嫲嫲辣辣 (福榮街) (已結業)

本人好鍾意食辣野，享受刺激的辣度，食過一次麻辣干鍋，覺得好野味又吸引，今次帶其他朋友去試。午市干鍋$68，自選選一種鍋底（香辣、麻辣、孜然、紅燒即是不辣），再選三款配菜。抵食呀！今次選左香辣味微辣，發現無料度加辣到小辣，店員很好幫我們加辣，但發現香辣是比較普通，麻辣好味更多，今次選了豬肚、牛肉和羊肉，豬肚麻麻地，牛肉同羊肉好碎，今次個干鍋份量細左.....另外的京蔥回鍋肉幾好食喎，肉碎粉絲乾身，可能我們耐左食，變左一餅野，味道是可以。下次要試孜然味😋

今日去口福街(厚福街)覓食，果然有口福，原來嫲嫲辣辣在這裡都開了分店，記得上一次在深水埗吃過晚飯，一個干鍋配上不同的配料，味道不錯，而這裡午餐亦設有干鍋客飯，價錢六十八元，共六十款配茶選擇。干鍋客飯配牛肉、金錢牛展和黑木耳－當侍應把干鍋送到枱上，一股強烈的麻辣味直撲鼻子，餐廳用上大量的辣椒乾，配上花椒、芝麻、乾蔥等香料，令整個鍋子的麻辣味道層次豐富，細嫩的牛肉和煙韌爽口的金錢牛展沾上辣汁，十分惹味、刺激。

又喺我第一次食嘅餐廳，之前太太同朋友食過話OK，今日都我同佢一齊去食。強調一點！其實我唔算係一個食家，不過我對食真喺好有要求。餐廳業者們，你個餐牌寫啲乜嘢出嚟，唔該你哋要做返啲乜嘢出品出嚟比客人食！麻辣萵筍/涼菜無味道，得個辣，萵筍尚帶有微溫，我覺得不算是涼菜。夫妻肺片/涼菜(第2段內容講咗我想發洩嘅嘢。)呢個完全唔知係啲乜嘢嚟，傳統夫妻肺片(我做過上海菜京菜侍應略懂一二及網上資料。)內有牛肉，牛肚，牛肺，牛舌，牛心，牛柏葉，豬耳等等。。。。用料唔夠嘅唔緊要，你可以唔好賣，話賣曬都得，點解要整碟牛肚鴨腎出嚟？錯曬！咩嚟？又唔喺片又大嚿。牛肚淋身唔爽口，無味，至於鴨腎唔使講，錯曬。乾煱田雞粉腸花菜紅薯粉/小辣辣度十足，薯粉煙銀有咬口但係厚身比較頂胃，田雞及粉腸新鮮，我最欣賞個花菜，不得了。呢間野可唔可以再去仲考慮緊，因為有其他野可以試，不過，首選老川皇，又好食，又平啲。PS:廚房佬A大模廝樣係個廚房行嚟行去食煙。廚房佬B大模廝樣喺廚房行出黎從後攬住個入緊單嘅女士應，睇嚟應該喺情侶。

今天閑的無聊就在大街上逛了逛，既然發現在香港本地也有吃麻辣香鍋的地方，我覺得很好奇就進來品嘗了一下，味道還是可以的，就是小套餐，葷素可以選三種，對於人家香港人覺得夠吃，但對於北方人的我可就不夠了

忘了已經是第幾次吃，總之就是好吃，不過因為味道濃，會挺口渴的，記得要多喝水 或者 點飲品哦！由於是宵夜，就只點了一個肥腸干鍋（$78）另加了牛肉片（+$25）五花腩片（+$25）雞軟骨（+$18）兩支藍妹（$20@）一罐可樂（$13）計埋加一服務費$20共收$219。本人不是太吃得辣，但這個干鍋拍照一流，倒不算辣！肥腸有很乾很瘦，又有很肥的，混在一起，可一鍋嘗盡兩種口感。牛肉片一點都不肥，而且不帶筋，很易嚥下。五花腩片也不算肥，也是口感不錯的。雞軟骨是偏細小的，咀嚼感一流。不過由於混在一起煮，無論是什麼配菜吃起來味道都一樣，不同的只有口感。而且味濃，要多喝水哦！

今日黎到深水埗搵食，行到呢條街，有間車仔麵竟然有3個鋪位，仲要間間都排哂隊，但因為時間既關係，我要繼續前行，直至見到呢間嫲嫲辣辣，天氣凍凍地，就一於試試入到去，9成人都對住一大兜辣椒係咁食，因為呢到干鍋係招牌，星期一至五午餐連3樣餸，包飯同野飲唔加一，只係$68，難怪人人都叫，但我地怕太辣，所以另叫一個麻婆豆腐午餐，同樣包飯包野飲，$40先講干鍋，我地叫麻辣既少辣，揀左牛肉，木耳同萵荀，真係好惹味，好岩送飯食，雖然少辣都食得出麻辣既香，3餸份量都唔少，如果鍾意食辣可以揀啲索味既會仲正到麻婆豆腐，呢樣可以唔再叫，因為好似好普通既豆腐咁，相比干鍋實在失色

好想食D辣既野呀 辣野會惹味D 叫左個口水雞都幾辣下架 不過相當惹味 呢到地方都算坐得幾舒服架 之後我揀左個香鍋 香鍋就都唔錯 辣 得黎有D麻麻地 所以都算幾好食好出色味道挺濃的 下次再試先

曾在這家吃過幾次干鍋，都覺得挺好吃的。最近在午飯事件再次到訪，一行兩人打算只點一份午市干鍋客飯，另外試一下它們的小吃。川汁涼瓜 ＄38前幾次來都有嘗試點上這小吃，卻每次都說賣完了。這次依然不放棄地在下單的時候問店員，居然有耶！自然要點上一份。涼瓜來到的時候，我看到有點失望，跟我想像的有點不一樣。涼瓜偏軟，有點像廣東湯裡的涼瓜，可是我想像的涼菜應該是比較有口感的吧！川汁的味道挺濃的，不是我喜歡的味道，但熱愛涼瓜的我還是乖乖地把小吃整份吃完。夫妻肺片 ＄49夫妻肺片也不是我喜歡的，味道比較淡，也比較軟，沒有口感，牛肚比例有點太多，我吃了一兩塊就沒有再吃了。午市干鍋客飯 ＄68干鍋依然出色。這次我們點了薯粉、牛柏葉和雞軟骨，辣度則是大辣。之前有一次點過火爆辣，不知道是否因為是最後一個客人，真的把我辣到整個人感覺暈暈的。這次點的大辣，辣度卻有點太弱了，不過依然惹味。午市附送一碗白飯，不好白飯的我就選擇了不要了。隨餐還附送飲料，加錢可以有不同的選擇，我們就選了烏龍茶。這次來對小吃很是失望，正評是給干鍋還有服務員的。有一個男侍應，有禮貌，也有提醒我們有人來抄牌，又提醒我要把手提包看好，真的很感謝他

本來諗住平平地食個面就算 點個行過呢間辣店 中意食辣既我緊係又心旭旭入去試下 睇到餐牌有好多野都想食 毛血旺 香鍋 水煮田雞 因為只得兩個日食 最後揀左個香鍋食 叫左成9個材料 薯粉 金菇 午餐肉 田雞（必叫） 墨魚丸 木耳 芽菜 雞翼 腎 炒起上菜時超香 叫左個中辣食 都有好多干辣椒 咁香口又咁辣緊係最岩送飯食 但食落又唔覺得好辣 唔夠入味 啲餸係唔辣既 好似烚熟左再加埋辣椒兜兩兜咁 特別係金菇冇味 感覺好似仲生生地 墨魚丸同午餐肉都正正常常 最後都食唔哂就走了 想食辣但唔夠辣 應該試一次就夠了

聽過嫲嫲辣辣嘅大名好耐一聽就知道係好辣人士嘅聚腳地終於 今次去到深水埗附近又撞正要食癲那就同朋友黎一嘗🤤選擇好多我地叫左口水雞同炒菜另外 最出名嘅就係呢兜野大家最少揀三樣料 種類有海鮮呀肉類呀菜等等等等等當然有唔同嘅辣度俾大家選擇最後就會咁樣炒埋一堆上枱好辣人士表示見到堆辣椒就好興奮我地揀左東風螺 蜆 蓮藕片 牛肉 豬大腸味道超重 正配白飯剛剛好再加上啤酒同frd子吹水 非常配👍🏻

見平時咁多人排隊，今日經過唔駛排隊就試下有幾好食，叫左什錦干鍋，食材有蟹、蝦、鮑魚、花甲、東風螺，落單後侍應先講無東風螺轉埋比花甲，問我地ok嗎？我地ok後，侍應又再行黎講花甲都唔夠比多幾隻蝦啦。當時時間唔係夜，而廚房應該留意食材份量，等侍應落單時知道有咩售罄，唔係顧客落單後先再同客講無呢樣無個樣。食後感，味道咸，唔辣，海鮮新鮮度一般，我地有另加配料，食到一半先發現漏咁樣，已即時同侍應講，到埋單時好再有check單，無黎到既配料佢竟然照計錢，咁既經營手法實在過份。本身價錢已經唔係平，服務麻麻，座位細，味道麻麻，真係中伏，唔會有下次

眾所週知，都知深水埗出名多野食，難得今日黎到深水埗就梗係要週圍搵下有咩好野食啦。見到一間食麻辣既餐廳，淨係睇門口個餐牌就已經知辣味十足啦，一於入去試下啦。適逢午飯時間，吾算多人，所以吾洗等位。有客飯套餐，又有干鍋套餐，一場黎到，就每樣試一個啦。雲南花菜炒腩片好乾身，好有鑊氣，而且味濃，油都偏多。充滿風味，但可惜份量偏細。干鍋套餐-麻辣我地選左肥腸、雞件、羊肉。份量好大，兩個人都夠食，羊肉好so,鐘意羊既朋友一定鐘意，肥腸就係真好肥啦，食左兩件已經覺等好流，雞件偏乾。但係個味道就真係一流，又有辣度簡，好有四川風味。

每次去深水埗玩具街都會經過呢間店有時夜晚都見到幾多人等位所以就想試下，不過一試其實都幾失望！！去到餐廳環境都唔算大，有部分坐位係面對住洗手間，咁岩個次好多人等位就係坐正對住洗手間既位置，其實每當用完洗手間既人無順手關門既話都會有少許洗手間的味道傳出，未上菜已經有點影響食欲！點左個蟹既乾鍋都唔算好辣，乾而有點偏鹹！！口水雞就真係好一般！！失望……最慘係食完腸胃炎！所以一定唔會再食呢間！！！

晚上同朋友係深水埗買完電腦，經過見到呢間餐廳好多人排，門面又幾靚，諗住試一試。一等就等左成個鐘，諗住就到既時候，個知客不停俾人插我地隊。咁我當然問佢點解，佢話以為叫左我地。結果等多15分鐘，終於有得坐，叫左野食，點知好耐都唔上。我地叫左佢既招牌菜-麻辣乾鍋。一上枱見到好大既一鍋，賣相都唔錯，幾香。可惜鍋入面既料唔入味，得個辣字，仲要大部份都係辣椒，成三百幾蚊，但D料加埋一小碗都無。一句講晒，今次真係中晒伏，無下次。

今天中午和兩位同事到這店吃午飯，她們都是這店麻辣乾鍋的粉絲，反而我是第一次試。她們熟練地選了辣鍋的口味及配料，另外再點了一個 "腩肉炒秋葵"客飯。套餐還包汽水 (或豆漿) 及一碗白飯，樽裝飲料另加$5。孜然 (微辣)：午餐肉，炸土豆片，豬皮香辣 (小辣)：豆卜，雞軟骨，牛肉片乾鍋很快送上，滿碗都是非常非常多的辣椒！這些指天椒吃一口真是辣得不得了！我每次最多只能吃一隻...雖然說辣椒很多，但我們選的配料份量都不少，而且炒過之後吸收了辣汁，所以即使是乾鍋，配料都醮滿了醬汁，很好吃。孜然味道很香，還好我們選了微辣，否則辣味可能會把孜然味蓋過了。一如同事所說，土豆片吸收了非常多的醬汁，很好吃！香辣的話，小辣都不算很辣，下次可能點中辣會比較再嗆一點！豆卜吸收了很多辣汁，吃起來非常刺激！炸雞軟骨很爽脆可口，牛肉片是手切的，很厚很滑，非常不錯！秋葵炒豬腩肉味道稍為咸了一點，不過豬腩肉很爽口，如果秋葵份量再多一點更好。這一餐大家都認為辣得很過癮，下次要挑戰再辣一點的乾鍋！