嫲嫲雲吞雞 (崇齡大廈) (已結業)

4月4日慶祝結婚週年，諗住搵間平平哋嘅～資料收集完覺得呢間較平，又好耐冇食過上海菜，就決定呢間！大約七點到，仲有好多位。見佢話雲吞雞夠四人用，所以另叫前菜加白飯，照計都夠飽。點都要試吓招牌菜—雲吞雞～落完柯打一分鐘就到😳咁仲算唔算係燉雞？雞肉好「林」，雲吞另上嘅，但係個湯，好明顯冇燉嘅味道......另加四個前菜：涼拌茄子、無骨熏魚、麻醬腐皮卷、川汁醬蹄，都係正常嘢（不過我老婆話熏魚$48得幾舊，唔係好抵）再加多兩個白飯同一支青島～盛惠300大洋😆

隨著新蒲崗不斷發展，附近的重建項目重建項目不斷落成，附近紛紛出現不少食肆小店，它們並非倒模餐廳，不論好吃與否，總是給人目不暇給的感覺。由於質素良莠不齊、非常參差，所以不斷開了又「摺」了不少西餐小舖及cafe，甚至中式餐館。今次試新的是開了差不多一年的上海菜「嫲嫲雲吞鷄」，餐廳舖位前身是八方雲集。名叫嫲嫲，標榜的應是home made 的味道，他們亦標榜自己是全港第一家雲吞雞專門店。光顧了三次，都有點雲吞雞。花旗參螺頭雲吞雞湯 （$98 兩位用），花旗參的甘味跟螺頭的鮮甜很分明，湯頭味道十分濃郁。雲吞雞內有六只雲吞及半只雞 ，雲吞皮薄味道好，雞是急凍無甚味道，湯頭的鮮應全靠那四只雞腳及豬肉粒了。椰子竹笙雲吞雞湯（$98 兩位用），湯頭非常清甜，椰子跟雞的味道一向都是很合配的。可是因為味道清淡，不像吸收了花旗參甘味般，很容易吃得到雪藏的味道。川汁醬碲($48) 的醬汁做得很好，微辣好惹味，膀碲肉質腍滑，亦不會太油膩。其他小菜類 （如炒鱔糊、生炒排骨、土豆絲炒牛肉及黃金四季豆等）都偏重味及油膩，初上菜時熱騰騰的不錯，但不久慢慢冷了食物出水出油就感到很油膩。上海湯年糕（＄48）的味道，做得不錯

真係好鍾意食呢一間上海菜，品質有保證，服務環境衛生都唔錯，價錢好抵食。前盤叫咗一碟冷盤牛展，嗰醬汁做得好味，辣辣地酸酸地，牛展肉係凍但食落都算有口感，伴埋大蔥碎料食好讚！嬤嬤炒飯係呢一度嘅熱門菜,大碟頭,仲好有屋企嘅味道,有香腸有雞肉菜粒,都係常見屋企炒飯嘅料，飯炒得好香一粒粒分開。另外呢一度嘅回鍋肉係必食，有椰菜伴碟，辣辣地超級惹味，肉中有骨要小心食，但送飯一流。家常便飯可以考慮下呢間！

新蒲崗要搵食飯地方有好多，今日好想有飯到肚，就決定去嫲嫲雲吞雞食番個午市客飯套餐醫下個肚啦！我鍾意係到開餐係有原因，因為店內係即叫即炒，確保熱辣辣上枱之外，最大原因係可以要求少油少鹽少糖，做到三少要求，還要在午餐時間，我估一般小店比較難做到！今天選擇了一個椰菜回鍋肉午市客飯做午餐，還有飲品跟！今天好啱我要求，多椰菜，少豬肉，其實碟豬肉嘅比例都不太肥，只不過我喜歡吃菜多一點！而且個白飯都幾大碗，每次都吃不到一整碗，下次除了要三少外，還要記得少飯，不要浪費食物，做了大嘥鬼！

晚飯同男朋友見到啲門口海報幾吸引又入去試吓佢哋有好多唔同款式配搭嘅雲吞雞，都幾花多眼亂因為已經比較夜，只係剩返花膠元貝雲吞雞，海報寫係三至四人份量，但見到隔離二人枱都食得唒，所以我哋都叫左個試吓～另外仲叫咗雞絲粉皮同奶油津白前菜雞絲粉皮做得唔錯幾好味～至於雲吞雞亦好足料，裏邊有好大隻花膠同螺頭，感覺好滋補養顏雞湯好鮮味好正，飲完唔會覺得渴喉～啲雞肉亦都可以點豉油食反，但入口會有啲鬆散～美中不足係雲吞做得唔夠好，個人覺得個皮有啲厚～另外一讚嘅係佢嘅奶油津白，份量好大碟，津白好淋甜，奶油夠滑但唔覺膩～食完成餐飯感覺好滿足，而且價錢亦好實惠，所以已經列入左我地嘅返反兜list

開喺翠華餐廳隔離，多年來都係開食肆，但係好多都挨唔到幾耐，之前就開左間嫲嫲雲吞雞。貪佢就腳就過來試下。都係叫左個招牌既雲吞雞，有好多唔同口味，叫左個冬瓜薏米湯底。雖然話係四人份量，其實個意思係比四個人分，但以食飽論既話，只夠食飽兩個人.因為我地有四個人，於是另外再叫多兩味餸，一個黑醋小排骨，同一個雪菜炒粉皮。雲吞雞先到，飲一啖湯，好燙口，幾醇，但唔係特別鮮甜同好飲。雲吞一般，因為出面熱個餡唔熱。雞肉唔算滑嫩，但配合埋豉油同辣椒豉油係幾好味.相比之下，反而是其餘兩款小菜的質素更令人驚喜。雪菜炒粉皮有啲偏淡，但係粉皮炒得岩岩好，爽滑有彈性，而雪菜同微辣既味道很是惹味，我最後清哂成碟。而另外一個黑醋小排骨就堅好食，顏色鮮亮，熱辣辣呈桌，酥香軟嫩，微酸可口，十分之高質嘅小菜。用來送飯一流。其實依間野嘅前身係嫲嫲辣辣，個陣時都唔少幫襯午市，有時會食晚市，個小菜嘅質素一直都keep得唔錯，川菜有一定水準。一脈相承，依間雲吞雞反而唔太推介，如果黎食嘅話，推介食小菜，真心唔錯。四個人食左200幾蚊，除開每個人60蚊以下。不過係新開張先有嘅八八折優惠，之後就可能冇咁抵。

一個人食飯真係好難選擇,好想食但又食唔晒,一個人食又唔抵好無奈一個人叫左一窩$98 椰子雞煲原隻雞上,好好食湯底又清又澗雞勁淋,連骨都軟到吞到雲吞D肉好新鮮,唔會太熟太硬不過如果2個人食就perfect

因為知道$98雲吞雞限量, 6:00PM 左右就同友人去試, 入座人數不多.叫左7月限定木瓜雪耳雲吞雞, 清炒萵荀絲, 腿蓉浸冬瓜.可能木瓜當造, 湯水十分清甜, 雲吞雖然細粒, 但係好夠肉味, 雲吞皮又薄又滑, 雞肉煲到入口融化, 兩人連湯渣都食埋, 抵食 ;  不過萵荀同冬瓜碟頭好細, 唔係好夠食. 友人話下次可以encore 雲吞雞

個人喜好，看到甚麼新餐廳，就有想去試的衝動，這次也不例外，其實甚少來這一區，碰巧來到了，看到以前常見的翠華茶餐廳隔壁開了一間新餐廳，而且裝潢也頗花心思，有一試之衝動。這間的午市是35蚊起，連一罐汔水，或一杯豆漿。我看了看，選了選，最後選擇了一個銀芽鱔糊。這碟野來到的時候己經心感不妙。為甚麼呢，因為那股油光強大到令人只是看到，都有吃得滿嘴是油的感覺。一吃之下，雖然很是燙口爽脆，口感很好，但那種油的程度也真是讓人受不了。相比芽菜，鱔糊的份量明顯並不多，從照片上也可以清楚看到，平心而論，煮得還是不錯的，味道幾香口好味，但因為太油了，所以每食一啖都有種不健康的感覺。幸好有隨餐附送的熱豆漿解了解膩，還好吧。

7點鍾行去新蒲崗都唔知食咩好行黎行去都唔知食咩 係翠華側邊見到有間新野雲吞雞只要98蚊!!冇錯係98蚊我叫左蟲草雞雲告雞同小籠包124蚊埋單個蟲草雞真係好足好足好足料因為好足料所以要講3次雖然我都估唔到唔係貴野 但係足料既程度真係估唔到半隻雞 6粒雲吞 真係2個人食係岩岩好隻雞滑到一入口就吞得!_!有龍眼肉同瘦肉 D湯入口好甘甜 真係好抵 98蚊小籠包 好得 唔厚反而好易穿=,=我2粒都穿=0=佢D價錢好親民 一D都唔貴下次一定會再食

新蒲崗食lunch勝在選擇多，想點餸食飯既話，嫲嫲雲吞雞係一個唔錯既選擇。等左一陣好快就有位，午市客飯套餐選擇多，而且套餐跟一杯飲品同白飯，價錢大眾化。就算去多幾次都可以叫唔同組合，唔怕食到悶。餐廳裝修幾有特色，環境乾淨寬敞，適合一班同事去食lunch。點完餐上菜速度都算快，一碟小菜份量十足，同4位同事一齊食仲可以一次享受四款餸既滋味。今次試左麻婆豆腐，味道有少少辣，十分惹味開胃，唔食辣既人都接受到。野飲叫左杯熱豆漿，係一個十分健康既選擇，豆漿有香濃既豆味，但野飲大杯少少就更好。

主打賣雲吞配唔同材料的湯，材料可以係花膠，螺頭，蟲草花等等。。。其實我係開張頭一星期試，今日得閒先寫返我地兩個人開頭order 蟲草花，但賣晒，轉左海底椰，首先size 方面，話四人，其實二，三人就差不多，湯底不過不失啦，因為自己都唔識飲，雲吞真係一般，雞肉正常囉，當一味普通餸食，唔算有驚喜。。。反而幾鐘意食個款豬腳，好味啊，賣相不錯，煙煙un un 咁，我地幾喜歡，同場起碼三桌人ordered 。。。另外又食左個上海粗炒，呀，幾好味，又幾大碟，估佢唔到，可能新開張，個日成八九點，都幾多人，員工做到死。。。

一早打電話訂左位，亦知今晚會多人所以提早少少到齊但係一尾叫拎飛既入入入，即使未黎齊都叫人入問左幾次都大？話要等，等到幾時？天知地知我唔知如果訂位都要等咁訂黎做乜？放長雙眼睇呢間野幾時做唔住執！

晚上9點鐘食飯，周圍睇左4，5間餐廳，結果揀左呢間新開的餐廳，因為比佢出面大大張雲吞雞poster吸引左。一入去基本上D位都full曬，剩返張2人台，直接入去唔使等。 因為比較夜食，雲吞雞賣剩兩款，於是我地揀左蟲草花果款同埋餐牌上推介的水煮大桂花魚。其實餐牌上有好多好多選擇的，可惜得2個人真系試唔到更多。可能呢兩個菜比較大碟，落單之後個staff特登調張4人台比我地，真系細心啦！【蟲草花元肉雲吞雞湯】$98 個湯一放上檯面，已經聞到好香，濃味而且好甜，入面D材料好豐富，好足料～雞肉煲到好“淋”，用筷子好容易撕開D肉，點下辣椒醬油已經好好味。雞肉下面系有好多瘦肉粒，雞腳，龍眼肉同蟲草花。系so far試過最好味的雲吞雞，可能其他地方食果D都是清湯，味道比較普通無咁出色。呢個雲吞雞唯一唔好的就系雲吞，餡料少而且攪得太細粒，味道好普通，似餃子多D。menu上話呢個雲吞雞足4人份量，實際上個煲無想像中大，而且我地兩個人系可以食得曬的 可能我地系非一般大食。【水煮大桂花魚】餐牌寫左辣度系4個辣椒， $198呢個碗的size系雲吞雞的一倍！！裡面的魚肉有2種，面頭D魚片非常嫩，好味好滑