好包 (已結業)

話説最近唔知點解男友個肚好似食極都唔飽 唔知佢個肚有蟲還是冬天要食多啲野暖啲 所以有一日我地係元朗食完午餐就去左依間小食鋪頭到再食多少少野 依間鋪仔要係千色店行過少少 個到冇咩人 跟住google map 行到個到覺得依間鋪頭都幾"骨子" 裝修得幾靚 雖然個到冇得堂食 但我見好多情侶都坐係佢門前個花槽邊到食 環境都唔錯我地今次叫左一個蜂蜜無骨雞翼包兩份食 再加一杯洛神花蜜梳打 因為我地係加錢加飲品 個職員話因爲唔係單買所以係樽裝喎 佢個包裝其實幾好 而佢收銀個到都有圖示教你點樣食個包啲汁唔會灟哂出黎 我覺得幾細心 我鐘意佢個包夠多蜂蜜 令到個包唔會太乾 佢個包係脆嘅 而且有三隻去骨雞翼熱辣辣係裹面 啖啖肉 真係唔錯 至於個洛神花蜜我好鐘意 不過我覺得佢唔似梳打 似花茶加花蜜多啲.

身為元朗人, 如果只有少少時間食野的話,都一定會想起去好包食包包, 由佢開業至今食過不下五次, 自己喜歡食雞翼, 去骨就更更更美味。呢間店主打無骨雞翼包, 正中我心啊! 食過香蒜椒鹽無骨雞翼包同蜂蜜無骨雞翼包。 先講個包, 外層脆脆的內裡軟軟的帶微微韌勁, 很有咬口。雞易有三隻, 椒鹽無骨雞翼外皮十分香脆, 內帶肉汁, 配上生菜青瓜及帶點芥辣味的沙律醬,很夾!  而蜂蜜無骨雞翼的肉質比椒鹽的更嫩滑, 同樣帶肉汁, 很美味滿足!

下午在「鳳攸東街」的「蘇X流心燉蛋專門店」，吃完日本進口牛奶做材料的流心燉蛋之後，我再在區內不斷搜索，結果給我找到另一間以包類食品見稱的小店，店名叫做「好包」。我最初看見「好包」，我還以為「好包」會是像售賣手工漢堡包概念的漢堡包店，但是光顧完「好包」之後，我對「好包」的觀念，被食品和蜂蜜味濃厚的「柑桔蜜」飲品所改變了。實際上，「好包」其實是以蜂蜜食材作主題的中式飽店。蜂蜜廠利用「好包」去向食客推銷他們的蜂蜜產品，「好包」借蜂蜜的天然甜味，為食品增加天然無添加的蜂蜜甜味。我來到「西菁街」的時候，發現「好包」的店舖大部分位置，都是處於露天的狀態，所以有意拍照的食客大可以不必擔心，在「好包」拍照應該不會遇上太大的阻撓問題，關鍵在於不要亂拍廚房照片就行。實際上，其實「好包」是一間中式包融合蜂蜜而成的甜味中式包店，就像我吃過的「蜂蜜無骨雞翼包」，都是充滿了蜂蜜原材料的天然甜味。再配上一支又含有蜂蜜成份的「柑桔蜜」飲品後，整個「好包」套餐的蜂蜜色彩，竟然完全蓋過了中式包類飲食的概念，蜂蜜才是「好包」真正的主角。就例如「好包」的飲品項目，大部分飲品都被「好包」標榜為「健康蜂蜜飲品」，或者是「蜂蜜飲品

一開始跟住地址同朋友搵左15分鐘先搵到間店…然後叫左個1號雞翼包，包身比較軟同埋雞翼無骨食落好方便，味道唔錯。最估唔到係佢地係set左幾個位比客人坐底食，個刻真心覺得幾體貼。

熱辣辣香噴噴嘅新鮮麵包，梗係趁住凍冰冰嘅天氣⛄️食啦，今次幫襯咗經過好多次都冇開嘅元朗好包🥪・・・・・・・・・・・・・ 試左蜂蜜無骨雞翼包，哩個包包就最啱我啲啲懶人食，啖啖都係肉🍖・・・・・・・・・・・・・意大利包🥖好新鮮，個包有烘過，外面夠脆，內裏鬆軟。內裏嘅雞翼🍗煎到脹卜卜，都幾好食🤤食嗰陣蜜糖多到會漏出嚟，食前先準備濕紙巾會無咁狼狽💁‍♀️・・・・・・・・・・・・・

第一次食，朋友推介好耐，買左一個蜜糖雞翼包，呢種包面比人感覺都較硬😏，但佢食落好軟外面又脆😋，有生菜同薄切青瓜響入面，如果可以多啲菜同瓜就好🤔，包皮淨食都好味，因為蜜糖有塗響包，唔係得隻翼有，下次會試扣肉包！！！希望唔好加價，價錢35蚊小貴但岩岩好接受。加左就會諗下先食。但係無得堂食既希望未來會有啦！野飲無買，因為無得坐既關系，響第度食左正餐留小小肚買呢個包食。無留錯肚。😉

行完山經過，記起之前有雜誌介紹過，覺得幾吸引所以一試。這是一家沒有座位的外賣店，但門口的花糟經過修飾，讓食客可當作座位享用美食。佢地最出名的是無骨雞中翼包，賣點是啖啖肉，我便叫了一個香草口味的一試。香草味原來是雞翼像沾了煮意粉的青醬，正合我心意包裝紙很有設計感，附合店子風格及價位一口咬下，先是暖暖微脆的包及清爽疏菜，再來便是去骨雞中翼，意料之內的軟滑肉汁亦豐富，然而青醬味並不突出，有些微失望。總括而言，味道不算太出色，沒有想再來一個的感覺，但噱頭搭夠，適合懶惰的雞中翼愛好者但以這個價錢來說，我還是幫襯"地下鐵"好了！

小店開左一段時間，佢係我心中係不能消失的好包，所以不時會支持，Menu裡的我都試過哂，最愛是以下兩個：香蒜椒鹽無骨雞翼包$35，每日新鮮製造熱辣又軟熟既意大利包，夾著生菜、洋蔥、同埋主菜— 沾滿炸蒜既無骨雞翼煎得香脆，唔會食得呢hea,都可以食得津津有味第二最愛就係蜂蜜無骨雞翼包，好似bbq咁查滿蜜糖既味，好難抗拒至於要+$10 換既菊花蜜雖然菊蔥味重，但個人飲慣無糖飲品會覺得佢偏甜

知道這店開業已一段時間，初時看雜誌介紹後經常都大排長龍，試過一兩次傍晚經過想吃卻因售罄而關門。現在熱潮過了，今天中午的時候來，終於試到了。我點了青咖哩無骨雞翼包 ($38)，配洛神花蜜 (+$8) 。妹妹點了蒜香椒鹽無骨雞翼包，配菠蘿柑桔蜜 ($43)。點餐後坐在一旁等候，此店其實沒有真正的座位，只有幾個小木箱放在店對面的花槽上，可以坐著來吃，算是細心巧妙的安排。店員先給我們飲料，洛神花蜜我認為偏淡，洛神花味不足，而且飲品不夠凍，份量亦不多。原樽只有8成滿，感覺好像欠了一點點似的。等了5分鐘左右無骨雞翼包便完成了。我先試了一口妹妹點的蒜香椒鹽無骨雞翼包，雞翼炸得非常香脆，很乾身，與意式麵包及其他配料配合得很好，不過整個包感覺有點乾。我點的青咖哩無骨雞翼包醬汁非常多，很香，口感亦很豐富。她們做的意式麵包烘得非常好，外脆內軟，而且塗上了牛油再煎香，非常好吃。可是無骨雞翼稍為細了一點，應該是為了遷就麵包的尺寸，把一隻雞翼上下切開吧。看到餐牌顯示還有另外兩款無骨雞翼包，有機會可以再試。

好耐之前已經聽過元朗有一間出名嘅無骨雞包，不過位置都吾系幾方便（對我黎講吾近地鐵站就算系吾方便哈哈），無骨雞確實出名，仲要大大嚿連埋包食聽落去幾特別，引來不少注意。店舖內只有兩位職員，叫完之後都要等15分鐘左右，估唔到都有幾個客去幫襯，證明吸引力都幾大包裝紙上更有「好包」既字系度，最搞笑嘅係有個5分鐘內食用嘅溫馨提示，可能因為入面都幾熱，但同時亦會凍得快，所以要快啲食。另外環境方面，側邊有啲石壆位可以坐，有幾張好細既茶几既物體擺放系石壆上面，供客人擺個包系上面相機食先哈哈。除咗店內本身嘅餐牌，出面亦有個banner企系度，都幾引人注目，但包既款式吾多，只有6款，通常比較出名但又少食物款式嘅小店都可以比較專注咁整嗰幾款食物，所以另外幾款都應該唔錯嘅。一叫就叫左最出名嗰款蜂蜜無骨雞翼包，冇骨又大大嚿真係幾吸引嘅食落口超有口感，入面仲有勁多蜜糖，食嗰陣好論盡，啲蜂蜜流晒出嚟，會搞到隻手癡立立⋯⋯雞肉鮮嫩肥美，應該吾系冰鮮雞，個人認為蜂蜜同雞真係絕配。聽聞佢既椒鹽無骨雞翼包都好正，有機會都想試吓。P.s. 小店系夜晚8:30就關門，要去記得早啲啊，無謂白行一趟。

我同男朋友都係個極鍾意食包既人，今日入元朗就抱住試下既心態入去睇下呢間咁多人介紹既小店，叫左個香蒜椒鹽無骨雞翼包，估唔到俾到我地咁大既驚喜！無骨雞翼火候剛好，蒜香椒鹽味道點到即止，錦上添花，即烤意大包更加係一絕，誠意推介大家要去元朗一試！

一直都好想試呢間嘅雞翼包，終於係元朗，決定一試。點左蒜香椒鹽雞翼包，等得唔算耐，可能已經開左一排，熱潮有點減退⋯⋯作為非元朗人，地點唔算易搵。唔近西鐵站，又唔近輕鐵，亦唔近巴士。味道不錯，無骨雞翼的確好方便👍🏻蒜香味重，真係好吸引。但雞翼偏細，比三哥雞翼還要細👎🏻如果佢以「無骨雞翼」作為gimmick，咁細隻真係拆自己招牌。唔⋯終於一試，了左心願！下次再去元朗，其實仲有好多其他好味小食店，未必會再幫襯。又或者遲下突然雞翼包癮起，可能會再試呢！

見咁多FB 專頁post佢，好似好食咁，於是我係下午茶時間專登去買黎食，點知都幾失望。 我叫左個蜜糖味雞翼包，一個包就盛惠$35，實在幾貴😳打開個包，雖然個包好大，但雞翼作為重點就好細隻，塊青瓜可能仲大過佢🤔😂雖然啲料夾埋味道唔錯，但係佢個汁就太多同太甜，蜜糖味幾乎蓋過哂其他食物既味😗一個咁甜既包實在唔太啱我既口味。整體黎講確實幾令我失望，而且價錢又唔平，唔抵食，又要係街邊企係度食😳不過都算係幾有創意既。以後都係唔好信fb 飲食page d post😂😂

第一次試，淨係單買咗一個蜂蜜無骨雞翼包。超級美味！！！雞翼煎得啱啱好，又香又多肉汁，而且已經去咗骨，非常方便食。個包本身亦烤得有少少脆口，蜜糖汁好夠，甜甜地好惹味！一定會再返嚟！

講開好包就等我順手出埋呢個幾個月前食落但係未得閒打既香草醬無骨雞翼包，一對比起之前個po就應該好清楚見到雞翼既大細係有咩分別，只不過係幾個月無去啲雞翼就大縮水🤤👁‍🗨 香草醬無骨雞翼包 💲38因為覺得自己次次都揀蜂蜜好似無咩新意，所以嗰次就揀左個比較有田園風味既香草醬試下，攞到上手都幾香😚不過食落香草醬呢個係有橄欖油既，感覺比較油膩，同雞翼係油上加油🙈所以我決定以後都係返去蜂蜜既懷抱算啦😂🤦🏻‍♀️🔛 整體評分（7/10）