妹記大排檔 (已搬遷) 新店位置

食夜宵就沒太高要求了，妹記大排檔也是經常被朋友帶去的，大概也知道哪些菜品比較正。 蒜泥空心菜，青菜很新鮮，不喜食素也會點一盤。 油炸鬼，不仔細想真的不會知道油炸的是什麼鬼，其實是與海棠豆腐很像，配的甜蘸料，不然會遜色很多。 妹記咸豬手，豬手的量很多，一整只豬手，鹵制的味道還不錯，竟然吃出避風塘的口感。

和好友閒來無事來到這裡找美食，整體還不錯，。位置也算好找。店鋪里的所有桌椅擺放都很整齊，很乾淨。黃金大蝦看上去特別漂亮，食上一口很好，香噴噴的蝦，外皮特別酥。蒜泥空心菜看上去翠綠的，不止是當天還是一直有個問題，菜有點老了，嚼起來不太舒服。花蛤炒的有點過了，不過伙頭很厲害，做出來味道不錯。唔還是鐘意清淡一些的啦。

又要吃大排檔，又不想坐髒髒的地方，朋友就想到了妹記裝潢很特別，把香港懷舊風都貼上牆壁打開餐牌，比我的愛店貴了一點，但仍比不少小炒店面便宜。點了兩瓶藍妹，用戰鬥碗喝是常識吧～先點了椒鹽豆腐炸粉過厚，脆而不香再點了蒜蓉炒豆苗雖然我們都夾個不停，但平心而論，雖不死鹹但味道偏重，一定要配飯蠔餅看出店家功架，當然要點了～蛋漿之間夾了香菜，是個特別的製法，口感也鬆脆，不足之處在於蠔不夠飽滿，所以無論價錢跟味道口感，不屬上品最後加點了豉椒炒蟶子用得豉椒炒，材料點會係鮮？所以吃這道是不能評鮮甜度豉椒汁也是「送飯」的朋友，蟶子口感Q彈但似乎欠了點「鑊氣」，大家在這裡大概不是想吃家常小炒吧！兩個人結帳$354，人均消費$177只能說是中規中矩，比起本地人比較適合外來旅客了

朋友來了香港, 我們幾個決定帶他見識香港的大排檔文化! haha!! 在鬧市中的尖沙咀, 一定會想記妹記, 想用戰鬥碗乾一杯了! 星期六晚門口都是人, 我們就算攞了籌都要齊人才可以入內, 約等了20分鐘 門口在繁華路窄的馬路旁, 都要不斷地移位讓路, 其實不太舒服 但挺欣賞餐廳經過包裝, 門口有好多懷舊老香港的的相及裝飾, 而用餐的地方似學校, menu 都寫在黑板上, 而來用餐的人都是年青一輩多怕油膩不建議來這裡吃, 因為menu 上全是比較重穫氣的菜色! 最出名的小菜也是炸的我們先才了藍妹, 用戰鬥碗給朋友洗塵! 鬼馬油炸鬼: 其實是炸墨魚, 因為要令墨魚彈牙, 更加了馬碲, 配合甜醬, 真是配啤酒的好選擇! 椒鹽九肚魚: 這個魚的漿粉我覺得太多了, 而魚太細食落不夠多肉同滑....大排檔來說, 只能說很普通!咸魚茸飛天通菜煲: 這個咸魚茸不夠味道, 份量比較少! 而且煲仔菜來說, 覺得有點過濕! 不夠穫氣咕嚕雞球: 咕嚕肉是考驗一個廚是否合格, 那這個咕嚕雞球真的不合格了! 雞塊沒醃好, 外面漿粉太多, 食落不會焦脆, 番茄醬汁熬的時候掌握稀稠程度不太好, 太稀了不好看而且沒有膠

好耐都無黎過妹記 要人齊先入得既大排檔 大約等左30分鐘就入得。再來的原因是裝修比較特別吧,上次吃過又不差而且是室內坐得都比較舒服！我地都唔肚餓,可能食左下午茶的原故,所以小菜都是點香口為主的菜式。不到10分鐘全部就黎齊晒啦！-青島啤酒食大排檔梗係要飲下啤酒啦,值得一讚係妹記雪凍左啲碗,飲落去更涼快！-金莎蝦球外層的脆脆給蛋黃醬沉到林晒,而且蛋黃加得實在太多好咸..-金莎魷魚炸過既魷魚理應又滑又彈牙！相反太韌,火喉過晒火,醬汁如蝦球一樣太咸...-椒鹽墨魚咀炸得好脆好彈牙而且香香辣辣的,是伴酒好菜式,旁邊還有一碟醋,食多幾粒可以點下,可以解下膩。-飛天通菜沒特別,只是炒得比較乾身但不夠鑊氣。-豉椒炒蜆一般食開果啲就加紅椒既,咁樣食落去就惹味啲,而妹記的就只有青椒,成碟淨係食到豆豉味。香港有太多大排檔,沒有encore的理由吧！

又到星期五晚，非常非常熱，同班中學同學gathering，雖然妹記大排檔成日都要等位，但係呢一大班人就最啱去嗰度食，又有冷氣，價錢又唔係話好貴，以前食開嘅份量都唔係話好少，一定夠晒個個都飽。我哋有一行六個人，嗌咗七個餸。分別有煎蠔餅，黑椒薯仔牛柳粒，炸大腸，豬手，炒通菜，JJ雞煲，椒鹽鮮魷。最鍾意都係佢個炸豬手，招牌菜果然係招牌菜，果然名不虛傳啊。炸到啲肉唔會太乾爭爭，食落去又唔會有好肥好油嘅感覺，另外點下佢比嘅醬汁，同個豬手非常夾。另外啲餸其實都係普通大排檔都會有大嘅餸，味道都算正常不過不失啦。不過椒鹽鮮魷啲粉就比較厚，蓋過咗啲鮮味。如果下次再有gathering都可以再嚟，不過下次來呢就要試吓佢好出名嘅戰鬥碗飲酒。見到好多人都飲搞到我心思思都想試吓！

呢間'大排檔'未搬之前已經聽講過話好正, 而家搬咗之後, 似乎人氣都冇變過, 依然好旺兩個人嚟到, 預咗要等位了, 不過唔駛半個鐘, 星期六尖沙咀呢啲鐘數, 算係咁嘞二人枱自成一角, GOOD~  唔駛搭枱幾好人少只可以揀啲'乜乜'推介的:黃金蝦: 稍為'立'咗少少, 不過蝦肉爽口彈牙, 唔太咸, OK乳鴿: 做得唔錯呢, 皮脆肉嫰, 正飛天通菜: 夠鑊氣, 不過就油多咗啲.嚟呢度差唔多枱枱都點啤酒的, 因為呢度會用一隻碗 - 戰鬥碗嚟飲酒~不過隻碗嚟到係熱的(消毒完~), 要攤一陣先用得雖然間舖响地庫, 但都仲好有大排檔feel, 一大班朋友嚟就最啱嘞~另外, 侍應們都好好人, 態度nice, 讚~

久聞妹記室內大牌檔盛名，尊程試試，呢度規矩要人齊才安排入坐，靚女老闆娘喺門口做知客把關，我哋人齊唔使等就入咗去。睇緊餐牌，已有個阿姐好有耐性standby等落單，而且態度好好，我點咗脆皮炸豬手，鬼馬油炸鬼，酥炸筒蠔，呢度效率好快，話咁快菜全部上齊。鬼馬油炸鬼幾特別，墨魚滑釀油炸鬼，不愧為招牌菜，可惜墨魚滑貎似落粉太多，食落實的的咁，唔夠爽口彈牙；脆皮炸豬手，皮炸得好脆，肉好滑，唔太鹹，好正﹗隻豬手好大碟，結果食唔晒，要打包；酥炸筒蠔一碟五隻，我食咗一隻，味道好鮮，好creamy；食食吓至發覺碟碟都係炸嘢，後加咗碟蝦干豬潤浸時蔬，蝦干好靚，豬潤好「鞋」，兼且帶有血水嘅腥味，no good。整體而言，呢餐總算不過不失，但冇驚喜，同埋冇我預期嘅大牌檔鑊氣。

男朋友成日話鍾意食小菜,今次就特登黎到妹記因為佢話未食過!坐低後男朋友對所有野都好新奇,特別係隻碗!!!冇幾耐佢就開始叫野食,椒鹽鮮魷係我每次黎既必叫!本身想叫鬼馬油炸鬼,但係得2個人,叫左就食唔到其他野,所以冇叫叫左個炸蠔,炒四季豆....野食黎得都好快,個四季豆最遲先到,因為枱面比較多野,所以就發配左邊疆!男朋友不停申手去夾 ,真係好好笑,見佢夾得咁辛苦就攞左去佢前面唔攞由自可,1攞真係差D嘔左出黎攞到佢面前我繼續食我既炸蠔,男朋友1摷碟四季豆,點知摷左隻曱甴出黎 我即刻將我個口入面果半隻炸蠔嘔左出黎停哂手,對望左成分鐘都唔識講野,之後先識叫個伙記過黎黎到我男朋友好冷靜咁叫佢自己睇,佢自己都呆左幾秒,因為係原隻同有手指咁長 佢既解釋係因為前1日做完滅蟲,天呀,唔係咁就要炒埋落去俾個客食嗎?你唔係應該蓋好哂你既野先做滅蟲嗎? 最後佢剩係CANCEL 左呢個菜我地2個亦都食唔落即刻埋單走人我仲1氣之下DEL哂所有既野食相,即刻咩HOLIDAY MOOD 都冇哂 重點係我地食左1/3先發現呢間野真係冇下次

520大風大雨大日子，就梗係要食餐好，朋友選擇去妹記，原先諗住訂19:30枱，但係太遲無得訂，我和另一友人又剛可收早，我們約18:30先攞枱，諗住飲住等。我準時18:30到，諗住叫張四人枱飲住等朋友，個知客話要過半數人先放行，哦，咁我咪等吓囉，又差不多18:50，知客再溫馨提示，19:00後要齊晒人先可以入閘，我即至電友人叫佢拿拿聲跑過來，友人亦不負可託地於18:58跑到門口，知客見我們呢張四人枱咁有誠意地過咗指定人閘人數，佢話因為差不多19:00，可以幫我地問吓可否放我地入去食餐好，結果我終於可以入閘了。入到場，又未爆吖，仲好多吉枱，都唔知點解門口要咁多人係到等。朋友一身汗，拿拿臨叫雙啤酒，叫咗炸豆腐，同墨魚咀，侍應姐姐跟住就走咗去落飛順便攞酒過來。神奇的妹記又一次給我驚喜，佢地用光速過抵咗啤酒，仲有豆腐同墨魚咀。侍應姐姐來回唔駛五分鐘，佩服。炸豆腐呢，皮硬，係非常硬，內面只微溫。墨魚咀，普普通通咁。問題又再一次出現係妹記身上，佢地廚房係用光波爐吖，定光速去整碟小菜出來？話晒自封為大排檔，鑊氣全無可言，唔通係老尖食中餐等同𠱓遊客，大排檔的確唔係咁㗎。朋友到齊，再叫餸啦炒通菜，呢個肯定

妹記大排檔這次，由於男友很想吃小菜，又途經尖沙咀，所以他便提議到妹記大排檔吃鑊氣小菜。來到後看到很多人在等候，由於我們只有兩個人，所以立即便有枱了！我們之前以來過數次，覺得價錢相對便宜，食物份量有大，質素也不差，所以一想吃小菜便會到妹記大排檔：）妹記大排檔處於地庫，雖然是室內的餐廳，亦有冷氣，但格局與室外大排檔沒有分別，餐廳內都是非常熱鬧，大夥人都在高談闊論，興奮地談天雪地，氣氛非常熾熱。看看餐牌選擇也不少我們今次叫了炸蠔餅、妹記炸豬手和飛天炒通菜。炸蠔餅非常大份，而且炸得十分香脆，蠔仔肉亦不少，粉漿不會過厚，配上特製醬汁，味道很惹味，唯一要挑剔的，就是有點兒過於油膩，不過叫得炸蠔餅來吃，都預料會油膩的，份量真的非常多，我倆吃不完呢！飛天通菜煲的通菜份量也是非常多，裝滿整個煲，而且很有鑊氣，調味非常濃味，不過也是比較油膩，但我們最終可以吃光這個飛天通菜煲！因為味道真的不錯呢！

第一次同教會的弟兄食妹記. 由於六點半前落單就可以用午餐, 下午茶的價錢食到晚餐 , 對於身為學生的我們妹記簡直是美好的存在  落單後, 菜好快就送上黎. 我地叫嘅都係炒的菜, 炒飯, 炒麵, 炒粉. 唔理係濕炒定亁炒, 都好有大排檔風味. d飯炒得一粒粒,好有咬口. 廈門炒米, 酸酸甜甜幾開胃. 乾炒牛河唔太油, 幾多牛. 不過, d蝦唔新鮮. 而且好大碟五個人分四碟已經好飽. 仲有跟餐一罐汽水添. 埋單每人唔洗三十蚊

數年前已經聽聞妹記得有名，不過一真的約唔成過來一試。今天跟同事無意經過發現，若果不是記起他的名字，我相信我們未必會入，因為妹記的門面很細，而且要落庫，正正如此，在自由行橫行的尖沙咀中心地帶，妹記竟然什少自由行的蹤影。地庫面積很大，我們到的時間尚早，不用等就有位坐(若果7:00到可能要等一等)，妹記以小菜出名，我們點了椒鹽墨魚咀、煎蠔餅、妹記豬手和肉碎蒸茄子。椒鹽墨魚咀 : 其實看不出是不是墨魚咀，但好味就OK LA，墨魚肉質爽口。煎蠔餅 : 蠔餅煎得香口，蛋味香濃，但蠔仔就少左DD。妹記豬手 :即細豬手，炸得好脆，加上南乳醬，另有風味。肉碎蒸茄子 : 第一次食，肉碎連蒜泥放在茄子上蒸，茄子完完全索晒蒜香和肉汁味，略為咸左DD，伴飯超正。

這天有朋友從外國回來,所以帶他們到這間充滿港式風情的餐廳享用午膳。一開始也有想過為什麼大排擋能在尖沙咀的貴鋪租生存，可能是因為地下鋪？有遊客支持？說是大排擋，在熱鬧和裝潢方面的確相似，不過卻有冷氣，也頗乾淨，和想像中不同。今次叫得比較豪，有蠔仔粥、海鮮粉絲菜煲、避風塘炒蟹，還有這裏的特色--鬼馬油炸鬼。蠔仔粥有很多蠔仔，每一口都可以吃到，入口肥美鮮甜。避風塘炒蟹的辣味不會掩過蟹的鮮味，和著濃陏的蒜香，十分好吃。鬼馬油炸鬼的確十分趣致，在油炸鬼中釀入墨魚膠一起油炸，外面香脆內裏彈牙，可惜墨魚可能不是很新鮮，不是很吃得出墨魚味。最後三人吃了400元，不過朋友十分滿意，也還值得。

I love theme restaurants. I go to quite a few even when I'm traveling. Mui Kee Cookfood Stall is a restaurant that looks like a dai pai dong. Located in Tsim Sha Tsui, it's a popular place with a long queue. I've actually never been here but it seemed all my friends have and they seem to bring their tourist or new ex-pat friends here. They thought it was insane that I had never been here, so on this day, they took me here! Tonight I was the tourist!We arrived at 6 PM and there was no queue so we