第一次到訪官仔記，野食好味環境ok，房就細啲但都無所謂，所以朋友生日再到此晚飯慶祝。
但今次就同上次好唔同，只是差一個月食物細碟咗，咁都算，最勁係七點坐落食咗一round野再點野食，點知等好耐都無黎，我哋追單佢叫我哋再點過，咁好啦一點就個半鐘點四次單，四次都無黎，因為坐房係二樓，本人親身落樓追柜面（因樓上阿姐都好忙，我都唔想再煩佢所以自己落樓追）我問柜面點解咁耐，一名兇神惡煞既男子回應，無可能咁耐都無野食又話有單有據有時間，我答佢，有野食我就唔洗親自落黎追啦，我哋的確等咗好耐，你話有時間你味睇下你幾點落單囉，一睇就話我哋岩岩落，時間係21:54但當時只不過是21:30，佢跟手就話唔好拗即刻向廚房大叫「快啲上野比48號枱喇」但全程不停仲話緊我好追佢單，我心諗家下我好似去乞佢啲野食咁。我都忍唔住問你係味唔想做我哋生意呀，佢答話「邊有人咁講野架，我比間房你哋坐又無收最低消費」我當堂明曬，即係你覺得好唔底呀，你高興可以收架，訂房講明要幾多味得囉，合理既一定會黎食，到我哋拎房又無話依家叫比說話我聽呀？ 當日星期五晚人係多，但我哋的的確確等成個半鐘都無野食先落黎追你單啫，唔洗發脾氣呀，仲要比說話我聽，你無野呀！ 果個半鐘有位似事頭婆既女人上黎，向佢反應未有野食，但佢全程都係黑面。講真，返工已經要受氣，但無理由去消費開心都要受氣，全個過程成班人都追得好氣客，係味斯文啲就要受你呢間野氣先！
一間細店經營係要用心，你野食係好食同新鮮，但咁既態度就好正囉，最後發現原來兇神惡煞既男人係老細，而最後上到枱既野食細碟得驚人，最跨張係碟西洋菜，一小籃有八條左右。再向阿姐講，比埋阿姐睇，佢就話又真係小咗啲既，跟手就再拎一碟雜菜黎當補番。
各位想去比錢受氣就去試下啦！
題外話/補充資料：
食物明細如下:
手切牛, 安格斯牛, 黑柏葉 - 我唔食牛, 所以我唔知好唔好食, 份量就手切牛最細碟, 得八塊左右
西洋菜 - 超細碟
萵筍 - 新鮮, 份量正常
嚮鈴 - 係新鮮炸, 不過有小小油膩味, 一籃六至七件
松露蝦雲吞 - 蝦大隻同新鮮, 松露好香好夠味
韭菜餃 - 真的只有韭菜沒有肉在內, 我覺得好食, 但朋友會覺得點解無肉
海蝦 - 好新鮮, 一碟大概七至八隻
午餐肉 - 一般, 份量正常
公仔面 - 出前一丁
粟米 - 份量正常, 不過唔甜
冰豆腐 - 份量正常, 不過無咩特別
脆魚腩 - 份量正常, 因為我唔食, 所以唔知得唔得
羊肉 - 一碟有十一/二卷, 但每卷係正常既一開二, 所以算細碟, 而對我來說唔夠羶味
豚肉 - 又係一碟有十一/二卷, 每卷又係正常既一開二, 而味道就無咩特別
豬潤 - 正常份量, 味道無咩特別
魚卜 - 我唔食, 唔知好唔好, 份量正常
beer - 38支大既, 酒係準時上枱
以上就是當晚所點既食物, 我哋一圍七男四女, 大部份男性朋友都唔飽, 而我自己都要返到屋企食杯麵, 講真, 我都未試過打完邊爐仲要食杯麵!!!!!!!!!
(以上食評乃用戶個人意見 , 並不代表OpenRice之觀點。)
影片
