好燒式串燒專門店 (砵蘭街)

營業中

休息中

今晚又想食串燒..9點先黎食..都仲係客無虛席..要等一陣位...叫左之前食過覺得好食既墨西哥芝士雞肉餅...拉絲既芝士..熱辣辣既薄餅..每次食都覺得好味..今次第一次試雞泡魚乾..燒到金黃色..食落好似魷魚乾甘..好香..配埋啤酒一流..仲有其他燒物..牛舌..燒豚肉..翠玉瓜..韮菜..雞脾菇..我地今次走辣..但都好夠味..食出原汁原味..主菜仲叫左個招牌大蝦意粉.意粉係爽口..加埋蕃茄都好惹味..但份量太多食唔晒..兩個人食到勁飽都唔使$200一個人..好抵..

有人話食住串燒，摸摸酒杯底是男人的交際方式，但邊個話女人就不可以呢？放工約阿妹去砵蘭街一間串燒專門店，舖仔細細，一放工已經坐滿人小店老細好熱情好客，一坐底已經介紹自家本店推介！款款都想試下，每款一兩件、一兩串，其實已經叫滿檯面😬黑松露雜菇烤墨西哥薄餅是店主熱推，熱辣辣勁香脆，拉絲芝士和雜菇，咬一啖都基乎爆餡流出黎試試小店新菜，將推出蕃茄白酒忌廉汁煮藍青口，青新鮮肥美，隻隻都脹卜卜，所用的是櫻桃茄，味道偏甜，同忌廉汁好夾烤蘆筍、煙肉蘆筍卷.....原來我真的好喜歡食蘆筍架不少得肉食，牛舌、雞腎、多春魚，串燒指定調味料辣粉、孜然粉，點煮都好食重點推薦平平無其燒豆腐，外脆內嫩韮菜豬紅食得多，成串烤試過未？烤完無晒草青味，多了一份爽甜味，鍾意食頭段部份多D燒蠔啊！一人一隻，不過其實我可以食到半打😬人前還是收斂一下燒菠蘿甜到漏，又無渣，正😋

今晚朋友推介依一間餐廳比我, 網上好評都好多, 加上串燒店我好似未試過, 今晚book 左七點鐘, 去到都係等左一陣, 好快有位坐底, 鋪面雖然唔大但勝在乾淨冷氣十足價錢好相宜, 我覺得好抵食添！坐底侍應已經準備好泰國酸辣醬, 不過之後上枱既食物我覺得唔使點醬已經好夠味好驚喜既蒜蓉包, 真係有一大粒蒜蓉比你揸面包, 蒜蓉粉不能錯過再唻一d串燒, 我地每款都叫左一串試下, 牛肉串好淋一d都唔un, 燒菠蘿好清甜, 依碟最愛燒魷魚so, 揸左蜜糖上去燒非常好味！ 安格斯牛又一另一推介, 唔使$100有依個水準真係好滿意, 牛肉味好濃, 食得出係有質素既牛老闆人好好, 介紹我地依一款澳洲藍青口, 又係唔使$100蚊, 但分量十足, 老闆指係空運到港, 食落好creamy , 好新鮮, 配上忌廉醬味道好夾, 推介一定要試最後叫左黑松露雞肉意粉, 個汁好香好滑, 已經飽到上心口都忍唔住繼續食埋單每人二百幾蚊, 樣樣都好味, 食得出係好用心既餐廳, 絕對會有下一次！

串燒雖然不夠健康，但總是令人心癢癢，不時惦念其香脆，所以趁假期夜晚，和家人到>>>好燒式串燒專門店<<<大快朵頤。餐廳位置便利，招牌與易拉架俱搶眼。座位不算太多，也有點擠逼，是土地問題吧。 除了串燒，餐廳亦提供意粉及小食。 串燒食品分門別類。 辣度可按個人口味剔選，從走辣至大辣，四個程度，各適其適。 調味料亦變化多端，可以選擇蜜糖、孜然粉、辣粉、麻辣汁或泰式酸辣汁，當然也可揀原味噢。 先點一些串燒。牛柳串(HKD17)和豬頸肉串(HKD16)兩者均彈牙可口，燒得肉香四溢，微焦部份加倍滋味。 多春魚(HKD16)共有三條，很是香脆，可惜比較迷你，不夠「多春」。 煙肉露筍串(HKD18)以微微烘香的煙肉，包著脆綠露筍，有點清新氣息。 只吃串燒未夠裹腹，追加其他美食。先有大廚推介的藍青口(HKD98)。以忌廉汁煮藍青口，鮮味一流，而且肉質細緻可口，食過翻尋味。配合各款蔬菜：露筍、車厘茄及南瓜，營養豐富，顏色也吸引。 龍蝦汁大蝦意粉(HKD95)的大蝦鮮甜，意粉也是水準之作。 餐廳有加一收費啊。

下午去了朗豪坊睇戲，睇完戲已經是傍晚6點，一直走砵蘭街，記得朋友曾經介紹過“好燒式”，所以我和友人就決定去試試！入到店鋪，一點也沒有油煙味！四圍都是高談闊論的朋友堆，很有氣氛！我們坐下後，就點了“黑松露什菇墨西哥薄餅”，牛肋串，牛柳串，雞肉串，煙肉金菇卷，泰式燒豚肉，燒茄子和燒豆腐。在點單紙的下面還可以選辣度和額外的調味，我們就選了小辣和孜然粉。“黑松露什菇墨西哥薄餅”跟普通的墨西哥薄餅不一樣，它是薄餅是薄薄脆脆的，裡面有溶化的芝士，還有濃濃的黑松露醬，非常滋味！主角來啦，就是各樣的串燒！其中我覺得牛肋串和牛柳串都很入味，牛肉很軟，很香口！泰式燒豚肉的分量也頗大，沾點附上的泰式辣醬，很泰式！另外特別要提的是燒豆腐！燒豆腐的外皮是結實的，很想臭豆腐的口感，可是它沒有一點臭味，反而很香口，因為豆腐上面放了燒汁和蜜糖，很好食！這個絕對要encore !一邊食，一邊和朋友談天，很輕鬆的環境下品嘗地道的串燒！

今日同朋友係旺角唱完k，正當諗緊食乜嘢晚餐好嘅時候，朋友就極力推介呢一間好燒式。朋友同時間分享左一個喺呢間餐廳訂位嘅趣事，由於呢一間餐廳叫好燒式，而且訂位嘅話，職員係會係當日打電話黎confirm Booking嘅。朋友:喂？職員:喂，x生，好燒式呀！朋友: 係？(心諗:乜料？騙案？)職員: 想confirm返你今晚係未訂左3位架？朋友: 係呀！(心諗:噢。。。。)職員:今晚見！拜拜👋打出嚟可能冇咁好笑，但係朋友嘅演繹，真係聽一次笑一次，諗一次笑一次。由於我地太肚餓，所以係咁叫，叫左好多野食，有牛油金菇啦、雞翼啦、雞泡魚干啦、韮菜啦、茄子啦、魷魚啦、雞腎啦等等等⋯雖然叫咗好多嘢食，但係佢係標榜即叫即燒，所以都係等左一陣。但係一上枱，一擺入口，就覺得完完全全10分值得喇！全部都好熱辣辣，好惹味！例如雞翼，完完全全燒到外脆內軟，食完唔夠喉，仲要encore! 仲有茄子，好大份，又係光到好入味，最後食到佢一「絲」不掛食完之後，我真係好滿足，朋友真係無介紹錯。食完之後一直念念不忘，好想帶其他朋友再黎呢度，對佢地黎講，呢個堅無好消息？

假日到旺角行街，行到黃昏又係要開始選擇晚餐的時間。由於大家都吃了下午茶，變相都不希望晚餐太豐富了。在朗豪坊打了兩圈還是太多人找不到位子。我們還是決定出外走走吧。離朗豪坊不遠的地方見到有個廣場牌，是串燒店，見其名字食字食得有趣便進門一試，原因是應該食物份量不會太大會合適我們當時狀態呢!店長都算殷勤，我們在門外打看不久便招待我們入座，店內不算很大，可能是我們早食晚餐，起初不算多人。2~30位子只有幾名客人，但到我們吃過大半時間已全店滿座。話說回頭，殷勤的店長見我們猶豫不決的點餐便推介我們先試他們新菜色"奶油煮藍青口"，由於我們都三心兩意，決定先來一試，繼續點串燒及主菜。先食店長推介嘅藍青口$98。用咗忌廉汁煮開，藍青口肉質細滑軟綿，加咗唔同顏色蔬菜：車厘茄、蘿蔔、露筍等等，靚得嚟又夠營養。再來的串燒好多款，豬、牛、雞、魚、菜、果等等都有，部份係時價，要個別問侍應。餐廳除咗賣串燒，都有飯、麵供應。其中我比較喜歡炭燒牛舌串($26一串)，肉汁豐滿，彈牙有咬口。另外見較有特色的黑松露什菇墨西哥薄餅$42，中間夾著充足的芝士及什菇，吃下便感到陣陣黑松露香味。更要一提是真的可以有芝士拉絲的。亦想介紹

旺角一向最岩行街睇戲食飯，地點又就腳，所以3日唔埋就會黎～今次就試下呢間人氣串燒店～聽講仲要係即叫即燒的，未食已經流晒口水！雖然閒日都要等位但為左食好野我地唔怕等XDDD 職員哥哥都好友善，叫我地可以行陣先XDDDD我同朋友一入去都覺得好好笑，因為估佢唔到咁多睇得出係岩岩放工嘅Office Lady Office Man～～～仲見到隔離台開晒紅酒，氣氛好好食串燒開場當然要清熱，打打底～～之後就到堆串燒～～～＊泰國露荀幼嫩無渣！清甜爽口的！＊雞翼，安格斯牛肉串肉類我地加配了孜然粉燒，食落更惹味！＊魷魚鬚，多春魚魷魚，多春魚我地配以原味！魷魚燒得不會太硬！多春魚也沒燒至甩皮！＊牛油焗金菇牛油好濃好香！👍🏻👍🏻👍🏻👍🏻👍🏻 ＊原條蒜蓉燒茄子茄子肉厚，好蒜香，燒茄子來說唔算太油！值得推介！👍🏻👍🏻👍🏻👍🏻👍🏻＊黑松露雜菇墨西哥薄餅爆料黑松露＋雜菇，辣辣地再配上芝士，驚喜之作！👍🏻👍🏻👍🏻👍🏻👍🏻＊牛油燒開邊大花蝦口感彈牙，很有肉，但$56一隻感覺略貴，所以我地都只係叫左一隻SHARE留番d quota食其他＊燒粟米粟米超香甜又JUICY，完全不乾，水準之作！👍🏻👍🏻👍🏻👍🏻👍🏻＊燒雞泡魚乾傾計

今晚約咗朋友一齊去朗豪坊睇電影，睇完戲順便吃埋晚飯才回家，被朋友帶我到一家店舖吃串燒，店舖雖小，但串燒美食五臟俱全，在選擇之際，熱誠的店長向我們推介$98的藍青口，我們也同意落單。先來小食$58黑松露菌蝦多士，鹹鹹地的黑松露菌雖然是主人婆，但我更喜歡脆卜卜的妹仔~~蝦多士，刀叉經過蝦多士已經感受到它的回彈力，好爽啊！$75日式燒大魷魚和$19魷魚鬚同屬新鮮一族，好爽口又彈牙，美味的！ $16串燒豆腐的確很少吃，抵食！$32燒茄子（原條）尚可！店長的推介$98藍青口，藍青口堆疊像個小山丘，都幾吸引！藍青口肉個小不算大，但勝在腍滑和鮮嫩，配上嫩綠露筍BB、蒜片、車厘茄.....和美味白汁，果然無介紹錯，我們都吃飽了，否則來碗白飯連汁都想撈埋耶！加埋我們兩罐檸樂$32，今餐人均消費是$165多謝識途老馬的朋友好介紹。

牛肋串、牛舌、雞肉、豬頸肉同羊肉，首先每款嘅火候都控制得好好， 唔會燒到過晒火又乾爭爭。我最欣賞牛舌，厚切黎燒夠晒爽口，好食。鹽燒豬仔脾，呢個本身睇落覺得佢個外表好似好乾，點知一咬落去肉質都幾嫩， 而且仲啖啖肉好似咬雞髀咁。原條蒜蓉燒茄子，係食燒烤必點既item，茄子勁大條，燒完之後多汁又甜，再加埋大量蒜蓉夠晒惹味。芝士雞肉墨西哥薄餅，驚食串燒唔夠飽，叫咗個墨西哥薄餅試吓， 估唔到又幾好食，芝士同雞肉就一向好夾，墨西哥薄餅又夠薄脆。

平時好少約人食串燒，因為覺得貴夾唔飽。但今晚個fd堅持要食，就配合下佢啦。。佢帶我黎左呢間小店，話上次食過唔錯wor。Menu好簡單，好多串燒款式，仲有幾款意粉同飯tim，但今晚我地只叫串燒。先黎茄子，賣相唔錯，入口即溶！茄子上面ge蒜蓉唔會搶味，中意食辣ge朋友可以另外加辣。之後到薄餅，超多芝士，記住趁熱食，黑松露味唔算重，但芝士夠香，仲有好多菇，薄餅亦脆身。菜芯幾特別，唔會燒到乾哂。雞軟骨帶少少甜味，好爽口。魷魚鬚肥美，醬汁甜甜地。煙肉金菇可以juicy多d。芝士年糕，咪以為佢好heavy咁，食落口軟棉棉，好似食緊一舊雲咁！最後係爆甜爆汁菠蘿，燒到岩岩好夠哂juicy。仲有燒豚肉，辣辣地好惹味。

放工想happy hour又唔想落pub，串燒店就啱曬，尤其是當間餐廳離我公司咁近時✌鋪頭唔算好大，座位唔多，但d職員見你多野拎都會主動俾張櫈你擺野，感覺幾好😊2個人叫左：🥢牛舌 $26：平時食開薄切，因為好驚厚切會韌，估唔到佢地嘅牛舌厚身得嚟肉質咁嫩滑😳🥢豆腐 $16：好有驚喜，外面燒得好脆口但裡面仲保持濕潤，重點係佢個汁！甜甜辣辣好惹味～🥢茄子 $32：食親串燒都會叫蒜蓉茄子，但好多地方都會過油，呢到完全無呢個問題👍🏻🥢安格斯西冷扒 $85：叫左5成熟，燒得剛剛好，切開裡面係好靚嘅粉紅色，邊位脂肪燒到入口即溶、油脂四溢🤤🥢白鱔 $42：雖然價錢較貴，但真係好．好．食！個皮煎得超香脆，肉質非常鮮嫩彈牙🥢蘆筍 $19：偏幼身，爽口無渣🥢黑松露雜菇墨西哥薄餅 $42：本身好鍾意食墨西哥薄餅但好少地方會有；芝士落得重手，爆曬出黎好吸引，有拉絲效果，黑松露同雜菇好香口，不過略嫌重口味左少少🥢蠔 $28@：中等size，鮮嫩多汁🥢京葱 $15：份量都多，唔會好韌🥢菠蘿 $17：又係食串燒必叫，鮮甜多汁﹐可以中和返d串燒嘅油膩感10樣野再加一支大藍妹埋單共$418，呢個質素嚟講算好唔錯👏👏👏

今日去咗旺角，又係時候搵野食～原本諗住打邊爐，不過早兩日先打完同埋得兩個人，打邊爐好難叫野食，份量好難預🙈； 正當行行下出名多野食嘅砵蘭街攞零感時，見到呢間串燒店個名幾搞笑「好燒式」，又有幾多人等位，就試下你啦😂雖然係閒日且7點幾算係早嘅食飯時間，但已經好多人同要等位，好彩朋友未到，就一邊等位一邊等佢啦😂入到去有個好得意嘅畫面，就係好多恤衫人😂；應該講係有好多著恤衫人仕放工過黎食野傾計先岩見openrice有餐牌我就唔特別影相同大家分享了；講番堆主角先，以下就係我叫左嘅美食喇🤤🤤🤤：1）蒜蓉燒茄子🤤（原條）🤤🤤🤤🤤食燒茄子當然要揀原條啦！真心超好味！一埋黎香到呢～～～～好夠蒜，以一般燒茄子來說唔算太油！ 簡直人間美食 （今晚啲串燒我選佢做第一位）⭐️⭐️⭐️⭐️⭐️2）牛油金菇包好香，鹽同牛油份量控制得好好，唔會搶走金菇原本嘅菇味，正！3） 廚師推介的黑松露雜菇墨西哥薄餅非浪得虛名，中間應該有啲酸瓜酸菜，辣辣地芝士好rich同黑松露&雜菇好夾（今晚啲串燒我選佢做第二位）⭐️⭐️⭐️⭐️⭐️4）牛油燒開邊大花蝦蝦身質感彈牙，I like it !5) 牛油粟米粟米粒粒粒漲卜卜！雖然燒粟米睇落好似好易但唔知點

約了好久好久的兄弟餐終於約成左啦！人大個左各有各忙！難得日子久了兄弟感情亦不會變！今晚就同兄弟和他的老婆一起吃燒烤！第一round, 我們叫了牛油金針菇、原隻茄子、煙鴨胸、鴨下巴、燒菠蘿、芝士pizza和豬頸肉。由於我哋坐係門口位，隔離就是厨房，啲嘢食係即叫即燒，好鬼正！先講牛油金菇，牛油味好濃，金茹完全冇痴底，條條都又白又滑又爽口！茄子燒到又淋又香，之後再encore！燒菠蘿非常juicy, 各人口味不同，我朋友就讚不絕口，而我覺得亁身小小會好食啲！鴨胸肉爽甜可口，咬落啖啖肉！pizza亦都係好好食，皮焗到脆仲有生果餡添！第二round就叫左雞肉串、魷魚筒、多春魚etc 雞肉亦都抵讚，加埋多燒烤汁同多蜜糖一齊食好好味！最後仲叫埋個香蕉巧克力，呢個都整到幾靚嘅！對於兩位食燒烤有啲講究嘅朋友都大讚會再來的，我都食到好開心😃

八點鐘既時段，人太多了😅，為有行下街先，約九點鐘，終於有位👏，明白到好食既野，係特別多人食的，所以問下老闆，原來十點至十二點鐘既時間，人流就會少D👍🏻店鋪不是很大，約十張枱，但空間是坐得舒服的😊串燒肉類，蔬菜類，海鮮類！辣度，醬汁，全部可自行選擇！菜心－＄15燒完亦保留翠綠，爽口和水份👍🏻豆腐－＄16外脆口，內軟滑，吸收哂所有醬汁，每一口咬入口都好香濃味道😋😋😋粟米－＄23食得出係超甜粟米，而不是平日食的，只在外面塗一層蜜糖的那種。而且燒得剛剛好，唔乾，爽口👍🏻魷魚鬚－＄19牙力唔好既我，最怕食魷魚鬚，但呢串完全無問題，好咬口又唔痴牙，加上孜然粉，味道超好味！