奇香冰室 (已易手) 新餐廳

搬來這區已有一段時間，現在才能抽空來"奇香"吃個早餐，應算是遲了點吧....早餐只有兩款選擇。其中的A餐既有通粉也有三文治連飲品，價錢都只不過是二十二大洋，是一點也不貴之餘，吃完後亦應甚飽肚....這兒的茶走的煉奶份量是極少，差不多是尤如在喝普通奶茶無異。幸好茶味不算太酸澀，味還濃的。若當成是奶茶的話，心裡可能會更舒服一些...火腿治雖要了烘底但卻沒有另加收費，值得一讚。包烘得微焦頗見脆口，而且牛油也塗得不少，比起只有一塊火腿與麵包同吃，食起來就沒那般單調....三寶通粉算是這裡除了燴意粉以外的另一名物，早上來到時差不多是每枱上皆見都有一碟。所謂的三寶便是雞絲、火腿絲及蛋絲。老實說，三種配料的味道皆十分麻麻 ---- 雞絲食起來有一咲濃烈的雪藏味；火腿絲是無甚可評的，每處茶記吃到的大部份都是一個味道；蛋絲則很"老"很嚡口，是絕對的乏善足陳.....唯一可取的，便只有入口爽身不淰的通粉而已....不過只需付出二十出頭的價錢就可食得飽飽，於這區來說，已是很抵食的了....

因為係附近返學 見到平時都多人幫襯 就去試下 一入去已經覺得好臭 可能係隔離狗鋪啲味 坦白講 已經食慾大減試左三樣野油沾多 七蚊 脆脆豬 八蚊 茄汁牛肉燴意 二十六蚊全部野要散叫 油沾多 同脆脆豬 如果你分別食過維記同翠華你會知咩叫好食 個燴意 得好少 味道一般 無咩special同埋零service 唔哎唔會俾水 亦唔會過嚟落單 佢真係好好賺 做得咁hea 都唔會有下次架喇

以前一直都係奇香FANS, 但係自從一年幾前食完奇香腸胃炎加上工作忙所以好耐都冇去番奇香, 不過人總係念舊的,今日難得得閒加上心血來潮, 都決定係非繁忙時間去奇香食番個牛燴!!! (事關奇香係繁忙時間出品會差D)明哥仔依然咁好人親切!!!牛燴加蛋依舊咁正同飽肚, 同埋個茄醬真係好鬼死香><牛肉唔會太UN,不過牛肉味道普通啦, 意粉都係篇"林" (鍾唔鍾意就真係睇個人)但超入味,正!同行友人叫左個牛腸米, 牛肉同佢既湯好夾,咁多年水準冇收, 牛味係湯米出好多,加上D米係湯好入味, 我個人認為可能比燴意更好!!!哈哈總結黎講,呢次奇香之行,不錯呀XD 試番D以前經常食既野

隨著時代變遷，香港的舊式冰室愈是買少見少，粗略估計，撇除徒有冰室之名，卻無舊式冰室悠久歷史的A貨冰室，現時碩果僅存，能夠抵擋得住時代洪流衝擊的真正舊式冰室相信只剩下不到四十間。近日查看 Openrice 的食店資料，竟赫然見到位於土瓜灣區，曾有港產電影前往取景的「白宮冰室」原來已經繼大角咱區的「七記冰室」之後結朿營業，實在令人感到唏噓。在今時今日的香港，一切的舊事舊物，是否必定要像某些歷史古蹟一般受到保護才能得以倖免，否則便終有一日難逃被淘汰的厄運？既然舊式冰室已是愈來愈少，趁著仍有部分舊式冰室仍在努力求存，前往懷懷舊，尋覓一些舊日的經典味道，想也是不錯的吧！這一天，我便來到了這一間位於九龍區寵物店林立的勝利道上的「奇香冰室」------ 一間昔日在路中曾經無數次遇它相遇，但卻從不曾入內細味它的風光的舊式冰室。簡單的裝修，老舊的環境，在在提醒自己這是一間老店。曾幾何時，自己曾在附近留下不少的足印，但卻總是與它擦身而過，只為它那其貌不提的外表，未能吸引仍在求學時期的年輕人。這兒的卡位座椅，只要稍為坐得大力些、使勁些便會前後搖晃，牆上鏡子裡的銹蝕痕跡，更是明顯地教人知道它曾經過的歲月風霜，

十月三十日 (星期日)晚上,特意走到這街看看寵物餓了,就用電話找找附近的食店見到這家老字號,評語不錯,就進了去得知這裡的脆脆豬是招牌菜老闆娘說已賣光再看看餐牌,首推金寶雞湯雞皇飯,再問老闆娘說暫未有供應一臉無奈,再選別的穫氣足,來桌時是熱烘烘的不過配料較少(還是意粉份量多?)幸好意粉不是碎粉蛋煎得半熟,還有蛋汁流出正好與雞肉餡料配合雞肉富雞香肉味,肉質幼嫩比意粉勝一籌連續數位在場食客都點了這個,癮起,又點了雲呢拿雪糕,吃得出是牛奶公司的貨色配上可口可樂...不錯不錯其實,也可以自家製的吃得不是太飽,再到鄰鋪糖院吃過甜品才肯罷休!

見天陰陰，本身冇乜興趣出街搵食，點知屋企人話想出去行吓，諗起本搵食書介紹過呢間冰室，於是決定嚟呢度試吓勝利道寵物店就多，行過諗住望吓掛出嚟嘅店牌，又唔多覺眼喎，所以要搵呢間冰室真係要落足眼力！到搵到，果然係一間唔多起眼嘅舖頭，加上天陰陰，真係隨時行過咗都唔知．．．入到去，地方細細，連五張卡位都係得九張枱餐牌中唔係好多選擇，如果想要乜乜套餐，唔好意思，除咗兩set早餐，係冇其他set餐你揀嘅最後我地揀咗飲食書推介嘅三絲燴意粉，仲有佢地牆上寫嘅奶油豬仔包，另加牛肉三文治，再加上熱朱古力首先嚟嘅係飲品，個杯好靚呀！同間冰室好唔match囉，哈哈哈　但奇怪係我同屋企人叫埋同一款飲品，一杯多奶，一杯好濃，即係手勢唔係太定啦跟住嚟係豬仔包，超得！又熱又脆！本來想再encore，但話賣哂喇．．．．　我地只好叫牛肉三文治囉跟住意粉到，賣相都唔錯，食落淡淡地，蕃茄味好香，但可惜係料唔會好多，同埋啲意粉太碎。收$25一碟，我屋企人覺得貴咗少少，我覺得中上啦最後三文治到，塊包好軟，牛肉又多，又熱。我屋企人食話係新鮮牛肉總結係：嘢食唔錯，我會再嚟～　

今天走到亞皆老街找原材料店，行錯路，因為還未吃東西，就走到勝利道看有什麼好吃，整條路行了一轉，除了極多的寵物店外，沒有太多吸引的食店，結果還是幫襯這間奇香冰室。之前沒到openrice看這間店的食評，現在看才知道有這麼多人討論過這間店。入到去係好舊式的擺設，細細的店舖，落單的呀姐充滿朝氣，令人好有好感。星期六的四時半只有三枱客，見兩枱客都叫了燴意粉，就叫了一個茄汁三絲燴意粉。茄汁三絲燴意粉有幾件蕃茄，青豆，蛋絲，火腿絲，雞絲等。每條意粉也摻滿茄汁，少少淋但好入味，係典型的港式燴意粉。朋友叫了餐肉通粉，餐肉煎得香香的，通粉是沒有紋的，不過淋，OK. 熱檸茶有四片檸檬，夠晒檸味。最後再加了脆脆猪包，呢個超好味，食得出麵包新鮮才能烘得出這麼鬆脆，加上奶油，好味過翠華的!!!!因為唔太多人，好有一種閒適的感覺，見有熟客伯伯幫襯，呀姐就即時叫得出食客要什麼，老店的人情味就是這樣，好鐘意。

呢間刀食過4,5次架係門口會有陣怪味... 我吾知係隔離間寵物店定咩啦.. 成日行過刀有老實講呢間話明老店, d衛生環境就... 好難令人滿意架啦不過最重要刀係野食!叫過幾次燴意,一次湯意始終中意燴意濃味d, 湯意好淡 吾係好岩我(價錢方面, 湯意係燴意2/3左右)三寶燴意係我既推介!! 一黎貪佢夠多種料, 吾會悶同埋d蕃茄味好香好開胃食完七至八成飽(始終意粉幾飽~)不過食完會口渴但間舖d野飲真係吾值得推介刀係出去再另買抵d~d人服務刀算好 野食吾洗等好耐 d意粉暖暖地吾燙口比$個時又可以分開比..總括黎講刀係幾好既lunch =]]

在周四平日的夜晚, 為左家中小貓, 要來呢條寵物街買貓帶防"室"學校正 放暑假, 平日車水馬龍, 學生 家長, 人來人往, 今晚 小貓二三隻,的勝利道 , 仍然有一間冰室在默默耕耘小小的冰室, 有老闆, 水吧阿姐,二個主持大局!想當年係附 近返學, 朝早, 中午坐到爆哂既卡位,圓枱今晚己經無人....坐下點了 三斯同牛肉燴意粉. 再叫了個檸密水吧阿姐識做, 立即比兩杯水我地, 再好快手溝杯凍檸密意粉主菜亦在五分鐘後 分別上來........真係自家生意 既快手又好服務進食時, 我和女友都有傾計, 而老闆同d 食客都有閒話家常講下身子唔好, 唔知做到幾時, 又話去邊間診所睇醫生好又話咩有d 親戚朋友呢幾年去左, 要大家保重呀高血壓糖尿呀, 點用中藥醫好!不過呢度d 意粉茄汁味好正, 成半片的蕃茄, 牛肉一片片又多料, 真係完汁完味, 正 !!! 可能你話呢d 野係屋企,有心機都煮到但對於餐龐老闆待客既人情味, 同佢地咁有人性化既經營好過現時在商場, 在街上的快餐連鎖店, 待應, 阿姐虛偽既笑容佢地背後老闆為左賺錢無所不用其極既營商之道, 迫使舊店老店執粒既業主我只能慨嘆....希望呢d

是日由大埔出發上班. 坐72X, 經亞皆老街, 決定早一個站太平道落車. 行轉頭勝利道, 特地的到訪呢一間門面十分古老的冰室. 行到近門口, 已經覺得呢一間係旺場既小店. 好多太平道, 勝利道梭亞道既街坊, 一些於旺角上班既一族. 都知道好地方. 一大清早未到8點. 小小店已經擠滿人. 而且仲有不少人, 是慕名而來的. 早上, 吃不到佢地馳名的茄牛會或三寶燴通. 不過早上都有一個人人叫的東東. 就是我點下的三絲通粉. 三絲, 是雞肉絲, 火腿絲同雞蛋絲. 湯底, 帶有獨特的味道, 雖然都是雞精居多., 但份量調較得好, 是有一定的美味的. 雞肉, 切成絲, 弄得條條肉, 帶爽口, 夾英味. 火腿同蛋絲亦扎色水襯托出來了. 蛋, 煎得好薄, 再要切成絲, 比起切雞絲, 火腿絲更加難. 而通粉, 傳統的港式通粉, 腍度剛剛好. 加上個湯底夠好味, 完全可以稱得上是簡單的美味. 奶茶, 雖然冇入鏡, 但夠濃, 又香又滑. 是一杯有水準之作. 後來, 才知道, 這兒吸引人飲的, 並不是其奶茶咖啡, 而是他們的熱鮮奶, 好多熟客一來, 就點下一杯熱, 或不要太熱既 維記. 相信, 這兒應該煮得杯

一直光顧冰室也是只有中午吃飯時段, 這天少有地相約朋友吃早餐!20一個早餐,, 清淡得來價錢也算合理2塊烘底多士連火腿,, 還有三絲通粉!三絲是指雞絲, 火腿絲和蛋絲,, 算是很豐富了吃下這樣的一個早餐,, 充滿了能量

7點半行開勝利道,成日都經過這間奇香冰室但都沒試過,入去到咗過招牌菜茄汁燴牛肉意.............很久都沒試過咁香茄汁味啲意粉,啲意粉即時炒又唔會太淋啱啱好冬咖啡就失色小小啦但最欣賞呢到啲老闆"明叔",真係非常好人,全舖頭啲客差不多都相熟,可想而知人緣非常佳而現今少見

這天很病。初時以為是感冒，後來手腳出疹後才知是 … 真奇怪，我又唔係小朋友，都中招！但既然到了這區，便想試試這傳統冰室。來到了，沒有idea該試些甚麼；看到其他客人點燴意粉，自己卻沒有「會意」是名物，事實上我也無甚胃口。只好點杯「指定動作」熱奶茶（$10），加件油占多（$6），滿足一下捧茶餐廳場的最低要求吧！茶來了，色澤不錯，夠「精神」；飲落則較淡口，不夠厚。算合格啦！多士也符合要求，燶度剛好。若不是自己精神欠佳，也許我會點一客燴意粉，尋找兒時聯華茶餐廳牛肉燴意的愉快回憶。留意到客人多是熟客，也有離開本區多時、特意回來作味覺重溫的「老相好」。店東與食客「打牙骹」，大家不亦樂乎。心中有感，光顧冰室端視心態，若不帶幾分「探望家人好友」的心情，一味為尋人間美味而來，難免容易失望。味覺和感情往往互相作用：阿媽的菜好吃，哪會只因材料和烹調技術？人非草木，不是嗎？

十年前開始已經到呢度食好好味既鮮牛燴意, 有時在其他地方食到既茄汁糟意, 都只不過係將d汁放上意炒上面, 但係呢度係一個人叫, 就用屋企甘大既平底pan煮一份比你, d茄汁味係完全浸入條意粉度, 再加隻荷包蛋, 超級喜歡. 而且好多餐廳一早會煮定晒等有客要個陣就甘係個盆度夾比你, 邊有甘好心機一份一份甘炒雖然有d人會話個度d意炒好淋, 無咬口, 但自己本身很喜歡吃淋同埋酸既食物, 所以更加鍾意, 其實湯通都好鍾意, 原因一樣, d通粉超淋!而且, 有時會見到有個中學生放學後著住校服, 一手攞支汽水, 邊飲邊serve客人, 有時又會同d客坐埋一枱一齊食, d熟客仲會一齊傾計, 老闆心算亦都一流, 不用落單, 你order, 食完後心算收錢, 所以除了美食, 還喜歡這份親切感, 因為而家好多食店都係連鎖經營, 以上情景完全唔會見到!

當路過勝利道的"奇香冰室",總會想起李克勤的舊作: (不知所以,只想你會意.)的而且確,我每次來,也是吃茄牛會意粉,大抵都有十年光景吧.早上的奇香是全條勝利道之中,最旺的食店,外面還有等位的食客.老闆明哥穿梭在食客之中,忙個不停,當人人都是吃三文治多士通粉,我就依舊要茄牛意,今次不加蛋加底了,另再加杯熱奶茶.熱奶茶入口香滑,但茶味略為薄一點.吃足十年有多的奇香茄牛會,百吃不厭,成長之後吃了不少正宗口味的意大利粉,昔日小時候最喜愛的味道,仍沒有忘記.茄膏加番茄,再加無添加的牛肉炒埋一碟,最好意粉質感淋一點,才算是港式味道.沒有理由上茶餐廳冰室,吃個意粉也要求Al dente,這樣並不算你識食,只覺得有點兒過份執著.意式強加在港式一套,很難說得通.講真,茄牛會雖然是美味,但不是甚麼天下美味,旨在感情上,為此意粉加了不少分數,每個人也有其心目中的comfort food,而我其中之一樣,就是此會意粉.