定食 Doraya (駱克道)

營業中

休息中

為了油甘魚，我願意放下五餅二魚，肥而不膩，入口即化，爽到yyy。------------------------------Blue fin 吞拿魚也是被秒殺，用火槍 噴一下，更加野味。------------------------------------------------------------已經吃了無數次，每次都無失望，這就勝過其他連鎖店了。

每次去銅鑼灣必定去睇下有無位，次次超過5張枱男友就唔會想等，佢Doraya唔大有排等今日係星期五下午2點幾，飯市差唔多完，比我地博到啦如果我自己一個唔會食，基本上我除三文魚同池魚外，咩魚生我都唔多食，因為我好怕腥，同埋其他食既吞拿魚唔係唔新鮮，總之個口感好怪，肉質好散咁，呢度係男友以前飯堂之一，佢希望我改變食多點魚，都係我做開gym要多蛋白質我叫左木魚絲吞拿魚定食，以質素/份量$128唔貴，真係唔會散既肉質，又唔腥，覺得感覺良好，唔會食2舊掉比男友

星期五收工晚上約了友人去銅鑼灣行街。大概行到八點半左右開始肚餓，本身諗住過去睇下多唔多人。行到過去都有四五張台，不過已經算是少人。所以我地照排住等，大概半個鐘可以入座。友人點了三文魚拼油甘魚刺身丼$148。刺身望落去好新鮮，遍怖油光，見到都流晒口水。以這個價錢來說，份量都好足！而我點了吞拿魚拼油甘魚刺身丼$148。本身想試肥腩，但今天已沒有了。今天的油甘魚很肥美，略勝一籌。配菜方面有麵豉湯，蛋卷及漬物。我地兩個都捧住個肚離去，很滿足。略嫌擠迫了些。

食材新鮮。可是我不認為200元一餐晚飯應獲如此對待1) 我一個人去，他把我安排在六人枱的正中間，左右兩個男人。我根本不能接近桌子。(2) 左邊的人埋單，侍應把單在我頭頂橫跨遞過對面， 沒有說不好意思等字眼。 (可能因為我坐下比較矮?)幸好過了一會左邊的人埋單，我可以移往牆角。 不過仍然不得安寧3) 在我想結帳之際，對面的人比我先叫賣單，侍應再次把單在我頭頂橫跨遞過對面 (i.e.重複(2))。(4) 旁邊的新客人比我更不幸(!?) 因為我一站起，他們就立即被侍應要求調位了。不如你將價錢提高10%，唔好話畀人聽你要收10%的加一服務費啦。結論是在香港社會，也許一個人吃飯是罪過。 原對日本餐廳抱有一點期望。 基本對客人的尊重也許應該要懂吧?

最值得推薦嘅日料仲未食過嘅你，就真係值得一試喇！刺身新鮮好味，店員🙎🏻‍♂️好nice，會記得我食咩同唔食咩，好有heart❤️。不過飯點真係要難等位（好耐！！）因為個店面真係唔大，容納有限，連店員都忙唔過來😂所以你如果係三五結隊，就要有心理準備喇！一個人去食好似好D，雖然忙嘅時候都要等，不過抵等嘅，見過明星都照排一個鐘喇（😂咁心裡平衡D）如果你係刺身愛好者，試噻menu裡面每一個都好，當然，就算你個胃幾大都好，唔係一次過食喇

自從食過Doraya嘅魚生飯之後個心就係咁掛住想返黎食。雖然港女都食過好多高級嘅壽司，但比起壽司一舊一舊咁食，大啖大啖咁食魚生飯絕對係另一番滋味講起魚生飯，魚生質素好緊要，而家好多求其嘅魚生飯店啲魚生都方新鮮，所以都係搵返有上下水準嘅穩陣啲。。。Doraya喺保持水準方面應該唔錯，開咗咁多年仲咁多人嚟食，信心自然okay今次食咗海膽葱吞拿魚飯、牡丹蝦、同日式炸雞送啤酒。魚生當然10分新鮮，份量夠多，真係滿足晒心靈需要。唔怪得成日都要排長龍

有時侯一間食店除了食物質素之外，店員的質素都好重要。今天我跟父母去了貴店吃晚飯。六點多的時候到店，看到店外寫著要進去拿籌，進去之後我跟店員說3位。那時他的眼神已經不是太有善。拿完籌後在外面等了15分鐘，店員問齊人沒。我就說齊了。以為有位啦...怎知道又繼續等...在7點前店員多次問齊人沒。其實有點奇怪，你又不是有位給我，我一而再，再而三的確定齊人為什麼要不斷問呢？大概7點有4人桌離開，剛好我們是下一張，怎知道店員把我們後面的號叫了。以為店員忘記了，問他是不是漏了，他又問你們齊人了？我說齊了，他跟著用一種超級不友善的語氣跟我沒說沒有位。那為什麼我們後面就能進去？我明白他有他們安排位子的方法，但我認為可以用友善的態度解釋而不是跟我們說"咁先生你教我點做囉！"我明白貴店的食物很好吃，但店員質素這樣令我覺得就算食物再好，我也不會吃得滿意。這種"唔憂做"的態度令我覺得好恐怖。香港美食太多了！不吃你這一家，我還有很多選擇。

考完試12點黎到太好啦！唔洗等位（平時lunch/dinner黎起碼等15分鐘除非你一個人啦）如果你都你心大心細，可以食自選丼最中意甜蝦他他，第二到好少有得食！三文魚好肥美呀，加埋toro蓉送飯一流！oishi!!!! 個人覺得銅鑼灣店水準比尖沙咀好，雖然坐得迫d

返嚟香港都幾年，一直都有聽講話 Doraya 好正，次次行過銅鑼灣見到都勁多人圍住等，今晚終於的起心肝排一排，會一會個個都話正的🐟生飯！其實都唔算排左好耐，二十分鐘，一坐低都諗好要食乜。我要左個海膽+三文魚子定食，男友就要藍鰭吞拿魚扒定食，加$10 upgrade 左個蜆湯，$15 要個納豆(我的摰愛)，仲要埋個帆立貝刺身❣️一定 upgrade 要蜆湯，好多！唔記得影，帆立貝刺身好鮮甜肥美海膽+三文魚子定食超，認真好食過我晌築地食嗰D，海膽甘甜配上三文魚子的鮮味，再加埋D shiso leaves 一齊，通常D人都扲開唔食，識食就會將佢地搣成小塊，撈埋一齊食，增添清新味感藍鰭吞拿魚扒都好好味，好鐘意佢灼左少少，散發油香，肥而不膩，啖啖肉個納豆都好正中，仲比左好夠葱花，撈飯食完好滿足，好後悔咁遲先嚟試，以後會多D嚟，食匀晒個 menu

平日7點到,門口已經好多人等緊。等左差唔多一個鐘終於入到去。我叫左吞拿魚大腩加香葱魚蓉定食。$198有6片吞拿魚腩,份量尚可大腩質素唔錯,食完冇筋入口即溶。香葱魚蓉一般。朋友叫在自訂定食, 要左海膽,带子, 大腩。本身想叫中腩, 但是當日已經冇中腩。個人最鐘意食海膽。好鮮甜, 香港好難食到甘高水準的海膽。下次可以再過來食

幾次經過好多人排隊，所以無食到。呢次唔算多，排咗20分鐘到入座。鋪仔細細，一般日本居酒居裝修。來到「定食」，叫咗兩個定食，一個生，一個熟。吞拿魚扒魚生飯 - 👍好食又新鮮！吞拿魚切到一塊塊，用火槍燒過，由1成到3成熟，飯可以揀普通飯/魚生飯，我揀咗魚生飯。配菜有醃菜，普通啦；蛋可以揀蒸蛋/甜熟蛋，我要咗蒸蛋，熱辣辣，又滑，好食。麵豉湯，可以揀普通麵豉湯/加$10揀蜆湯，我揀咗蜆湯，錯晒，整得唔好，飲落去惺惺哋。牛舌飯定食 - 👎🏿👎🏿👎🏿錯晒，好錯添！未食過牛舌咁差，un咖，每一舊都咬唔到，人哋嗰啲係好淋咖嘛，邊會咁un咬唔開。都係揀咗魚生飯。再揀咗甜蛋，唔錯。普通麵豉湯，ok嘅，好味過蜆湯。來「定食」食魚生飯好啦，最好咪叫熟食，千祈唔好叫牛舌，難食到一個點！

友人想吃吞拿魚腩飯，便來這間很多人提及的餐廳試試看。星期五的晚上果然特別多人，我們等了30分鐘才能入座。裝修設計簡單，位置很少，只有20個座位，怪不得等候需時。壽司刺身飯有很多款式。當然要點吞拿魚腩飯及我最愛的三文魚飯吧！三文魚子配三文魚刺身壽司飯定食每個定食均配麵豉湯、前菜、蒸蛋或玉子。我點了蒸蛋，這個蒸蛋不錯，很滑溜而且有很多配料。前菜就普普通通沒有什麼特別。麵豉湯配料份量充足，而且非常熱烘烘。三文魚子配三文魚刺身壽司飯這個不得了！賣相很吸引，刺身十分新鮮，而且結實，一咬非常有口感，而且略帶魚油味，非常滿足！很喜歡飛魚子的口感！其實份量對女生來說是頗多的！香蔥半藍鰭吞拿魚腩蓉配三文魚子刺身定食這個賣相也很吸引！吞拿魚非常有口感，沒有雪味。雖然是魚腩蓉，但也是入口即溶！性價比高！下次可以試試自選刺身壽司飯！

Came here for their Tuna rice, it's around 6:30 pm and there's a bit of the line up already. The place is a bit small maybe that's why there's a bit of the wait as well. Their tuna is very fresh and tasty. It's a very reasonable price for this quality and specially around the area of causeway bay. I will certainly come again!

好多年前自Doraya 响銅鑼灣開舖後，縱然當年menu唔係咁多嘢揀，但佢都已經成為我的all time favourite！ 近年時興魚生海鮮丼，周遭亦多咗好多選擇，但我仍然覺得簡單新鮮嘅Doraya 至係首選！ 銅鑼灣店位置少， 每次其實都最少要等半個鐘以上，但一諗起d sashimi..... 等！ 大食嘅我响好肚餓嘅時候黎，咩都唔諗就決定要自選丼！ 佢嘅藍鰭吞拿腩蓉係必選，仲有我都好愛嘅油金魚(兩份呀唔該!), 久唔久係要對自己好d, 所以諗住加多份中toro, 點知妹妹話賣哂! 😫😫佢話仲有大toro問我要唔要，問題係我個人唔鍾意大toro因為有筋！ 佢聽到我咁講，意然走咗入廚房走番出黎同我講check 咗師傅， 話今日大toro筋唔多.... 嗯，你咁有誠意， 我決定要埋佢！ 最衰銅鑼灣唔似尖沙咀店，自選係冇赤貝， 如果唔係..🤤🤤🤤朋友就㨂咗海胆油金魚同吞拿腩蓉， 兩份嘢黎到時真係覺得好安慰，水準依然兼份大toro又真係唔多筋喎！ 比起出面街好大堆頭嗰d, 呢度已經令到我地好大滿足!!!! 自選... 有得揀其實真係一件好幸福嘅事！

今日同龍兄同朋友J一齊食飯, 由於唔太熟銅鑼灣, 龍兄就介紹我地去依間餐廳朋友J佢話要去排隊先, 睇黎真係好受歡迎鋪面唔太大, 大約坐到20人左右, 但每個坐位都好有足夠空間, 唔錯等左十五分鐘就有得入去, 裝潢好日式居酒屋feel, 重播好多日本歌, 例如AKB48, 你的名字D歌佢個menu都有好多唔同刺身選擇, 例如三文魚, 吞拿魚(不同部位都有), 油甘魚等等我本身想叫吞拿魚排定食, 點知完頡, 轉叫吞拿魚配油甘魚定食.大家都知道, 吞拿魚一係就好好食, 一係就會太重血入面的鐵味, 所以吞拿魚係最好用黎睇下間鋪頭水準之作. 今次, 真係冇令我失望. 吞拿魚有口感, 完全冇雪味, 重有一種吞拿魚特有的鮮味.  油甘魚則有好香. 順帶一提, 佢地個定食份量好足, 唔會出現唔夠飽情況朋友J叫左三文魚定食, 食左佢一件三文魚刺身, 肉好結實, 唔會有霉感覺.  順帶一提, 佢地個定食份量好足, 唔會出現唔夠飽情況, 對女仔黎講可能有少少大份