威記粥店 (已結業)

明知呢度d油炸鬼係一朝早炸定但見之前有食家話午飯黎食炸兩仍然好脆同朋友食完勝香園後又黎試下腸粉皮幾滑又唔太厚唔太油味道幾好但可惜包住既油炸鬼已經淋左overall只係一般服務認真唔得阿姐明明已經放低左碟炸兩俾我地我地正要起筷時佢竟然拎走話俾隔離先咁樣我都係第一次見

見中環咁多大排檔,決定個個都試下,上次食0左水記,今次就食下威記,仲專登叫埋兩個同事黎食.三個人,叫0左時菜什會湯,椒鹽肉排同薑蔥鯇魚.個湯其實我唔想叫ga..不過同事仔話好,咪叫囉...點解我唔想呢..因為佢地用個大鐵兜黎裝住...好似好污嘈咁...不過,個湯又幾好喎,因為佢d什會洗得好乾淨,冇一陣味,個湯好清.個肉排幾好,味道arm arm 好,唔太鹹,個肉質好爽口,唔會鞋,不過d油多0左小小...個魚等得最耐,因為即蒸...一黎到,都幾impress,因為佢都幾大份..食一啖,好得,熱熱的,好滑,個時間掌握得好好,唔會唔熟or太老...三個餸,白飯任裝,每人三十蚊,好抵.家常小菜,冇味精,食得過啦!走0個時先發現蠢0左,原來有set lunch,22蚊兩餸加飯同湯,下次一定要食番佢!

食完盛記,同一個同事咁o岩又有機會食埋隔離喱間威記,又係唔知點叫,個伙記"隊"個餐牌埋尼,建議食小菜,咁我地叫左菜心牛肉同椒盬魷魚,菜心牛肉唔錯,菜心同牛肉都夠腍,牛肉o岩o岩熟,幾好.椒盬魷魚就差好多,以為係炸到金黃色o個隻,原來唔係,佢係炒o個隻,太鹹,味太濃,好熱氣,而且魷魚好細隻同薄肉,難咬,唔掂......之後發現佢原來有兩"食送"套餐,包湯同飯,仲平成$8!!!先發覺原來我地中計!點解個伙記唔介紹喱個set lunch比我地???

白粥好掂落少少鹽已經好好味, 有味粥就一般. 牛脷酥多旦多糖凍左都脆, 正. 炸兩都係凍左都脆. 糉味道一般兼唔夠熱. 咸煎餅睇倒有南乳落但味道一般.咁既鋪頭、咁既價錢, 響香港已經買少見少.

Lunch 想食粥，諗到威記又平又幾好食就黎左啦。Lunch hr 好多人幫襯，唔想坐出面既，搵位就要快啦～最鐘意食呢道既蘿蔔糕，初初見到０的蘿蔔糕成塊餅咁，賣相一０的都唔好。不過唔好俾佢既外型呃到，一食落口就覺得煙煙韌韌，加埋０的豉油，真係食到唔停口。其他如皮蛋艇仔粥、炸兩、咸占餅等都okay好食，最差既係炒麵，０的麵淋淋的，我估計佢係炒左好耐淋哂，完全唔似炒過咁。

今朝早餐同朋友一起，她問我想食什麼，我就提議來這裡買走。去到見地方幾乾淨，之後我們買了一碗白粥，一碟腸粉和一碟炸兩外賣。還到公司，我們就一齊食，每樣一半。先講炸兩($6.0)，油炸鬼很脆，還很熱，外層的腸粉幾滑。腸粉($6.0)，同上面一樣但有蔥粒，滑滑的但不夠豉油。到白粥了，味道一般，不用落鹽都覺有少少咸味，夠棉，但點知食了幾淡，發現有一條1cm長的水草，即時冇興趣食了。雖然明知粥店很難冇水草等垃圾，但他們應該對出品要留心呀。順帶一提，外賣要加外賣盒錢的。

看過這處的食評後，趁星期六早上不用上班，也走來試一下這裹的粥品及油器，店子位於士丹利街食街大牌檔側邊的鋪位，不難找到，店面裝修較傳統及老舊。坐下看看面的價錢表，白粥四元、艇仔牛肉、紅粥等九元、其他拼粥或皮蛋廋肉粥就索價十一元，各式油器、腸粉妙麵由六元起。我要了一碗艇仔牛肉粥及一碟炒，不消片刻伙計就端上了，味道比一般好，炸兩依然脆口，一邊吃還可看老師傅拉腸粉及預備各式油器，全部新鮮即製。很多客人都是老主顧，一走入來就跟老闆威哥打招呼，不少客人專誠來賣外賣到老遠的地方。除了品嚐食物外，在此可感受到那份人際關係密功的老香港倩懷，大家有機會到中環都懷舊一番喇！

早餐的話，想咖啡食多士當然去勝香園，想飲茶又梗係蓮香樓或陸羽，咁想食碗粥，就唔使諗來威記。星期六晨咁早就要返工，還未訓醒，個胃悶悶的，想吃碗白粥清清腸胃，就來了這裡。選了位坐下，叫了白粥炸兩。這裡的白粥，綿滑順口，看碗邊就知，米花煲得全開，清清的有米香，吃了多年都咁有水準；油炸鬼即炸，炸兩又即拉，加埋就係「新鮮熱辣」四個字，那有不好吃的道理？伙記係大大聲的，街坊粥舖，幾難會同你陰聲細氣或俾件披肩你蓋住件西裝，個人覺得都無可厚非。埋單十蚊，經濟抵食又有水準，值得一試。題外話：幫襯呢度，要趁早，因為炸油器的師傅一早就炸定好多，等下晝賣。所以要吃新鮮油器，就只得朝早。下晝來，預左唔好食都得，因為唔新鮮。

在士丹利街的大排檔，呢間都算係最新。呢度係威記粥店的原班人馬，在午市兼做埋大排檔，同合記相反，這裡只做午市，不做晚市。趁是日帶同事來吃陳泗記，又順手吃埋這邊。來這裡不吃碟頭飯，就吃湯飯，同陳泗記一樣都選後者。本來這裡以豆腐魚云湯較出色，不過同事不吃魚，就退而求其次，要了個時菜什會湯。湯即叫即煮，保證熱辣辣，在三十幾度的酷熱警告下，唔使講是熱上加熱。什會即是豬什如豬潤、豬肚、肉片、豬心、豬粉腸等，材料十足。豬什略嫌不夠豐厚，肥膏亦給清除得乾淨，不過就剛好適合同事的口味，佢話健康一點；時菜就是西洋菜，湯底亦是西洋湯底，幾甜，沒有什麼味精。如果不是這樣熱的話，這個湯是不錯的；白飯任裝，唔夠出聲就得。埋單25蚊，經濟抵食又不錯。當然要坐路邊晒住太陽咁食，要唔介意環境至得。

周不時都落黎食lunch, 貪佢又平又正。腸粉好滑好香, 炒麵夠色夠味又唔太油, 蘿蔔糕又夠蘿蔔絲, 再加碗白粥夠晒~~最緊要係平同埋抵食.....

本來我食飯都淨係去吓威靈頓街同士丹利街頭,但覺得食飽仲有好多時間,所以就行遠D o黎到威記. 腸粉好滑啊!!!!!! 叫o左叉燒腸9蚊, 艇仔牛肉粥9蚊. 艇仔幾多料,好味. 粥唔傑,鍾意哩一種多過黃芝記o個D. 所以行遠D都抵! (真係好抵食!)其實我覺得佢o地都算有禮貌, 我問佢o地置地幾錢先送外賣,個收銀話50蚊,仲有俾外賣紙我同講多謝... (當時唔係好多人,冇咁忙呱)雖然有烏英飛,不過老鋪又近街市,系咁上吓啦! 下次會再0黎試吓D白粥同油炸鬼, 不過我放食飯食三點至四點, 唔知會唔冇咁好味呢?

若你有比伙計罵的嗜好，這間粥舖一定可以滿足到你。在香港未見過咁差的服務，叫他寫單，他竟說:我哋唔寫的，你講啦"但是叫了一碗，他便走開，你叫他，他還說"你叫o左一碗粥啦，但是當時我咃有4個人。隔鄰檯欲再加食物，所有伙計都不理，所以，我永遠都唔會去。其實，如果想食粥，隔鄰街都有一間有冷氣的，招呼唔差，不用受氣之餘又食唔飽。

白粥($4) 和炸兩($6)的確不錯，但蒸蘿蔔糕($6)就麻麻，幾"鞋"。

今日放AL.得閒又去下中上環食下野影下相咁.晨早留留梗係去食白粥炸麵啦.TVB果個食野節目介紹呢間小店吃白粥油炸鬼.店舖的裝修有點像以前海皇粥店的樣子.叫了:白粥炸麵白粥用上白藍色的碗, 很綿又有米香, 但小弟吃不出和亮記的粥的分別....一碗好似真係唔係幾夠.炸麵入面的油炸鬼頗脆...肯定不是隔夜.不過卻嫌多左的豉油...咸左的...要點的甜醬balance 返.食完個肚仲有位...要多個牛脷酥先.個人頗喜愛吃牛脷酥.牛脷 酥反而麻麻凍左...味道同街邊果的差唔多.埋單$14一分飽的早餐.阿姐眼明手快不夠十五秒已經有野食.讚~

如果朝早去，威記的油器絕對是即叫即炸熱辣辣，雖然種類不多，只得油炸鬼、牛利酥同咸占餅，但水準是不錯的。不過賣到下晝又有剩的話，可能佢就唔再炸而賣晒就算。除左供應威記的客人，亦有附近的舖頭同佢地拿油器來賣的。所以朝早加埋即叫即拉的腸粉，果碟6蚊的炸兩係好食又抵食的。