孔夫子 (Club East洞天) (已結業)

呀仔學校要講故事, 所以今日就到常去的觀塘樓上書店睇下有冇合適的故事書。本來唸住去Cobber Coffee ☕️and Tonys Pastry, 11:15am到, 嘩使唔使咁多人呀, 望入餐廳擠滿了人,  樓梯仲有一條長長既人龍, 點解餐廳唔開放網上訂位呢? 天時暑熱要客人企係門外既樓梯排隊呢個安排實在不近人情。決定轉場去之前已經食過一次覺得唔錯既新派中菜館 - 孔夫子, 餐廳裝修時尚雅緻, 座位舒適寬敞。我地點左生拆蝦餃皇, 帶子芋蓉盒同黑毛豬叉燒魚湯米線。生拆🦐蝦餃皇 - 皮薄多汁, 蝦肉爽口彈牙, 好味。帶子芋蓉盒 - 蜂巢脆卜卜, 芋蓉香滑軟熟, 只是略嫌無咩味道, 最少都應該落返少少鹽🧂做調味。黑毛豬叉燒魚湯米線 - 叉燒蜜糖味🍯太重, 肉質偏實淨不夠鬆化, 優點是用料新鮮, 沒有騷味雪藏味。反而個魚湯米線非常有驚喜, 連唔食魚既老公都大讚新鮮無腥味。佢令我唸起幾個月前幫襯過的中環卅二公館, 孔夫子的魚湯出色太多, 湯底有著濃郁既🐟鮮魚味道, 啖啖真材實料。就連本應最唔起眼既米線質素都非常好, 食得譚仔太多, 令我對米線沒有好感, 只有填飽肚既作用。原來好既米線係可以咁煙

今晚閨蜜帶我同黃兔到這間中餐廳食飯，地點有些偏僻，是官塘工廠區其中一楝翻新工廠大廈入面。我也不記得怎樣去到的餐廳面積不算細，每張都是大枱，可能今晚客人不太多，感覺坐得舒適。茶位$16，有加一收費。我們經open rice訂位，應該有優惠，但事後才知餐廳沒有比85折優惠哦下次要記得check 單。我們點了：陳醋水晶肴肉$56 - 肴肉通透，口感彈牙，但略嫌酒味重了點。芥末秋葵牛柳粒$78 - 芥末衝擊味蕾，鼻腔好刺激牛柳粒肉質好軟淋，煮得好有水準，整體好好味西班牙黑豚肉芥蘭煲$168 - 侍應即席在客人面前用大煲炒香餸料視覺同嗅覺同樣享受，令人食指大動黑豚肉肉質香淋，一點不會乾身，口感易咬芥蘭不會過硬，蝦醬好香好惹味石鍋龍皇御膳泡飯$242 - 即是龍蝦泡飯，上枱時還熱辣辣，湯頭好鮮味，龍蝦肉切粒，泡飯整體味道不錯黑毛豬叉燒$228 - 叉燒蜜汁味好香甜，肉質好juicy 肥瘦均勻，一點也不鞋口，而且還要厚切呢本人喜歡它沒有好重玫瑰露酒味。連閨蜜也連番讚好椒鹽吊片$88 - 剛上枱時是熱辣辣的，所以覺得口感香脆，但放涼了點就略嫌炸粉太多，味道一般。不過整體上食材同味道都出色的

觀塘精緻中菜👍🏻同家人飯聚，揀咗呢間中菜廳，入門口就見到一個水吧位，行入去感覺都幾闊落，餐廳亦都好貼心咁準備咗放口罩嘅紙套同酒精搓手液⭐️黃金鍋巴（$50）雖然炸得香脆，但食唔出咸旦味⭐️咕嚕黑毛豬（$138）外層炸得脆脆的，黑豚肉不算太肥，十分爽口，咕嚕汁均勻地沾滿每一舊肉，放上一陣子還保持爽脆，值得一讚是用上新鮮菠蘿⭐️銅盤生焗鱔飯十分搶眼嘅菜式，鋪面嘅鱔超厚肉，無腥味亦無泥味，白飯散發著魚香，老一輩愛吃魚比也愛白飯，結果很快便清碟了⭐️蔥爆羊肉（$178）⭐️米皇淮山浸菜苗（$108）兩個餸都冇影到相，質素都係不過不失總結嚟講，環境唔錯嘅，唔會太迫😌唯一要留意佢係圓枱，所以因為四人限聚令嘅話，要前後枱咁坐

我們有食神了，有人請食飯今次仲要係高質嘅中菜，觀塘而家有很多美食，呢間店名已經好吸引孔夫子，而且店內地方寬敞好高級感覺！因為今次朋友請所以啲菜式唔係太知道咩名，不過咁樣又幾驚喜，我覺得每樣菜式擺盤及食物都好有水準👍🏻黑毛豬叉燒、艷影蝦球、酸菜魚（內有銀針粉）等等⋯⋯味道真係唔錯！所以見到店座無虛席😁

同同事一行四人去食，之前同事食過話好好食，所以推介我地再去食，叫左筍殼魚湯兩食，首先黎左唔知係煎定炸既筍殼魚，上枱魚係凍既，之後叫經理換，再上枱，都只係微暖，而且係難食！ 同事同佢上次黎食完全係兩回事。最最最過份而且不能接受係個服務員幫我同同事盛湯，佢一次過拎走左我地兩個碗，嗰時我都有擔心佢會唔會撈亂，結果唔使擔心，真係撈亂左，好彩我唔食蔥，個碗留有幾條蔥先發現佢調轉左，如果唔係。。同個同事交換晒口水其他食物味道都ok

因為慶祝生日同屋企人一齊去到孔夫子食晚飯我哋一行四人 早已於OpenRice內購買兩份一人套餐另外我哋再嗌左幾樣單點酸菜魚銀針粉 好香口 但係都幾辣如果唔食得辣嘅朋友仔就唔可以選擇啦咁我哋我哋幾個都唔係好食得辣 🤣 但其實如果喜歡吃辣嘅朋友一定會鍾意另外佢哋嘅咕嚕肉都好好食。佢哋用黑毛豬肉質好淋 炸粉亦都唔會太多啱啱好！佢哋嘅水間肴肉都好特別，佢哋用咗一啲好似黑醋咁樣整成啫喱 係肴肉嘅上面 所以好唔需要再點黑醋但係好多員工上菜都冇叫菜名我哋係OpenRice訂購嘅一人套餐剪菜 有嘢更改都冇向我哋講而且落單嘅時候講咗兩次 係點山葵炒牛肉但係呢度係黑椒薯仔粒牛肉🥲 可能佢哋而家使用嘅員工都係炒散所以服務態度唔係咁好 期待佢哋改善

坐落喺商業區中嘅餐廳，佢嘅菜式比起一般嘅有啲唔同，比較有創意但係係好食嘅。例如呢個芋頭酥，佢中間加咗帶子，下面有少少蔬菜碎，食落去冇平時，成口都係芋頭蓉咁漏。食落去非常鬆化👍🏻👍🏻另外上湯牛肉球，比平時放喺蒸籠入邊嘅，比較滑口。而且入邊唔會食到任何碎骨或者一粒粒嘅牛肉碎，芫荽味亦都調得好易入口。只可惜個小籠包就比較普通。啱啱上菜已經係扁晒嘅狀況🙀入面亦都冇平時會有嘅肉汁漏出嚟。但入面嘅肉餡咬落去就juicy嘅🧆蝦餃來講係我食過最好食嘅蝦餃。入面嘅餡好足料，而且調味啱啱好。蝦餃皮好彈牙，唔會做到好厚😋環境來講裝修都幾靚而且服務態度良好。星期日嚟，好多人但佢哋都好有禮貌😊

突如其來禁晚市堂食，無辦法慶祝老公生日。本來預約左幾間私房菜都暫停營業，外賣都唔做。尋晚打電話問孔夫子有無做外賣，仲what's app外賣promotion 餐單俾我。4餸一個炒飯。因為外賣，又要攞返屋企，食物都凍左。最好味係呢個牛助排，好淋又唔油脂餐廳仲用錫紙包住枝骨俾我。叉燒嫌太厚切

今日新加坡朋友話好想吃香港地道的食物《叉燒》，我們來到一間鬥面毫不起眼的商廈會所，穿梭於觀塘工廠大廈中，電梯進入3F,令人嘩然耳目一新的感覺😱寬敝明亮，位置闊落，岩曬這個時期，保持枱與枱之間距離的要求。經由一位後生靚女Miyabi 介紹左菜色，最後我們叫左：黑毛豬叉燒、艷影蝦球、孔府招牌腸、蒜蓉炒豆苗、椰汁桂花糕。（這個叉燒不得了，又厚身，又淋，大大嚿食入口，個種滿足感好難形容😂😂😂）食物很好，很特色，味道一流，要贊下廚師👨‍🍳👍👍👍。飲後Miyabi 還帶我們參觀左西餐廳，gym room 同spa。服務很貼心，很好，很詳細。謝謝靚女，下次再見❤️❤️❤️

朋友極力推介，終於黎到！環境超舒適，枱距離有點遠🤣枱上有一卷論語，本以為是menu,點知真係論語！！子曰：「xxx」點了個叉燒，艷影蝦球，鮑魚，峰巢豆腐...絕對要試的是艷影蝦球同個叉燒，好好味！！蛋糕超大，要3日前訂！好吃，沒有失望！

疫情緩和可以外慶祝父親節，選了一間非在大商場但又位置方便又具特色的中菜。這間正確來說是魯菜，中菜其中一種。家父比較傳統喜歡中菜，但家母喜歡特色特別餐廳，我喜歡找好嘢食，便促成光顧此店。是晚點了4人父親節套餐，看相已知賣相一流，份量十足。菜式特別，味道也很好特別是招牌黑毛豬，燉湯，龍躉......統統一流。最可惜甜品不是生招牌拿破崙蛋糕，否則應該更完滿總括而言，環境夠大夠光鮮，服務到位上菜快，食物水準一流。值得之後再來食其他菜式。

難以想像工廠區內會有這麼型格的中式酒樓，屬孔夫子也。被安排坐在偏廳，地方舒適寧靜而闊落。點了孔府招牌腸粉，腸粉皮很薄很滑，中間夾了網紋狀的脆皮，內餡是素菜，口感豐富，確是不可不點的招牌點心。生拆蝦餃皇也很出色，皮薄餡靚，蝦肉足料爽口。粟米墨魚餅略油膩，不過墨魚肉很彈牙。啤梨造型的咸水角睇得又食得，外皮香脆軟糯，甜甜的，中和內餡的咸度，咸甜得宜。服務員服務態度良好，勤勤為我們加茶，令這頓午飯加分不少！

走區內中高檔路線的高質中餐館🥢每份點心精美、份量足，但可惜點心選擇較少1️⃣生拆鮮蝦餃皇(四件) $55 👍🏻新鮮蝦爽脆；餃皮適中煙韌😋2️⃣蟹籽蒸燒賣 (四件) $48 👍🏻燒賣皮薄；蝦餡足料、爽口彈牙3️⃣桂花蜜絲蛋散(六件)$38 👍🏻蛋散薄得來有層次；炸得十分鬆脆；桂花蜜的配搭完美4️⃣孔門炒米粉 $118 👍🏻主要味道來自蝦乾粒，配料還有豬肉碎、芫荽絲、銀芽、超細的蛋黃碎；米粉也極之幼細5️⃣孔府招牌腸粉 $45 👍🏻最外層是薄腸粉，中層包着炸薄脆，內餡是腐皮卷的素齋6️⃣黑毛豬叉燒包(三件) $35包皮不夠軟綿鬆軟；餡料可更濃郁；相比其他出色的點心較失色@茶計每位$13 (🧴防疫期有為客人準備放置口罩用的膠袋和搓手液在餐桌) ———————————————————————環境：7.5 /10服務：7 /10衛生：7.5 /10味道：7 /10性價比：高回頭率：60%

想吃點心又不想去酒樓，找到這間看似很乾淨的孔夫子。門口幾靚，環境企理清潔，讓人吃得安心。茄子炸得不算油膩，入口很脆，脆而輕身，加點南乳汁調味，幾夾。淮山牛柳粒炒得太濕，味道偏重，只可說牛柳不韌，但不值得試。柚皮排骨正常。紅油抄手辣得幾過癮。皮滑，多餡，味道不錯。黃金窩巴很脆，有蛋黃香，夠乾身。腸粉沒想到是這個樣子的。包著的餡不合口味，吃了一件就放棄了。素菜包可能吃得太多健康工房，覺得這個餡實在太少。味道亦齋得有點怪，跟想像完全兩回事。唯一優點是包幾軟熟。最後要了個湯麵。沒想到來了一大窩。麵偏腍，太軟，不過湯底不錯，都可以。吃環境，食物一般，服務也一般。有個幾好的待應，但經理態度一般。

五月幾嘅時份 當然要約母親大人食返餐母親節飯 朋友介紹我嚟呢間餐廳 咁就同兩老嚟咗試試佢🙊餐牌係電子形式嘅 放喺平板電腦度睇 幾環保 而餐廳仲有提供一個透明即棄膠袋俾我地暫存口罩 幾貼心😛今日叫咗酥皮茄子 茄子炸得幾鬆脆 上面有啲南乳醬 食落同茄子幾夾竹笙扒翡翠 呢碟就比較清淡 啲菜苗幾嫩 好易入口 感覺幾健康🥬黑毛豬叉燒 呢碟唔平㗎 要二百幾蚊 但係都物有所值嘅 叉燒好厚 有少少燶邊 口感一流 🤤銅盤生焗桂花魚球飯 呢碟就好普通 魚片唔係太多 而飯又蒸得太乾身 個人唔推介😮最後一定要試呢個甜品 朋友話我知如果即場叫未必有 所以訂位嘅時候訂埋鮮雜果拿破崙🍓拿破崙好高 每層都有一種生果 店員先俾我地影相 然後再幫我地分 咁就唔會切得好狼狽啦🙊 拿破崙好鬆化 一定要擘大個口先食到呀總括嚟講 呢間中菜水準都唔錯 得閒可以再嚟🐷