安南 (已結業)

星期日約左朋友行下新開的形點，咁行到咁上下又到食飯時間，周圍望下見安南唔太多人就去幫襯下，我叫左個堤岸香蔥雞配油飯，雞都算滑但雞皮有d毛😔，配左兩種醬，橙色個醬就酸酸地，黑色個隻就油油地，個人比較鐘意橙色醬，油飯都幾香但略嫌唔夠熱，只係微暖，跟住飲下杯鹹檸檬特飲，佢其實係冇咩味架😢，同飲水冇咩分別，呢間應該唔會特登再去。

放假有多搵日食嘅好時間嗱 今日去咗yoho town搵食， 見到有間越南菜我哋就入咗去， 間嘢位於一條扶手電梯嘅上面部分位置有d熱，可能係扶手電梯下面入口嘅關係， 所以我哋一路食都一度有啲風吹入嚟， 環境當然有少少扣分啦！啲嘢食先我帶咗素菜米捲， 火車頭河同埋雞絲河。 米卷一碟有六個，加上啲配料真係多到爆曬出嚟， 俾人感覺好抵食。但係之於兩個粉就麻麻地啦， 尤其是玩雞絲河，唔知點解會有陣味， 好似河粉嘅味，但又似係啲雞嘅雪腥味，有d難接受。 火車頭河粉嘅份量唔知係咪係lunch set嘅分量相對比較細，如果一個肚餓嘅男人食可能未必夠飽。加的服務員唔知係咪全部都係新人， 佢哋好似有啲驚惶失措嘅樣😂😂

上次午餐吃不到海南雞，今次有機會食到，鷄味一般，黃薑飯無上次甘香薑味，飯又爛咗少少，賣相求其，鬆散，價錢貴，又無配餐湯。另外，點了豬頸肉撈檬，魚露汁夠凍撈上檬粉好味醒胃，但賣相豬肉擺放凌亂，求求其其。因為兩個都是午市套餐，可免費配二選一特飲：柑桔桂圓或鹹檸檬，凍飲清涼可口。可加$18小食，選了蝦餅、串燒各一款。蝦餅好乾又硬，又無味道；串燒沙嗲豬又係好乾，無乜豬肉味。午餐就要成一百元，又貴又唔好食。我諗有排都不會再來了。

和朋友在元朗聚舊，大家在YOHO Mall內逛逛，找個地方晚飯，決定吃越南菜。大家都很餓，又懶得去想，於是點了個二人套餐($398)。食物算很豐富，包括:小食 – 香茅雞翼及紙米卷香茅雞翼煎得外皮香脆，內裡肉質細嫩而入味。紙米卷包裹著生菜、青瓜絲、紅蘿蔔絲、粉絲和肉碎，做法很傳統。紙米卷薄身透明滑溜，生菜和青瓜絲等爽脆。主菜 - 海南雞是這裡必吃的招牌菜，海南雞的表皮顏色很鮮黃，泛起油光。先咬一口，感覺它多汁嫩滑，無論任何一個部位，只要輕輕咀嚼已可咬開。雞肉的份量亦很多，我們幾乎吃不下呢。主菜–雜菜煲蔬菜新鮮甜美，種類不算多，只有西蘭花、波菜、冬菇和草菇，但勝在做法不油膩。甜品–椰汁西米露和港式的椰汁西米露做法不一樣，這裡的西米露比較黏稠，而西米比較大粒，再加上粒粒粟米，增加了口感。整體食物不錯，但侍應們太繁忙了，服務效率有待改善。

中午時間較多人，排隊等候一陣就人座。午餐有套餐，點了越南火車頭湯河粉，不過湯底不夠熱，牛肉，牛肉夠薄兩片，肉質鮮嫩滑口，有牛筋一件，煙靭但無味道，無帕葉，可能午市套餐無呱，好普通的河粉，一啲都唔值，套餐$78/碗送特飲：叫了熱的桂圓百花蜜，夠甜有三粒桂圓肉。另有鹹檸檬特飲選擇。套餐可加$18小食兩件，點了越南蒸粉卷，夠熱，估唔到妹仔大過主人婆，好食過火車頭。由於葱油鷄估清，品嚐不到，叫了一個油飯，又估唔到咁好食，飯夠熱煙煙靭靭，好香蒜容味。下次要早點來一要試葱油鷄及其他菜式先。

之前黎食過,環境仍然咁舒服( 有我中意既湖水綠色)~哈哈哈~ 而家餐牌價錢平左,份量少左，又可以試多D野食.~~~~~~~今次叫左~: 蝦餅，春卷，乳酪，菠蘿炒飯，香露大頭蝦 下次要試埋其他野食先得~~ ,下次可能又有新驚喜, 好期待!~ 而家"YOHO Mall 安南' 又有商場泊車優惠wor, 下次要再黎食過先得~~要再 encore ~! ~ YUMMY~~~~~

第一次去食安南，係一年幾前，一位越南朋友話好味同正宗，所以去試，後來公司搬左去利園，因此每個月總有一次去安南食午飯，覺得安南係香港最好食既越南菜，亦推荐左好多同事去試成個1957 Co集團既餐廳，無論權八，竹，家上海，安南（銅鑼灣），都係非常高水準，唯獨呢間安南（元朗）我諗起都會嬲，廚師煮出黎既野就係味道難食到似垃圾！幾個月前係元朗形點試安南，餐牌都識背，沙律，越南清保涼，椰青扣肉，珍珠𩶘湯，順化豬手粉，等等椰青扣肉，變左水煮肥豬肉，用煲上沙律啲香草，啲味好怪珍珠𩶘，哇，有一股臭味，米線又唔分，服務員叫你自己夾，係銅鑼灣個間係分好，再加湯，同一價錢两種做法！清保涼，真係涼粉加糖水！我個晚即刻同經理投訴，帶埋碗珍珠𩶘湯拎返去銅鑼灣店俾經理試下，可惜第二日要飛，無拎返去銅鑼灣！個時經理話送甜品，我認真講，我唔敢試！第一我唔會再信個師傅，第二成班服務員廚房啲人，睇佢地個樣都好後生！未搞！呢間係唯一一間，我諗起都嬲既餐廳請餐廳管理者，控制好質量，先開分店！一間100分，另一間得10分

難得的工作日假期，當然是要睡到自然醒，然後吃下午茶去！假日的YOHO MALL總是人滿之患，平日的下午卻是另一番景象。安南走的是高雅路線，用餐環境優雅舒適，加上客人不多，也就樂得清閒。正值下午茶時間，食量不多的我選了蒜蓉牛油雞翼($48/下午茶)，選用的雞翼大而肥美，不單炸得皮脆肉嫩，面層大量的蒜蓉、香茅令口感更香更惹味，有水準!薑汁青檸蜜，檸香薑味平衡得很，也沒有太甜，清新舒喉。另點一客椰青果凍($68)，面層的椰子雪糕很香，只是冰感甚重也太甜膩了。果凍以大菜糕作底，食感較硬實，椰青肉不少，風味是有的，食味卻是一般而已。服務方面，侍應未有清晰講解細節，結帳時才發現甜品是收取正價的，而經理只在一旁談天，問及套餐細節更是接不上嘴來，感覺不是安南該有的服務水平。 水準不俗，但未致驚喜的程度，而服務又扣了不少分數，會否再來就要看食緣了。

之前跟家人去yoho mall的百樂潮州茶樓食咗八百幾蚊晚餐，剛好這商場推出下載電話程式並於平日到指定食肆累積消費滿四百元就可以得到平日午餐用券優惠，所以我就搵好友陪我享用安南午餐（其實平時覺得比較貴，加上自己對越式餐廳興趣唔大，所以極少光顧）午餐每位$88，當然要另加一服務費，選擇都算多，我就選擇了檬粉餐，因為午餐券本身包括一杯飲品，一碟札肉炒飯和粟米糯米甜品。我就因為生理期而點了薑味熱飲，好友就點了滴漏咖啡，薑味熱飲真係好飲，有機會再去一定叫！等了一會咖啡滴完就攪拌，咖啡味很香，不過我喜歡索味不喜歡飲它的味午餐的小食盤賣相幾好(^_-)我們二人共享美食，札肉炒飯很好吃，而且好足料。火車頭湯檬粉的餸好豐富，有丸、牛柏葉、牛肉、牛根，感覺好好食*^O^*由於我唔食得凍野，所以甜品就由好友食埋。最後埋單時午餐券食物當作$100，加埋晒和加一共$196，減回$100午餐券，最後$96埋單，我們人均$48，感覺真係抵食，如果沒有高場清費推廣，平日我一個人通常外出其他地方午餐而已。p.s. 雖然餐廳裝潢好好，但坐位欠缺私隱，當日和好友午餐時我望到好似昕昕之前pg同學的媽媽在扶手電梯望著我...

the waiter/waitress here are not professionally trained. the food quality is just so-so. won't visit again.

一向對越泰菜情有獨鍾，夏天更是不二之選，只因貪其夠清新。是日落大雨，就在商場避雨及用餐。安南已是第二次光顧，環境舒適，食物水準也不俗，自然做回頭客。两個人只叫了些小食及飲品，香茅牛肉紙米卷，蟹肉柚子沙律，燒雞肉串，越式咖啡，椰汁涼粉冰。香茅牛肉紙米卷 ， 稍嫌香茅味不夠濃郁，紙米好煙韌，要咬都要俾啲力。蟹肉柚子沙律，沙律面上舖了好多蟹肉，由於我蟹肉過敏，所以全部取走，沙律酸汁非常夠味，甜, 鹹，鮮混為一體。但我卻稍嫌太濃，搶走了柚子本身的清甜，如果要汁另上，味道上應該可以平衡得更好。燒雞肉串，雞肉嫩滑，應該是雞腿肉的部位，雞串香料味也不夠重，花生沙爹醬偏甜，不點都無所謂。越式咖啡，本來應該混合練奶，但我只喝齋啡，咖啡無酸味，滴漏咖啡較濃郁，一小口一小口慢慢喝，喝出他的甘味。椰汁涼粉冰，我沒試飲，不作評論了。總括全餐，環境滿意，服務也滿意，只是人多，可能便難叫到侍應生幫手，但服務是熱情的，食品水準中至中上，賣單3百幾，有機會會再光顧。

有一晚突然很想很想吃海南雞飯，心想留下的安南似是一個有海南雞飯地方.... 不知道為什麼，somehow 雖然之前未食過，但總是覺得安南會又貴又唔好食。。。所以開左咁奈我地都無食過。。。去到，發現原來佢係無海南雞飯。。。。但係有類似嘅芒街雞~~~ 竟然都咁夜，都無乜得簡，所以就入去試下~~ 我地叫左個＄388 嘅二人套餐，有芒街雞，炒飯，菜煲，小食拼盤同甜品。 當個雞黎到，我地見到好大隻雞just for 2 people! 心諗，咁大隻雞兩個人食，其實一D都唔貴，仲好抵食~~~~ 食入口，雞真係好嫩! 同海南雞飯一樣好味!!!! 炒飯，好香好濃味，岩哂我!!!!菜煲入面有粉絲，有菇，好足料! 小食拼盤，唔夠熱，春卷個皮有D chewy... 到甜品黎到，椰汁糯米，唔太甜，但係我覺得真係好飽，食唔哂....!由無乜期望都充滿驚喜, 呢間安南，將會是我其中一個飯堂~

叫了一個二人餐，份量不算多一個小食併盤，炸物唔錯。不過海南雞就全熟，肉質很鞋，像白切雞。野菌炒西蘭花，賣相唔錯，不過成碟都好咸，後來叫了杯熱水洗過才能食。上菜有點慢，出三個餸都用了40分鐘。整體有點失望。

The food was great.  But the service was poor.I got a $100 coupon and not sure if can be used on Set lunch (Since the coupons said cannot use with other promotions).  Before we went in, we asked the reception lady if we can use the coupon on set lunch.   If the answer is no, we will not go in.  But she answered yes, we ordered set lunch as expected.  At the end, the staff did not allow us to use the coupon due to set lunch.  And without apologize on the wrong information she gave us.Very disappo

每次假日想食越南嘢，都必定會揀安南，亦都必定會點牛肉湯河。佢個湯底應該係暫時食過最接近越南嘅味道。因為今日天氣太熱，所以點咗個撈檬食吓。諗住配埋啲酸酸甜甜嘅醬食會開胃啲。不過撈檬選擇唔多，得春卷同豬肉，最後揀咗春卷。春卷雖然好足料，包滿晒豬肉，不過感覺有點膩。砂窩大頭蝦不過不失，不過汁料野味，食完可以伴雜菜食。青檸沙冰有少少失望，今次偏甜。