奇香冰室 (已易手) 新餐廳

前來之先,打個電話,什麼時間打烊。很有禮貌的阿叔說,八點零鐘啦!叫左碟三寳燴通$24,雞絲是手撕雞,不過無黎味道,是此燴通的遺憾。因為over-all茄汁比細細個時,屋企風味酸,而且每粒通粉也掛著茄味,正!夾心多士$7是果占加咖咉。比齋咖咉來得醒胃!多士烘得似吃威化,幾驚喜。牛肉麥皮。牛肉十分牛味,埋埋醃味很出色!麥皮滑滑,是前所未有吃過咁與眾不同的咸麥皮。奶茶。看去很奶顏色,心知不妙。誰知也ok噃!不過不是常吹捧的甘味掛杯奶茶,而是….感覺上小朋友,都可以飲的奶茶口味。多奶卻不失茶味,好有趣。初時諗住茄汁燴意粉啫!預計無特別,誰知來過,邊感受「舊」環境;邊吃它獨特的味道,令人有點回到童年時~~~

奇香冰室的燴意聽受好評今日即管一試結果不外如是首先地步難搵寫係何文田勝利道其實即係近旺角亞皆老皆旺角東店附近白行十倍冤枉路環境簡陋似深水土步既舊餐室貼寫有支裝健怡/零系可樂, 實情無老闆話無乜人飲喎!普通到無得再普通既快餐店質素都要賣廿幾蚊雖然唔係好貴但無餐飲跟, 飲品要另外叫變相好貴, 唔抵飲燴意似蕃茄勞阿媽都識整無咩特別真係唔明點解受多人歡迎呢??????唔明

今日來到這裡為狗兒添食具及零食, 一個人食lunch, 就來到這間出名吃意粉的舖頭大概一點鬆少少, 想可能都要等位, 點知又不用等, 而且有好多吉位, 坐下來看看餐牌~~點了牛肉燴意粉及凍檸茶一上台見到意粉的顏色, 知道即是茄汁炒意粉, 因顏色很深, 我以為是用鮮蕃茄做成的醬汁添 味道嘛, 帶點酸, 沒什麼的特別, 可能特別在就是出面很少這種意粉, 也是童年的回憶~小時在家裡, 媽子都是就咁用茄汁炒意粉, 味道差不多, 而且份量好像很少, 一個大男人可能不夠吃~凍檸茶, 淡而冇味吃完後, 開始多人, 很多學生哥來到, 我也不霸著位置, 急忙埋單走人了~~

蕃茄牛肉意粉真係超超超超超超好食!!! 推介!!呢間冰室應該好耐啦..第一次食已經係6年前, 質素同以前一樣.意粉用好濃的茄汁煮成, 配上切成細塊的牛內片. 雖然見唔到新鮮蕃茄碎, 但總覺得唔似街外食到蕃茄意粉...聽森美個節目講, 呢到既多士好似都好出名..但仲未試過..下次試下先!!

前期睇到不少飲食雜誌，都提及呢間老牌冰室，所以係幫貓貓買糧時，就順道經過試一試。門面跟一般老牌茶餐廳一樣，門面裝修不多，一塊很大的落地玻璃，能看穿店內情況。看一看餐牌，價錢比出面的茶餐廳較貴，好像是歷史以頗悠久的嘉X冰室，真是”抵食夾大件”。但本著試一試的心態，就FINE LA…是日點選了招牌雙蛋蕃茄雞肉意大利粉，及腸仔奄列一個。先講意粉，雜誌寫每條意粉都佔滿蕃茄醬，非常入味彈牙，鮮味十足。但個日食既時候，並沒有此高水準及感覺，反之的是吃不到濃郁的鮮蕃茄味，只吃到茄汁的酸。意粉煮得頗腍身及碎，不易夾起。整碟意粉，只有雞絲是較嫩滑，但仍然沒什麼味道。而雙蛋半生熟，正常蛋兩隻，普通茶餐也做到這樣。在這條街，一個意粉賣三十幾蚊，價位屬正常可接受。但一個只有手板大、超簿身既奄列，竟然要賣廿幾蚊，就的確唔抵食。先唔講味道是怎樣，但相比起其他懷舊冰室的奄列，通常一係是勁厚身，或者是頗大SIZE作賣點。這樣卻反其道而行，細件兼唔抵食，實在不明為何。至於味道方面，蛋味算香濃幼滑，腸仔煎得夠香口。不過從外觀望埋去，好似煎蛋時，落了大量油，剩低的油除了鋪在蛋上，亦從蛋身浸到碟上，感覺挺油膩。總概黎講，意粉

每次來這裡吃的都只是下午時份才有的招牌港式燴意粉。看食友們寫的三絲湯通粉卻是早餐的主要組成部份，自己從來沒有吃過這個。一向對很有好評的東西而自己又從未吃過的，小弟都很有興趣去試試....來到茶記或冰室，奶茶自然是必備。叫了一杯熱的，呷一口，茶味不甚濃，反而有很重奶味。水準只是很普通，當然跟白宮的相去甚遠。不過今次自己主要是為了那三絲通粉而來的，其他的東西相對來說，只是陪襯而已.....腿治烘底同樣不甚了了 ---- 包很薄身，雖色澤烘得金黃但不算勻循，而且烘得過了火，入口很乾，乾得帶點嚡口，吃進喉嚨時確實帶點不舒服的；牛油份量也委實太少太薄，吃起來就不夠香；火腿亦沒預先煎香，因此也沒足夠油份走進多士內，麵包要想好吃就真的難如登天了....眼前的這一碟三絲湯通粉，不及細想便拿起匙羹便掏來吃。所謂"三絲"便是雞絲、腿絲及蛋絲，雞絲吃來沒半份味道，淡口之極，幸好不甚嚡口；放了湯的火腿味道當然無甚特別；蛋絲實際上是在吃用刀切成一條條的薄蛋皮，將之浸進湯內，感覺上沒有那樣的"嚡 SUP SUP"，但同樣亦是沒甚了了的滋味。通粉不算淥得爽身，反而湯底呈跡近奶白色的，喝落有點像在喝雞湯FEEL。但想

早兩日經開果頭開工，諗番起好耐都冇嚟過呢間食店咬麵，又諗番起佢地個麵超正，唔埋三七廿一，泊架車係門口就入咗去店舖裝修過，冇咗之前果個懷舊感覺，不過感覺開揚企理咗，照舊order牛肉麵同凍奶茶杯凍奶茶冇變，不過個牛肉麵，食落仲以為自己去咗「痕聾」茶餐廳…點解個牛肉麵退步咗咁多呀！以前個碟爽口又彈牙既麵去咗邊？個麵喪冧，就嚟可以用「一pair嘢」去形容…好掛住之前果個牛肉麵…

世界盃開鑼，每天三場賽事直播已佔去我三份一的時間，唯有趁星期日的空檔，盡快補回食評。近來迷上微博這玩意，從中認識了一些香港知名 bloggers，例如素顏天使、不眠王子等，藉此交流飲食資訊，獲益良多，而位於勝利道的奇香冰室，就是 she.com 美容編輯 Athena Poon 推介的食店，特此鳴謝。奇香冰室的地方不大，座位排得密麻麻，環境相當迫夾，我們來到的時候已近九成滿，幸好剛剛有兩個搭檯位空出，不用在店外等候。小店主打的是港式燴意粉，也可以改成燴通粉，配料可以自由配搭，包括煎雙蛋、香腸、餐肉、牛肉、雞絲、火腿絲等，總之喜歡吃甚麼就叫甚麼。我叫的是三寶燴意，三寶斷估係蛋絲、雞絲及火腿絲，但送來的卻只得雞絲，見老闆明哥一直忙著，也免得滾攪佢，照吃可也。這裡的燴意橙橙紅紅，再放了一些番茄及青豆，賣相十分港式，幸意粉未至於煮至過份軟腍，入口仍然帶少少韌性，而番茄汁的味道酸酸甜甜，也叫人胃口大開，雞絲則沒甚特別，偏鞋而不入味，有點雞肋的感覺。女友要了牛肉燴通，上檯後才發覺忘了加蛋，麻煩了明哥幫我們拎入廚房加番，前後不用十秒就成，效率奇高。燴通的色水比先來的燴意更橙更紅，味道也明顯比較酸，唯

睇雜誌介紹,見牛肉蕃茄意粉幅相几好,同屋企人試..點知...比本雜誌搵笨,屋企人食完媽媽聲.意粉好"林",冇咬口.冇乜蕃茄D茄汁感覺有D粉粉地,可能加了豆粉,但又冇茄汁味牛肉好"un",冇牛味老豆叫凍coffee,佢話未飲過咁差咁淡的,淡到也不知是coffee定奶茶唯一入得口係紅豆冰最後還計數計多左,好在我地醒.真的要小心!總結食物不是平,也不好食,唔明點解有人讚.可能我地唔識叫啦.但不會再去.

工作了一段時間感到有點累和肚餓，是時候去找點東西吃了。何文田也算是一個離我非常近的地方，其實我只要行 5 分鐘大概就到勝利道了，便到附近找點東西吃。這間冰室是挺受歡迎的，短短時間內已有很多人出出入入，冰室細細卻坐滿了人，大家也在吃著不同的東西。由於我很快又吃東西了，所以不想吃太飽的東西，最後叫了一個腸仔奄列和一杯熱華田。腸仔奄列份量也不算少，因為其實它也不便宜的，要$22一份的。可是是不錯的，不會煎得過熟，蛋汁豐富，但唔算係非常滑。表面吃到一點點燶的味道，有點點扣分。腸仔份量也算多，不過若切得再細一點應該會更好。下次再來吃過燴意粉，是可以來一試的。

5-12-2009到信和 pick up 一 d 嘢, 搞掂後沿登打士街一路行向想去的熱狗店 (http://www.openrice.com/restaurant/sr2.htm?shopid=31083), 點知嚟到先發現佢已執笠 兜兜轉轉嚟到勝利道, 既然熱狗店無乜特別 (http://www.openrice.com/restaurant/commentdetail.htm?commentid=183876), 不如試試呢間冰室吧.腸仔奄列: 朋友的主食, 一切開流出大量蛋汁, 手勢不錯喎 食落幾滑, 可惜蛋香一般; 腸仔就係 常用的 BBQ「金妹牌」味道, 幾脆皮, 還 ok.牛肉燴意加蛋: 我的主食, 亦係呢度「名物」之一, 面頭兩隻太陽蛋「塔」喺面, 賣相好靚 將蛋黃拮穿, 同意粉撈勻, 食落中和了茄汁的酸嗆, 多一份黏口及淡淡蛋黃香, 都幾好食; 港式意粉當然唔會 al dente 啦, 但其實煮得唔算好腍身, 還 ok; 牛肉幾腍, 無「梳打」過的痕跡, 廿幾蚊一碟算係咁了.仲有杯凍檸賓, 夠晒凍夠晒多檸, 正 店內人頭湧湧得有點嚇人, 環境舊式, 衛

見係河文田返左學咁耐都無入過奇香試下明哥D手細於是就的起心肝入黎試一試佢啦12點中左右都無咩人, 一入到去就見到明哥發哂火咁鬧個伙記本來想靜一靜都唔得呀, 明哥咁大年紀就應該收一收把火啦講番d野食先, 3個人分別嗌左個牛肉燴意, 午餐肉燴意,雞肉燴意加多個西多士牛肉燴意 : 味道OK, 意粉口感唔錯, 牛肉就一般啦, 無咩牛味, 個汁我厭佢唔夠重味, 所以我加左好多tabasco, 咁樣個味先濃番D午餐肉燴意: 呢個漏單之作, 無咩汁, 乾真真咁樣, 食落更加係無咩味啦, 午餐肉都唔會特別好食, 差呀呢個!雞肉燴意 : 雞肉少之又少, 而且都係比較乾身, 無咩汁西多士 : 無咩水準既西多士, 口感麻麻, 有一陣奶皇包既味道, 而且西多士亦唔夠crispy整既時間亦都過長, 等到無哂mood食

前兩日有朋友問我香港邊到會有舊式既燴意粉食, 黎or搵一搵就搵到三間, 呢間係其中一間, 個日路經旺角就決定近近地黎呢到一試!點左三絲燴意粉, 雞蛋燴意粉同一杯奶茶! 一碟意粉既份量只係一般女士既份量. 意粉每一吋確實都比茄汁包住, 不過我就覺得佢既茄汁味唔係好夠. 食材方面, 三絲既雞絲腿絲同蛋絲既無咩特別, 配太陽蛋將d蛋汁撈埋黎食反而我覺得唔錯! 全餐最敗筆既就係杯奶茶! 唔知係一向都係咁抑或個人師失手. 成杯野只有花奶味, 真係連少少茶味都飲唔到! 但係我見其他食客都係點奶茶又無complain, 番到屋企真係越諗越唔對路! 可能我咁唔好彩, 失手奶茶都比我飲到!   呢到好明顯係一間專門做街坊生意既小店. 店入面既座位唔好多, 中間既一張圓檯仲比老闆徵用左黎做佢既專用既"辦工檯"!  大部份既客人未坐低餐牌都唔駛望一眼就可以落order, 老細都唔駛用紙筆寫低客人既order. 老闆同熟客之間既有趣對話及問候代替左一般茶記既嘈吵, 與一街之隔既旺角既嘈吵真係有天潚之別. 有一種home sweet home既感覺.

早餐, 午餐可以呀!!! 非一般的冰室~~ 十分有人情味!!! 我認為撈通粉好食過撈意粉.... 味道好, 但是有一點油膩~~~腸仔跟一般茶餐廳的不同, 不是一般的雞肉腸! 我不是太欣賞....但我的友人很欣賞!!鮮牛肉麵很好吃!!我最喜歡飲唂咕....跟一般的不同!!! 但餐廳內用的冰塊好像不太衛生.....明叔確是十分有人緣的老板!!! 閒來老是跟熟客談笑風生~~~

對上一次到奇香是以年來計，可想而知我多久沒踏足此地。趁與朋友去何文田睇寵物，也齊齊走過來探一探明哥。明哥是永遠不用紙和筆的，只要落了苛打，佢自然懂得將訊息傳入廚房，不一會便有新鮮出爐的東西吃。即使要加腸轉太陽蛋走豆等複雜的配搭，亦考唔起他的。還是不要挑戰佢，簡單要一碟牛肉燴意粉，加杯凍檸茶。說起港式的牛肉燴意粉，十間茶記十間都有得賣，不過有些地方酸味調校不好，有些的牛肉是化學牛，要吃得滿意的確實寥寥無幾，奇香是其中之一。茄汁份量適中，酸度調校得宜，醒胃又不過搶；意粉香口惹味，柔韌度剛好，十分對口胃，當然如果牛肉可以熱一點就更理想。檸茶始終不是這裡的強項，下次都係飲忌廉溝鮮奶。