天晴日本料理 (已結業)

今日黎食日本野，時時聽人講呢間好好食，今日搵到機會黎試下，係灣仔食星期一至五既午餐，呢間一定要提前book位，如果walk-in可能有排等，今日我地book左位，入地去覺得比較暗，唔夠光，好多人已經坐左係到，服務員好忙碌，人一入到去就要即刻落單，因為太多人，佢叫左先整，叫慢左可能有排先有得食，所以一入去睇完餐牌就叫左滑蛋豬扒飯，跟餐有麵豉湯，湯就鹹左少少，蒸蛋剛剛好，好食，配菜好好味，個橙就酸左少少，但個豬扒好好食，炸到剛剛好，唔會太硬，超好味，雖然係貴左少少，但食物真係做得好好。

同同事一星期都會搵一至兩日lunch食好啲，調劑下返工苦悶嘅心情 今次決定食日本嘢。呢間日本料理午市都幾多人，要等一陣位。 由於太多人，我哋都唔能夠坐鐵板燒位置。我哋去到一心想食鐵板燒我同另一個同事就叫咗鐵板燒鐵板燒餐唔算好貴，灣仔價錢$168 都算係合理， 鐵板燒餐我揀左薄燒牛肉、帶子及大蝦，配炒飯、蒸蛋、麵豉湯及橙☺牛肉同蝦都好味， 牛肉五成熟左右，唔係好老，蝦都算新鮮爽口， 如果大隻啲就更加好不過帶子落左香草就無左日式feel😅另一個同事叫左是日定食$108，有海膽、吞拿魚蓉及三文魚刺身飯加烏冬，好豐富 仲配蒸蛋及麵豉湯堅抵食。食物質素尚算ok， 都不失為一個唔錯嘅午餐選擇。

位於灣仔謝斐道，華嫂冰室格黎，呢間日本野好受OL們歡迎，lunch time唔預早book位基本係無咩可能walk in，12:30之後先黎，門口已經堆滿人lunch set價錢$80-130左右，係灣仔銅鑼灣日本菜黎講算正常價錢，但選擇多，又跟餐，味道唔錯，所以值得推介今次叫左牛肉雜菜鍋定食$108，姐係壽司燒，暖粒粒好好食，牛肉足料，湯底甜甜地又唔會太濃，登龍街日本野食壽喜燒銅都要$120左右，呢道包埋蒸蛋、湯、仲送生果，算係咁

係香港食到好既鐵板餐真係唔多容易一係超貴一係就無質素呢間天晴都算係中規中矩喇呢日返工個同事介紹黎呢度食鐵板餐我都心諗好耐無食過鐵板燒所以口痕想試我叫左個比目魚鐵板燒定食晏晝黎講呢個份量都算係咁魚身都幾滑不過鹹左少少佢定食仲有包埋茶碗蒸啦麵豉湯同薯蓉仲有兩舊橙整體黎講算係中規中矩不過不失啦不過我想講既係呢個午市定食係唔包野飲的呢一點真係有點失望過百蚊午餐食間普通食店然後居然無飲品係咪我要求太高？🤦‍♂️🤦‍♂️

約了妹子同姨㽒食生日飯本來係打算介紹妹子食華室，因為我遲來嘅關係，妹子話華室條龍長到爆晤想排，然後見到隔離日本野冇人，所以就改食日本嘢喇🤣🤣一入到去環境舒適座位寬闊望吓餐牌價錢唔算太貴但眼望周圍得一枱客食緊野😯跟住我同妹子一人嗌咗一個餐我嗌左特價魚生飯妹子叫咗滑蛋豬扒魚生厚切，仲有六塊咁多，然後仲有海膽魚生都好夠新鮮，跟餐仲有個蒸蛋仲有一個小食牛肉條，仲包一個湯😱都只係108咋喎雖然我個蒸蛋比我姨㽒搶食晒但我深信應該係幾好味因為佢食晒🤣而我都試咗妹子嘅滑蛋豬扒，吉列炸得剛好，豬扒好夠熱，不過就略嫌淡味左小小但你點一點Wasabi豉油又OK其實整體來講我同妹子都覺得唔錯完全唔明點解冇乜人幫襯嘅🤨而且服務態度都好好不過同可能同華室比較嘅話價錢就比下去但話晒呢度都係日本餐廳吖唔知晚餐價錢如何，不過lunch可以再encore

此食肆已是多次光顧，之前每次用膳後均懷著滿足的心情離開，皆因她的品質有一定保證。今天中午本又懷著興奮的心情往午膳，今天選上四色魚生飯定食，由於餐牌中不是全部定食有圖片顯示，我所選擇的便沒有。以我本人知識所限，以往於各日本料理店享用的魚生均是以一片片形式出品的，由於今次沒有圖片提供，餐牌中亦沒有特別註示，所以一心等待是次之美味魚生飯。不久後送上我面前的是一團團攪碎的肉球，起初我以為是送錯便向職員了解，第一個職員起初見到後都以為送錯，稍後回來向的回覆是沒有送錯。我再向較資深之職員再了解，此次該職員向我解釋餐牌是剛換新不久，所以沒有提供圖片。我向該職員講解我對該餐牌的意見，如果是攪碎的特別款式，餐牌應該要有註明，或有圖片供顧客選擇。另方面，我對職員說出我對攪碎的食物存有恐懼感。奇怪的是，各職員只解釋食品改款，會與師傅溝通，於我對食品之不滿沒有意識協助需否更換。最後我更向職員表示既然是攪碎的魚生，為何又提供一碟豉油，莫非要顧客豉油撈飯？我可真是孤陋寡聞。

近日知道林燕妮喜歡納蘭性德的詞，勾起其詞“人生若只如初見”，年青時相識都係青春貌美，多麽美好，老咗再遇見，已白髮光頭大肚腩；男女相識時以最好一面示人，時間久了，缺點就浮現。某日再經過此店，發現有個鐵板燒房間，都幾吸引，翌日，本想與初見去鴨店，$138一個午市套餐，佢厭貴，改來此處，竟然安排於鐵板燒房内，雖然坐滿人，不嘈雜，都是雙雙對對，外面天氣炎熱，室內涼浸浸，視覺清雅，有2幅簡單水墨畫，一路看著廚師表現，用牛油，煎薄牛肉，煎帶子，炒飯……加些白酒，味淋，豉油，加香蒜，但我祗付$88+，盐燒三文魚扒套餐，淹漬蓮藕，麵豉湯，二片中厚三文魚（面咸咸地，有油水，不乾，有燒烤痕跡，不是煎，香口），燉蛋，橙，都好豐富，質素不錯。初見要鐵板燒比目魚套餐$108，以為得一片，竟然有2片，彈性，因鐵板沾牛油帶子牛肉，令魚肉特別香 但如鐵板師傅年青些，靚仔些，間直賞心樂事，抵的程度會翻兩翻，蝕咗股票都賺翻。

多年前，路過感覺貴，已再沒有留意，某天又經過，仔細看看又唔貴，入腦海。Happy Friday,以為無須訂枱，原來全訂滿，好彩早來，只有門口bar 枱，又可以看到廚師做壽司，環境乾淨，通道寬濶，以淺色木為主，視覺舒服。特價魚生飯配烏東$108，賣相美觀，三文魚片，吞拿魚蓉-好蓉，海膽，蟹子-lok lok聲，鮮，飯有芝麻有醋，暖暖地，一粒飯都無剩。燒雞扒定食$80，外貌唔燶，食有炭燒香味，雞肉厚身，份量算多，有2件橙。套餐有燉蛋，雖無海鮮，量不太大，滑，以此價錢，是bonus。抵

聖誕節嚟食嘢 開開心心嘅事。點知個女侍應態度勁差 （記憶中佢係頭髮有前陰既）叫佢將個風扇較細啲 佢竟然話下我地依度冇風扇覺喎 (語氣囂張）唔明你講乜喎 我話我一時之間講錯啫 意思係冷氣機 佢哋嘅態度真係有待改進 不過男仔就好好啦 冇乜問題嘅 而且食物新鮮會想再嚟食 侍應就唔想見到佢啦唔想再勞氣😓🤢

作為日食愛好者, 偶爾會突然好想吃刺身!!! lunch便找了家未吃過的日本餐廳吃海鮮丼~除了生的熟的丼, 還有鐵板燒!! 不過太想吃刺身了, 還是選了丼... 留待下次再吃鐵板燒吧!先來前菜~ 烏冬湯底沒有很濃味, 淡淡的也不錯~ 茶碗蒸沒有很多料, 但味道也OK, 質感是我喜歡的不會太結也不太水~友人點的燒鰻魚定食 ($108) 先來了! 偷吃了一口! 醬汁濃郁! 鰻魚沒有小骨~油甘味香! 正! 還有溫泉蛋!! 因為他不吃蛋黃給我吃了~ 喜歡那柔軟得來又結實的半熟質感!我點了自選3款刺身的勝手丼定食 ($168)選了海膽、牡丹蝦和吞拿魚腩~ (用一塊吞拿魚腩和友人換了一塊三文魚吃)海膽: 有點腥, 不是很鮮甜, 個人覺得一般, 質地很稀爛很快出水了~吞拿魚腩: 油脂比較少, 沒有我期待的入口即溶口感~牡丹蝦: 都幾鮮甜, 但比想像中小隻!交換回來的三文魚新鮮夠厚~好吃!由於海鮮丼沒有令我覺得很滿足, 所以我決定下次來要試鐵板燒!

我好中意食日本嘢，天晴又好近我公司，佢哋啲定食都做得唔錯，價錢又合理，所以都會係午市嘅一個好選擇。但係講真服務真係麻麻囉...我今日12:05 同朋友行入去，佢講明1點要你交枱，呢點我可以理解，畢竟午市有好多人。但係我地坐低唔夠五分鐘就問我地四次想食咩，都未食完嘢就想攞走我哋盤嘢，12:50 就要你埋單，我食得好唔爽囉。我俾$100 食一餐飯都想食得舒服啲，佢地搞到我覺得自己好似喺大排檔咁！下次唔會再去！

同事拉隊落黎呢區開餐, 其中有人有VIP咭有九折, 餐牌上有多款午市定食選擇, 價錢由八十幾至百幾不等!牛肉豆腐鍋定食 ($98), 都好多野食, 包括牛肉鍋, 蒸蛋, 麵豉湯及白飯, 仲有2舊橙作為甜品! 以地區價錢黎講, 算係好抵食!湯底味道好濃味, 似係食緊壽喜燒, 爭隻生蛋姐! 大量香滑豆腐墊底, 面頭有4-5片牛肉, 仍見到少少紅色, 浸係熱湯度食岩岩好, 唔會嚡口!侍應服務態度良好, 唔怪之得午市咁爆場, 好在一早訂左位咋!

好開心好驚訝！宜家好多食肆都有素食menu,就算無都會有幾樣野係素食者可以食既。一班同事終於可以開開心心去食飯了~佢地之前已經試過間餐廳，話味道唔錯而且份量大、仲有個野菜烏冬添!聽到就吸引啦。睇住同事既魚生飯套餐，真心覺得係100000個抵><!D魚生多到就黎滿，五顏六色非常賞心悅目。一定唔洗怕唔夠食呀，因為仲有一碗仔腐皮烏冬跟﹝同日本傳統做法一樣,又有飯又有麵﹞，腐皮甜甜地,好食><!另外西京燒同燒牛肉都係份量十足，聽講上次有同事叫左燒牛仔骨、足足有成7-8件咁多。西京燒則能保持水準，但整體就比較普通，無咩特別之處。3個同事叫2個餐share都仲得。而我都幾滿意個野菜烏冬，天晴個餐就係怕人唔夠飽，所以額外有多兩件三文魚壽司。我果兩伴當然係益左同事啦。好開心個湯底終於唔係用木魚、鰹魚去整，否則素食者一定食唔到。就算無肉類湯底依然鮮味，就咁已經win左一大半。碗麵面已經有兩粒大冬菇，菇面有十字花花、幾靚，另外又有金菇同野菜。原本見到個presentation好想食落去發掘下有咩新材料、見啖湯又好飲。點知成碗麵就係得咁多，無其他料了……………..其實真係好單

每日食lunch 都要搵地方真係好難~ 如果淨係要食日本野，灣仔選擇唔可以話你太多~ 今日同同事就試一下呢一間~ 同事叫左三文魚蔥舌拿魚生飯定食~三文魚望落好似好新鮮幾好食~ 但食落係無魚味既~同事戰鬥左2/3就放棄左了~我叫左牛肉豆腐鍋定食~穩陣之選，唔可以話唔好食~ 但又唔可以話好食~ 只可以話係普普通通~ 我就覺得如果個湯甜返少少就好D~而個蒸蛋~ 唔熱既~ 應該係放左係廚房都一陣子~ 成個餐，最好食.....應該係個橙了~ 好甜~!

從群組裏得知這間深受附近上班族歡迎的日式料理店， 樓主放上來的食物照片的確是讓我很想吃， 有 刺身、壽司、爐端燒、定食、日式火鍋，亦有 鐵板燒， 毋需要為吃那一款日式料理，去那一間日式料理店而爭論，更遑論 AA 制， 因為一間 ⟪天晴日本料理⟫ 已可滿足普遍的日式料理愛好者。推開玻璃趟門便進入，料理店內的環境寬敞，前方是壽司吧，側面有房三、四間， 那個晚上分別有兩大班客人各佔兩房，他們的歡樂氣氛也傳遍房外。我們點了 刺身、壽司 及 鐵板餐，侍應生先為客人送上 田園沙律 作 頭盤。刺身 六點，各二切：三文魚腩、帆立貝、深海池魚、劍魚腩、赤蝦、仁助鯛。 全部新鮮，刺身的厚度是跟足它們的特性，例如含豐富魚油的 三文魚腩、劍魚腩、深海池魚，當然要厚切才能感受的它們的肥美甘腴，而 魚肉鮮甜的 仁助鯛 及 肉甜有彈性的 赤蝦 也是不能錯過的美味。⟪天晴⟫ 的鐵板燒是在專屬的鐵板燒房裏炮製，後送出來。鐵板燒 の 大海蝦 及 南非鮑魚 大海蝦是原隻上，差不多有手掌般大，蝦頭有飽滿的蝦膏，經過師傅的炮製，可以把肥厚的蝦肉配上惹味的胡椒，爽彈十足；南非鮑魚燒後切片，咀嚼嚐出香甜煙韌。鐵板燒 の 炒雜菜