妹記大排檔 (已結業)

同同事收工一齊食飯，有咩好得過去大排檔飲返兩杯？但係天氣咁熱，街邊真係咪搞。不過又想要大檔風味，我諗妹記應該啱你哋！環境：係商場入面，有冷氣是常識吧！地方都算幾大，有足一層面積，不過雖然大，但係都係坐得好逼，枱與枱距離唔多，行出行入都要大家就下。而且因為係室內，但又係大排檔形式，所以真係好.... 嘈，嘈到以為自己落左 Club 一樣，同枱食飯真係要大大聲先聽到對方講乜。食物：食物選擇都多，同街邊大排檔冇乜分別，當晚我哋四個人就叫左以下幾個小菜，整體未係叫得上十分高質，不過都可以話係不過不失，唔會令人失望！黑椒薯仔牛柳粒：$138份量唔算多，而且個人認為牛柳較韌，醬汁亦較傑身，但整體都唔會難食，中規中矩。咸魚茸飛天通菜煲：$72呢個份量好大，而且味道夠哂惹味，蒜蓉夠多夠香，啲菜又唔會有渣，講笑咁講，剩係食呢個餸都可以送到飯！椒鹽九肚魚：$72 份量中規中矩啦，但食落感覺真係似食粉多個似食魚，雖然炸得好香脆，但有點兒欠奉真材實料，完全食唔出九肚魚應有嘅香味，失望！椒鹽豆腐：$52呢個豆腐有驚喜，因為平時食開多數係切細粒咁上，但係呢度就大大粒咁炸。同九肚魚一樣道理，炸得香脆，但唔夠鬆化，

和老同事聚會，第一次去妹記大排檔, 一開始以為是那種街市的大排檔, 怎知道原來是在商場內一個改裝成為非常類似大排檔的餐館。餐館裡的空調非常強勁，地方非常寬敞，價錢更加非常實惠。我們一行5人喝酒吃飯實在是一個不錯的地方。點了脆皮炸豬手，飛天通菜，豉汁炒聖子，沙爹粉絲牛肉煲，沙薑脆皮雞，帶子炒西蘭花，海鮮雜菜煲，雞蛋焗魚腸等。最喜歡吃的是沙爹粉絲牛肉煲，沙爹味非常濃，而且牛肉亦很嫩。豉汁炒聖子也很好味道，聖子非常大很爽脆。沙薑脆皮雞的皮肉很香脆，配上醬汁簡直是一流。其它幾道菜也算有鑊氣。特別喜歡雞蛋焗魚腸，這道菜不是很多餐館懂得做。整體非常滿意。我們吃了8個菜點了兩瓶啤酒才900元。人均才180實在太便宜了。

*原隻芥末豬手*必食!必食!必食!原隻豬手, 份量十足, 外皮炸得脆卜卜, 香脆吾油, 爽脆可口,  肉質做到非常嫩口,  又夠入味 真心推介!*情懷煎蠔餅*情懷野食, 夠風味~ 外表酥脆, 份量都大, 但蠔就比較少，如果可以加返多D, 就大滿足了~又能滿足大排檔風味, 又有冷氣, 唔使熱到成身汗, 上菜速度又快, 唔使勁催, 價錢又合理一次過滿足晒~

一大班人食嘢又想坐得舒服啲 好多時都會去妹記唔知係疫情關係定係換咗大廚 食物難食左好多😡😰八個人叫咗八個餸 10分鐘唔使全部相晒 以為好有效率 但係食真D 一係唔夠熱 一係好似放咗好耐甘一pat pat☠️所謂金沙大蝦🍤 濕粒粒出晒水 蝦肉又唔彈牙 梅梅地 豉椒炒蜆 加埋都唔知有冇10粒蜆肉 一啲鑊氣都冇 好似純粹將焯熟左蜆撈埋豉椒 椒鹽九肚魚同椒鹽墨魚咀 都係唔熱 炸粉又厚 配啤酒都唔過癮叫咗兩個煲仔 個煲就夠熱 但係裏面啲涼瓜排骨 同埋通菜😿都只係暖 同埋好油下次一定唔會再嚟😰

疫情底下，已經好耐無同三五知已去大排檔食個小炒飲杯啤酒吹返兩句了今日同女朋友，經過尖沙咀，到了夜晚想搵晚餐食。又怕人多，喺諗緊食咩之際經過妹記大排檔，想話好耐無食過大排檔鑊氣小炒，咁一於唔諗啦，就妹記啦。落到去餐廳，唔算多人，每張枱都分得算開，總括嚟講都舒服嘅因為得兩個人食，所以無嗌咁多，嗌咗3個餸「椒鹽豆腐」一個字講晒，正！外酥脆，內滑嫩，味道唔算太咸「啫啫豆豉雞煲」兩個字講晒，無敵！可能啱我自己口味，雖然其他餐廳都經常會食到呢個餸，但哩個雞煲算係我食過咁多入面嘅頭三甲「小炒皇」三個字講哂，都幾好！正常味道，唔太差亦未至於令我有驚歎嘅感覺本人覺得面頭嘅魚干太硬，扣咗小小分不過整體來講，都係好味，推薦值得一試

一班人食飯有老有嫩，就梗係搵間有風味嘅大排檔坐低食下野。五餸一湯白飯任裝。大家都以為茶餐廳嘅老火湯一定係加咗味精，但今晚飲嘅老火湯係由冬瓜雞腳豬骨熬成嘅，飲落又幾清，唔會話好口渴。先來隻脆皮乳鴿側邊再配碟華鹽真係冇得輸，皮夠脆，肉夠嫩滑，真係食到舔舔脷。在黎見到隔離枱嘅蝦醬煲仔通菜咁香當然都嗌返份，呢味餸真係非常好送飯，同埋真係好香，最後亦都好快清晒。蜜汁薯仔牛柳粒，呢味餸係茶餐廳嘅經典，但薯仔嘅份量多個牛柳粒好多，好似都冇乜食到，但係味道搭夠。最後兩份炸物，粟米斑塊同炸茄子，呢兩份炸物都好厚粉，炸茄子相對惹味，好有避風塘嘅味道。但係碟粟米斑塊，就全程都好唔受歡迎，最後差不多剩左成碟。總括嚟講都值得介紹嘅，始終大排檔都係香港人傳統風味，而家周街都咁多新野，有時坐大排檔大家圍埋一齊炒番一兩碟小炒，都好溫馨。

妹記大排檔 我們的家庭飯堂，這裏每款菜式都很地道 十分港式地道風味 十分適合公司同事聚會 朋友聚會 家庭聚會食飯 雖然是大排檔 但是環境十分乾淨 整齊 室內環境 冷氣十足 大排檔 一定少不了啤酒 🍺啤酒配戰門碗 飲得好爽 豉椒炒蜆蜆大大隻 鮮甜 夠鍋氣 但是份量少德國原隻芥末豬手大大隻豬手 豬皮爽脆可口 肉質不軟不硬 醃製入味 值得recall 小炒王夠鍋氣 蝦仁 小魚乾 腰果 韭菜 多種口感 味道剛剛好 直得recall

黎尖沙咀，我會選擇妹記，午餐有好多選擇，人唔多，空間大，坐得舒服。更難得既係，服務好細心!台上已有茶，紙巾，都好乾淨。叫了個蠔仔泡飯，入面驚喜地有脆豬皮，講真，不是度度會加了。蠔仔泡飯送上，阿姐好細心咁俾埋胡椒粉我，平時餐廳叫先有，妹記服務真係好，諗埋你既需要，仲包埋湯&汽水，湯係粉郭湯，足料，飲得出無溝水。我見隔離台叫既炒麵，D麵脆卜卜，好吸引，差D想買多個外賣返屋企。尖沙咀黎講，40蚊既價錢，加好既服務，實在值得推薦。

I have been craving for Dai Pai Dong food lately so needed to satisfy my craving. It was good to see there were quite a bit of customers given the situation in Hong Kong. The deco is fun and the staff was good despite it was busy. Love the battle bowls for beer!

朋友派貼為左方便住唔同地區嘅朋友，揀咗地點就腳有裝修有七八十年代香港風味嘅妹記大排檔，同一般大排檔一樣都係比較嘈吵餸菜選擇多，叫左六樣餸菜平均質素中上煎蠔餅都係香港人較喜歡嘅半煎炸蠔餅外表酥脆蠔仔飽滿黑椒薯仔牛柳粒，大排檔都係用雪藏牛柳粒，但係食落無雪味肉質彈牙薯仔爽口黑椒味不會太濃沙拉骨，沙拉醬包住全部排骨酸酸甜甜，排骨肉質有咬口又夠入味南乳雜菜煲，大大煲十分足料抵食上菜時熱辣辣，不過本人唔鐘意食菜避風塘茄子，茄子炸得香脆又香又辣避風塘風味一流炸豬手，外皮炸到脆卜卜肉質有汁唔會太咸，配啤酒一流仲有飲啤酒必備嘅戰鬥碗同朋友一起劈酒

一行六人去食晚飯，大排檔啱哂一班朋友去食。好熱鬧，上到去等左大約三四個字到就有位。叫左招牌炸豬手、飛天通菜、生炒骨、蠔餅同埋椒鹽鮮尤。叫左兩支啤酒，可以用戰鬥碗飲，好有feel。野食都好快上，逐個逐個點評下先。招牌炸豬手有啲咸，配泰式辣醬好夾，分量好夠。通菜普普通通。生炒骨多骨無咩肉，唔算好大碟。蠔餅夠大份，但粉多蠔少，有啲失望。椒鹽鮮尤分量好少，但夠味夠香口。整體來講，氣氛都唔錯，但野食普普通通不過不失，未至於吹奏得咁西利。埋單一個人大約$103，唔算好貴，衛生情況一般。

呢間長期都要排隊建議大家預早book枱，大排檔最好就約埋三五知己或者屋企人一齊食，咁就可以食到多啲唔同小菜🤤.煎蠔餅 $68蠔餅煎得香脆，都算大份而且蠔仔大隻，送啤酒一流🍻 不過建議炸粉放少d會比較好🙊.原隻豬手 $218超級推薦呢個豬手，整得好好味！外皮香脆可口，冇得輸🥳 唯一缺點就係較貴😢不過始終出街食點都貴過屋企整嘅🤨.招牌鬼馬油炸鬼 $88其實係油炸鬼包住d墨魚滑，口感好特別，外脆內軟，一定要趁熱食😛.香芹芫荽蠔仔粥🍲 $108唔想叫白飯咁單調可以叫蠔仔粥，好大碗亦足料，啱晒大班frd share 黎食😍 淡淡嘅蠔仔粥配上比較濃味餸菜幾好，又食到蠔嘅鮮味！.我地9個人每人都係食左$150，非常抵食，雖然好多人，但員工服務好，上菜速度快，仲借火機俾我哋慶祝生日添🤣

有外國朋友來香港玩 都唔知帶佢食咩好🤔成日見人食呢間人氣大排檔但自己又無食過 所以決定帶埋朋友一齊品嘗下香港既味道🤣星期五真係好full好忙呀🤯好彩有一早book左位😛上菜速度非常快👍🏻整體來講食物質素都唔錯😋特別推介煎蠔餅,豬手同埋有鹹蛋黃嘅菜式🤩.would definitely recommend muikee if you wish you have a perfect local #daipaidong experience here in hong kong 😉 the atmosphere here gives you an incredible 'local' vibes - very loud & service is fast! 😂 the food here is super affordable & the menu is VAST 🤩🤩 the pork knuckle & deep fried oyster omelette are MUST EATS! & i especially love the dishes with salted egg yolk

尖沙咀其實很多食肆但很多時偏偏想不到吃什麼好作為紅磚舊生，決定去妹記懷念過去晚上八點半左右，不用等位，直接入座這次沒有叫啤酒、出名的招牌菜等等純粹叫一些普普通通的港式茶餐廳小菜一行三個大男人，叫了四道菜、人頭飯上菜速度極快，不用五分鐘，三道菜便上了南乳香酥骨 - $68炸得有點過耐，非常的乾和硬椒鹽豬扒 - $75最抵吃的一道菜，很多豬扒，帶點辣，非常惹味椒鹽鮮魷 - $68每次都必叫的，最喜愛吃小鬚仔，但這次很少小鬚仔，而且份量好像比以前小了啫啫雞煲 - $78都頗多的雞塊，連著皮比較肥膩

價錢，食物味道，份糧都好ok，唯一係侍應態度差，飯送到黎無匙羹，我舉手求其問一個侍應，個侍應竟回答我：張單唔係我寫，你要跟搵返幫伓落單果個，跟住就走左其實要拎隻匙羹，有無咁難