太上漁村海鮮酒家

營業中

休息中

朋友放假，我又咁啱要去附近既球場，咁就同佢黎呢度飲個茶。一入到去都以為要搭枱（因為我地得兩個人）點知佢即刻執左近門口既位俾我地。四人枱黎𠺢，所以會坐得舒服d 鳳爪大大隻，豆豉唔會過多，有小小辣而唔係太過辣，唔會硬身到好似沙薑咁，但又唔會一放入口就溶晒！煎腸粉一黎到就覺得佢地好用心咁煎佢既！每條腸粉兩邊都煎到脆晒，小小蝦米、蔥，配上甜醬麻醬真係一絕。叫左一隻乳鴿，唔算肥，但$38 一隻價錢適中。皮脆內嫩！肉唔算厚，但有肉汁鎖住響陣皮入面。仲有叉燒飯唔記得影相！叉燒同飯分開，唔會話叉燒無晒汁，而且都有好多片叉燒。蒸黃金糕！出面酒樓好小有機會食。我地食既時候已經凍左！之前佢地有煎黃金糕既，但依家已經無左！最鍾意既就係佢煙煙靱靱，仲要有椰香味！結果忍唔住再叫多個！但反而熱辣辣既佢就唔太食到椰香味。

父親大人突然間想去太上食飯原來已裝修 ，地方光猛了，環境乾淨咗，洗手間都乾爽左菜式都不同了，有很多新款菜式，可以一試。特別清遠雞，皮脆不肥， 肉有咬口，味道不太鹹，有豐富雞味。涼瓜炆斑頭腩，班肉新鮮吾腥，好爽，涼瓜入味楊州炒飯， 夠飯乾身，味道不錯看見其他食客叫了特色小菜，例 如:冰鎮酸梅骨，酸梅骨放在冰山上，所以骨外面脆裏面淋，好特別。匙羹蝦，大大隻的蝦和伴菜放在匙羹內，好像好美味，下次可以試下整體來講，裝修後十分值得去試

太上漁村請的都是自己人, 同鄉或者是親屬關係, 老板應該是好用心做這家餐館的, 但係食物就真係時好時差啦, 早茶就麻麻地, 腸粉餃子皮厚, 食物又好快凍, 有時D野未熟就攞出來。服務態度就真係睇一DD人, 收銀果個呀姐就唔太好喇, 付款時好似我地乞飯咁, 多謝無句, 將D找數掉過來。 問佢攞張單來睇即時黑面; 重有果個人地話佢係老板娘果個, 團年飯兩個時段, 未點菜就叮囑我地几點几點一定要交枱, 菜剛到就催我地好快D食快D走, 因為佢地要交枱比下一場, 好似我地阻住佢發達咁。橫掂都係要比錢, 食第二家無咁受氣囉。

今日早收，約了母親及舅父一起食午餐，母親不想去太遠，就決定在家附近食。白灼唐生菜 ～ 生菜爽脆，新鮮的菜只須加小量豉油已很足夠了。生炒褔健飯 ～ 材料有蝦、雞肉、紅蘿蔔、芥蘭菜和蔥花等，生炒飯比較上乾身，偏咸及味道比較濃了一點。滑蛋帶子河 ～ 滑蛋蔥花的濕濕潤潤，正好填補生炒飯帶來乾涸的口感。食物水準，不過不失，一試無防。

星期日大多數都會同家人共享午餐，今個星期也不例外。這家酒樓早上十時前設有點心優惠，太早來便多數無位，所以我們多數選擇在十點半左右才到，雖然沒有平價點心，但就比較容易搵位。這裡的點心選擇不是太多，所以每次來也差不多選擇一樣的食物，因此其實都有幾悶的。😛這次我們選擇了潮洲粉果、蝦粒煎腸粉、咸肉粽及海鮮湯烏冬。潮洲粉果 ～ 外皮過厚，餡料偏少。蝦粒煎腸粉 ～ 基本上這個也是幾穩陣的選擇(除非差到連腸粉也煎到硬身吧)，煎香了的腸粉連著蔴醬甜醬一起吃，屬每次必點之列。咸肉粽 ～ 喜歡這裡的咸肉粽，因偏愛米飯糕點類的食物，這裏的餡料偏少，正合我本意。😁海鮮湯烏冬 ～ 材料有蝦、魷魚、帶子、魚肉、切粒紅蘿蔔和菜，清清淡淡的配搭在這悶熱的天氣吃最為得宜。

今日好大雨，但就要出去做嘢剛剛下午茶時間，個場只有三份一滿，唔使等位，坐響玻璃窗邊，睇住出面雨境嘆茶餐具比較污糟，轉盤好油，中叫咗一堆點心：牛肉腸及蝦腸--腸粉好滑，包住嘅牛肉同蝦肉好味！春卷--賣相色水淡，雖然脆，但餡料好似炸唔透！唔好食！潮卅粉果--一夾起皮就裂開不過餡料多，粉䈓粒爽口，好味道 。叉燒包--正常。蝦餃--好大隻，𥚃面有好多蝦，蝦大隻又爽口，好味！燒賣--大隻，豬肉爽口有肉汁！馬拉榚--差！一見到，色水好淡，塊皮甩咗，求其放番響榚面就算！乾爭爭又不鬆軟！唔好食！排骨--份量大，成座小山一樣！味道正常！凰爪--正常。棉花雞--份量大，啲雞係一塊扒咁樣！味道正常！山竹牛肉--我們幾個有食都覺得味道變咗！灼生菜及灼菜心--兩樣都爽脆，菜心亦有甜味！（雖然上碟個樣好亂糟糟）豉油王炒麵--好驚喜，炒得鬆，麵彈牙，麵索晒豉油味，不會過咸！夾埋配料芽菜同蛋絲好味！XO醬腸粉--好辣！腸粉好彈牙，索埋啲豉油，又香辣又好味！下午茶時段，侍應少咗，加茶收碟都唔算密，侍應不算殷勤！以抵食夾大件，抵食為賣點！大雨中，唔使迫，門口有標位！丿

我媽家庭的一天盛事，每一年的大型團拜活動又舉行了。今年，選餐廳的重任就附托在我身上，本想留在觀塘區，但因為遲遲未確定日子，我也遲遲未 book，最後才選擇了這一家小小的太上漁村，一家人三圍作一個開心的聚會。早了幾天視察過場地，店員帶過我去可以間房的地方，因為當時未滿人，感覺還可以，也可以怪自己沒有細心看清楚。結果間了一個 L 形的房給我們，而且進出廚房的唯一通道就在這房的中央穿過，感覺絕不 private，部長阿姐沒有說清楚就應承幫我們間房，口頭說了有麻雀但酊埗後才說我們沒有 book，說可以4點交場但近6點才開門，不理食物好不好，但單是在服務上，我給予零分。扣除了服務分，我就開始為食物俾分，簡單的，我們擺三圍，盡量都是叫這些全包宴，包晒酒水，加一，又有壽包，良朋共歡聚，這一些全包宴，的確是非常之抵食。首先是有新鮮的大蝦，喜灼生海蝦。新鮮的海蝦就咁白灼已經是好好食，這些大蝦，新鮮爽口，美滿的鮮味蓋過了服務的不足，偶有少許苦澀，這就是新鮮蝦腸的澀味，正常味道對身體沒影響。 玉帶翠花姿，帶子，吊片，再加上芹菜，是酒席的常見健康菜式，帶子同吊片新鮮爽

尋晚嚟咗厘間'太上漁村海鮮酒家'晚膳... 見食評唔錯, 貪佢環境靜靜地... 於是咪去試吓囉!尋晚七點鐘到達... 又真係幾靜woo.... 唔使book枱, 又唔使等就有位...我哋一行四人, 3大1細... 叫咗個海鮮餐$598, 寫住'四至六位用' ! 起初我哋重擔心食唔晒tim... 點知我哋食晒所有嘢都唔覺有好餓ga感覺. 埋單連茶芥加一要$700 幾!一d都唔值!有一個女部長, 係咁話個餐好低食, 淨係個大蝦伊麵&清蒸老虎仔已經值$500...重話有'糖水'tim...於是我哋就問佢有咩嘢糖水? 佢就話比我哋知今晚有 '雪耳木瓜糖水'... 老實講, 餸菜味道只係一般, 沒有太大的驚喜... 大蝦伊麵d大蝦唔新鮮, 其他的食物要求唔高的話都可以接受, 而份量就真係唔多夠!最離譜就係明明寫明有甜品, 問咗係'雪耳木瓜糖水', 到最後居然話'送晒'... 心諗送晒都無辦法ga la...點知, 跟住見格離枱埋單, 之後有一個待應攞住3碗'雪耳木瓜糖水'過去.... 我咪問嗰位女部長點解格離枱有糖水, 我哋嗰餐包咗糖水反而無? 嗰女部長話啱啱無晒... 唔通有唔比你哋咩...

　　以上所說的不是佛門的地方，而是這間開業年資多於十年的食肆，只因環境不算嘈雜，小菜的選擇不少。原想點的冬瓜盅售罄，那麼便點其他菜餚，是次沒有選擇套餐，點了半隻秘製蔥花雞、椒鹽鮮魷、醬皇大鱔煲、脆塘豆腐，另配白飯與一枝冰粒阿伯啤。　　一層厚厚的薑蔥花而上，雞件至下，份量不少。先嚐薑蔥花部份，味道調得適中，像蘸雞件的薑蔥油，雖然碟底留有不少油，但雞肉嫩滑，一起吃時美味，絕對適宜拌飯而吃；椒鹽鮮魷，顏色呈淡金黃，炸的油較為清澈所致，鮮魷件十分新鮮，略有椒鹽混合其中，絕對是不俗的水準。　　大鱔煲是友人的選擇，熱騰騰的上桌，吱吱的食物聲響伴奏，醬汁不多不少，緊緊包圍鱔件。蒜頭、乾蔥等配料起（鑊／煲），除鱔件外還有腩肉，鱔件鮮嫩豐盈，醬汁不會過度覆蓋鱔件的鮮味，相當不俗，當然腩件肉盡收各食材的精華，美味；最後上桌的脆塘豆腐，相信是較為遜色的菜餚，內裡的嫩滑，但皮層不香脆，與我預期的出入，還不至於太差。　　烹調工夫不俗，價格合理，豐儉由人，絕對會再次光顧。

阿媽與朋友有飯聚於此，我都去食埋一份。住喺附近咁耐，都唔知呢間野水準唔錯。真係禾旱蓋珍珠！ 水準好過好多大酒樓。一行七人，叫到成枱都係餸。有雞、大蝦伊麵、乳鴿、海斑等。小炒王好好食，係韮菜花炒鮮魷、帶子、蝦乾等。炒得非常惹味，仲有好爽口嘅菜甫，好正。大蝦伊麵都好食，大蝦好有肉，而伊麵就有韌度，不會淋到一patpat。海斑兩食。西蘭花炒球好過蒸，無咁肥，海斑啖啖肉！西蘭花不會太硬，時間掌握得剛好。隻雞雖然細細隻，不過就好有雞味！瑤柱豆苗反而一般，太肥，好油。金沙骨好味，骨肉均勻，炸得甘香脆口，又唔會太油。味道亦惹味送埋糖水,是日糖水為蕃薯糖水。薑味甚重，偏甜了少許。環境不錯，可能客唔多，所以唔會嘈，食飯傾偈啱晒。

噚晚餐飯真係好勞氣!! 呢篇評論我係唔會講d餸菜好唔好食, 我只係想講佢o地班侍應服務態度!!我o地一行十幾人, 7點多已到達酒家! 裏頭坐滿8成客! 坐下先問侍應有沒有扇貝....無!! 帶子.........無!! 聖子.........無!!! 攪乜錯!! 又話海鮮酒家, 問乜無乜!!! 佢話只有魚同$28隻鮑魚仔!!! 咁貴, 緊係唔點!! 見到有推介$188有芝士龍蝦伊底, 決定點這個, 還加八個餸, 諗好後落單點菜!!! 大約十多分鐘後, 第一味菜已送上, 其他也陸逐送上來! 食到半路, 侍應才說當天特價龍蝦伊底已沽清!! 只有散叫段斤計!!! ..... 有冇攪呀呀!! 真係好激氣!! 遲先講!!! 之後我o地唯有再補點大斑兩味!!..........等了又等, 等到差唔多食晒枱頭d菜, 一個女經理走埋o黎同我o地講, 大斑也沽清!! 我o地又投訴點解咁遲先講, 佢狡辯話一早同我o地講佐, 只係我o地聽唔到!! .......你話係咪勞氣呀!! 計落我o地都算好老脾!! 我o地再比機會再點兩個菜, 一味係清炒西蘭花, 另一味大鱔煲!! 落單前講明話一定有, 又過佐幾個字,

以前經常與honey來飲茶(每星期黎一，兩次)，裝修後又黎食，感覺好次不如以前，因為D燈光及D布(深啡色) 覺得好暗，唔覺新裝修完，D食品無以前0甘平，無大中小點同價，無左我鍾意的午市迷你粉、麵、飯，而D點心大大件，味道都算合格，價錢都唔算貴，但D服務則一般，常無人加水，地方又唔多清潔，不過我都會再來，可能有份情意結卦。

忽然想食蒸魚，諗起呢間酒家，於是又再黎。點知門口已無晒D發泡膠箱，無得自己揀魚食，又唔見有蟹同賴尿蝦，裝修過靚左，不過之前好NICE既老伙記一個都無剩，黎左班C9侍應，問佢有乜例湯都唔知，最後叫左個二人餐，有蒸鮑魚四隻，蒸魚一條同冬瓜盅，後來又無冬瓜盅於是轉要例湯。見無菜本來加左碟椒絲腐乳唐生菜，但係個阿姐落錯單變左通菜，照殺啦。後來再加多碟波蘿咕嚕肉排。食物質素同以前無點變，廚房班底應該無轉，價錢都無平到，鮑魚係南非鮑同幾大隻，條海班都唔錯，通菜亦無死咸，波蘿肉排上檯時已飽左九成，所以無點食打包，但味道都唔錯。整體樓面侍應唔似以前班老伙記咁好，唔叫唔會做野，好在食物質素還可以，中規中舉，遲下想起食蒸魚時再黎過。

前日係母親既生日,佢向來鐘意食中菜,全家十人來到太上食晚飯慶祝。阿媽慣左日日煲湯,原本唸住嗌例湯試下,見到泰翅每細煲只係70蚊到,就叫左幾個試下。每個煲都夠2人份量,翅既比例亦比想像多好多,加埋叫左無骨泰式鳳爪及薑醋,酸酸地既前菜好開胃。見門口貼左d瀨尿蝦等海鮮相,便叫了幾款試下。瀨尿蝦值得推介,我地有d鐘意野味,有d鐘意清淡,老闆推介分開椒鹽及油鹽水粉絲咁煮,果然各有風味。個人鐘意食蟹,於是叫左寵仔糯米蟹, d蟹有羔,而且蟹既香味蒸完後滲入d糯米飯度,都幾入味而且飽肚。我媽咪鐘意食魚,碟清蒸石班亦蒸得剛好而且新鮮。另外亦叫左幾碟小菜,其中糖醋豬軟骨很值得一提。喜出望外既係,可能我地帶左蛋糕黎切,很細心的我地有免費壽飽食,而且壽飽份量不太大,熱熱的,再送埋糖水,呢餐生日飯真係好滿足。下次可以試下大閘蟹。

昨晚從台灣回港受親戚所託帶了鳳梨酥、綠豆糕等等回來送完手信後與媽媽二人到此吃晚飯二人吃晚飯不用太多小菜只點了兩個小菜>椒絲腐乳通菜很大碟通菜炒得好沒有炒得太老濃濃的腐乳味浸入了每條通菜不俗!>菠蘿咕嚕肉這碟不好首先麵粉太多厚厚的炸粉包住了小小的肉塊另外的是肥豬肉太多一口咬下去豬油「必」了出來全口也是豬油要挑走肥豬肉吃得不暢快!而且肉件份量不算多$50一碟比其他酒樓的價錢略貴了一點飯後有綠豆沙不太甜合我口味!