孔夫子 (Club East洞天) (已結業)

今日係星期五，因為有同事離職就黎左E到食FAREWELL LUNCH，12:45PM已經超多人，好彩BOOK左位，吾係應該冇位入。我地一行4人，叫左D點心，一碟乾煸四季豆同埋一碟干炒牛河。首先黎GE吾係點心，而係乾煸四季豆同埋一碟乾炒牛肉河粉。。。2碟份量都好夠，四季豆有好多肉碎，個醬都好好味。干炒牛河D牛肉好滑吾硬，而且都好多塊。點心叫左蝦餃，燒賣，叉燒包，孔門抄手，孔府招牌腸，帶子芋蓉盒，生煎墨魚餅。抄手有d辣。招牌腸入面有D脆卜卜GE野，吾知咩黎~。帶子芋蓉盒入面好脆，入面真係有粒燒左GE帶子~芋蓉就吾係好覺。生煎墨魚餅會配個泰式酸辣醬。生煎墨魚餅同埋抄手吾記得左影相。BTW，侍應好NICE，肯幫我地影相

🧓🏻孔夫子屋企人生日去食飯，聽講個叉燒幾岀名既，就睇下有咩特別黑毛豬叉燒 $220叉燒口感嫩，唔韌，但醬汁普通，得個甜字冇乜特別，價錢有啲貴艷影蝦球 $188有啲似青檸雞轉做蝦，味道配搭係夾既蝦肉彈牙，炸漿唔會太厚，炸得啱啱好酥皮茄子 $52炸茄子加南乳醬，味道都幾夾，炸得鬆脆奶湯雲吞煲 $128湯有魚味清甜，雲吞大粒，正常發揮蟹肉扒豆苗$138蟹肉都多，正常發揮🤫紫菜海皇炒飯 $128正常發揮冇咩特別🤫員工好似唔係好夠，服務態度唔算好🙌🏻價錢唔係特別貴，但係都唔平🙄有啲食物真係覺得唔值呢個價😵‍💫呢個價錢應該可以有更好嘅選擇😂試過一次就可以了😌

今天我男人特意帶我娘親爹爹到其光顧過的中菜館品嚐美食，聽著他的高度評價也令我們不禁滿心期待。店內的點餐服務是選用平板電腦自助下單的，因而整個過程對員工或是顧客也是更加便利。走至餐廳會率先留意到其猶如石頭外觀模樣的酒吧，而內部整體裝潢則是使用了竹、木、水墨畫等多款具有中式元素的裝飾作為設計，令環境是完美表達出典雅細膩的中國風。孔夫子是食用東北菜的餐廳，其特色是將粵菜和魯菜揉合以達致色、香、味、形俱佳的嶄新菜餚，為求把菜系發展中年代最悠久的孔府菜重新演繹。銅鍋石爆桂花魚此款菜餚是餐廳的主打款式，奉上時職員會把經過煎製和新鮮的桂花魚一同倒至銅鍋之中熬製，並利用火山石令魚湯能夠持續保溫。其呈現奶白色澤的湯底飲用時魚味濃郁，鮮味十足，並且可嚐出是毫無添加味精製作。而魚肉方面是大塊爽口，結實彈牙，富有魚香。香煎粟米鱈魚烙煎至金黃色的粟米鱈魚烙選用上鱈魚、雞蛋、粟米、蔥花粒製作而成，食用時蛋味濃郁，酥香鮮嫩。啫啫海參雞煲海參雞煲是餐廳的新款主打菜餚，因而尚未加入至菜單之中，恰巧留意到其作為宣傳的展示牌介紹，便特意點選了一鍋品嚐。製作時師傅會當着客人面前將海參和雞肉倒至石鍋之中進行烹調，而其撲鼻而來的

之前跟朋友到訪，給驚艷的菜式迷住了，今日特別帶家人同往。點了充滿視覺享受的鮑魚，超級大粒的奶湯雲吞，炒什菜，叉燒，焗鱔飯。燉雪梨及合桃露湯丸。一如既往，如果第一次試此款前菜-鮑魚，一定會比佢嘅騰雲駕霧所吸引，家人亦不例外！第二碟上的叉燒，雖然未有視覺享受，但確是味蕾享受，黑毛豬叉燒，半肥瘦，人口鬆化，家人讚口不絕！另外的奶湯雲吞亦十分滿意，大大粒蝦做餡，十分彈牙，奶白湯底配上白菜仔！一流！鱔魚飯的鱔片嫩滑，加上醬油送飯。十分滿足。到了尾聲，體積極細的合桃露湯圓有點反高潮，呢碗糖水可以大碗一啲嗎？每人一茶匙，剛好！或者就係每人先一茶匙，所以覺得佢合桃味濃！整體食後感唔錯，坐得舒服之餘，食物睇得又食得！

平時多數食外賣，第一次食堂食，一入到黎已經覺得幾classy, 燈光幾暗，但氣氛好好，幾靜，唔會太嘈我地叫左片皮鴨，幾大隻，唔貴，好似4百幾蚊，啲皮好香脆，好好食😋之後叫左招牌叉燒，甜甜地，叉燒好嫩，一啲都唔難咬，十分推薦另外叫左藕餅，肉質好滑，煎得好香，中意食藕餅嘅朋友可以試下，但唔算超驚艷之後最重要當然就係艷影蝦球，我覺得依個必點，超好食，啲蝦大大隻又彈牙，再加埋啲檸檬汁超級清新，食10隻都唔會“漏“，一定要試下！！！

同長老慶生，揀左呢間，三年前食過幾好，依家差左🤦🏼‍♀️黑毛豬叉燒 HKD248艷影蝦球HKD188火焰松露野菌文昌雞 HKD268米皇淮山浸菜苗 HKD108銅盤生焗鱔飯 HKD162祝壽蟠桃(三件) HKD60.味道 ★ ★ ☆ ☆ ☆-黑毛豬叉燒麻麻地，雖然入味，但唔係半肥瘦，又煮得太淋。-艷影蝦球幾大個幾彈牙，幾乎每枱都有叫。-火焰松露野菌文昌雞幾好食既，嫩雞又好重黑松露味，不過唔算多雞，咸左d-米皇淮山浸菜苗就冇咩特別-銅盤生焗鱔飯等左好耐，起碼有一個鐘，蒸飯還好，鱔都新鮮冇腥.服務 ★ ★ ★ ☆ ☆.環境 ★ ★ ★ ☆ ☆.價錢 ★ ★ ☆ ☆ ☆

晚飯食6:30 ，全間餐廳坐左得一半，一坐低叫北京烤鴨話賣晒😑⋯⋯問佢全間餐廳有幾多隻，我話現場得幾張大枱，個經理答我：「唔係架，細枱都有叫架」得，無下次！！！！

雖然從此平台定位取消，但係我哋都係去左尼間試菜。首先環境唔錯，優雅。服務都算不錯，但可能遲左7點就無燒鴨食啦！都有小小失望，其他菜式平平穩穩，不失也不過。總體環境還好。

每逢佳節，家人和朋友都會相聚一起吃飯，大多數時候的選擇可能都是較傳統的中菜廳，而對於年輕的一輩來說可能會比較沉悶。想吃中菜又想有點小創新，這家糅合了粵菜和魯菜元素的新派孔府菜的餐廳 - 孔夫子，可能是個不錯的選擇。這家位於觀塘的中菜館，裝修充滿氣派、內裡寬敞偌大，十分適合與家人朋友在此相聚。店內主打魯菜和點心，孔府菜在乾隆時代乃是官府菜，也有用以接待貴賓、上任、生辰家日等，所以它十分適合宴會和家庭聚會。孔府菜的特色在於造型完整，在製作過程中不傷皮折骨，而且掌握火候調味和造型方面也十分考功夫，所以每道菜的賣相精美之餘，味道也不賴。黑毛豬叉燒黑毛豬的肉質肥瘦均勻，入口鬆化，以孔府菜慣用的焦糖入饌，吃下去甜滋滋的。艷影蝦球蝦球外層的粉漿不會過厚，咬下一口先是薄脆香酥的口感再是彈牙的蝦肉，和著特製酸甜沙律醬，十分開胃。古法銅盤蒸滑雞餐廳先將雞肉放入銅盤中，用錫紙封好，更能牢牢鎖住雞肉的鮮味。一盤滑雞端上桌，再由店員在客人面前即席烹調，用火槍點燃錫紙下的鹽巴，看著火焰在面前燒烤著雞肉，不但增加了觀賞性，雞肉也在灼燒後越来越入味，一打開錫紙，雞肉的香味撲鼻而至，肉質鮮嫩無比。銅盤焗滋補貢棗雞飯香甜

話咁快又到中秋喇~今年屋企中秋飯打算提前食，唸起觀塘有間味道幾好嘅中菜館，份量都好啱一家人一齊食！所以就想帶屋企人同男朋友去試下~ 【孔夫子】係一間主打魯菜嘅中式酒樓，隱身係觀塘一眾工商廈之中，雖然商廈外觀平平無奇，但上到去別有洞天！酒樓裝修既有中式嘅典雅又有現代嘅時尚感，非常有氣派！ 🧡黑毛豬叉燒（$228）叉燒絕對係招牌必點，叉燒肥瘦均勻，厚切大件，入口即化，口感超一流！大家食完都讚不絕口，值得推介！ 🧡艷影蝦球（$188）艷影蝦球都係呢間酒樓嘅名菜之一，果然不負眾望！係一味將蝦球同檸檬結合嘅創新菜，檸檬醬調味超出色，既開胃又中和到炸蝦球嘅油膩感，超有驚喜！ 🧡酥皮茄子（$52）睇食評見好多人都推介呢個酥皮茄子，果然都係不負眾望！茄子炸到圓碌碌好酥脆，驚喜位都係佢個醬，真係估佢唔到原來個醬係南乳醬，同茄子超夾，好正！ 🧡蟹肉蛋白扒豆苗（$158）蟹肉蛋白晶瑩剔透，豆苗好嫩，健康又有營養，正！ 🧡紫菜海皇炒飯（$128）海鮮炒飯大份足料，唔會好油膩！

今日在孔夫子午膳，叫了一些點心，點心到了，當然一定即刻食，六合彩吾見我中，竟然在我口中粒蝦餃食到有一粒釘書釘，口彩我未吞落肚，我當然真係好嬲，叫咗個GM 嚟，點知嗰位GM 一話不説就攞走咗我吐出來蝦餃，我以為佢會取消咗籠蝦餃，冇交代，冇問候客人如何有冇事，當我差不多食完，原來又蒸返一籠蝦餃比我，我真係有陰影唔敢食，我覺得問題唔係你蒸過比我食問題，難道孔夫子覺得蝦餃入邊有訂書釘不是問題？你哋可能問我點解當時吾投訴佢，因為我同客食飯，吾想搞大件事，不過對於佢哋服務，我只好講，沒有下次，應該話係永遠冇下次😤

早成個星期預訂食套餐六道菜，10個人午餐成五千蚊埋單，本來錢都唔系問題，但系一個半小時都未上第五道菜，最後只好飯和甜品唔食走人，上菜慢到離曬譜，公司午飯時間只有1小時，即係叫人唔好食，又唔系平過人，重要搞錯冇包房，又講大話話老板同意坐廳，老板黎到話冇同意過，食5000千就系為左包房食，結果好似在個街市食甘嘈，如果坐廳就唔食套餐啦！火都黎

姊妹們要找節目，行吓海濱長廊，本相约附近cafe,突然下大雨，改變主意要喝茶，觀塘較好酒樓，算這裏，又容易有位。 先來陳醋水晶肴肉，不是蘸醋，而是與肴肉連體，深紫色邊，甜酸解膩，正 招牌腸粉，白雲包彩虹，爽口，但包住炸粉生油味重。 金網鵝肝鮮蝦卷，金黄香脆網卷包蝦，食咗都唔知有鵝干～丁屎，唔講有就唔覺。 燒汁菌皇牛柳粒，2，3粒靱，有彈性，牛味濃， 惹味，菌香與牛汁好配。 鲍粒啤梨咸水角，細細隻，餡小，鮑魚無味，無啤梨，只係啤梨狀。 生煎羊肉包，好勁膻，縱使我喜歡羊膻，都頂唔住。 椒鹽牛舌，皮脆厚身，肉腍，好牛味，勁牛膻。 芝麻糊，丁點腥味，無炒芝麻？ 芒果甘露不夠滑香，芒果肉不濃香，奶少。.

環境唔錯一入門口都幾靚朋友介紹之下就嚟咗呢間龍皇肚霧酒香鮮鮑魚$108叫呢碟一定係相機食先，因為上枱之後，就係有呢個視覺效果，鮑魚唔係淨係得個樣，上枱已經切開，容易食，仲好入味，下面有冬菇薦底，一樣入味咕嚕黑毛豬椒鹽牛舌$68呢碟好食干扁四季豆黑蒜腩肉白鱔煲$268呢個反而覺得一般孔門牛肋排$3xx呢個價錢貴少少，但其實份量都夠，都好多舊，味道可以 拿破崙$128呢個要早一日訂好啲，四個人食唔晒，侍應幫我哋分咗兩盒拎走，非常貼身呢度啲食物有特色嘅，服務都好好，周不時都行過嚟睇吓我哋有冇需要，可能今日人少，見呢度啲食評多數話服務要改善，但我又唔係覺得咁差姐，唔通已經改善咗

雖然個價錢吾系特別貴，但都吾平(埋單$1276），但問心講句，尼一餐同尼間野，根本吾值尼個價。一開始入到去，職員安排我地座中間位，但越座發現越吾對路，啲油煙味越尼越勁，之後我地頂唔順調去最入近窗位先好好多。佢哋人手嚴重吾夠，重要啲食物既質素連一般酒樓都比佢好食，特別系佢個荷葉猴頭蒸雞，得兩個字可以形容：難食!!!!! (啲雞冇味不特止，猴頭菇仲要勁苦🤢🤮），個豬毛豬叉燒，又系吾值二百幾，望落去樣正常，但味好似午餐肉，而其他食物都好一般(已經客氣左好多)，孔夫子不可一不可再，真心差，完全吾值得推介!!!!!!👎🏻👎🏻👎🏻👎🏻👎🏻最後仲要發現有小強🪳🤢🤢