妹記大排檔 (已結業)

香港生活忙碌，少不免同老友少見咗，想圍圍喂開心聚下舊，我同朋友一致揀咗呢間食大排檔，貪佢夠嘈丫嘛，可以大聲講大聲笑 Haha款式都幾多，成班朋友一人揀一碟岩岩好 唔駛爭今日既幸運號碼係203❣️鬼馬油炸鬼樣子鬼馬，食落更加鬼馬❣️甜甜酸酸 酸酸甜甜沙拉骨 佐飯一流❣️蠔仔粥蠔仔份量唔算多味道都唔錯唔中意食芫荽既朋友記得落Order前同職員講聲啦❣️鹹豬手佐酒一流呀 不過可惜今日揸車，冇得盡興❣️椒鹽豬扒好夠味，一流總結黎講 由於室內關係，又想食大排檔，又怕熱既，呢度真係一個好選擇

曾經在朋友的facebook里看過，好似都幾出名的大排檔。看到旺角也有分店不過沒試過。8點鐘正是用餐高峰期，排嗮長龍，像是一大班同事或者big family 的週末聚餐。我們兩個人反而不用排隊就有得坐。1/ 梅菜蒸菜心(客家經典菜式, 這家真系業界良心, 覺得肉沫比菜心還要多, 鋪滿一層, 有梅菜味滲入到菜心裡面, 幾特別)2/ 脆皮豬手(個人覺得炸的太幹了, 失去了膠原蛋白的Q彈口感)3/ 蒜蓉粉絲蒸元貝(好大個元貝, 我都識蒸, 可惜某人不鍾意吃海鮮)4/ 蠔仔粥 (更加像是上海泡飯的feel, 分量大到根本是一盘粥而不是一碗粥, 10個人吃都綽綽有餘)經過投票，菜心和元貝勝出！人均200蚊，飽到路都行不直……

我食過妹記都有8-10次，係一間間唔中就想尼食下嘅餐廳。兩個人尼又試過，成班人尼都試過。平時會點嘅菜有：蠔仔粥，好正，次次尼都要食XO醬翠玉瓜炒象拔蚌，好惹味好香口，近排成日點嘅一個菜豉椒炒蜆，要早尼先有，遲尼通常都賣晒。脆皮雞，雞肉夠嫰，醬汁又好味。只有尖沙咀店先有咋，旺角店係無架。蒜蓉粉絲蒸扇貝，d粉絲吸晒扇貝同蒜蓉味，好正咸豬手，呢個真係必食，皮脆肉嫩，唔乾身，咸味夠，份量大燒乳鴿帶子炒西蘭花椒鹽豬扒餐廳有個缺點，就係超嘈，d聲係困住嗰種，個個都嗌破喉嚨咁大聲講野，好彩嘢食好味搭救

成日聽啲朋友講 妹記好好食 聽左咁多年終於都第一次試 好期待嘅心情 去試妹記大排檔 由細到大對大排檔嘅印象都麻麻地 總係覺得又熱又污糟又迫 所以朋友約我去妹記嗰陣我都諗咗一陣 但聽人講到咁好食我決定一試朋友俾個地址我發現係喺商場入邊我已經覺得好奇怪 去到原來仲要有冷氣同好乾淨我真係估唔到定我太out試咗好多招牌菜 鬼馬油炸鬼 豬髀 炒菜 全部都好好食仲有鑊氣 見到佢哋有隻戰鬥碗一直以為係用嚟食飯 點知原來係飲酒 哈哈 可惜嘅係我哋成班friend都冇人飲酒所以冇辦法用隻碗 好想再試多一次 食其他菜式 大排檔真係要多人先至好 因為可以試多啲其他菜式

黑衣人盡左自己嘅努力後搵好嘢食。三幾個人梗係食大排檔爽。朋友分別叫左兩款招牌菜，黑椒薯仔牛柳粒同金沙蝦球，我就叫個腐乳椒絲炒萵筍，實行均衡飲食。兩個招牌菜好快就上左，食過幾次，足料夠火候冇跌watt。第一次試嘅呢個家常小菜，無論價錢定質素都有驚喜。兩個朋友都係食肉獸，但夾一舊食過之後竟然有興趣問我係咩菜黎。講返個菜本身，萵筍每一塊都爽脆鮮甜，菜青味比腐乳闢走，我都冇估到腐乳可以咁夾萵筍。食得大排檔，當然要愛我啤酒啦~哈爾濱啤酒冰凍清爽，食得夠鑊氣嘅嘢要靠呢D番鬼佬涼茶下下火。

雖然最近嘅社會氣氛麻麻，但為咗走更遠嘅路，為咗去表達意見，我哋都係要醫飽個肚先，留番啲氣力係去長期爭取。呢一日公司完成左一個Project，大班人去食飯，有人介紹去妹記大排檔，我哋呢就不妨去試吓啦。呢一度叫自己大排檔，其實係一間有冷氣嘅餐廳，位於尖沙咀嘅一個商場裡邊，環境和衛生方面，都比一般大排檔好而且比較舒適，不過座位都是膠櫈，而且走廊比較窄，所以果一晚全程我坐喺度食嘅時候，都感覺到有人係我後面，當然無人搞我後面啦。好我哋講返嘢食，我哋都叫咗幾多個餸茶，整體來講呢度啲餸都算唔錯，但又不能夠真係好好食嗰隻，不過一大班人來食都算係一個不俗的選擇，至少嘢食是比較香口，而且都叫夜魅。而當中我就覺得炸墨魚餅就比較好食就比較好食，裏面嘅墨魚肉10分彈牙，都幾鮮味，所以係咁多道菜你是我覺得最好食嘅得到。而鹹蛋炸蝦球就比較特別，好似係出邊都未試過呢一道菜，裏面啲蝦球打得好滑，而我覺得都係唔錯嘅。比較失望的就是蠔仔粥，雖然豪仔都叫做鮮味，不過成個粥真係好鹹，嗰種鹹蓋蓋過晒佢嘅好處，所以真係有啲失望。總結來說呢一間餐廳算係中規中矩啦，比較好嘅地方就是我哋帶咗支酒去開都冇收我哋開瓶費，所以一班人食都係一個

已經係唔知第幾次食妹記大排檔由舊舖就己經有食架啦。先講下呢度既環境，當然係比平時既大排檔舒服因為係乾淨同有冷氣既，但係就欠決左一啲地道。但係餐廳其實係好品是，基本上係傾唔至偈。今次食左椒鹽豆腐，炸大腸，蠔餅，蠔仔粥，啫啫雞煲，通菜煲。佢啲招牌菜反而我地都無叫。個豆腐既椒鹽係做得唔差，但豆腐係比較硬身，所以唔係個種食唔停個啲，都未必再叫。蠔餅都係好正常既，不過偏多粉，唔係好多蠔仔。至於個雞煲就幾好味，雞入味都滑，有食煲仔既熱度。另外既小菜都正常，數這有咩特別既評價。

一直都好想食妹記，因為覺得佢個戰鬥碗好型，所以揀左呢間又有小菜又有啤酒飲既。但好傷心既係，佢竟然無左戰鬥碗。加上，原來室內既大排擋係超嘈，我地有八個人，就算特登坐到好埋都聽唔到。食物我就覺得一般，唔知係咪叫既野唔係出名既？而我朋友就話正正常常。蠔仔粥都可以，但我覺得唔係好新鮮。蠔餅都係普通，反而蜆炒得幾入味。我見到人地叫個啲油雞好似幾靚，但我地之前叫左啫啫雞，所以就無再講。下次少人啲食就好啲，至少可以傾到計。

由於好姊妹要離開香港長居外國，所以特意選擇妹記，大排檔得嚟又唔似真的大排檔最初對這裡感覺良好的，只可惜後來有兩枱玩得勁癲又不時大笑大叫的客人，令我地講野都要似鬧交咁，頭痛加喉嚨痛幸好這裡食物味道不錯，每碟餸的份量也不少，當作少許安慰吧~蠔餅唔會得炸粉，有好多蠔炸魚皮好香脆，雖然有點熱氣，但忍唔住一食再食九肚魚都好味蠔仔粥有好多蠔，落足料

旺角間妹記就食得多，尖沙咀呢間都係第一次，身為路癡既我，要搭上5樓都唔容易，到左樓下都迷一陣路先搵到1至5樓部!!!呢間啲食物上得超快，我到樓下，朋友就點菜，我黎到，屁股都未坐暖，啲餸就陸陸續續上緊。呢度同旺角分店最大分別係，呢度既客戶九成都係煲冬瓜(普通話)，相反旺角就較多香港人。當然我地都叫左必食推介 原隻脆皮炸豬手，鬼馬炸鬼馬，香芹芫荽蠔仔粥，牛肉炒雜菜▪原隻豬手，真係無得輸!!夠晒脆，當然唯一缺點就係太貴，咁係街食，一定比自己整貴好多架啦▪鬼馬炸鬼馬，其實就係油炸鬼包住墨魚滑之類，外脆內軟咁既口感▪香芹芫荽蠔仔粥，好夠味都幾足料同埋一大窩，啱晒三五知己咁樣食▪牛肉炒雜菜，應該唔係呢個名，但盤餸就係雜菜，木耳，勝瓜都有啲!黎果陣缺左牛肉叫廚房加番

今日同一大班朋友到妹記食飯因為呢班人實在太嘈去唔到高級餐廳😂多人食飯嘅好處係可以叫勁多小菜！👉🏻鬼馬油炸鬼油炸鬼包住墨魚膠 幾特別又幾好味👉🏻金沙蝦球蝦球沾滿鹹蛋黃醬極級惹味！唔夠5分鐘已經食哂😂鹹蛋黃醬撈飯一流👉🏻炸大腸外皮超脆 肥膏唔算多 非常香口👉🏻黑椒薯仔牛柳粒上枱時唔夠熱同埋唔夠入味👉🏻茄子煲👉🏻豬手配甜酸醬👉🏻吊燒街呢3個我都覺得無咩特別👉🏻菜都叫咗3款😂平衡返食咗咁多熱氣野

呢間我來第二次第一次覺得幾好食 加上係環境舒服既大排隊所以有左第二次光顧點知發現凡事冇得睇表面今次order既其中一樣送係蒜蓉炒扇貝粉絲伙伴問我地要幾多隻1隻50蚊 都幾大隻架 咁講咁我地就叫左2隻啦咁我assume你上既野係岩既點知我食食下 發現碟有蒜蓉粉絲既野上係冇扇貝呢個時候廚房有個女既衝左出來話出錯野原來係出左蒜蓉粉絲魷魚但佢當冇事發生走左咁我就問左頭先幫我地落單既伙記 佢竟然話 咁你都食左 之後當然佢都冇follow我地再問另一個伙記佢話 你地都飽 果碟扇貝應該唔要架何？我地出錯左另一枱既野比你地依加碟扇貝佢地又退左冇人要佢意思係佢要我地硬食佢出錯既野明明自己出錯 但要客硬食唔會再幫襯

要招待台灣來的朋友，她說想吃中式一點，於是我們帶她到有室內有冷氣，而且有大排檔風味的中式地方晚餐。當晚雨可能落得比較大，所以上到去時候無平時咁要大排長龍。除了叫小菜吃，還一定要叫戰鬥碗飲啤酒，別有一番風味。另外仲有好多佐酒小食:炸大腸 - 配有酸甜醬一齊食，兼無異味夠乾淨炸豆腐 - 外脆內滑，不需任何醬汁都好味道炸鮮魷 - 送酒一流乳鴿 - 每次必點! 台灣朋友從未看過及食過，開頭有啲抗拒，同吃兔兔一樣的反感。但後來佢試左少少肉，發覺肉甜皮脆幾好食。最終食左半隻沙嗲牛肉金菇煲 - 因為台灣無沙嗲菜式，所以我地專登叫俾朋友食，但有啲失望。以前較好食，宜家無咩沙嗲味

Happy hour 完同朋友食妹記再戰。特別喜愛佢好有穫氣既小菜，連埋戰鬥碗入面既哈爾濱啤酒（$24@），味道一流價錢又相當合理，絲毫沒有要為食店交租，收你premium既感覺。由於大概9pm先去，所以只需五分鐘就已經有位。老實而言，服務環境就一般。桌與桌之間比較狹窄，走動有點不方便。坐位正常，比大排檔戶外既感覺好點。侍應十分繁忙，舉手叫菜都要等一段時間，上菜速度自然不會很快。第一道菜必選蠔餅，由於係炸既關係，上菜速度比預期快，亦都係新鮮即炸熱辣辣。入面既蠔份量也沒有手軟，每一淡都能嘗到蠔仔，再加上香濃蛋味，外層脆脆，內層帶點蛋漿既濕潤。而你如果想要味道再昇華，更可以點佢咸咸既調味汁。之後既雜菜煲相對比較清的一道菜，粉絲沒有被湯底浸軟，仍有咬口。兩粒帶子亦比相像中大及新鮮，值得稱讚。煲內既食物相當豐富，有西蘭花，唐生菜，菇等等。半隻吊燒雞份量都挺多。雞肉嫩滑肥美，肉質完全唔乾，皮脆內軟，雞隻肥美程度偶爾會見到肉層間夾有一點黃黃的肥油點。咸度適中，下次來會再叫！

是日晚餐———妹記大排檔🥢🥢大排檔係香港極具特色的食肆之一隨着香港越來越土地供應不足，而且地舖的租金愈來愈昂貴，原本由地下鋪頭的大排檔，轉移到樓上鋪頭大排檔，食物仍然不失水準。對方香港來說地方算大，而且裝修仍然保留懷舊特色，水泥牆，紅色吊燈，黃燈為主，當然還有十分熱鬧。偶然在這熱鬧的氣氛中進食，也是另一種享受。上菜速度也很快因為運動後，所以需要補充能量，所以我們點有🐔西檸雞球雞口感有點硬，但果醬汁十分好味，檸味不會太酸🌿飛天通菜煲菜新鮮，辣度剛剛好，口感爽我知道這裏流行用戰鬥碗飲啤酒，有興趣的朋友可以一試洗手間衛生情況可以接受