嫲嫲辣辣 (福榮街) (已結業)

以前一直食開尖沙咀嫲嫲辣辣分店，但聽聞深水埗分店比較出色，相約好友到此一試！雖然受疫情和限聚令影響，星期5晚上7點半還是要稍等一下下再可以安排入座，門外亦布大量客人購買外賣。每次必點麻辣干鍋，最喜愛自選菜式 - 9款(牛肉片，雞軟骨、豬頸肉、魷魚、四季豆、萵荀、紅薯粉、花椰菜、茄子)配中辣鍋底，紅薯粉一直以來係最愛的款式，不過今次鍋底下好多汁唔夠干，味道亦太咸，麻辣既感覺欠奉，失了水準。相反，追加小食「黃金皮蛋」值得推薦，味道和份量

午餐時段，好耐無試過川菜。封關期間不能外出深圳的香港人又如何解決味蕾之苦呢。深水埗福榮街有個乾鍋系列，雖然價錢同機場食一餐半餐差不多。但最主要係夠辣！裝潢不錯幾新。幾個阿姐都有笑容。不過就係好似榮的豆漿太細杯，而且無茶水。🤗。點菜簡單如果係乾鍋系列就好似點心紙自己剔。|麻辣香锅^乾鍋係不同的菜品經過再處理同幹辣椒一起上碟，送飯真一流。孜然的味道稍微重一點，我建議麻辣。然後乾鍋和水煮魚烤魚一樣其實個人口味我是不能缺豆芽菜呀。所以必點🤗🤗一餐半餐當過下嘴癮。

喺尖沙咀分店已經吃過唔好食，蝦都係唔新鮮爛嘅。今次想俾次機會深水埗店，結果仲係唔好，干鍋唔夠乾爽，底下好多汁水，亦唔夠香，辣椒都唔夠乾，回鍋肉炒包菜都係唔幹爽，好多湯汁，一點辣味都冇

食過另一間都感覺良好，今次去深水埗外賣，由充滿期望跌到落好失望。主因今次叫咗水煮田雞，但係份量甚少食唔到多過3隻脾，其次唔夠麻味。唔知係呢間既問題?定係因為外賣既問題?

今日屋企冇煮飯，又好想食辣野！上網一睇見到深水埗間嫲嫲辣辣，就好想食！去到已經8:30左右，但估唔到都仲要等位，係門口已經聞到濃濃的辣香。#自選干鍋我哋叫左花甲干鍋做底，另外叫咗牛肉片，萵筍，雞軟骨，肥腸 ，排骨，仲有食麻辣干鍋必揀既紅薯粉 ！我哋就揀咗麻辣中辣鍋底，食落好重口味好刺激 ☺️，唔會辣過頭，但又有麻辣既感覺，配白飯真心正 👍🏻 推介肥腸，好入味而且有炸過非常香脆#辣子雞反而呢一碟小炒就麻麻哋，雞件正常辣椒都好多，但上枱嘅時候見到好濕，炒得唔夠乾身，不過味道都正常！

深水埗的嫲嫲辣辣前兩年經常吃好久沒吃真的星期日晚上7點還生怕要等位想不到只有幾桌客人🧐干鍋 ($162)(牛肉片、肥腸、午餐肉、鮮茶樹菇)干鍋算是在香港比較少見的一道川菜價錢不便宜選了微辣的麻辣鍋底吃起來辣度很弱但麻辣度有感覺！可惜所有配料都很咸特別是牛肉片 非常重口味😫沒有食材的原味必須配白飯才容易入口口水雞($58)味道很不錯👍🏻雞肉嫩雞皮爽就是份量比以前少很多干煸四季豆($58)好香好香肉碎也是偏咸不過四季豆炒得香豆新鮮不老👍🏻

第一次係朋友帶我黎食既，點知一食就上癮，食過返尋味，今次已經係第5次食啦，不過今次有啲唔同，之前幾次都係食晚餐，今次就食佢既lunch，原來lunch真係非常之抵食，麻辣干鍋都係69蚊，有3樣配菜，仲會送埋白飯同野飲👍🏻平日仲免加一，真係好抵食，開頭仲諗住lunch既份量應該會比較少，但真係唔係囉，我每次都試唔同既配菜，竟然樣樣都咁好味，個麻辣味真係好正，嗰種麻辣香味真係無得輸，鍾意食麻辣嘅一定會愛上，配埋白飯黎食好鬼夾，但真係會好飽😂

朋友介紹已經一段時間，話佢地個海鮮鍋好正好新鮮，終於經開深水埗就試下啦！坐得迫唔在講，成間鋪主要都係操國語既女人，伙計同食客都係。好鍾意叫d二人台轉位去俾三/四人，好彩無叫太多，唔係張台擺都唔夠位擺。叫左個中辣既香辣大蜆肥腸鍋，個豬大腸炸到脆一脆，不過蜆就間唔中有一兩隻有少少沙，尚可接受，味道講真一d香辣味都無，雖然好似好多辣椒，但去大排擋叫個鼓椒炒蜆都仲惹味d！辣度：1/2隻🌶個口水雞無得揀辣，話係招牌咩祖傳紅油呀⋯⋯要係咁點個油先有少少麻辣味，但個雞肉唔梅，算係中上。辣度：🌶利申：本人嗜辣但唔算食得辣（譚仔麻辣二小🌶，最盡小辣），志願係挑戰特特多麻！仲以為佢會好辣，點知完全冇料到，等我仲一早叫定支鴻福堂盛惠$16 ，但其實成餐飯食完我一啖都冇飲過，去對面U購買應該都係$6！後記：何謂沙圈，相信過開大海既師兄一定唔會陌生，入去呢間餐廳坐低你就會知道我講嘅係咩感覺，我未去過東莞，唔知係咪都係咁樣。隔離枱上演嘅情慾對話，10分花生🥜，仲有對面枱兩女一男，娛樂性極高。不過我就一般，對住呢啲質素， sorry應該冇下次！Closerice。

是日又同老公一齊行孖咇，食lunch，深水埗就黎食到冇野想食，老公話咁不如食麻辣野，一聽到麻辣我就開心。因為工作關係成日番大陸，第1次食川菜已經愛上，見到“干鍋”，“麻辣”呢啲字眼既野食我都好想試。環境，舖頭細細，係有啲逼既服務，呀姐好nice呀食物，午餐已經咁刺激，一於同老公一人一兜麻辣干鍋我呢兜係麻辣微辣 西蘭花羊肉五花片老公呢兜係麻辣微辣 娃娃菜牛柏葉牛肉套餐包豆漿，加20蚊可以多個餸。微辣係真係微辣，下次我可以升lv嗌少辣，但係個麻味就不得了啦，一個唔小心咬到粒籽，成條脷麻晒，同埋個麻味好勁，蓋過左啲肉味，我連羊個騷味都食唔出。總結，都唔差丫，好開心食到咁大兜干鍋，講真啦個兜係大，不過肉同菜唔係好多，尤其娃娃菜得幾條。期待下次晚餐再試！

幫襯過好多次既川菜一個干鍋可以揀哂自己想食既餸辣度仲可以自己揀😋好惹味 好岩胃口👍🏿只係份量有啲少想平啲仲可以揀宵夜時段去食抵好多 又可以揀多兩個餸！叫多個白飯岩岩好😂

男朋友揸電單車黎接收工，兩個都好怕諗食咩，上網搵下平價既川菜，就搵到呢間，門口泊低架電單車，餐廳又咁岩可以睇住架車。呢度個干鍋既材料全部可以任你配搭，好似平時叫車仔麵餸咁。我地試左個香辣鍋，大蜆無沙，牛柏葉、魷魚、炸蓮藕條、窩筍，全部都好入味，又唔算太辣。不過成個干鍋，辣椒既量同d餸既比例上好似多得有d誇張。另外再叫左個清炒窩筍絲，呢個就炒得咸左少少，淡返少少會好d。食辣野一定配啤酒！可惜男朋友要揸車唔可以飲，唯有我自己一個人獨飲

最近都經常嚟到深水埗當然因為有朋友帶路所以都會周圍食唔同嘅嘢之前通常會喺西九龍中心food court食貪佢夠平今次就食豪啲比朋友帶咗嚟呢一間川菜食辣野我都係第一次食乾鍋呢一種菜式感覺係有啲似大雜燴將全部想食嘅東西連辣椒炒埋一碟因為有朋友唔係好食得辣所以嗌咗微辣其實味道唔差嘅鮑魚唔韌、薯仔片脆身、大腸又脆又香紅薯粉索咗啲汁之後好濃味但其實以價錢來講的確有啲貴我去食嘅時間已經係優惠價錢嗌嘅份量都唔少，本來諗住以紅薯粉嚟代替飯點知原來紅薯粉嘅份量得好少可能食法係要配白飯先至係正確最後其實我都係覺得佢好似一個放大左嘅小菜咁⋯

深水埗嫲嫲辣辣💕💕💕Angel 出動了🏃🏻‍♀️🏃🏻‍♀️🏃🏻‍♀️，今次去深水埗食嫲嫲辣辣。自選干鍋我同朋友二人共㸃了羊肉片，油麥菜，水魷魚🦑,豬大腸、我等左30分鐘先入到去。不過在門口，已經聞到濃濃的辣香。我地㸃了$38內蒙羊肉片 $36肥腸 $32水魷魚 $25 油麥菜 孜然中辣上菜速度也比較快，不錯👍🏻👍🏻👍🏻，好香的孜然、辣味都夠，好味😋😋😋豬大腸好入味，而且有炸過很香脆水魷魚🦑我本身鍾意食，不過份量可以多少少就好啦！油麥菜也新鮮，羊肉我就分吾出，好似食牛咁。🥰🥰🥰

香港比較少四川菜食我係一個幾鍾意食辣未嘅人所以嚟到呢度就啱晒叫左個干鍋佢另外可以自己加配菜配菜選擇多多然後我要去中辣食得辣嘅朋友可以試吓佢嘅中文大如果唔食得辣嘅朋友可以試吓微辣

行開深水埗打算食車仔麵不過今日星期五都係要排隊就打算今次試下呢間四川菜兩個人食都係點左個干煱豬腸再加牛肉同豬皮微辣再叫一個飯share中途食食下都好辣但就好野味算不錯 另外叫多個土豆絲下次會試下其他菜式不過難得唔好地方太迫 出入唔方便