嫲嫲辣辣 (福榮街) (已結業)

之前喺深圳食過一次干鍋之後一直念念不忘，深水埗呢間嫲嫲辣辣lunch都幾抵食，$68可以揀三款配菜佢仲有嘢飲同埋白飯，佢嘅份量都唔少，三個女仔share兩個餐都好足夠。食過麻辣，孜然同埋香辣，我哋大家都覺得孜然同香辣比較好食，同埋惹味d。👍🏿👍🏿👍🏿而配料方面，最推介嘅就係薯粉同埋炸芋頭，因為薯粉會索晒啲孜然粉嘅味道，同埋佢啲薯粉比較粗同埋厚身，所以好彈牙架！😁同埋羊肉都好好味，因為同孜然粉真係好夾

福榮街多嘢食就大家都知道，次次行過除咗車仔麵之外，呢一間食辣嘅小店都好多人排隊，今日lunch Time經過，見到唔算多人等位，我哋一行四人好快就有位坐啦！-午市有干鍋套餐，同埋客飯套餐。干鍋套餐可以揀辣度，有香辣，麻辣，蔥爆，孜然。而辣度都可以由微辣開始揀。今次第一次食，我哋就由微辣入手啦。-我哋四個人分別叫咗三個香鍋，試咗麻辣，孜然，同埋蔥爆。每個鍋都嗌左唔同嘅餸黎試吓，不過最好食嘅係薯仔，紅薯粉，同埋牛肉。麻辣同埋孜然都好食，各有風味，蔥爆就最適合唔食辣嘅朋友啦，炒得好香，不過略嫌多油。午市客飯就比較經濟，我哋叫咗椰菜回鍋肉，都係比較油。-總括嚟講值得一試！

朋友介紹話呢間四川麻辣菜值得一試因為自己唔識得好辣初時都擔心會食唔落但見佢lunch Time有套餐都有啲唔辣嘅餸菜選擇就膽粗粗入去試一試Lunch Time嘅時候都多客食就算我哋得兩個人都要等一陣見到有人食碗成碗都係辣椒嘅餸但個樣食得非常滋味已經即刻問朋友係咩黎原來就係四川麻辣干鍋麻辣干鍋可以揀餸好似車仔麵咁另外套餐會跟一個白飯我哋都即刻叫咗一個黎試試另外叫咗個回鍋肉乾鍋可以揀辣度我哋問店員小辣會唔會好辣店員話香港食得嘅辣極都有個譜所以我哋就非常放心咁揀咗小辣喇我哋揀咗木耳、薯仔同埋雞肉三個餸揀木耳係因為覺得佢會好夾麻辣嗰陣味而薯仔就索晒啲辣油所以好香好麻我post左呢張相去ig個個都以為我識得好辣其實真係個樣嚇人架咋總括來講間野辣得來又過癮一定會再嚟食！

近日不斷有好多內地食店進駐香港，其中一種我好中意既就係麻辣干鍋🔥🔥岩哂無辣不歡既我呀👍🏻呢種麻辣干鍋已經係內地興起左一排，尋晚就同李老闆去左深水埗試一試先！點菜就好似車仔麵咁，有勁多選擇俾你揀，揀好晒之後就幫你炒到一鑊熟，雖然望落好似好多辣椒，但事實上都唔係太辣的，唔食得辣嘅人都唔使擔心！因為用炒既關係，干鍋非常香口惹味，比麻辣火鍋更出色！不過呢個干鍋每樣餸既份量唔算太多，建議叫多幾款種類，加埋個薯粉簡直係perfect！另外，我地仲點左傳統既口水雞同拍青瓜，實正常水準。

哩間係食干鍋，不是打邊爐，是一間冇湯既鍋，但款款都有好多辣椒，叫左豬腸干鍋，真係辣到爆炸，其實我唔食得辣，但係又要食辣野，好刺激，跟住係雞腎，好腍好入味，面頭加左芝麻更加香口，仲有口水雞，都係超級辣，不過d雞整得好好食。

仲想試下新野，點知好失望！首先點蝦干鍋，再另加幾款餸⋯⋯真係不知所謂，非常少得可憐， 一塊午餐肉分開幾舊就算係一個配菜。每樣餸都少得可憐，味道差勁！last order又唔清唔楚，點完一樣就唔俾人哋點第二個餸！絕對絕對冇下次！

平時係鋪頭食辣炒干鍋，今次叫左外賣返屋企食，超級差，我們2人肚餓，叫左龍蝦干鍋加多10樣餸，點知原來叫得愈多餸，每樣餸既份量就愈小！叫左八爪魚，應該俾得1隻....雞件，佢係俾辣子雞你，冇咩肉，應該俾得4-5件.....薯粉，得薯仔碎，要搵一條完整既都冇，仲要勁少，我係鋪頭食係一條條長長完整既，仲要食唔曬.....總之樣樣餸都好少少少😡超差既體驗，以後都唔會叫外賣！！！司傅偷工減料！！差！差！差！

好鐘意打邊爐，無論午餐晚餐被問到想吃甚麼，都是答火鍋！今晚落街食飯已是宵夜時間，想找些不是火鍋而又滿足到我的餐廳。這間有個鍋字，又麻辣，雖然見到裡面沒有爐(干鍋嘛沒有湯)，還是要一試，入去才看怎麼選。原來有些預設的鍋如花甲干鍋，另外也有像車仔麵的自己選配鍋底和配料。我們選了孜然鍋，加五款配料，五花腩片，肥腸，豬皮，豆腐干和唐生菜。一上枱好香孜然和辣椒味，我們選的配料都幾啱口味，只是五花腩片有點乾，選的是小辣，飲了一支銀菊露，吃完嘴脣沒有腫。整體評分是ᴏᴋ的只是給服務拉低了。埋單時覺得百幾蚊吃到一個’鍋’都幾抵，不過我們行出門口已經肚餓了下次想吃辣會再來，但要加多個鍋或小菜。

鍾意食麻辣嘅人真係要嚟呢度食下。平時喺香港一啲普通餐廳叫一啲辣嘅嘢食真係好難會搵到啲有質素嘅，因為香港人普遍唔係好食得辣。而我係呢間餐廳點嘅自選干鍋揀左孜然味既中辣就已經夠晒皮。平時就算食到好食嘅辣野多數都係花椒8角既香同麻辣，今次揀既孜然味都唔會輸比佢地，非常香口嘢味！有覺得我揀嘅材料全部都揀得好好**炸支竹/雞腎/肥腸/東風螺/薯粉**全部都好索味，既食到香辣，又食到食材嘅鮮味。特別要讚下個東風螺，30幾蚊原本都諗住可能得好少，但食食吓食極都仲有，數埋有18隻， 隻隻都大大粒，而且好食其實一男一女食完個干鍋已經幾飽，但衰就衰在開頭我哋眼闊肚窄，叫多咗個毛血旺。比干鍋佢唔算出色，個人唔太推薦。

之前晚餐黎食過一次覺得都ok!但經過今次唔會再黎！呢碟野好鹹！鹹到食唔到！叫佢地拎杯或拎碗熱水都話無呢個服務！根本鹹到食唔到！服務態度又hea!以後唔會再黎！！

尖沙咀價錢，枱好細，叫3餸已經好迫，味道一般，$200既水煮魚，份量少得可憐，得幾片魚肉，旺角/九龍城是但揾一間，份量都多過佢，可能深水埗租金最貴，辣辣櫻花炒飯都正常唔會有下次

琴晚第一次同男朋友去食晚飯，夜晚算多人，6點半開始要等位，地方有小小窄。我地點左5個鎹炒左一個乾鍋，同叫左碟口水雞。幹鍋真係好正，炒到好夠火候，牛肉好滑，但最好味係薯粉，好入味。口水鸡都ok既，但幹鍋比較特色！

因為想食水煮魚/ 酸菜魚，但除左嫲嫲辣辣，又諗唔到邊間有，所以又來到嫲嫲辣辣食。因為上次食佢個個干鍋， 太太太太失望😞⋯⋯又咸又唔辣，豬潤牛𦟌又煮過火，😞😞😞仲要過份地油😵😵😵所以今次堅拒叫干鍋，叫左個清炒萵筍，二個字「好油」， 但今次終於唔會勁咸，所以還好啦🤷🏽‍♀️之後就係重點因為之前都係過， 都覺得ok, d 魚好滑， 唔會煮到老曬， 酸菜底唔會太酸， d 粗薯粉都煮到啱啱好。keep 到個水準， 只係魚肉就如圖所示，得面個4-5 塊，底就係骨，芽菜同薯粉，性價比不高。之後，見佢個酸菜魚唔錯，就點多個左宗棠雞， 試返個炒野個邊會唔會都回復水平，都係多雞雞腳雞翼尖的位置， 無嘜肉食， 然後，不過整得唔差，外面煎得香口，但有少少略乾，裡面就保持嫩口， 味道唔會太重。所以都ok ，但份量都價錢唔成正比🙅🏽‍♀️

我中意食辣係人都知，試勻香港無一間食辣既係辣的，全部都係香港人口味——得個甜字🙄 路過呢間，見到賣相不錯，又再膽粗粗試下啦！點知真係辣喔👍🏿同大陸食既四川菜有得fight💪🏿有唔辣、細中大辣揀，我試左中辣已經有辣味，下次必試大辣，只要不是甜的，本來已經好好，點知仲要辣得黎海鮮仲有海鮮味，牛有牛味，羊有羊味，好似好廢，但你都中意食辣的話，知道咩係辣，你就會知道我講緊咩😏唯一美中不足的是，大陸的口味，香港的價錢，有d唔抵囉

我係一個好鍾意食辣既人 唔太食得辣既男朋友竟然有日話帶我去食辣野🌶😍第一次食干鍋 其實唔係好知咩黎 揀完餸等上菜 一上菜見到勁多🌶大家都呆左😦😂😂不過唔駛驚 完整既辣椒唔似辣椒醬/切開左既辣椒 其實唔會太滲辣出黎 我就覺得好惹味😋不過男朋友就不停飲野解辣😂辛苦晒 推薦豬大腸！薯粉！