天府人家

營業中

休息中

因為朋友喜歡吃川菜，只要看見網上好評，或朋友介紹，便會相約一起品嚐美食。今天相約一起午餐，但沒有想像中好吃，但有機會也會試試他們的火鍋，因為今天看見有好幾桌，他們在吃火鍋。他們的價格合理，員工服務很好，所以縱使出品一般，有機會的話，也會再來惠顧。他們有午市套餐，一碗麵（我們選了擔擔麵）和涼菜（紅油豬耳朵），價格$75，加$15香酥排骨一件，加$25川椒皮蛋一份。然後我們再點了水煮桂花魚和干鍋排骨，兩人共享。擔擔麵，麵條煮過時間，欠缺咬口，有點糊狀口感，略嫌花生味不足。川椒皮蛋，建議用糖心皮蛋，這些普通皮蛋用來作涼菜，與汁醬難以融為一體，所以味道欠佳。干鍋排骨，排骨過了火喉，因此乾硬，欠缺肉汁，同時干鍋味道，也未能進入排骨內。因此吃起來，好像普通炸排骨，沾點辣粉的感覺。最大驚喜，就是紅糖滋粑塊，強烈推薦，內裡混了粟子，除了增加味道外，還增加口感，外脆香口，內裡QQ，非常美味。其他出品，則屬於普通貨色。

超值川菜小館 晚市套餐非常豐富兩道涼菜小食 兩個熱食仲有甜品或小食都只係$598 二人份量小碟前菜非常開胃惹味蒜泥白肉 蒜泥軟綿綿而且味道非常濃郁加咗麻辣汁既白肉肥瘦均勻真係相當可口涼拌三絲麻油香好重 令人一食就鍾意而且口感好清爽 消暑啱晒天時暑熱食水煮黑豚肉好有新意 對比水煮魚別具特色麻辣程度夠過癮 豚肉好鮮嫩 而且仲有薯粉打底 吸晒辣汁非常好味另一道熱盤揀咗辣子雞辣到非同凡響 真係唔可以睇小每一件雞肉食落都爆出辣汁 真係令人欲罷不能最後嘅一道菜色係小籠包同樣皮薄餡靚 另外餐廳衛生做得唔錯入座前都要探熱同埋消毒咁就食得放心啦

今日同朋友嚟咗天府人家食辣野，我幾時都話有辣嘢食嘅地方，就係最好嘅地方。 不過可惜我哋得兩個人唔係食到好多嘢， 我哋就叫咗個二人餐但二人餐已經好多嘢食， 我哋兩個都飽到攬住個肚走。二人餐佢有5樣野係入面，兩個涼菜小食，兩個熱菜同埋可以加多一個主食或者甜品！ 勁多野食呀！我哋揀咗口水雞，夫妻肺片，水煮魚同埋干鍋田雞，但係最後嗰個真係食唔落後尾我哋叫佢唔好上啦！ 佢哋全部野都好好食，又夠辣！ 個水煮魚好滑，呢個水煮魚真係一試難忘！仲有個干鍋田雞，我同朋友本身都好鍾意食田雞， 加埋啲薯仔真係不得了! 總體來講，天府人家性價比真係好高， 下次一定會再嚟！

間唔中我就會挑起條癮好想食四川野，明明都唔算食得好辣，但係四川野就硬係會周不時喺我腦海之中出現，特別係嗰啲好傳統好中式嘅餐廳做得特別好。上到天府發現周圍都冇人，因為易整嘅關係大家都冇乜出街，但係坐喺度食嘅同事就不斷聽到佢哋收到外賣嘅order，一單接一單，希望佢哋做得住啦，如果唔係又要搵過另外一間好食嘅四川野。叫咗一個二人餐， $598 ，但係分量足夠三至四個人食，最後仲打包左好多嘢走。口水雞呢個口水雞辣得好過癮，雞皮好薄，好易入口，一啲都唔肥膩，中間有一層好似啫喱咁，非常入味。夫妻肺片呢一個真係超級難，而且份量好多，啲牛肚非常之爽脆，但又唔會話咬唔斷，口感好好，而且非常入味，辣之中有一份鹹鮮味，送飯一流。酸菜魚 唔辣主菜方面我哋反而揀唔辣嘅，主要係因為之前嗰兩個前菜真係辣到好交關，要鄧翻混佢，加上我鍾意食酸菜魚酸酸美味多過水煮魚，裏面嘅紅薯粉給左酸菜湯嘅味道，煙煙韌韌夠晒開胃，呢度啲紅薯粉偏幼，好似粉絲咁樣，一不小心就成條雪左去喉嚨，好滑。條魚好大條，有好多魚肉食，唔算真係好多骨，但係都需要小心。成都醬香鴨醬香鴨有好濃嘅煙熏味，聞到之餘食落口更加強烈，配上甜醬，味道嘅層次好多，肉質有

位於灣仔盧押道 「天府人家」辣辣四川菜先來兩小碟前菜，花生及豆角 素雞，惹味少少辣自選晚市二人套餐 A B C D E ( 各選一款） 四川菜也可以選擇不辣啊😋涼拌小木耳清新 酸酸醋，好開胃 小食豆素卷用腐皮包住蔬菜，健康 清淡 爽囗個人特別喜歡😘 成都醬香鴨，有半隻鴨，皮薄 香脆脆，啖啖肉，微微煙薰味道 ，可以夾小小饅頭 點醬吃酸菜桂花魚 （要求小辣）大大靚靚盤子，去骨魚片，肉質嫩滑 味鮮，滋味酸菜，仍有薯粉，份量挺多，飽飽小籠包 有四個熱辣辣 肉 湯汁，小心燙口啊最後，奉上綠豆沙，好味 不太甜，燥熱消失

其實食四川菜不一定是辣的，還有其他菜式比較溫和。今晚約了友人共聚晚飯，友人不太嚐辣，所點的餸菜多以不辣為主。二人晚市套餐$598木耳非常有營養價值，爽脆有口感，醋香再加上麻油香，是不錯的涼拌小吃。豆素卷，適合素食者。腐皮包裏著雑菜絲，層次豐富。蘸少許麻醬，又一番風味。酸菜桂花魚必食之選。選擇了少辣，微微的辣度和酸度，增添食欲感。魚塊滑溜細膩，吸盡精華，好正！成都醬香鴨即叫即做，入口熱呼呼，皮脆肉嫩，肉味香濃。小龍包皮薄餡靚，內層的湯汁充滿肉香，嘴巴停不下來啊！

第二次光顧，喜歡這裡的懷舊裝修，正宗麻辣水煮牛肉半份（份量十足）炒土豆絲、煎鍋貼（底部香脆）糯米鴨看似不多，但2人份量實在有點多下次試打邊爐（麻辣火鍋🍲）現正做推廣，埋單時會有$100禮券送，下次用

約好友食生日飯，因好友喜歡食辣野，所以一早比幾間食店給好友篩選，最後好友揀左呢間天府人家來到食店，特別要讚下侍應姐姐，非常之有禮貌，亦都推介食店美食，最後我地就揀左個二人套餐👍🏻一坐低有兩小碟前菜，我地就叫左兩杯啤酒送來食，兩碟前菜有少少辣仲好惹味。套餐可以揀兩款涼菜小食及兩款熱食(即主菜)。涼菜小食就揀左口水雞及夫婦肺片:口水雞: 口感相當辣，但雞肉好嫩滑夫婦肺片: 呢個有3條辣度，連好友食得辣都覺得好勁辣，不過就好爽口。見涼菜咁辣，所以點主菜就揀d唔辣中和下個味蕾😅鐵板生爆和牛展:呢個極力推介呀，超好食，成個鐵板上，熱辣辣炸炸聲，和牛展肉質好鮮味，一啲都唔嚡，仲好煙韌，連埋洋蔥一齊食，味道好夾。成都醬香鴨: 呢個又係好好食，雖然半隻鴨，但份量都好大碟，皮脆脆地，而且啖啖肉，但一啲鴨臊味都無，伴幔頭仔一齊食，依家仍好回味🤤🤤到左最後甜品，首先真係要多謝侍應姐姐推介，在其中五款甜品推介呢個紅糖糍粑，真係超好食超好食超好食😋外面鋪滿芝麻，裡面每啖都好熱辣辣，好煙韌，好香口呀配埋綠豆沙，令到呢餐生日飯真係好回味👍🏻👍🏻

本身約咗朋友去天府人家食辣野，但無啦啦生左幾粒飛滋，唯有焗住食唔辣，第一次去四川餐廳食唔辣嘅嘢食，估唔到都仲有咁多選擇。今日大約六點左右到達餐廳，座位都幾寬闊，坐得幾舒服，私隱度都幾高。一坐低店員即刻俾咗消毒紙巾同埋一張紙巾我地放置口罩，好貼心。今日唔食得辣，店員亦都好貼心咁介紹咗幾款唔辣嘅小菜俾我哋，一於試下。首先有兩碟小食，過下口癮先九香雞蛋干 $48從來冇食過雞蛋干，係素食，口感好特別，彈牙一食就停唔到口，配埋韭菜，仲香。有少少少少辣，好香口又好過癮。鐵板生爆和牛展 $148香氣四溢，而且份量好多。牛展好重牛味，肉質絕對唔會淋，入口爽口，嚟到熱辣辣，必點。蔥爆羊肉 $138竟然冇騷味，好多羊肉，啲洋蔥勁入味超好食。白飯一碗唔該荷塘豆腐 $128好有驚喜，同朋友兩個人清晒。首先啲豆腐滑過豆腐花，配左魚蝦冬菇蟹柳，有碗仔翅嘅感覺紅油水餃 $58店員特別幫我安排小小小小小辣，食得出係自己包嘅水餃，辣果後勁好強，好爽。最後仲有綠豆沙食，飽到不要不要整體好有驚喜，冇諗過四川菜唔辣嘅嘢食都咁好味，下次好返要食嚟呢間食辣。

同男朋友有一個共同嗜好，就係我哋兩個都超鍾意食辣野，所以經常都會去唔同地方食辣嘅菜式，今次就揀咗黎灣仔冇咁多人，靜靜地食川菜。一坐低經理就好熱情招待，送上前菜麻辣花生同豆角素雞，仲推介左我哋試吓二人套餐，話份量同平時嘅主菜一樣咁多，試完就知佢冇講大話！蒜泥白肉五花肉薄切落爽口而且冇豬肉嘅騷味，底下仲鋪左啲爽脆嘅青瓜片，比較特別係佢啲蒜泥打得超幼滑，第一次見好似泡沫咁！酸辣涼粉呢個係四川出名既前菜，冰凍既涼粉食落口感滑溜，加埋酸酸辣辣嘅醬汁好開胃惹味。酸菜桂花魚桂花魚味鮮肉質嫩滑，魚片亦都去左骨，酸菜更加能夠帶出魚肉嘅鮮味，底下仲有幼身嘅薯粉索晒湯汁好好味，不過實在太足料，所以最後兩個人食唔晒有啲浪費。水煮牛肉唔好俾佢火紅嘅外表嚇親，其實食落唔算太辣，反而香氣撲鼻，而且牛肉仲保持爽滑既口感，仲有唔少配菜，有芽菜、海帶、蓮藕片、寬粉。紅糖糍粑呢個甜品實在令我有驚喜，糍粑係用糯米做嘅，同糯米糍差唔多，中間仲包左d紅豆，炸到外面香脆，裏面軟糯煙韌，本身係冇咩味道，點埋紅糖醬真係非常好食。食完之後店家仲送上兩碗熱綠豆沙，呢餐真係飽到上心口！

原本想和朋友來這裏吃火鍋的，近排不宜打邊爐，就轉吃小菜。今晚星期六，比上次來的時候少人，不過就有很多人來點外賣。可以坐在寬敞的四人枱，環境又是古色古香的中國風，今晚吃晚飯很舒服！前菜有【四季豆豆腐乾】和【蜜糖炸花生】，兩樣同樣開胃，花生的甜蜜令人一食上癮！【霸王鮮牛肉】半份的份量已經夠兩至三個人吃，一片片新鮮牛肉片吸滿辣椒湯汁，但又不會完全掩蓋牛肉本身的味道。而充滿花枝和青紅辣椒的咸湯汁浸著粉絲和金菇，實在太開胃。【口水魚片】是幾特別配搭，凍食令麻辣味更強烈，雖然只有一只辣椒，但其實比牛肉更辣，可惜不夠新鮮，有一陣魚身釋出的膠澀味。【糯米鴨方】非常香脆可口，糯米的煙韌經過油炸後，又脆又軟，口感已經很高分，再配合烤鴨本身的油香，連味道都一流，份量可以夠四至五個人分享。【冰粉】像是沒有味道的啫喱，加了黑糖、紅棗和桂花就清甜涼爽。

川菜是個人最愛的菜餚，而香港有很多川菜都以火鍋為主，在網上，看到這𥚃的食評不錯，今晚便來到了。座位上已經安置了酒精抹手巾，非常貼心。茶位，兩位$24，已包括兩碟小食。兩款小食，味道不錯，其中以脆炸花生，甜中帶辣，最為吸引。鐵觀音茶香味濃，喝得出是高檔的茶葉。手拍青瓜$48，蒜香味道不算太重，青瓜爽口清甜，俱解辣作用。豆花魚例牌$248，看上去，很像水煮魚，不過味道層次更豐富，而且有嫩滑的豆腐伴碟，增加了些四川麻辣特色。由於魚肉是採用了桂花魚，魚骨很少，肉質鮮嫩，所以可以放心享用。霸王鮮牛肉$168，牛肉爽口鮮嫩，辣度適中，醬油的香味十足，辣中帶點微甜，配菜有粉絲和萵筍絲，令人十分回味。老麻抄手$52，花椒味道濃郁，配合肉汁豐富的餃子🥟，更加值得推介。九香薄脆$52，脆卜卜的外皮，香脆可口，是一道美味可口的小食。免費糖水是綠豆沙，甜度適中，俱清熱作用，作為今晚四川菜的最後一道甜品，最為合適不過。

今日在灣仔開會後放工，便約了朋友在附近食晚餐。想起很久沒有吃麻辣菜，被這間食正宗四川麻辣菜的餐廳 天府人家吸引，於是上來一嚐。餐廳環境寬落，座位多而寬敞，坐得舒適，裝修富有中國古代風格。醬椒皮蛋茄子茄子凍而香甜，清甜多汁，嫩滑爽口，皮蛋伴有辣醬帶微辣，惹味可口。霸王鮮牛肉即叫即煮，一端上檯已經香氣撲鼻，碗面鋪满花椒等，麻而香辣，煮得入味。牛肉令湯底更鮮甜，牛肉味濃郁，粉絲爽滑入味。香辣花膠海鮮鍋份量大鍋，材料也十份豐富，有花膠，海蝦，辣椒，炸蒜片等，辣度適中，熱騰騰，令香辣更入味。花膠煮得軟稔滑溜，蝦肉彈牙鮮甜。紅燒豆腐顏色鮮艷，豆腐軟稔香甜，入口即溶，醬汁惹味。紅糖糍粑塊即叫即炸，外脆內軟，紅糖味道濃郁香甜。紅豆沙紅豆煮得起沙，甜度適中，滋潤美味。

今晚同朋友想食辣，諗起灣仔呢間正宗又好味既川菜館，就決定黎食啦。.店員安排既沙發座位寬闊而舒服。.先黎兩款餐前小食香脆甜辣魚皮花生、麻辣豆角豆粒花生甜甜地辣辣地、豆角辣辣地，好開胃！.酸辣三鮮好特別既一樣涼菜，又酸又辣既醬汁加上海鮮，越食越想食！桂花蚌鮮魷蝦仁仲有葛粉.天府飄香魚（半份）無骨啖啖肉既滑嫩魚片加上有花椒既鮮魚湯，菇類配菜吸收左魚湯一樣好食。.干煸四季豆好有鑊氣既菜式，以辣椒粒、花椒及肉碎炒四季豆，好爽脆好惹味。.香蕉豆沙春卷煎餅既做法見得多，呢間餐廳用春卷皮包住香蕉及豆沙蓉，春卷外皮炸到好香脆。.綠豆沙綠豆煲得好綿密，餐廳送既甜品都好有心機煲。

近日疫情下減少外出，常常躲在家中自己動手做飯，星期六晚上終於可以外出好好吃一頓。這四川菜館有很多卡位，可以自成一角，客人數目亦因為疫情關係只有3、4枱，而且坐位分散，比較安心。一坐下來店員就讓我們選茶，遞上餐牌，還送上兩碟美味前菜。麻辣花生和豆角素雞，跟我們選的菊花茶好配呢！蒜泥白肉原本擔心肉會比較肥膩，但是出乎意料並沒有。肉片切得很薄，冰涼帶點清爽，沾上麻辣香油和蒜泥蔥粒，非常惹味。值得一讚的是蒜泥磨得非常幼滑，驟眼看來很像西餐的酸忌廉呢！墊底還有我愛的爽脆青瓜片。花椒檸檬魚鋪滿花椒，撥開後看到有檸檬片，味道豐富，麻麻的，不會太辣，帶有鹹酸菜的鹹鹹酸酸，還有檸檬的清香。魚片嫩滑，一大一大片的雪白魚肉，分量非常多，但溫度保持得很好，我們吃到最後湯還是熱熱的，不會腥。鋪底的還有烏冬，吸收魚汁湯汁，亦不能錯過 ，如果是寬粉應該會更好。小炒肥牛炒得很有鑊氣，青椒的香氣充分逼出來，牛肉嫩得來有咬口，牛肉新鮮，肉味香濃，醬汁調校得很香濃。清炒萵筍萵筍切成幼條，配上一點點木耳，非常爽脆清甜，這菜式清淡得來不會沒有味道，吃過前面重口味的食物再吃這個很舒服。擔擔麵我們原本以為東西不會很飽，於是還點了各