威記粥店 (已結業)

好耐無去中環食0野, 趁今日要去文華 pick up 蛋糕, lunch 0黎呢度試試. 無乜胃口, 叫了個碎牛粥 ($11) 加碟魚片腸粉 ($11) 就算.先0黎碎牛粥, 未食已經聞到好香米飯0既味! 粥底幾綿, d 米煲到爆晒花的, 仲有好多米粉碎, 夠晒「老式」... 粥底米香夠, 不過味道幾鹹0下, 加埋落得幾重手又黐埋一舊舊的幾鹹但竟然幾滑的碎牛, 味道過得去啦.腸粉夠熱, 幾滑, 不過都幾厚面皮; 餡料落了大量薑絲及少少蔥花, 所以魚片唔會腥, 不過肉0鞋身, 一般鮮味, 加上豉油俾得幾少0下, 味道比較淡. 見佢淡口, 自行灑了 d 供應0係檯上的豉油, 但原來唔係甜豉油來的, 結果鹹到抽筋, 奉勸大家切勿模仿, 需要的話叫廚房幫你落好了.環境衛生好惡劣0下, 不過既然出面係大排檔, 都可以理解的; 招呼無乜特別.$22 食一餐, 勁平, 不過可能呢類舊式粥店始終唔係「我年代」0既0野, 感覺比較陌生之餘, 亦唔多識欣賞, 試過就算了.

吃過大坑嘅康記，今次就來吃吃士丹利街嘅威記...老牌粥店，自有一定水準。叫碗米王就知與尋常粥店之分別 --- 質感綿且滑，煲至米粒開花，同連鎖粥店嗰D稀如水嘅出品，怎能相比 ? 論水準，跟屋企附近嘅有利可謂不相伯仲...回想起來，都有一陣子沒吃過這樣有水平嘅米王了...吃白粥怎可能沒有油器相伴 ? 油條雖不是新鮮炸起，但仍然夠脆口，味道鹹鹹的，配上淡口嘅米王，極匹配...再叫碟腸粉試試。跟康記一樣，滲入少許葱，吃落冇咁單調；口感雖非太滑，但吃落有淡淡米香；豉油師傅下得不多，已是極好...記得上次來吃有味粥倒是平平無奇。是次還原基本步，先見真章...

五月九日(星期五)同老公決定黎呢度食粥!清下腸胃先!去左比較舊個間!不過有冷氣,所以食熱野都冇問題!老公食左皮蛋瘦肉粥,而我食左炒麵!炒麵唔係太熱同埋唔係好多料!而以呢個價錢o係中環都算唔錯!但係唔係特出!

今日行左黎大排檔食飯, 上次威記鋪內, 叫了小炒不錯. 見天氣不差, 今日坐出面食小炒兩碟.小炒部, 同粥品部大大不同, 粥品又快, 又靚, 又正.出面小炒, 坐底左好耐都冇人理...衛生環境極差, 好彩兩條佬, 冇所謂.小炒部, 靚, 正, 合格. 怏服務唔合格... 叫了好耐好耐才有豉椒肉片出....食完, 碟蝦仁蛋先黎... 真頭暈.伙記阿哥好躁, 炒野師傅好躁, 執馬大叔好躁, 蒸魚師傅好躁......我們等到好躁蒸魚, 好多人叫, 好靚, 下次可以食.

唔知響邊到看到有推介呢間蘿蔔榚, 行過咪買黎試下. 唔得! 蘿蔔榚料少無蘿蔔味, 麻麻地!無下次!

同朋友係中環行經此地就試下喇都唔係好差姐食左個O者O者雞煲一碟蒸輐魚2個白飯想嗌個湯不過唔識嗌因為個阿姐任話任點配搭haahaa都唔知有咩配搭食左82蚊都抵丫

炒麵–麵身較粗炒米粉–不油膩艇仔粥–嚴寒下吃碗滾熱的粥頓時使身軀暖和，粥的味道及材料則一般炸誠如眾食評家small jj、SMASHING PUMPKINS、豬咪咪、艾文妮、Olivian等所言，敗筆之處在於油炸鬼不脆上菜很快，午市人多，不能久留

病未癒, 繼續粥水午餐最普通的粥店, 最滾熱辣既粥, 加上腸粉.10蚊一碗, 粥底一流, 腸粉夠滑, 只可惜病了, 沒有食其油器.同事陪我食粥, 佢叫既炒麵都不錯. 好抵食!!!

便宜又清淡的午餐

粥底不俗，碎牛和魚片都很新鮮，粥內薑絲相信是即日生切。齋腸米味甚濃，十分滿意，一共吃了兩碟！這廿四元真是花到極緻！

想清清腸胃時，就會去威記食粥。不用十元就有白粥油炸鬼。更喜歡的是炸腸跟皮蛋瘦肉粥（店員叫此粥做“下火”），也不用二十元。粥夠棉，夠熱，皮蛋瘦肉份量剛好，加埋炸腸，七分飽，清清淡淡的午餐，感覺很好。

來唔來會想食吓艇仔粥, 牛肉粥, 腸粉, 味道唔差. 老實講環境, 但係預左所以無要求, 個個伙計都好好, 唯獨收錢果位女仕,唔知係咪老闆娘, 次次都黑口黑面,好似我得罪左佢咁.....需然只係10-20元但唔係要睇妳面色!!! 10元8元唔敢叫佢多謝....如果自己唔好都係唔好去!!

中午時段晌中環搵地方食午餐係一件苦差. 又要平又要快更加難上加難. 如果唔介意大熱天時30幾度去食粥, 呢度係唔錯既選擇. 呢度既白粥係比其他粥品更出色, 記得落些少鹽巴會令碗粥更出味.其實我好鍾意佢地既蘿蔔糕, 無任何特別既配料, 但蘿蔔份量足夠已經係一大賣點. 其他例如油條同牛利酥, 最好係朝早食會食到新鮮炸起既. 環境方面真係不敢恭維, 我有次數到一檯可以有數十隻蒼蠅飛黎飛去你都咪話唔驚.

無食佢D粥…不過,尋日熱到無胃口,買左碗綠豆沙食。好驚喜裡面加左麥米兼唔太甜!正好為我消消暑~

工作壓力下,約妹蛋食晏掃吓苦水,坐舖出面,叫左腐乳通菜炒牛肉,蝦仁炒蛋,一罐可樂通菜牛肉炒得夠鑊氣,菜冇過熟蝦仁炒蛋,蛋味香濃,炒得幾好,蝦就冇咩味送白飯