭😂·酸菜魚片粉條$75我一開始就係比OpenRice嘅呢個吸引😈佢嚟到我覺得調味唔算話好酸菜魚嗰種感覺 唔知關唔關我嗌小辣事🤔佢個酸味唔算話好出 但係就算小辣都幾辣 係偏麻個種辣 所以都幾過癮😏佢啲粉條係真係好彈牙 而且索晒汁好好食 之後佢魚既份量都幾多 佢蔥下面嗰度全部都係魚 佢啲魚都幾滑既 但係又唔算話好入味 你見佢仲係白雪雪🙊🤣🤣之後跟餐個小食我就揀咗麻辣雞塊 佢其實就係口水雞 佢個調味超級惹味 而且佢啲雞好滑😋😋·#rbyeat#rby中菜#rby灣仔·📍灣仔盧押道18號海德中心3樓

午市套餐，双椒肚丝和酸菜鱼粉条，双椒的味道难以形容，总之拌着肚（没有切成丝）吃，难吃；酸菜鱼粉条，鱼不嫩，酸味不突出，也不怎么好吃。倒是送的怪味花生豆和茶不错。。。

想食辣嘢，所以約了朋友到天府人家吃川菜。其實已經來過很多次，但今次我們不吃火鍋，主攻熟食，水準亦非常之高。第一名應該係口水雞，又香又辣，味道複雜而刺激，非常之正。好吃到想把辣汁打包回家！酸菜魚亦叫人驚喜，湯濃而魚滑，必食之選！叫人停不了口！魚香茄子，家常菜，餸飯無得頂！如果想挑戰自己，嘗試四川涼粉，睇吓你吃得幾辣🥵🤗😬其他主食亦很出色，鍋貼，韭菜薄脆，都很好味。下次來，要點熟食，再加麻辣火鍋，要試盡最好吃的東西！

今日朋友想食下四川菜，尤其鍾意食酸菜魚，所以揀咗呢間位於灣仔天府人家預約咗12:30食午餐到達後人流唔算多，好快就安排我哋坐卡位呢度地方唔算好大，但座位非常寬敞，背後仲有個cushion，唔會坐得耐好攰首先我哋試左碟成都醬香鴨，肉質非常鮮嫩，口感一流跟住我哋試咗碟酸菜魚賣相就一般但係夠酸夠辣，魚肉鮮甜無骨，個底仲有啲紅薯粉，滿足到我和朋友對酸菜魚的食慾呢碟干鍋肥腸賣相已經唔錯，肥腸數量都不少一食落口肥腸嘅煎炸香味湧出來，跟住慢慢就會越食越辣，辣嘅後勁非常強勁，非常過癮小籠包多汁皮薄餡料豐富食之前記住要小心啲，如果唔係啲汁會爆出黎春卷炸得爽脆，入邊夾左不少餡料最後仲送咗碗綠豆沙俾我哋，清熱解毒，好適合食完四川菜食

今天星期六來到灣仔商業區樓上一間四川食店"天府人家", 食店入囗是由謝斐道商廈進出. 餐廳內裝修端莊, 坐位闊落. 假期日子亦有二人餐供應, 可惜套餐內有些食物不合口味, 我們便選擇自己想食的東西, 一人套餐+酸菜桂花魚餐前小食, 脆口花生, 味道可以酸菜桂花魚, 二人叫了一個例牌, 有足夠二人分量的桂花魚片, 肉質滑滑, 內有薯粉(寬粉). 可惜味道偏酸, 不太辣. 缺乏惹味的味道, 所以沒有想不停食的衝動一人餐涼拌小木耳, 木耳爽口, 沒有任何味道一人餐口水雞, 口水雞辣度比酸菜魚還要辣, 凍食. 不過醬汁辣味蓋不到雪藏味☹️一人餐鮮肉小籠包, 一上枱即熱食, 包皮厚度適中, 味道普普通通飯後還有甜品奉送, 是日甜品綠豆沙(忘記影相). 綠豆沙稀杰度適中, 多豆, 不會太甜整體用餐來說, 食物味道比我預期中失色. 可以另覓其他四川食店

抵食又好味的川菜，都返兜過好多次，每次都一定要食佢個水煮牛同老麻抄手，再加一碟菜，有空間會食白飯中和返。水煮牛個辣，辣得好高質，不是死辣，吃得多仲可以一嘗爆菊滋味🌼🌶，牛肉用左牛展，仲可以要求加辣或者少辣。除咗牛肉，盆內仲有其他配菜，例如海帶結同薯粉，成盆牛都好足料。老麻抄手外表普通，但入口真係有陣香麻味，一試難忘。今次的菜叫了竹笙豆苗，用左魚湯雞湯做上湯，竹笙吸完湯，仲可以飲埋d湯，解辣好有用。

好耐冇去灣仔食飯, 今次過開嚟梗係唔放過啦。朋友建議嚟呢一間食飯 對我來說當然好啦, 因為我最鍾意川菜, 佢有一人套餐平均都係講緊$ 100蚊以內 有前菜, 主菜, 你可以選擇配白飯或者小籠包。我揀咗前菜木耳加主菜酸菜魚配飯, 對我嚟講份量係足夠一人食有餘, 酸菜魚第一啖入口係有辣味, 再加上足夠嘅魚塊, 留意返係魚塊唔係魚片, 可想而知係足料。湯好好飲, 除咗魚塊仲有寬粉, 其實唔需要食飯淨係食呢個酸菜魚都已經好滿足。除咗呢個套餐之外值得一題係佢嘅茶都好有味, 用嘅茶葉都好有水準, 值得一讚。

灣仔呢邊有幾間都唔錯既酸菜魚，間唔中食可以止川菜癮😌▪️ 手拍青瓜 + 酸菜魚片 + 絲苗白飯 💲88 (午市套餐)午市套餐有多款選擇，得自己隨意配搭前菜同主菜😚前菜我要左個手拍青瓜，食落以大量蒜粒既蒜味為主，同時有陣陣醋味🧄主菜要左酸菜魚片，入口魚片未算好滑身，但係勝在無骨同埋夠酸，對我唔太食得辣既黎講都頗辣，會一路食一路流眼水鼻水🤣不過已經比起佢既酸菜魚粿條無咁辣，粿條直情係熱既辣湯浸住🤪🔎 整體評分（7.5/10）

Lunch with the spicy lovers. They love coming here since apparently the owner is from 四川and the dishes are authentic. Since I couldn’t take spicy, I had my own pot. The choices for non spicy soup base was not interesting at all. I ordered the plain pork soup. The others had a really good time tho. They ordered this bottle of alcohol to go with the food. They said it’s a value-for-money version of 五糧液 and I thought the bottle was cool. They loved the 水煮魚 and 宮保雞丁and I couldn’t stop sneezing from

今年聖誕不一樣，同女朋友留喺香港食川菜。我哋下晝兩點嚟到餐廳，食客人數唔多，店員安排我哋坐喺窗邊一個卡位，位置寬躺，坐得好舒服。我哋叫咗一個假日午市二人套餐，套餐包括麻辣涼粉、蒜泥白肉、酸菜魚、小籠包同埋炸春卷。基本上所有想食嘅川菜都包括晒。蒜泥白肉好正宗，調味調得相當好，唔會死咸，食完都唔會覺得自己個口成浸蒜味。麻辣涼粉都幾辣，唔係好食得辣嘅朋友可以問佢哋可唔可以減少少辣度。食完麻辣涼粉，覺得自己好好彩叫咗酸菜魚，如果又係叫水煮魚應該真係食唔落，酸菜魚入邊好多魚肉，薯粉做底呢啲基本常識啦，調味都好好，唔會太酸，但係辣到又唔係好辣。小籠包皮薄多汁，做得好有水準。炸春卷就普普通通，不過都好香口。整體來講，係灣仔區用呢個價錢可以食到咁嘅川菜相當之抵，值得一試。

再度相約「辣飯腳」食飯，今次因為時間關係只好揀去食午餐。「天府人家」一直喺我嘅「想去」list入面，今次決定就試下佢。去到11:30am啱啱開門，我哋無預先訂枱，店員小姐好好人，查完預訂表比咗張窗口枱我哋，不過要13:00pm還枱。有個半鐘頭夠晒時間食，鬼叫自己無訂位咩~環境好優雅舒服，好乾淨。我哋係衝住佢哋嘅午市套餐而嚟，叫咗2份套餐大家share食。川麵餐：紅油豬耳片、重慶金錢肚酸辣粉特式一人餐：涼拌海帶、酸菜魚片、生煎醬肉包(2隻)。個炸花生係送嘅，無諗過竟然都係辣㗎！紅油豬耳片同涼拌海帶又爽脆又勁辣，食得好過癮。重慶金錢肚酸辣粉嘅牛肚靱咗啲，小失望；但個湯同粉係好味嘅。不過真係低估咗呢度嘅辣度，食食下我哋倆個仲齊齊開始流眼淚水！愈食愈辣，最終頂唔順都係要叫返2罐汽水解解辣。好在我哋叫咗個酸菜魚片係唔辣嘅，除左有酸菜同魚片仲有薯粉。魚片好嫩滑，「辣飯腳」本身唔鍾意食魚都接受到，仲大讚話好好味。我哋掛住食粉都忘記咗有個生煎醬肉包，涼咗食都唔差，但無乜特別。臨走前店員小姐好有心，知道我哋第一次嚟唔清楚辣度，叫我哋下次可以叫小辣。仲有好多野想試，要搵日再嚟食下晚飯至得。

好幾年沒有來過天府人家，剛好在這附近玩VR, 現在在做優惠非常抵食。兩位套餐$5xx 我們另外點了兩個菜就足夠四個人吃了。水煮魚做得好，桂花魚有少少overcook, 但還算好吃，辣子雞好OK，萵筍絲好吃（感覺是用雞油炒）sum it up 大件夾抵食