嫲嫲雲吞雞 (崇齡大廈) (已結業)

叫了一個雪梨雲吞雞，味道幾清甜，不過雞腿是一般煲過的肉，較鞋身。鋪頭的優點係所有野都可以叫半份，適合胃口少，又為食的我，最鐘意食甜酸黃花魚，同埋素鵝都好食，最欣賞係新鮮炸起。唔係整定，放到凍曬。值得推介。

上星期食翠華食到有的悶，想試新野。只因食評的人講到咁好，又可以有半份餸咁叫，就諗住試佢一試。當晚食左韭王鱔糊，想吃花生芽，咸肉百頁小棠菜，粟米魚肚羹。三個小菜都ok，不過不失，鱔片都幾爽口，唔係太多粉醬，花生芽第一次食，幾爽甜，咸肉百頁小棠菜就中規中矩。不過個粟米魚肚粟羹超級咸，似係落左一斤鹽，同待應講，佢拎返入去話再煮，拎返出黎一試，只係淡左少少，仍然係超咸，而且黑黑地似係用有鑊撈既鑊去煮，咸既程度係一斛羹要用半杯水去稀釋至飲到。太差了，應該唔會再試

倆口子一碟冷盤3碟小菜一碟粗炒等了45mins 4碟冷盤小菜已經食完粗炒也不見踪影向店員查問佢嘅回覆係“廚房較忙 有落單 等等啦“再等了15mins比我倆遲來嘅 都食完埋單當我倆話要取消 埋單時店員就拿出兩碟粗炒知道有好多餐廳會因為方便會group order 一齊炒但1小時都出唔到一碟粗炒也未免太過分

禽晚玩完泰拳🥊，就走去新蒲崗試咗 #嫲嫲雲吞雞，呢度可以叫半份，細細份，又可以試多幾款。我地就叫咗 #松子小黃魚好正 🐟#紅燒小黃魚麻麻 🐟#水煮牛肉多料 🐮 #咸肉豆腐湯清甜 🍲#雲吞雞湯有蝦我冇試🍲#沙拉豬排新鮮炸但分量少🐷#花雕雞唔夠滑🐔#咸肉豆皮小唐菜同咸肉豆腐湯撞哂🤣#麻辣皮蛋好味😋#花雕豬手份量好少，仲要$26#食玩焗煮遊世界 #嫲嫲雲吞雞#做運動就係為咗可以食多d#店內冇加一，只接受現金

時間黎到晚上8點半, 店佈全滿!不設訂位。等左大概10幾分鐘, 終於入得去。呢度有成過百款半份小菜 ，份量半份！就是俾半份錢概念！適合港人要求高、多選擇又要健康嘅想法！只需$19起涼拌皮蛋 $14黃金皮蛋，仲有青瓜伴碟!花雕醉雞 $26有無諗過醉雞可以呢個價錢食到，呢度就到喇！酒香味濃！醬燒茄子 $25重口味之選、下飯超正熗炒萵筍絲 $19 爽口入味銀芽鱔糊 $39必叫，足料！鱔肉彈牙呢個價錢出面點食到？蒜蓉油麥菜 $19炒到好惹味 唔愛菜嘅我都食老干媽秋葵炒腩片 $34超惹味, 減輕秋葵滑滑嘅口感。酸辣湯 $34份量分左5人一碗仲有剩上海小雲吞 $38/8粒勁多櫻花蝦，湯頭味精唔濃水煮羊肉 （小）$58羊肉滑帶點少羶，超多大豆芽同勁煙韌嘅寬薯粉，正！埋單十級滿足, 仲有兩碟影唔到, 每人都唔洗$100!下次再黎試下燉湯。

今日同女朋友去新蒲崗行完mikiki，附近有間餐廳最近好似好hit咁，就去左試啦。我地去嘅時候大約六點鐘，門口大概有2 3班人等緊枱，我地等左10min左右就入得啦。必試嘅係蟲草花圓肉雲吞雞，雲吞得2粒，勝在好足料，燉盅嘅size較細，湯嘅份量唔太多，所以精華都係曬啲湯到，好補。另外雜菌燴雞都可以一試。銀芽鱔糊都係值得推薦。但就唔建議魚香茄子同口水雞。魚香茄子無鹹香味，反而有小小酸味，食落有啲怪。口水雞份量小，半份得5舊，肉質比較老。

係公司附近想搵多位的餐廳都唔容易，但嫲嫲雲吞雞就好好，有好多位提供而且價錢相宜。今次叫左好多餸，但個人推介咕嚕肉，酸酸甜甜好送飯，現場仲有超過20樣餸可以揀，好多都有住家風味而且中午市套餐價錢大約$4x 左右，算中等價位。

 見到有間新開既野食, 於是本住期望唔大噤去試一試呢間"嫲嫲雲吞雞", 唔止價錢抵,味道都一流,一定會再幫襯!!!!!! 四個人叫左一個"海底椰雪耳雲吞雞湯", 奶油津白, 水晶希肉雞湯十分值得一試, 相當足料, 有好多火腿同海底椰, 飲落口完一D 味精都冇, 唔會口乾另外,個人認為奶油津白都係唔錯選擇, 奶油又多又香濃, 不過就係細碟左D, 而 水晶希肉就有冇咩特別, 味道可以,但呢到好就好在唔洗等位,而且坐位相當鬆 動, 員工亦都十分親切有禮,  性價比髙~~~~~

嫲嫲雲吞雞係我lunch time 至愛既頭三甲。價錢平，份量多，味道好😍最鍾意同同事一齊開心share. 午市選擇都幾多，價錢都係四十零蚊，不過每次黎食大家都係食番同一樣餸xD👍🏻因為試過覺得好好食。每次都叫豆漿，感覺健康d,味道又唔太甜👍🏻 想講佢個白飯超多，滿到放唔到餸！佢d 小菜其實味道偏濃，但個汁醬係幾惹味，個人偏好重口味，覺得好啱我胃口。秋葵炒牛肉呢個配搭唔錯銀芽鱔糊，真係好多鱔嫁👍🏻芽菜又入味醬爆雞丁，有脆肉瓜，雞粒，東菇，撈飯一流👍🏻不過我最鍾意既係黑醋咕嚕肉，熱辣辣，皮薄夠脆，好正😍😍😍雖然味道偏濃，但食完未至於會頸渴👍🏻人多share 好豐富好滿足～～

在新蒲崗上課，晚飯當然也在新蒲崗找吃，路過此店，門面是各式小菜的半碟的圖樣。半碟，立即關想到，不就是可以多叫幾個半碟，試著不同的味道，這點吸引我與友人入內試試。坐下後，點菜紙用筆，已經在每張枱上，職員送上餐牌，餐牌也註明是新派菜式，有著京、川、滬三種菜式。從點菜紙上說明什麼菜式是什麼地方，而且還全日免收加一，這點頗為吸引。餐牌內則是圖文並茂，讓客人得知菜式的外貌，令人更了解，更為吸引，此等手法非常特別，值得一讚。我們二人選擇了三個小菜，都是半碟，各自也要一碗白飯。只等了約十分鐘，白飯先上，份量也頗為多，而餸菜也隨之送上。每半碟的小菜，碟形都是半個太極的外形，兩個半碟加在一起就形成一個太極的圖案，是否意味食也是一陰一陽，有著養生之意。孜然羊肉(川菜)，朋友點選的，他與我也愛羊肉，入口軟滑，羊肉味香，帶點羊肉羶味，我們都愛那種羶味，反覺得不足，可是作為味道的點綴，並非常不錯，就連配菜本身也沾著相同的味道，令整個小菜更加吸引。京蔥爆牛肉(京菜)，個人喜愛京蔥爆羊肉，但已要了孜然羊肉，所以試一下牛肉味道會如何，此店確有京蔥爆羊肉。京蔥的獨特香味，除了去除肉羶味，也會提升肉香，雖是牛肉，肉羶味沒

食飽飽之選有好多小菜揀 ***仲要白飯任裝*** 配豆漿/汽水好多隔離枱都嗌鱔糊宮保雞丁 ($45)略嫌唔夠辣菠蘿咕嚕肉($48)啖啖都係肉 唔肥黑醋咕嚕肉 ($48)食到最後有d澀漁香茄子($40) 送飯啱啱好 齋食會鹹咗都幾有鑊氣不過環境嘈咗d——————————————————價錢可參考上文 免加一服務費——————————————————嫲嫲雲吞雞新蒲崗崇齡街67-69號崇齡大廈地下7號舖

又到週六晚飯搵食時間，之前在網絡媒體介紹見到新蒲崗有一間有心嘅中式小店一於去試試。2個人先來一份姬松茸雲吞鷄湯～ 㗕真、雲吞質素一般，但湯頭夠熱又有濃濃的姬松茸和鷄湯味（唔係用鷄粉"味精"果種）就加翻哂分，感覺得師搏係用足料及用心做！再嚟一份紅燒黃魚、半份干煸四季豆、半份京葱回鍋肉、半份咸肉扒津白。味道雖然唔係話無得頂果隻，但熱辣辣、碟碟即炒、食材用料足，係有心去做果隻～小油、小咸、個人意見唔單止係合格，而係非常值得"安哥"支持！見個胃重有小小空間、又再嚟半份黑醋小排骨，主食上海粗炒結尾，2個人食，全部清哂碟，埋單 $291 。結論～ 個人意見：從食材、廚藝、出品、服務、價錢、處處都表現出對食客的用心。又係一間值得大家支持的小店。

同朋友食farewell 晚飯，點左小食，例排蒜泥白肉，肴肉、雲吞煲雞，豆腐肉鬆！通通份量少，蒜泥白肉係吾錯，雲吞雞就不外如是，味道清、淡，雲呑淋，吾彈牙，肴肉幾特別

之前網上介紹，中式菜，細細碟，多選擇。聽到真係好適合二人行去食。6點去到，無乜人。心諗，我早食飯姐，應該安全既。 第一碟係麻辣粉皮。微辣又或者叫唔辣。中下。第二碟咕嚕肉。上枱面時，我覺得甜酸味好香，件件都係肉，無骨。ok。第三碟係孜然羊肉，個汁醬好濃味唔辣，羊肉無羊味，質地食落似酒樓無味肥牛咁。中下。第四碟係野山椒炒牛肉，同樣好濃味，有2隻辣椒icon及有2粒真辣椒，但唔辣。中下。第五碟係什菌紅燒豆腐，都係好濃味。大致ok。第六碟係小籠包，正常味，唔咸。ok。第七碟係翅頭螺肉雲吞雞，真係不得了，一放上枱已經好強勁既藥味，趁熱試一啖，好濃厚既藥+雞味，有種似 “無雞精咁咸，但都好咸“既感覺。其實見到雞脾係開心既。中下。第八碟皮蛋。唔知係咪琴晚食米線嗰陣都食過皮蛋。我覺得呢碟無乜皮蛋味，唔辣。中下總結：idea is good。由於重口味，我飯後飲咗好多好多好多水。又或者，係我平時食得太清淡，所以唔習慣外出用餐。

環境唔錯 坐得舒服食物多選擇 有得半份半份咁叫可以試多好多野個燉湯好好飲但就嫌個雲吞沒咩味雲吞皮感覺上未熟透明顯地係分開煮但個湯就好好飲 唯一唔好係雞皮好油如果係食得辣 好推介你叫炒飯！真係好好食！夠辣夠野味！上炒飯上面放左好多炸蝦仔！絕對會再光顧😋