嫲嫲辣辣 (福榮街) (已結業)

中辣都唔算好辣，平時食到辣椒油嘅正常都已經應付到。呢個干鍋講唔上係爆炒，因為都唔係全乾身嘅，帶有少少汁，其實如果可以再乾身d感覺會更好味。偏偏唔少肉類自選配菜其實都食得出係炸過，脆就脆口嘅，但似乎炸過咗，外脆而內乾，蔬菜類配香辣味道嘅效果一貫地配合。炒嘅配料都唔少，香味十足，呢點幾欣賞，一上枱嘅香味已經令人流口水，會好開胃。干鍋自選配料份量唔少，肉食就更加會飽肚，所以大家去試食嘅時候都可以留意下，唔怕做咗大曬鬼

大概晚上10點半嘅時間去呢一間餐廳食嘢唔需要等位，平時繁忙時間真係會等到癲咗！今日好好彩啦， 10點半先有時間去食飯，就唔使等位啦！入到去我同朋友都叫咗一個鍋，分別有雞件，雞軟骨，茄子同埋豬腸！叫咗個小辣，我朋友話中辣會入味啲，但我就怕太辣食唔到仲衰，我平時都食得辣嘅但係我覺得小辣已經足夠因為唔會搶到本身嘢食都味！一路食下食下就覺得個豬腸雖然好脆口，但係愈食愈油，下次唔會再叫豬腸！佢嘅秋葵木耳都好好食，佢嘅菜炒得都幾出色！

今日第三次黎食，是兩次都是十晚餐,今次是第一次食午餐！午餐之選都係有自由配搭干鍋，可以自選3個菜，我同朋友兩個人一人叫咗一個餐,份量超多!因為套餐包埋白飯及飲品!到時68蚊！如果想再加菜就加20蚊一個！佢個到既肥腸要特別推介，因為好脆口好好食 ！我都算食得辣之人，我認為小辣都夠架啦！因為再辣啲就會得個辣字食唔到本身個味！如果蔬菜裏,之前晚飯食個油麥菜，非常好食,簡直是一流！但今次干鍋之選，我驚油麥菜會太乾，所以選了茄子！茄子味道都好入味，不過我覺得可以再切細條啲！咁就完美！

想嘗試食正宗嘅川菜唔一定要 不想或者去東門呀; 其實 香港 都有正宗嘅川菜食㗎喎!今日我要推介嘅呢就係深水埗, 嗰間正宗嘅川菜名字叫做嫲嫲辣辣一聽呢間川菜就知係食辣嘢㗎啦 ， 首先講會面呢間舖頭雖然唔係好大但係呢深水埗嚟講亦都唔算難搵 舖頭位於喺玩具街嘅附近,一入到去鋪頭 座位亦唔算得好闊， 大概最大最闊嘅位置可以坐到四至五個人左右啦， 如果約埋一班喜歡食辣嘅朋友咁就啱啦!我先推介一個 上海回鍋肉 好夠火喉好入味而且一啲都唔油 回鍋肉 厚薄適中， 分量不多不少啱啱好，然後介紹一個係口水雞一上枱就聞到陣陣嘅麻油香味 雞肉好嫩滑 入口一啲都唔黐牙!最後係我推介嘅 係麻麻辣辣嘅招牌菜 !真係好正食個包你返尋味唔怪得係呢度嘅招牌菜啦， 佢就係 干鍋 啦可以自由配搭賽喇肉類 等等 ，一上碟已經聞到陣陣嘅孜然味 如果配午餐肉同牛肉更加簡直係一絕嘅配搭 就係呢個剛好已經可以送一大碗飯呀你諗下係幾咁好味呢， 想試下嘅話不妨一試值得推介 !

香港性價比高的麻辣香鍋唔多，呢度係其中一間，夜晚九點半後仲有特價添店面不算大，所以正常晚飯時間都要等位晚飯多數會叫干鍋，可以散點配料，好似四樣餸起炒最吸引都係佢既海鮮鍋，出面其他food court 既干鍋好難會食到，宵夜discount 時段更加係超值鍋底推介龍蝦干鍋，食干鍋有龍蝦都幾滿足，用料亦尚算新鮮，有辣味又彈牙，豪啲既一人一隻龍蝦亦不為過配料份量稍嫌少左啲，不過都好食，好好送飯，推介佢地既豬手仔

之前喺大陸食過乾炒辣鍋，勁好食，因為本身勁鍾意食麻辣野，知道深水埗有間類似嘅辣炒乾鍋，所以就去試吓，叫咗5個餸，分別有五花腩，雞片，肥腸，秋葵同秀珍菇，辣度叫咗中辣，不過唔係好大鍋，2個人食啱啱好

今日去深水埗買電子用品lunch時間間間餐廳都排曬長龍，見到呢間入面滿座，食麻辣野又幾吸引午市麻辣香鍋套餐$68 包飲品，包一碗白飯配料選擇都幾多，而且有肉、有蔬菜、辣度亦可以隨你選擇唔中意重口味既，都可以食午市套餐既飯同樣配白飯同飲品$68可以揀三個送，細佬叫左田雞、豬頸肉、雞腎讚左先：整體味道好濃、麻辣味突出，芝麻提香令香鍋多了種香味但都要彈：得豬頸肉係入味，雞腎同田雞都未算太入味，而且份量偏少健康既秋葵平時都係白灼多或者焗今日配以麻辣汁爆炒，味道非常好，增加左風味，送飯一流！又不會炒過火，仍然保持到秋葵既口感牛肉反而太鹹，但勝在大大塊，食得過癮！總結：午市呢個價錢食到地道四川麻辣香鍋，的確是不錯的選擇！可以再來～

同朋友黎試下個酸菜魚，前提係本人非常喜歡食魚，基本上酸菜魚都好難煮得難食。但今次絕對係顛覆左我對酸菜魚既熱誠。先講魚片既數量，唔洗借朋友對手，我自己十隻手指數得哂，魚既質感一d都唔滑，完全唔入味。魚片下面放左d炸左既魚尾？定魚骨？十分之「鞋」，亦令到個湯底好油。成個菜最好食應該就係啲酸菜，份量非常夠，夠哂你餸一碗飯👌🏻👌🏻👌🏻依個魚要$198，絕對係唔值的價錢，都係食干鍋抵啲，起碼啲辣椒配料唔食得都睇得

今日出咗深水埗搵好嘢食，朋友推介就食呢間麻辣川菜店。試咗佢嘅午餐都幾抵食，晚餐單點就有點昂貴。去到鋪頭就叫左一個麻辣土豆絲，另外就叫左一個自選鍋底再加自選三款配菜。仲可以配鍋底既味道。例如麻辣，香辣，孜然味。另外就我就簡左三個配菜，有炸芋頭，牛栢業，仲有牛肚。見到成碗都係辣椒🌶️，就以為好辣，但其實都唔係太辣，配菜味道好入味加埋白飯好配合。仲有個肚豆絲就酸酸辣辣都好開胃，都值得推介既川菜不過午市會抵食d

假日與友人到深水埗午餐，有名氣的餐廳全都要排隊，選了不用等位的川菜。set lunch 選了自選三餸干鍋，選了田雞，豬皮，羊肉片，微辣剛好。田雞嫩，豬皮爽，羊肉片過咸。友人叫了麻婆豆腐，正常水平。$68包飲品，性價比不錯，口痕想吃川菜再來。

朋友食過覺得好食就帶左我去食 一開始以為係有湯個啲鍋 點知原來係乾身架😂 一個鍋可以揀三個餸 我地三個人叫左兩個鍋 一個香辣 一個麻辣 但我地一致認為麻辣香啲好食啲 配菜方面選擇左 雞腎 牛柏葉 雞另一個鍋揀左 雞軟骨 豬腸 牛展（但佢比錯左牛肉我地 但係牛肉又幾好食）基本上啲餸都炒得好香好入味 夠乾身 唔算好油 送飯一流 但係唔推薦雞 肉質都比較孩 而且斬得好碎 有碎骨👎🏻 同埋豬腸都唔推薦 食落口都比較油 最推薦係❤️雞軟骨 雞腎 牛肉❤️而且份量都好多 好抵食會再食啊！

我個食辣嘅伙伴食過依間話唔錯話想再黎食過咁就黎食喇🤤🤤超期待因為我成日都想試下啲辣野但有時冇人黎陪我去試今次終於有喇🙈睇左個menu一陣仔其實好多野都想試但我地最後簡左個嫲嫲干鍋個干鍋可以自己簡想食嘅配料仲有想食嘅辣度咁我地就簡左個中辣配料就簡多好多樣包括有雞翼尖 雞腎 豬肚 炸土豆片 冬菇 土豆片 青瓜 黑木耳 金菇 雞件一黎到見到勁大碗入到滿滿嘅炸土豆片下面有唔少炒乾左辣椒聞落勁香勁惹味之後好似撈起咁樣撈左一陣仔等啲辣均衡啲食落會正啲食食下發現我地落單嘅配料有啲係冇係到同左職員講啲職員都好快手咁樣炒返差我地嘅配料食落係真係唔錯辣得過癮但我朋友話同佢第一次黎食個陣個辣度已經差咁啲喇佢話可能係要迎合返香港人嘅口味唔整到咁辣驚啲人食唔到咁辣我諗可能都係喇不過依個辣度對我黎講真係唔會好辣係接受到個範圍內又冇食到我流鼻水個啲但第一眼見到咁多辣椒🌶️都以為會好辣好辣但佢冇呀😌佢係辣中帶左少少麻嘅味道仲有陣陣嘅花椒八角嘅味食落算唔錯喇鐘意食辣係會覺得唔錯下次再去可以試下其他野🤤

朋友之前喺尖沙咀嘅分店食過覺得好好味，然後今日就約左朋友一齊去試，不過就嚟咗深水埗嘅分店。 一入鋪頭已經聞到好大陣麻辣香料味，食慾大增坐低後就嗌左大約五個餸，揀左用孜然調味 冇記錯嘅話我哋嗌咗薯粉，排骨，墨魚丸，西蘭花，好多辣椒同埋芝麻粒，加上孜然香撲鼻十分香濃。最好味最推薦既會係排骨，肉質有彈性，略經炸過所以更香口惹味。不過成碗野太多辣椒，比左個錯覺人，好似好多咁，但實際上餸既量好少，每人兩舊就完左完全無飽肚既感覺，仲要好貴，有種被騙既感覺，性價比好低，不會有下次

午飯時間 本來打算去食麵門口卻有長長的人龍同事們 二話不說 立即轉場 因為lunch 時間有限其中一名同事 提議行多幾個舖位食干鍋什麼是干鍋？ 食過才知道 十分惹味麻辣豬頸肉 金錢牛𦟌 即炸土豆片(微辣😅)即炸土豆片 一拎上枱 心諗係薯片😂仲以為會厚身啲雖然看似大碗 但份量不多 有好多辣椒 而配菜 係細細舊 但味道真香及惹味

🎐熊大訓醒😴，熊妹又自己嘟遊買完戰利品🛍，阿豬媽又放工回來🚪，時間岩岩好一齊出去食晚飯。👩‍👧‍👦📍熊妹一直都想帶鐘意食辣菜🔥的阿豬媽黎位於深水埗福榮街呢間《嫲嫲辣辣》，一齊刺激下。💥📍門口大塊餐牌📜一目了然，等位的時候可以慢慢揀。📍晚上🕣8點半黎到，仲係全場爆🈵，都知道係好多飲食雜誌介紹📒，好彩岩岩有食客走，唔洗企係🕴🏻門口等。📍著名的嫲嫲干鍋🥘，多款麻辣小食💥，全部都岩哂阿豬媽喇。秘製口水雞，$55📍麻辣菜唔少得的口水雞🐥，熊大又鐘意食，無得唔叫喇。份量都唔少，好大牌雞脾位🍖，又有雞翼。🐣肉質都好嫩，不過無咩雞味同調味，靠哂本身的麻辣汁去吊味，所以得個辣字。麻辣醬汁係做得幾出色，好夠辣，仲有好多麻辣子，浸住一碗辣油，熊大好喜歡，阿豬媽就覺得還未夠辣，哈。涼拌皮蛋，$32📍熊妹好鐘意食皮蛋，鐘意被石灰醃過的皮蛋口感同鹼味。好特別的皮蛋，係透明色，蛋黃心有仲有少少流心效果，醃得幾好。點浸麻辣醬汁食，麻麻辣辣真係好夾。香辣花甲干鍋，$98📍招牌嫲嫲干鍋一定要點返個喇。阿豬媽想食花甲，就佢想食喇。干鍋就係爆干辣椒🌶️，出哂油，淨低的🌶️再炒花甲。因為出哂啲辣椒油，所以唔算好辣，仲帶少少甜，應該