太元樓

營業中

休息中

之前喺炮台山覓過食，發覺原來呢度都係一個美食小天地，所以就趁放假就再次踏足呢個地方🙆‍♀️.今次就搵到呢間京川滬菜「太元樓」啦～環境舒適，座位寬敞，仲有靚靚嘅金魚碗添✨.菜單分為12類，分別係肉類，海鮮類，豆腐類，蔬菜類，飯類，湯類，年糕麵類，包點類，甜品類，飲品類同酒精類。.排骨蛋炒飯 ($88)加咗蛋漿嘅炒飯，呈金黃色，炒飯粒粒分明又吾會乾硬。而厚切排骨扒，厚身又實肉，約有八塊，外酥內嫩，肉質鬆軟，夠香口👍.鍋貼 （$40）鍋貼底煎得好香脆，而餃子皮嘅厚度亦恰到好處，啖啖肉腍甜香😋.賽螃蟹春卷 （$38）炸春卷我就食得多啦，但入面係賽螃蟹餡我就係第一次食🙈即叫即炸嘅春卷炸至金黃色，咬落外脆內軟，味道比普通嘅春卷較為清淡，但反而突顯出賽螃蟹嘅「鮮」！.妙齡乳鴿 （$28）呢款妙齡乳鴿係「太元樓」嘅招牌菜，每日限量供應，每位更限購一隻。乳鴿酥脆甘香，皮相當薄而脆，肉質嫩滑多汁，鴿肉香四溢，沾一下淮鹽，更味道升高另一個層次😋.黃金熏蛋 ($15)其實係流心蛋🙆‍♀️金黃色嘅熏蛋，加上流心嘅效果，蛋香味濃🥰

俾人放飛機，唯有自己一個人獨食晚餐。係中式餐廳最難就係一個人食晚飯，因為每個餸都預咗兩至三個人食，如果一個人，就好多時都淨係食到一個餸， 加個飯或者麵。但係呢間餐廳就非常之周到，湯可以揀一人份，魚又可以揀一小條，跟住叫多個菜，就搞掂一餐晚飯啦。撞啱今次嚟呢度做緊特價$28隻乳鴿，咁抵冇理由唔試姐，於是又食埋乳鴿。最後就有三餸一湯啦，非常之豐富嘅晚餐。所有餸都非常之啱我胃口啊，連小食都超好食。花生同青瓜浸落啲醋入邊，非常開胃!酸辣湯($38) -夠晒酸，又唔會好辣，超足料椒鹽小黃魚 ($48)-話就話係小黃魚，嚟到原來都幾大條呀，有我一隻手掌咁長。條魚煎得非常之脆，啲皮好似炸魚皮咁，非常香口上湯小棠菜 ($68)-清清地嘅菜，有埋瑤柱，夠健康。乳鴿($28)- 啲肉夠晒嫩滑，冇燒過龍呢度裝修幾特別，有少少藝術家風格，好多擺設。

母親大人鍾意食中菜, 於是帶佢嚟太元樓食晚飯,貪其近屋企又乾淨企理,而且聽朋友講呢度食物質素唔錯。一早BOOK 咗枱周六晚上, 按原定時間到達,都幾多客人, 差不多滿座。我們兩個人點了辣的雞絲拌麵, 紅燒獅子頭及小籠包。 先講餐廳推介的雞絲拌麵, 我原本以為是類似雞絲粉皮的小食類, 想不到甫上枱是可以很飽肚的拌麵, 麵量很多, 面上有很多調味醬及青瓜絲, 麵底下有辣油,麵旁邊有雞絲, 拌勻進食, 有少少辣, 但調味醬非常惹味, 令人停不了口, 而且有青瓜絲增加口感, 推介。紅燒獅子頭, 豬肉非常軟稔, 母親大人好鍾意,汁料亦相當對味,不錯!小籠包, 皮薄而且多汁, 不錯之選。下次會再嚟食下其他菜式。

已中伏不驚樓價錢，大快樂環境！- 引羊入虎口特價$28乳鴿- $388 貴價未加一片皮鴨- 雙倍加咸蒜蓉莧菜- 唔夠熱硬厚皮小籠包- 細個酒樓點心蔥油餅- 我話ok 就ok雞絲粉皮- 還可以砂鍋魚頭煲- 洩氣上海粗炒- 無話可說咕嚕肉沒有針對，只是個人意見！服務還可以，不過冇下次！

終於有機會黎到食啦，因為之前新開張，成日都好full，星期日7點幾諗住試下walkin竟然有位✌🏻坐底左都無咩人理我地，待應全部都好忙，諗好哂食咩叫人黎落單佢先知道未開茶比我地，呢個位扣小小分啦！見到做乳鴿優惠28蚊隻，即刻落單先！雖然細細隻，但都好脆口，同平時點果d淮鹽唔同，呢度果d唔太咸叫左百葉小棠菜，本來以為百葉係牛柏葉😂原來係腐皮之類既野，我就麻麻地，同d小棠菜份量好小！黃金春卷同雞絲粉皮就不過不失！小籠包做到皮薄多汁，唔夠食要再encore呢個大元招牌海鮮炒飯有驚喜，炒飯炒得爽口，味道可口唔會太咸環境ok 夠光猛，下次可以再黎食佢既甜品！

今日難得出去做野～係港島收工～約男朋友係港島食飯順便去遊車河～佢話想食中菜仲要容易搵位置泊車～咁我search左下附近咁岩有間上海野！方便快捷啊！就係門口對面就可以泊車～一坐低就有拍青瓜食～係送既小食～真開心呀～酸酸辣辣都幾開胃～排骨擔擔麵－哇超級大份既排骨呀！成個擔擔麵咁大～炸得鬆脆可口～擔擔麵好濃郁的花生味，肉碎都好多好滋味～水煮牛肉－平時都好少食，男朋友見到呢度有水煮牛肉，而且價錢又唔係話太貴，一於試試～好多料～有豆朴，菇類，芽菜等等好多配料。食落口唔會太辣，味道岩岩好～因為我地都唔係太食得辣既人啊～小籠包係食上海野必須要叫既～呢度d小籠包都出奇地出色！多汁又夠鮮嫩～吸完d汁之後再食成粒落口～非常滿足啊！高力豆沙－真係第一次食呢個咁特別既野！我地見到隔離台有叫～所以問左侍應，話叫做高力豆沙～叫黎試下～入面有豆沙餡～甜甜地，好好食～飯後甜品都一流！食完慢慢歎下茶～

網上食評評價非常高，今天有幸一試，真是嚇你一驚！上海湯麵麵質淋到入口即溶，跟侍應反映，竟然聽不懂廣東話，叫來另一個侍應，她只說沒試過，會通知大㕑，叫我們換過另一款食物。後面那枱吃豬扒，也投訴肉是凍，也有其他客投訴麺質太淋，要求退貨！其他食物普普通通，廚師沒有心去做，不會再幫襯！

同幾位同事lunch黎食lunch，有意外驚喜！坐得舒服，食物又有水準，以後lunch又多個好地方！😋招牌擔擔面，湯底味道濃郁，辣度適中。面身幼嫩有彈口。即蒸小籠包，小籠湯包皮薄適中，餡料味道恰到好處粗炒黎講不會太油膩，口感不太乾身因爲有醬汁搞伴㰖菜不會太濃，炒得有鑊氣，不用餸飯當小食吃也可蔥炒牛肉，牛肉味道較濃，如果清淡一點會較好必食！乳鴿物超所值，肉汁鮮甜，嫩度適中豆味濃度適中，不會太甜醉雞嫩度合適，不過跟餐份量較小。下次要叫單點🤤

裝修好光猛新淨, 主要係食上海菜，餐牌都算幾多選擇冷盤花雕醉雞，酒好入味，爽口開胃。小籠包雖然皮薄，夾起都唔會穿，肉汁夠多，內陷充滿肉汁, 唔錯！叫咗半隻太元雞，有啲似炸子雞既皮脆，不過佢就配埋南乳醬，食落變咗另一款口味又唔太咸仲試左個幾特別既賽螃蟹春卷，將本來炸春卷的餡料變咗賽螃蟹，一脆一軟嘅口感食落幾有趣。再試左妙齡乳鴿, 上枱已經聞到陣陣香味就叫咗高力豆沙，可以order一客一粒，好方便, 不用怕食唔哂，想食幾多粒，就叫幾多粒

一向鐘意食上海菜嘅我, 今晚試左位於北角嘅太元樓😬招牌太元雞燒得幾香口👍🏻招牌太元炒飯好足料! 啖啖飯都有帶子肉🤤食上海野點可以唔食小籠包, 咁先試到廚師功夫💁🏻‍♀️ 依度小籠包嘅皮好薄, 一咬開都幾多湯~~另外仲試左一個賽螃蟹春卷, 出面未見過有呢味餸🤔 幾特別味道亦唔錯~最後叫左一個榨菜肉末, 依個會跟4件叉子, 岩晒幾個朋友開心share🤭甜品方面食左我最鍾意嘅高力豆沙, 夠空氣感同有足料香蕉肉🍌餐廳仲送左一隻燒乳鴿~超級滿足又豐富嘅晚餐☺️

今日試咗喺炮台山依間嘅太元樓，佢主要係食上海菜嘅，不過除咗上海菜，佢都有少少其他嘅菜式㗎🤓餐牌都算幾多選擇，叫咗幾款佢推介嘅叫咗半隻太元雞🐓，隻雞係脆皮嘅，有啲似炸子雞，不過佢就配埋南乳醬，食落變咗另一款口味😯叫咗個太元招牌炒飯🍚，入面都幾多料㗎，主要係海鮮🦐，份量仲要好大，超大碟呀😮仲試左個幾特別嘅點心，賽螃蟹春卷，佢又平時炸春卷嘅餡料，變咗做賽螃蟹，一脆一軟嘅口感食落幾得意👍🏻另外仲食咗妙齡乳鴿，榨菜叉子肉末同埋小籠包，食到好飽飽啊🤭🤭🤭甜品就叫咗高力豆沙，佢一客係一粒，唔洗好似平時一碟有四粒咁多食唔晒，想食幾多粒，就叫幾多粒😋😋

周未放假同屋企人去到舊區行下感受下舊區小巷既特色， 行到夜晚就誤打誤撞入左呢間餐廳食飯。作為中菜餐館都幾多選擇大多係上海同四川菜，但屋企人比較鍾意食上海菜所以都偏向點上海菜。花雕醉雞酒味香濃雞肉吸盡酒香但入口又唔會有強烈酒既苦澀味，雞肉經酒浸過後質感嫩滑內裏骨髓都變成啫喱狀。小籠包充滿住鮮肉湯汁肥肉唔算多，味道香而不膩內裏帶肉少蔥多左份蔥香味，夾起唔易散同穿皮的厚可以接受。賽磅蟹份量多內裏除左蛋白外配料有瑤柱毛豆同魚肉味道唔會過淡但蛋白炒得少少過火如果嫩滑少少口感就好好多。

返工同住都係九龍區既我平時好去得多港島地區都係離不開銅鑼灣同中環今日為左探下朋友就去到北角食飯.朋友就帶左我佢附近商場食估唔到普通既屋苑商場開左間咁新淨既上海菜館新開晚市仲送燒乳鴿但數量有限我地無緣食到.前菜送上既醃青瓜不過不失青瓜爽脆帶少少辣味酸酸辣辣開胃.上海菜當然要試下小籠包,籠包一客4件即點即製上枱後待蒸氣蒸發後小籠包外皮成型,外皮唔算得上簿但合格內裏鎖住湯汁加分肉餡充滿豬瘦肉及肥肉混合味道香.醬炒大蝦年糕大蝦十分足料足足有7隻大蝦,餐廳好細心咁將蝦身中間切開令到更易拆殼之餘仲沾到醬汁.蝦肉爽又彈牙蝦身肉唔霉外殼吸晒d醬汁好惹味.年糕軟綿之餘又唔痴牙.平來已經食到好飽但都要留返一個位置食高力豆沙做甜品,高力豆沙比預期中大粒,一粒經夠我同朋友share,內裏有香蕉同豆沙,略嫌豆沙餡唔夠,整體都ok.

在北角城市花園商場辦點事，中午餐就在附近搵食，見呢間太元樓門口餐牌有好多午市套餐推介，五十零蚊，有一餸，一碗白飯，仲有酸辣湯或粟米魚肚羮或豆漿三款選一，睇落好抵食，好過日日食茶記或快餐店呀！內裏裝修幾企理，牆飾壁畫都好有可觀性！客飯套餐以川滬菜為主，兩人各點一個醋糖排骨，另一個紅燒豆腐！跟餐選咗粟米魚肚羮、熱豆漿！醋糖排骨酸酸甜甜好開胃，而排骨肉質肥瘦適中，腍滑而且好入味！紅燒豆腐配菜仲有鮮冬菇片同肉片一齊煑好加獻汁，送飯一流！粟米魚肚𡙡亦夠熱而且濃稠適中，味道可囗！超大杯熱豆漿亦係唔錯嘅選擇！

餐廳開左無耐，行過都見有人排隊，開飯評分又唔錯，所以一直都想試下。整餐飯最有味道既,只有兩樣野，乳鴨同小籠包。叫左6隻乳鴨，味道唔錯，燒得夠香。小籠包有湯汁，皮薄。炒飯，唔記得左個名，似係楊州炒飯咁既。好淡，懷疑佢鹽都冇點落，冇鑊氣。粗炒麵，又係無咩味，食落似就咁撈兩下是油就出碟，完全無鑊氣。其他生煎包，銀絲卷，醉雞都正常，無特別。價錢中價，環境都闊落，可惜基本飯同麵都極淡味。會想再去食小籠包，但其他菜就真係無吸引力。