天香牛什大王 (已結業)

返工之前食返碗麵, 點了這裡馳名的牛雜麵, 牛雜裡面肺很爽口, 小腸粉嫩, 大腸味道濃厚, 麵都算彈牙, 湯一般.咖啡一般, 服務很勤快, 衛生以小巷鋪黎講都算合格. 其實這裡的選擇非常多, 值得一試再試, 不錯.

去到立即有得坐，睇到附近D野好似幾好 又幾香。叫左個蠔餅，麻辣牛雜煲同埋生菜。蠔餅同生菜好快就到。一啖食個蠔餅得個炸味咩蠔味都冇 好似咬緊舊麵粉咁。跟住食個菜竟然有舊發保膠 我即刻O左。其實係果度食 我都冇太多期望 但係真係太差

去中央圖書館之前女朋友仔同我都想食D野啦,忽然被這店的待應強烈推介這店呢.反正很久也沒有吃牛什了,而這店又說自己是牛什大王,便試一下吧.我們座在店外的露天座位,雖然天氣不熱所以不致於太辛苦,但食客有太多煙民啦!像我們一樣不吸煙的會死呢要注意=3="女朋友仔不喜歡吃牛什,所以只點了一碗淨雲吞及凍奶茶.而我便不怕死的點了一碗牛什麵及凍朱古力呢,想不到有凍古力啦,而待應哥哥說話也非常有趣啦,沒有拘謹的感覺呢,這也是老香港小店的特色吧.食物來了呢,快試一下好不好吃啦肥雞XD想不到牛什麵的牛膀那麼大片呢,這是牛什中最貴的啦,但可惜我小時候覺得這個不好吃,現在長大了仍是覺得不好吃,是我自己的問題啦.牛腸肥美沒有異味呢加分啦,牛肺爽爽的,也沒有異味,不錯嚕.牛肚是我的最愛啦,好吃呢.而麵也有驚喜,煮的時間剛好,很彈牙啦,這麵我會給很高的分數呢,名不虛傳的大王啦.而朱古力卻沒有什麼朱古力味,但總括來說已經很不錯啦.而女朋友仔給了我3顆雲吞吃呢.有肉味而且有蝦,也是不錯的,但水準沒有牛什那麼突出啦.結帳62元而已.但過了一會女朋友仔肚痛呢,她認為是那杯凍奶茶的問題啦,食物不衛生也是老香港小店特色吧,呵呵

2011年12月18日下午, 我哋2人經過渣甸坊福興里入咗去”天香牛什大王”, 食了咖哩牛腩飯及牛什米. 碟咖哩牛腩好細碟, 飯是冷的, 牛腩很韌又少, 得4-5小件, 咖哩汁不似咖哩汁, 沒有咖哩味, 只是黃色咖哩粉開的汁. 唔抵食又唔好食. 牛什米也很普通, 非常後悔進入這店.

10月8日, 行經渣甸坊, 有間自稱為大王嘅天香牛什, 想試下佢地嘅牛什係咪真係咁招牌, 入咗去坐裏面, 有電視睇wor, 幾好~::: 牛什粗 ::: $22望落唔錯, 不過食落就真係麻麻wor… 腸有一陣苦味, 好似未洗乾淨咁… 牛肺食落有少少霉, 唔新鮮, 仲好淋添… 牛榜就係唯一可以接受嘅… 但係作為招牌菜, 一定唔合格… 湯底算清, 牛味唔濃, 所以要加辣椒油吊味, 不過辣油都只係得個辣字, 唔香…::: 牛腩米 ::: $22牛腩米味道較清淡, 湯底有少許腩汁味, 而牛腩肉味都唔太濃, 但都夠嫩嘅… 但就真係肥咗d! 舊舊腩都黐住一大舊肥膏… ::: 凍檸茶 ::: $6凍檸茶ok啦, 茶味都叫濃, 加$6有一杯就算平~ 總括牛什真係唔掂wor, 雖然佢喺呢度都開咗好耐, 而人流都幾多, 可能係今次失水準掛, 不過下次都未必會再嚟…

2010年12月11日，16:40工作壓力大，頸椎不自然，決定換枕頭。據說吃牛內臟能減壓，到宜傢前先到這店。近晚市，人不多，不用等位。要了牛雜麵。湯底：帶濃郁滷水香味。麵底：爽脆而鹼水味淡。牛雜：腸、肚、膀、肺都入味；都帶著脂肪；口感好。份量不算大，但以這價位，算是交足功課。論環境和一般的街坊老店，無兩樣。題外話：驚聞蔡瀾要通波仔，但看來不算嚴重，更喜見他決定介煙；我的偶像，請你多多保重。

去睇「南華打戰天水圍飛馬」之前，想食個快餐頂頂肚先。經過「天香牛什大王」，同朋友決定就係度食個「河粉」先再去大球場。我朋友叫左個「牛肚河」，全「草肚」，22蚊。我叫左個「筋腩河」，27蚊。我朋友見到張單後兜口兜面同我講:「哦!你叫左雙拼，要27蚊~!」我應: 「筋腩河係雙拼，艾! 」ok，算啦，叫都叫左就當雙拼喇~!碗麵黎到，確實多料夠大碗，起碼係「九x牛腩」既 1.8倍。食牛腩，「爽~!香~!好味道~!」唔怕得罪講句，係好食過「九x牛腩」。食牛筋，「軟淋淋、滑劣劣~!」仲要多都爭d食唔晒。但d麵餐收費就真係有d怪: 我對面搭檯位人兄，叫左「膀肚河加魚皮」d魚皮加到滿晒都係22蚊~!佢仲要好唔滿意咁話:「嘩~!d魚皮咁加法!？分開加嘛~」個侍仔一笑置之。順帶一提，加6蚊有細支裝汽水或凍飲選擇。

今日既lunch 輪到天香了, 叫了牛腩米線, ($26 連熱飲真係好抵啊)成間鋪頭人人都係叫牛腩飯, 牛腩米, 牛腩河等等所以好香牛腩味啊!落order 時已經講定要"林"少少lu,因為好怕D 牛腩韌到食唔到呢,等左唔駛2分鐘碗米線就黎左啦, 極快速, 第一下聞就已經覺得好香啦, 但係...但係....一食落就覺得D牛腩好韌啦!!有D 唔開心呢! 不過好在D 米線勁滑, 所以都OK 既.

到了晚上九時多還未吃東西，就胡亂的抓點東西吃吧，吃得輕一點就來碗粉麵吧，但最後選了別這間歷史悠久的麵店，主打是賣牛雜的，似乎吃得少也不代表太健康。要了碗五香牛雜麵，等了一會兒已經有得吃了，一碗牛雜麵，生麵的份量都夠多，但牛雜的份量都還可以，但最多的也只有最常見的金錢肚及粉腸，而湯就真的不太行，喝下一口，湯也是一點鹵水味也沒有，只有冬菜及惹味的鹹味，相信湯內下了不少師傅，至於麵條就有頗重的鹼味，但就夠爽夠彈口，但個人認為都是無補於事。至於牛雜方面，牛膀粉粉腍腍，個人一向也不愛這個質感，所以同樣道理也不愛吃粉腸，加上吃不出牛膀有鹵過或醃過的味道，較慶幸的就似乎是沒有血腥及異味罷了；牛肚就是爽中帶韌，肚的纖維口感不錯，但相信大片一點口感會更好，可是同樣就是沒甚麼味道可言，普普通通罷了；至於那兩片牛肺，不知何解沒有平常軟腍得很的感覺，取而代之的是非常彈牙的感覺，實在教人有點詫異，幸而也是那好處，就是一點異味也沒有；最後沒有牛腸吃就只有粉腸，粉腸粉粉的個人不太喜歡，但腸衣就還是有嚼頭，吃起來又沒異味，總括來說，牛什是新鮮的，但說也奇怪，為何所謂的五香，就一點鹵水味也不太覺。另外也要了碟八元的油菜

星期五晚，由於太晚先收工，惟有求其食Ｄ野就算。兩個人，一碗牛腩河，一碗水餃麵加一杯檸樂！先講食品：牛腩都ＯＫ，水餃唔得，Ｄ涵好實，味道十分一般。服務：坐在無耐，落order，之後送上一碗魚餃河！其實係後面抬客叫的！最離譜係張單寫住$58，老細梗係以為我地唔睇單！應該係$48，俾錢個陣問佢點計，唔信佢係計錯錢！一碗牛腩河（$22) 一碗水餃麵（$22) 加6檸樂！

最近成日都發現好多"大王";有墨魚丸大王, 咖哩大王, 魚蛋大王....今晚期食的則是牛什大王....星期日12點的銅鑼灣, 人山人海就梗架喇.同媽來到, 唔坐外面的吸煙區喇, 入店內先.店的環境屬差, 唔太乾淨...但見隔離檯的牛什咁靚, 算啦~阿媽都冇出聲啦叫了個牛筋腩飯.跟個例湯的. 係紫菜湯. 如要改凍熱飲品則另加6蚊.算啦, 見人地的紫菜湯幾正, 例湯算喇.好快上, 都係1分鐘倒.份量幾大碟. 筋腩都不少.d 飯已淋了d 腩汁, 帶少許啡色, 又夠香, 頓時胃口大增!紫菜湯反而遲過碟飯上!咦, 原來塊紫菜係未搞碎上的, 仲係成個批咁...飲啖湯, 幾甜. 加上d 爽口的紫菜, 正呀~之後才食飯.筋有咬口, 腩淋又入味, 加啖飯, 不錯呢.飯都幾好食. 都不少飯呢... 最後都食唔晒.要攞走, 則要俾一蚊攞個盒...一提, 個好立克辣油好勁, 大家注意呀~咁整體都ok既, 但我個人覺得又未算"大王" 既...

2009年05月02日，18:30到天后換好抽氣，便穿維園到渣甸街搵食。路過這店多次，終可一試。本想坐店外，但煙民太多，便進店。要了牛雜麵。湯底：味不會過濃，有淡淡的鹵水香。麵底：鹼水味稍重，有點爽。牛雜：腸甘、膩；膀鬆軟；肚有咬口。每種都有獨特的口感和食味，整體有水準。店的環境屬差，店員都是同鄉，算勤快。地處購物區，客源夠；自由行和印、菲姐姐不少。下次可試其他河粉。

每次放學, 自然會去找宵夜食, 而且一定要離開金鐘. 今夜, 來到銅鑼灣, 而找的, 當然也是以粉麵茶餐為主. 在渣甸坊找, 那所茶餐廳已打烊. 行返出黎, 見這裡人多, 路邊位亦坐滿. 那就入黎一碗.牛什出名, 那就牛腩金錢肚. 說味道, 其實與出面大眾的粉麵鋪無別, 金錢肚不"癡"牙, 算是好.好像沒有發生在我身上, 旁檯一位大兄想食飯, 誰知叫什麼沒什麼. 食野最冇癮莫過於此.

尋晚...去呢一間舖頭食雙拼撈麵...餐牌寫23元,但係張單寫28元...咁我就問個侍應碗撈麵幾多錢...佢話係23元..咁我就食啦...點知到走的時候,寫單嗰個又話係28元...佢話係個餐牌印錯咗...咁我問佢點解佢唔係我叫嘢食的時候同我講清楚..佢話以為我係熟客,所以唔使講呀...但係我係第一次去啦...咁我又問如果個餐牌係錯..咁係可以用人手改咗佢...唔係係度誤導食客呀...佢哋又無清楚的解釋....淨係話雙拼撈麵係28元....咁我唔覺得我需要俾28元,因為我有一再確認係幾錢...咁我梗係唔比嗰5元啦...點知個老闆係度用粗口鬧我,想鬧到我俾錢,心諗,大家都係文明人,咁宜家係你做錯仲用粗口鬧人,本來都諗住算數,但係唔希有其他人都有同樣的情況,所以同大家講吓啦....以後大家去呢間舖頭,唔好信餐牌的價錢呀....

污糟大王? 唔知喎, 不過一定唔係牛雜大王囉...張臺蚩笠笠, 啲醬汁樽呀污穢不堪唔知幾耐無抹過...講番食物, 雜麵走肺多蔥.. 湯底淡茂茂仲隱隱有陣漂白劑味啲麵哩到已經過稔, 睇倒都唔想食...牛執得個鹹子無乜其他味...無樣得...朋友叫咗牛筋河, 食唔夠1/4就放棄, 可想而知...