如意冰室私房菜 (已結業)

星期五晚同朋友黎食飯。地點好近地鐵站，好方便。呢到有兩層，d位好夠坐，仲有大檯tim。叫得私房菜緊係多餸選擇！不過我地兩個人，懶得諗食咩餸，所以就叫左個晚市二人套餐😂二人套餐有湯有餸有甜品，如果覺得唔夠可以再另外叫飯，但其實兩個人食呢個套餐已經超飽。首先係老火靚湯，今日既係蓮藕湯，清清地幾好飲。然後就開始上菜喇。第一道係私房三小碟，有青瓜、木耳同芽菜。全部都辣辣地，幾開胃。酸菜魚，份量幾多同辣，尤其豆卜吸哂d汁都幾辣😆食得辣既話可以試下，幾香。時蔬係西蘭花同香菇，西蘭花感覺幾新鮮，香菇好滑好好食😋士多啤梨酥骨，甜甜地咁幾惹味，舊肉仲好易咬，好食。椒鹽鮮魷，鹹鹹香香咁都唔錯。另外老闆娘同伙記都好nice，抵讚👍🏻

第一次食呢間灣仔的中茶小炒。餐廳環境裝修簡單整潔，樓梯中間仲有啲特色擺設。餐廳分上下兩層，老闆安排我地坐上層，比樓下靜啲。攞餐牌一睇，其實選擇相當多，仲有啲多人餐可以揀。我地兩個人嗌佐三個餸，分別係砵酒焗蠔、腐乳通菜炒鮮魷、同埋士多啤利香蒜骨。首先係炒菜上先，食落都算夠火喉，腐乳味唔算濃，反而辣味好出，夠惹味。鮮魷幾爽口。第二道士多啤梨香蒜骨，排骨炸得好鬆脆 ，粉唔厚。個汁好似生炒骨個啲，但無咁酸，有啲士多啤梨甜味。加埋菠蘿同洋蔥酸酸甜甜，配飯食非常開胃。最後係砵酒焗蠔。一煲四隻，好大隻，堅係美國桶蠔。蠔面沾佐啲脆漿再焗，所以食落有兩層口感，蠔身相當嫩滑，薑葱味配搭得啱啱好。如果砵酒味再濃啲就好。個人認為值得推介。仲有要讚一讚杯凍奶茶，茶味夠濃有水準。整體餸菜份量足，味道夠，價錢相宜，中上水平。老闆娘也很熱情有禮！～

剛剛跟朋友逛完灣仔電腦城，覺得有點肚子餓，邊走邊找地方吃晚飯。意外地發現一間吃私房菜的小菜館，未入店內已經被餐牌吸引住了，因為有很多小菜可供選擇。進店後，我們也需要一點時間去選擇小菜，因為裡面有很多想吃的小菜，有選擇困難症的要注意喔。我們最後點了幾款小菜，有水煮牛肉、啫啫雞煲、蒜片豬扒，以及一碟炒菜。這個啫啫雞煲除了份量十足之外，還帶給我驚喜。我本身比較怕吃豬潤，因為怕它的味道，但我吃了這個豬潤，覺得沒有那種我不喜歡的味道，而且令我吃多了幾塊。我朋友知道我平時不吃，都覺得奇怪，但我想說真係很好吃。怕吃豬潤的朋友可能吃完這個會對它改觀，可能是這間店的處理手法比較好，令到本來怕豬潤的我都覺得可以不停地吃。至於這個水煮牛肉，這間店用了鮮牛肉，食材新鮮不在話下，從圖中可見牛肉之多令人滿意，味道不錯。這碟豬扒又是不得了的系列，很入味，每口都是蒜片跟豬扒的感覺真是很棒。這碟叫黃金雙寶，雙寶分別是中蝦以及鮮魷，咸蛋黃味道可以，重點是食材新鮮。吃了那麼多肉類，始終都要點一碟菜來吃才行。這碟是蒜蓉炒萵笋，可以一試，吃完可以平衡一下剛才吃過的肉，哈哈。差不多要離開時，發現店內有這麼多玩具放在一個櫃，這個可

去呢間位於灣仔私房菜之前做咗功課，知道日頭做茶餐廳角色，夜晚變身私房菜，而有D2人套餐，平，靚，正。但今次去到發現冇咗之前的2人套餐。可能私房菜關係，成日都唔同啩，但D1人套餐亦都幾抵吃，丰儉由人。附送例湯雖然只見到一大舊冬瓜，但味道濃郁，真心好味，可見老闆係用咗心機煲嘅湯。蒜香骨，好大碟，够鑊氣，又香口，菠蘿粒酸酸甜甜，惹味，带來好胃口。黄金焗中蝦，中蝦size均勻，每隻蝦都有蛋黄包住，蛋黄带出咗蝦嘅鮮味，但又不太搶，恰到好處。西蘭花炒元貝，落埋少少XO醬，加埋D韮黄配菜，顏色鮮豔得來好睇又好吃，帶子鮮，西蘭花爽，,XO酱微辣，味蕾得到享受。好想試吓D蕃薯糖水，但好可惜試唔到。而落樓時先至發覺梯間位置有D舊式玩具装飾，幾得意。没有茶芥，唔需加一，所以埋單只是314蚊，抵

剛剛去完旅行回來！非常想念我們的中式嘅菜式，剛好約咗朋友在灣仔送手信！朋友話在OpenRice睇到有幾款菜式好似好好味咁！帶我去一間家常小菜嘅小店晚飯試吓啦🥣位於灣仔軒尼詩道👉👉如意冰室私房菜士多啤梨香酥骨 以為係脆卜卜嘅香酥骨！雖然有啲出入！但係都好惹味！肉質唔錯！本來想是XO醬炒蘆筍帶子！但係老闆娘話要訂先有！唯有下次再試啦！啫啫滑雞味道非常濃郁！醬汁搭配唔錯！我連洋蔥蒜頭大蔥都食埋！雖然大部份都係雞胸不過我個人鍾意比較食雞胸！好快K.O.左佢！黃金蝦可能佢係用海蝦！所以非常彈牙鮮味！不過來到已經有啲凍！可能因為太多客人啦⋯⋯太好味啦⋯⋯

一向都好中意食住家私房菜，不過好食既唔多，朋友介紹我呢間如意冰室私房菜！就晚上黎左食啦，望到menu 選擇非常多，價錢都好相宜合理！士多啤梨香酥骨，同一段既咕嚕肉唔同，唔係用菠蘿，改左用士多啤梨，味道酸酸甜甜 ，咕嚕肉外皮酥脆！仲叫左個極品露荀帆立貝，用上xo醬汁黎炒，露荀好爽口又新鮮，帆立貝好大粒又厚，食落好q彈又嫩，加埋個xo非常惹味呢！ 豉油皇桶蠔好入味juicy, 大隻唔縮水，喜歡食熟蠔必叫！外層脆，內層嫩。呢度既菜式大份又好味，質素又，好，岩哂平常屋企無時間煮飯又想食住家菜既人呢！下次會再黎

因為現在很少喜歡吃住家飯, 都喜歡去一些小店吃一些像家常小菜的中菜, 朋友介紹這間如意冰室, 日間應該是吃茶餐廳的東西, 夜晚是吃私房菜, 私房菜給人感覺通常是很貴很高級的, 但這裡走的是親民版, 有點家的感覺, 價錢也相宜。叫了一個二人套餐$328, 有前菜、湯、4個菜色、1甜品, 二人來說十分豐足。陳皮老火湯今晚的湯是陳皮老火湯, 飲到好似有蓮藕的味道, 甜甜地。私房三小碟有手拍青瓜、木耳、茄子, 有點辣呢, 兩個人來說, 份量不少, 比較喜歡青瓜。士多啤梨香酥骨就是咕嚕肉的味道但帶點士多啤梨果香, 酸酸甜甜很好吃, 加上香口, 很容易讓人吃不停口。金錢扒豆苗冬天的豆苗最當造了, 選用了嫩綠的優質豆苗, 加上滑滑的冬菇, 配上一點蠔油, 很有家常風味的感覺。頭抽海中蝦調味很惹味, 顯出師傅功架, 蝦隻不大不小, 肉質也都可以。水煮魚原本是酸菜魚, 轉了水煮魚給我們, 我不食辣, 朋友說辣度蠻高的。極品露筍帆立貝這不是二人餐裡, 是另外選的, 露筍已去了硬的外皮, 所以食落爽口又嫩, 帆立貝沒有煎得很熟, 剛剛好保持鮮嫩的口感, xo醬調味也做得剛剛好, 不會太濃太淡。甜品是薑湯蕃薯

平日係灣仔返工，中午時間幾乎 間間餐廳都坐滿曬人，難得今晚準時六點收工，特意去到軒尼詩道（如意冰室私房菜） 食私房菜，貪佢冇乜味精，又有住家庭feel。其中一樣主打菜式叫如意海上鮮，提供好多唔同煮法。經和老闆聊天而得知他是每天早上去香港仔街市，買新鮮的海鮮食材，揀靚貨，加上師傅廚藝的配合，成了一道道高質的家常小菜。估唔到平時七點鐘已經滿曬座，價錢又經濟實惠，所以要食好嘢，就早啲嚟。煎封火點，通常食海魚一般都是清蒸，但今次我哋就試下叫煎封做法，一上枱見到成條火點都好雀躍，賣相十分靚，金黄色的皮好香脆，魚質肉嫩又唔腥，再加埋蔥花、豉油的配合，令到平時不食魚的我，也無法抗拒，好正仲叫左碗白飯添。薑蔥焗金牌美國桶蠔，$188，餐廳係用咗美國桶蠔，每隻都十分鮮甜肉質飽滿，大大隻，用上薑蔥焗的煮法，相當之惹味。芝士大蝦炒烏冬，在飲宴上面的芝士龍蝦伊麵已買少見少，工序繁複，呢度菜式果陣香濃車打芝士汁鹹鹹地又有蝦鮮味，也毫不吝嗇地放左好多隻蝦，蝦肉鮮甜、爽口、彈牙。蒜蓉炒白菜仔，適量花生油更提油香，白菜仔嫩綠夠清甜。懷舊式的紅豆冰，我的至愛。

💁🏻‍♀️如意冰室私房菜 (灣仔)-同朋友行街去開呢到，系以前公司附近搵到呢間高質私房菜🤩🤩夠鑊氣！老闆好好人🙆🏻‍♀️.🐓沙鍋雲吞雞+西檸雞扒🐓（$168）一上菜已經feel到好有心，成個爐滾住咁上，雲吞雞好真材實料，啲湯飲落好入味，啖啖精華😆.之後，個西檸🍋雞真係好正正子😍外表炸到超級香脆，好有蠔餅嘅質感，入面舊雞好香滑，個西檸汁酸甜適中，係我食過最好味嘅西檸雞😇.🥬薑汁芥蘭🥬（$50）夠曬鑊氣，啲菜好綠好新鮮，芥蘭亦唔太苦👍🏻.🍤黃金蝦🍤（$98）香濃嘅鹹蛋味，啲蝦炸得香脆到可以連殼食😍😍👍🏻 呢間冰室好有心思，見到老闆系樓梯到show左玩具收藏品，仲有手寫餐牌，值得再來！.📍如意冰室私房菜 (灣仔)#灣仔 軒尼詩道38-46號地舖#小丸子搵食記 #小丸子灣仔-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #西餐

聽朋友講灣仔有間如意私房菜菜式好有水準，星期六果晚就直接去吃晚餐。果然名不虛傳，我地約六點半到餐廳內已經坐滿人，老板好有禮地介紹我地上一樓雅座睇過餐牌，都好多品種，價錢不算貴、菜色好吸引我地點左一條煎封馬友、一个招牌如意小炒、一個薑汁炒芥蘭，好快送上番茄薯仔魚湯，好鮮味足料，估吾到如意小炒食材甘豐富，每樣都是精挑細選出來的有爽口新鮮蝦仁，又有咸香的蝦干、脆卜卜白飯魚、酥脆腰果，炒得干爽翠綠的四季豆非常惹味！送啤酒🍻一流。煎封馬友，馬友皮煎得金黃酥脆， 而內里肉嫩鮮甜，加上秘製的醬油好美味！好吃到停不了口薑汁芥蘭炒翠翠綠綠，咸度適中，美味可口聽老板講午餐是做冰室茶餐，晚餐做私房菜好多舊式菜式經改良創新都成為餐廳招牌菜，有好多新鮮海魚得到顧客垂青。今晚這一餐好滿足，會繼續光顧。

上次和朋友食過如意私房菜, 今次同屋企人再嘗, 預先請老板為我們寫好菜單, 12人享用也卓卓有餘, 首先四小碟有 : 醉鷄, 金沙魚皮. 木耳, 青瓜, 最搶手當然是金沙魚皮,咸蛋黄相信是炒香後再拌魚皮一齊炸, 上枱後仍新鮮熱辣 香脆可口,其中的 淮杞翅群炖竹絲鷄, 材料十足, 清甜又不油膩,  大家掛住食 掛住飲 唔記得左影相食 第二個驚喜是如意東坡蹄 起初估計是東坡肉一磗, 原來是原隻連骨元蹄, 份量超大, 肉質炆到好夠林,  連埋皮食又唔會覺得好肥, 老闆娘話這個是用新鮮肉做, 不是冰鮮肉, 其餘的上湯大蝦, 翡翠帆立貝, 酸菜煮班球, 生炆班頭腩, 螺片扒豆苗,水準仍相當唔錯,唯獨玫瑰煙燻雞,可能燻過龍的關係, 又可能這個餸最後出, 好似無上次咁好食,或者仲有一個原因 是留肚食甜品, 廚師用心砲製的疍白杏仁茶, 甜度適中,順滑美味. 整體菜式都 味道不會太濃, 無味精, 很適合我們 有老人家的口味平民價錢、街坊裝修，但味道就大大驚喜 !

係北角番工，朋友話呢間係灣仔新開既私房菜餐廳唔錯，於是我地就約呢度食晚飯。晚餐有呢d set簡，最低百幾蚊度就有兩個菜、湯同甜品，其實都幾抵食！另外仲有d小菜可以簡，價錢都好經濟實惠😆😆一坐底每人就有一杯檸檬水同一碗老火湯。我地最尾點左沙窩雲吞雞同西檸脆雞扒（$168）、黃金蝦（$98）同一碟時菜（$50）。沙窩雲吞蝦上左先，有半隻雞同4隻雲吞。個湯好香好清甜，吾會好油膩。另外個雞都好滑😝黃金蝦用咗最近大熱既咸蛋黃炸，表皮食落都幾酥脆，同埋唔太油膩，就算怕油膩嘅朋友都可以試下。蝦殼無預先拆開，本身以為食到殼嘅部份口感有啲硬，但意外地有炸得幾軟。蝦肉炸過後亦都算爽口。青檸雞整得超好食，係必食推介！個外表新鮮炸好，香脆得黎又香口，個雞仲要好嫩滑，配埋個青檸醬真係一流。我地三個人都一致最鐘意呢個菜！仲叫左一碟炒芥蘭，炒得吾會好油，好有屋企菜既感覺。晚餐埋單300幾，每人都係100蚊度，抵食又好食，仲有家既味道，真係抵食私房菜之選👍🏻特別想講下個樓梯，有好多玩偶裝飾，環境佈置有心思。

黎到灣仔既如意冰室私房菜食晚餐，佢有兩層，我地今日就坐樓上，環境唔錯。佢呢度既小菜非常吸引，仲有好岩冬天食既小菜煲，好似有羊腩煲同雲吞雞煲咁，再加埋各種各樣既小菜，好難揀啊心大心細既我同朋友終於決定左揀沙窩雲吞雞，呢個煲係再跟埋一份小菜，我地就叫左西檸雞扒。喺啲菜未黎之前，侍應比左一人一碗番茄薯仔湯比我地。雖然係半隻雞，但係超大份啊！啲湯好清甜，送飯一流！個西檸雞超嫩滑，同時外面又炸得超鬆脆，加埋啲酸酸甜甜既汁，超開胃啊！另外，我地亦點左個黃金蝦，佢既鹹蛋黃係超多，絕對滿足到我呢個鹹蛋黃fans!最後，我地亦點左個薑汁芥蘭，同其他小菜一樣咁好味啊！埋單316蚊，都唔算貴，下次要試下個羊腩煲先。

屋企無飯開，係公司做野又做得差唔多8點，肚都開始打鼓😅 如果返屋企附近先食就太夜喇，所以即刻上openrice搵下港島區有咩可以食！碌碌下就見到灣仔呢間「如意冰室私房菜」，價錢唔太貴，公司行過去都係20分鐘左右，一於快快手執埋手尾行過去～去到門口見到餐廳好光猛～坐滿人，不過好彩2樓有位，唔駛等～😆 坐低之後老闆娘即刻拎左杯水比我喝，一飲先知落左檸檬，平時一般茶餐廳、中式餐廳好少有😌打開餐牌有好多小菜選擇，仲有d一加一套餐，岩晒一家人或者朋友聚餐👍🏻 如果好似我咁自己獨食又有好多款晚餐選擇👍🏻 左諗右諗最後揀左D餐既鮮魷肉餅😋等主食黎既同時先黎一碗跟餐既番茄薯仔湯：之後主角-肉餅一上檯真係嚇死我！！！份肉餅好大份！！😮😮😮真係完全無諗過呀！上面d鮮魷都好多好足料！甚至連碗白飯都係大大碗！$68真係好抵食呀！ 其實真係2個人食都夠，尤其係一般細食既女仔😆 講返味道，個肉餅好有咬口而且幾香，仲有肉汁添😋 係個蒸魚豉油食耐左會覺得鹹左少少，不過都仲係我接受到既程度👌🏻 最後加左$8嗌左杯熱柑桔蜜，鹹鹹地，飲完好舒服，岩晒食得太飽既我😂雖然呢一晚自己食，但見到老闆娘同其他熟客傾偈，而且周不時都會

今日係公司OT 到好晏🤦🏻‍♀️，瑪利都要過黎灣仔等我一齊去食飯。行到去地鐵站，一過行一路講今日handle 嘅cases😩, 行行下先諗起要搵野食😂。個到附近餐廳唔係好多，所以求其入左一間。😗入到去先知完來呢間係私房菜黎，開頭以為係茶記。😂餐牌上都幾多唔同種類嘅小菜，少見嘅😍口水雞，水煮牛，重慶魚都有。我好想食架，但係瑪利佢又唔鍾意食，☹️咁唯有選擇其他。😻好鐘意佢呢個1+1 嘅組合，有一個重點嘅主菜，再配一個自選小菜。我地揀左個車打芝士紅蝦set⭐️車打芝士紅蝦🧀一黎到見到個賣相係麻麻嘅，可能因為配烏冬同埋白色嘅芝士汁，所以唔係咁靚。之後食左一啖就停唔到🙈 佢個汁係同酒樓龍蝦🦞伊麵嘅芝士汁🧀一樣。芝士汁同個烏冬又好夾。蝦🦐係唔錯嘅，話晒都係海鮮私房菜館。⭐️椒鹽豬扒🐷⭐️如意小炒皇👍🏼炒到好香口又易送飯，忍唔住叫多左碗飯黎食。😋