威記粥店 (已結業)

今天中午2人來食粥,叫咗:1)淨白粥-應加咗腐竹,煲得好綿,都見到有米花,不錯2)艇仔粥-友人說像1般貨3)炸两-唔多得因油炸鬼完全唔脆4)蘿蔔糕-上枱時見到1團白色的糕加豉油,1d料都無,十分齋,但就十分足蘿蔔絲,粉的成份好少,味道是可以的5)可樂-1罐-食完吹水之際,伙計要埋數,所以要先結脹,然後可繼續慢慢坐-"執"枱亞姐收晒我們食完的碗碟後(因她說乾了很難洗),改而比jar熱水同杯我哋供慢慢坐(當時其他客人已經走晒)因她知道外面正下大雨,又同我哋吹吓水

係中環食到咁平's o野真係好難得, 叫o左$9一碗艇仔牛肉粥, 粥底還可以la, 料都ok多, 好鍾意食粥店d免治牛肉, 佢就有好多, 但係冇咩豬皮(不過我都唔係特別鍾意), 尤魚都好少, 但勝在平, 但冇所謂la.炸兩還可以la, 好似細細粒咁, 唔係太脆, 我就食過更好味的炸兩, 同埋好奇怪冇麻醬.

一大早去了中環, 辦完事後見時間尚早, 就行過來食碗粥先. 九點幾, 人不太多, 不太迫.馬上要了炸兩同碎牛粥, 更加係馬上來到.炸兩: 8分, 仲係好新鮮的炸兩, 脆卜卜的, 又熱辣, 係抵食又好食.碎牛粥: 8分, 粥係得的, 煲到爆米花, 又有米香. 小弟不喜白粥, 當然要返碎牛, 無計, 感情分. 記得小時樓下的粥店只有早市先有免治牛肉粥食, 食到特別覺得矜貴. 所以而家食粥都係愛食碎牛粥, 那份暖意係常在心中.而度的牛肉當然唔係甚麼特別靚仔, 有點實實的, 老了點, 還可以接受. 但整體來講, 係相當不錯的一碗粥.想起之前教亞妹來這裡買粥, 轉眼人面全非, 都係那句, 珍惜.

吃有料粥多年,竟然從未搭足中環威記半步,該打!有說其白粥很高水準,可是小弟不會吃得那麼齋,還是艇仔粥加炸兩,這對最佳拍檔吧.一分鐘不用,炸兩同艇仔粥已經在我面前出現,名乎其實之"極速傳說".艇仔粥當然要待其材料熟透才吃,先吃炸兩,腸粉皮拉得不錯,炸兩就不夠脆了,或者我成早上十一點才到之緣故.艇仔粥底夠綿,米粒煲到爆花,充滿米香,其他艇仔粥料如魚肚,魷魚,豬肉等等,不過爾爾.下次真係要聽老人言,乖乖地吃白粥.

噚日個肚仔唔舒服,想食d清d,所以走食粥,我叫炸,蝦米腸同白粥,炸d油炸鬼唔夠趣,好彩d豉油ok,唔會太甜又唔會太咸, 好,蝦米腸好多蝦米,好香,唔錯.白粥細細碗,size好,同d粥好綿,我咁唔鐘意食粥都食得哂,唯一衛生麻麻,成日有蚊滋仔飛,不過以咁價錢講,無乜胃口得閒食下都ok!

放工後晚飯前，點了個艇仔粥加牛脷酥醫醫肚。有料粥就唔鐘意食太杰，呢度稀少少岩晒我。味道好，有傳統風味，材料唔算豐富，但十蚊碗係差唔多了。無晒油條，點了牛脷酥，可能擺得耐唔夠鬆化，但都唔韌。睇到檯面有篇文章講蘿蔔糕，下次要試試先~~

一句講晒︰早午餐值得推薦﹗

經過這裡，忽然想試試這間小店，但因太接近晚飯時間，所以沒有叫太多食物。可能因已接近關鋪，很多食物都唔新鮮或已沒有貨，看來想食新鮮一點的，下次要早點來了。我們叫了魚片瘦肉粥、白粥、油炸鬼和腸粉。魚片瘦肉粥- 魚片切得薄薄一片片，肉質都還算幾好，瘦肉就沒有什麼味道，粥底水偏多，雖然都算幾綿，但味道一般。白粥- 加了鹽花的白粥，想不到比起魚片瘦肉粥還要好味，食得出白粥應有的味道，真奇怪，看來下次還是叫白粥好了。油炸鬼- 因已接近關門，油炸鬼已變得非常韌，如不是浸粥食，實在咬唔開。腸粉- 拉得唔夠薄，但比起和大公司買回來的腸粉，已算是不錯的了。環境唔多乾淨，很多蒼蠅不停在飛舞，看到部份食物已...，好在之後沒有肚痛！

生炒排骨一D嘟無正中甜酸骨的味道...亁炒牛河D河又油膩又無口感...想嘔...

傳說中蘿蔔糕好好味...專登走來二次...因為太晚..賣光了..昨日早放..終於買到...食到只有蘿蔔絲...只有一東西..沒有其他...蔥也不多一粒...不太突出..但芝麻好惦...好香..不要錯過!

今日去中環睇doctor，順便食lunch，天氣實在太熱，琴晚又去食啖啖肉嘅德國嘢，於是諗住清清地食碗粥la..之前未嚟過呢度，但一睇就知都幾耐歷史la..叫咗碗魚片艇仔，再加一碟炸両。一食落去就發覺無論係粥底或係D料嘅味道都好似以前細個樓下間粥鋪咁，不過係一種麻麻地嘅味道魚片算做係幾鮮，不過粥底過稀，唔係我杯茶，艇仔料有牛肉碎、朱皮、魷魚等，味道普通...炸両皮夠薄，油炸鬼就凍咗少少(都有D微脆ge)，水準可以接受，不過豉油唔多夠，味道亦調得普通，若果能調到有少少甜味會更好。埋單十八蚊，好平...

假若你不嫌這裡的環境較擠、大熱天讓你吃個汗流浹背、侍應阿姐上菜時間或把手指插入粥內的話，可一嘗這裡的白粥，個人認為這裡的白粥最好吃，口感綿綿厚厚，滿有米香的。其他食物如炸兩腸和糉等味道就比較一般，蘿蔔糕可一試，口感軟林，有很多蘿蔔絲。

上次食過好好食..今次再試下佢啦...食午餐....$22兩餸一飯一湯...蒸鯇魚&炒油菜...一拎到黎都知死喇..個菜黃黃的...係一早煮好..唔知放0左幾耐既..個魚食落ok...但唔可以話係好食..個菜仲恐怖..食多兩啖..點解有舊肉唔似肉..魚肉唔似魚肉既野係入面既..死!..我第一時間諗..d菜唔知係咪人地食淨,溝埋一齊既><....一咁諗,我就冇再食落去喇....唉..以後只可以食佢d即炒野..

17-3-2006 0740只係平日返工再沒有機會落黎食個早餐或午餐，為了慶祝這件盛事，再一次黎過區外breakfast。這裡還是第1次幫襯，就清清地叫了白粥跟炸兩，白粥幾綿，兼的米煲到開花，好香，炸兩新鮮整，油條亦係新鮮炸起，加埋就係新新鮮，在區內食到有水準既粥兼價錢平到你唔信，就係呢度俾到既質素，本來想開個double 兼食蘿蔔糕，正所為小吃多知味，多食壞肚皮，都係再有機會落黎先啦！食完之後還有時間，都係要上勝香園整番杯凍奶茶。

之前看過食評評價甚佳, 曾下班後(7:00pm)吃過一次, 但時間太晚, 很多東西都已沽清, 剩下的也不新鮮, 食味只是一般. 今天早起, 上班前再試威記. 先點白粥($4)+炸兩($6), 炸兩是即做, 雖不是"熱辣辣", 但腸粉夠滑, 中間的炸兩鬆脆; 再試白粥, 又綿又滑, 粒粒白米花開, 吃下去竟還有陣陣米香! 明知早起吃到早餐的機會極微, 決定多點個蘿蔔糕($6), 先問明阿姐是蒸的, 到枱略呈正方形, 約一節手指高, 完全是剩蘿蔔糕, 沒其他沒相干的葱粒蝦米臘味, 吃一口, 口感軟軟的, 蘿蔔味超濃! (比坊間加東加西還特意讓你看到蘿蔔條卻仍沒甚蘿蔔味的好得多!)雖然抵食, 但阿姐們都好聲好氣亦好面口, 証明平不等於黑口黑面!總括來說是平靚正!