客家好棧 (已結業)

上個星期同班親戚一行九人去食飯,由於之前都試過, 見味道都唔錯咪再試多一次, 今次唔知係唔係因為係佛誕關係,無哂特價菜同埋一餐牌上面無既特別菜式,有點失望。今次我地人多所以可以叫多款,今次叫左兩款雞,一個客家原味雞同一個布袋雞(記住要預早訂定,如果唔係唔知要等幾耐先至上到)，前者外形有點似一個酥皮湯加大版, 裡面隻雞用當歸等藥材煮，肉質好腍，雖然藥材味不太濃烈，但食落味道都好苦,后者就用豬肚包住隻雞用胡椒根多種藥材去煲,相對講呢個就好味好多。其中白飯都幾特別，係用盤仔盛，飯味特別香, 但都最好早叫定,因為都要等幾耐。其他小菜只屬一般貨式同埋碟頭唔大,不過上菜好慢，可能人手唔夠啦,成日都要催單。(但禮貌尚算ok)

環境裝修不錯，店內還有香港懷舊照片與阿虫的書法，可惜就係地方唔算太大，三五知已去就好，如果七八個人以上就坐得比較迫。可能近新年，所以新推介一個$188盤菜，好抵食有鮑魚、海參、蝦等真材實，好入味，唔似一般盤菜咁多油。另外推介一個客家原味雞，外形有點似一個超級巨形的菠蘿包。其實是一個特大酥皮，裡面有一隻有藥材煮的雞，肉質十分腍，藥材味不太濃烈，不過食落口好甘香。白飯亦幾特別，是用盤仔盛，飯味特別香。當然一定有叫客家出名的茶粿，鹹甜兩式有試，前者鹹香好似食未炸過的鹹水角般，反而甜不錯好香滑。而其他小菜屬中規中矩。唯一唔無就係上菜好慢，可能太多人，而人手就唔夠，常常要三吹四請(但佢地d禮貌尚算ok)，等上菜時間仲耐過食的時間。