客家好棧 (已結業)

晌荃灣城市中心依間客家好棧每逢假日都有好多人排隊，門外定必企滿人等嗌咪，皆因無茶芥，又免收加一，不過，自從舊年初取消依兩樣優惠，明顯排隊嘅人少咗好多 。好似今次一完咗教會聚會即刻打頭陣先過去攞籌等位，點知5分鐘唔使就已經有枱，仲要唔喺搭枱位添 。雖然唔使點等位，但內裡茶客都保持有九乘、十乘滿，環境、服務唔多講，以前食評都講過，所以，快快手講吓食啲乜？味道又會喺點？何解標題用到「嚇家」二字。星期日及假期嘅點心劃一定價分4層：小（$12.8）、中（$15.8）、大（$18.8）、特（$21.8），無下午茶時段（2:00-4:30pm）。不過，仍推出唔少優惠點心供選擇。 特式紫薯卷 $6.8 雖然「平嘢無好嘢」唔喺絕對定律，但有時中嘅機會都幾大，今勻見佢有個優惠推介賣$6.8嘅特式紫薯卷，紫薯本身都幾鍾意食，所以好奇點咗一客。首先，賣相唔喺好得，擺得求其之餘，其中一件仲甩皮甩骨 ，外皮「腍糍糍」，質感好泡，紫薯味比較單薄，認真唔掂檔 ！ 潮州蒸粉粿 $12.8 蒸粉果則做得唔錯，其實皮有啲厚，但唔算好黏牙，而且，餡料頗為平均，唔會一味擠滿沙葛。 香滑奶黃包 $15.8

(730)荃灣客家好棧，其中是經常光顧的酒樓，皆因價錢相宜是主因。某天晚上又來了這裡，點了以下的餸菜。客家炆腩肉、麵醬油麥菜、五耳煲、炸蝦丸及黃酒煮雞。上述最好味的，乃客家炆腩肉。最特別又健康，非五耳煲莫屬了。炸蝦丸香脆好味。黃酒煮雞有客家風味，還有這裡的砵仔蒸飯，做得非常好。總結這一餐尚算滿意。

想搵平嘢食，以前嚟講，去快餐店似乎喺個錯唔得去邊嘅定律，不過今時今日，乜都加到飛起，去快餐店搵食真喺未必平得去邊。好似食晏時段，一個飯唔包嘢飲，動輒基本收費都$30，當然有啲燒味飯、特價飯都仲喺晌$30樓下。如果我話飲餐茶，嘆一盅兩件，仲平過去隔離大快活，你又信唔信先？返完老婆教會，去咗荃灣城市廣場嘅客家好棧食晏，雖然好多人等位，但輪得快，因為佢哋可以搭枱，一張大枱幾家人坐，但唔會坐到逼，大家都醒目互相隔開個位，等大家騷擾都少啲。不過，如你堅持唔搭枱，等啲2人、4人枱就可能要等幾耐吓。客家好棧長期都幾多人排，歸根究底，都喺一個抵字，免茶、免芥、免加一依三樣嘢已吸引唔少人啦，包括小弟，食物質素方面，唔差喎，挽吓手比一啲點心專門店仲要好，始終客家好棧都喺稻香旗下店鋪，管理同質素有一定水平。題外話，先講講依度啲點心收費，除個別推介小食、炒粉飯麵列明價錢之外，其他點心都只喺分小點、中點、大點、特點4類，簡單清晰，平日收費分別喺$14、$17、$20、$23，而星期日及公眾假則收$16、$19、$22、$25，即喺比平日貴$2。今次先點3樣點心，唔夠先再補單。 胡椒鹹菜豬肚 $23大大碗裝滿枝竹

今次要和大家分享一下, 同家人在客家好棧用餐的經歷. 用餐的日子為星期日的晚上, 餐廳座無虛席，環境都幾嘈雜。食物款式幾多，但裝修一般, 一些大的餐桌成正方形.我是第一次惠顧客家好棧, 在報章上知道是稻香集團的. 由於事先在報章知道在荃灣眾安街有分店, 故一早致電訂枱, 以確保可以準時開飯.我們品嚐的是好客情全包宴, 有鮑魚和雞絲翅. 在百物騰貴的今天, 看見一枱只需一千六百八十八元, 便覺得抵吃客家風味盆為各式前菜, 有青瓜, 鳯爪,木耳和牛腱, 味道美,有辣椒油, 更添美味花枝餅拼艇皇骨不錯, 花枝餅香脆. 竹笙雞絲翅做的略嫌稀了點. 清蒸大海斑大條鮮味! 江豉鴨為最後上的一道菜, 我沒有試, 但看到賣相, 該不錯吃木盆鴛鴦糕為芋頭加蘿蔔糕, 水和粉都多了點! 家鄉甜茶粿味道一般, 有進步空間.原隻鮑魚花菇為水準之作, 惟一缺點是此全包宴沒有包白飯, 令我爸有點失望老爸認為吃了客家好棧口渴, 我認為食品算多蔬菜, 比起一般餐廳算很健康, 此餐廳是否實惠, 是見人見智了.

這一晚係荃灣睇完戲，想了好耐都唔知食咩好，男友話想食客家菜，於是就黎左衣間客家好棧。差不多9點，還要等位，但約5分鐘就可以入去坐了。座位好闊大，環境都幾嘈雜，因為多人嘅關係。食物款式都幾多，好難選男友鐘意梅菜扣肉，想試下衣家煮得地唔地道，但係個侍應話買哂於是叫左衣幾樣……酸菜豬肚雞:還可以，但不夠胡椒味，可以更多!手拍青瓜:好味，好爽口唔會太咸，但蒜溶多左啲。浸娃娃菜:不錯，菜身好嫩口，幾入味珍寶鍋:材料都唔少，有玉子豆腐，蝦仁，小帶子，腐竹，瓜菜等整體食物質素不錯。但美中不足係碗碟好多油，洗唔淨

去到荃灣,唔知食咩好,見到客家好棧個名又未食過啲嘢,膽粗粗去咗試,結果....... 兩個人叫咗兩碟餸: 鹽焗雞(半隻)~~望落隻雞已經唔多肉食,放埋入口,雞肉有少少"鞋",入味得嚟唔会太咸,都OK嘅但係唔知点解食到某幾嚿就特別咸呢?攪到我倆連飲几杯水 咸菜朱肚窩~~望落第一個感覺幾好,可能有個爐仔暖住食呱再望一望啲料,第二個感覺喺........咁似朱骨煲嘅?!朱肚洗得好乾淨,咸菜食落又唔咸,而支竹咬落硬咗少少,咁都唔緊要,最大件事喺我哋要邊食邊飲水 咁樣飲水法,唔飽先奇呀!點平都冇用啦!就算冇"衣食"都係咁話,即閃!

晚上7:10, 荃灣食肆到處都係客人, 但好快已有位, 原來係我朋友早到取位 。先講講以下:魚香茄子煲:惹味 , 香,咸魚粒都幾多, 加上肉碎, 味道唔錯, 但油幾多 。咕嚕肉: 酸酸甜甜, 肉夠脆, 菠蘿是新鮮炒,加少少青椒, 唔錯 !粟米斑塊: 一般港式, 味道唔錯,魚夠滑, 送飯一流 。客家碢仔飯: 肉有咸魚粒, 菜粒, 飯帶少少焦, 脆脆哋, 正 !至於服務, 就平平, 好少來這裡吃的我們, 侍應解釋菜材料都嫌煩, 唔多掂 !

平時已經見喱間客家好棧好多人排隊，今次決定試下。好貴，但免茶介同加一。馬友好香，飯又唔乾。好好味加埋醬油一流。山竹牛肉唔係度度都好食，喱間整得好好味。多汁大舊。好味，幾脆幾香。唔記得係咩手抄，開頭唔知係咩，諗住係小炒個類。點知係辣餃子期望愈大，失望愈大。上湯枝竹圈，個名唔記得啦，個湯好好飲。全部飲晒，個枝竹圈都幾多料。牛腩林就幾林，但有陣陣的「蘇」味。羅蔔好食。

時常說神是奇妙的..世界上的人同事都係獨一無二的.套用在食評去同一間店光顧10次.可能10次都不同感受.客家好棧在天水圍光顧過.和這一次荃灣店已有不同的感受....計服務.例:問店員冬瓜盎幾錢..店員話今日五十.明日三十...你可以現在走.明日來食..叫加茶.我自覺得店員黑口.同好大力放回東西....服務點.大家評論.只可說我去有呢種感覺.海山脆排骨:炸到黑黑的.微暖,只可以說還香口的..總算過得去..海味花膠什菜煲:多菜是有益健康的.花膠有3件.之後全部都菜.份量足夠.桂花魚:直情係差.魚質梅.味道全無.汁對我而言也偏鹹.完全不合乎水準.冬瓜湯:飲完十分口渴,味精作怪...5人埋單372元..合理..但不會回頭

心血來潮, 想和家人外出用膳. 爸媽喜歡吃中菜, 便和他們吃客家好棧. 下午已經訂了枱, 七點三我和艾倫先到入座. 可能因為是平日, 沒有太多人, 即使沒有訂枱也可以即時入座. 這次安排了坐圓枱, 我覺得比方枱好, 夾菜容易些, 大家的距離又近些. 叫了茶, 再慢慢看它的大menu. 好像是新的喎. 之前見它只有一張膠片夾著時令菜式, 這次侍者給了一本很大的餐牌給我們參考. 選擇比以前多了好多. 這一次點了客家麵醬蒸紅魚, 時蔬浸雙丸, 幸運雞湯粉絲雜菜煲, 黑椒珍菌炒豬仔柳, 盬焗雞半隻, 蒸飯, 芝麻糊. 客家麵醬蒸紅魚: 爸媽說紅魚很新鮮, 配搭麵醬, 不會太咸, 而甜味又能帶出魚的鮮味. 正! 時蔬浸雙丸: 有小白菜和唐芹, 雙丸則是豬肉丸和鯪魚肉丸, 用雞湯浸, 既有菜, 亦有肉, 不會有太多油, 加了肉丸, 這個菜味道清淡得來不會單調, 正合我口味!只是菜的份量太少, 我估只有正常炒菜份量的一半. 幸運雞湯粉絲雜菜煲: 又是一個清淡之選, 整煲送上來熱烘烘的, 不過可能因為煲太熱, 裡面的菜煮得過火了, 有點黃. 雞湯浸粉絲, 味道可以, 這個平穩之選, 不過不失.

九時到來還要等位, 真是不簡單! 再次到來, 今次發現更多美味食品!!原來這是食客推介, 一試之下果然不同凡響! 味道不大咸, 梅菜很多, 扣肉肥的部分適中, 一定要有白飯相伴的餸菜呢!想不到上湯伊麵味道可是不淡而很有味道的, 龍蝦球肉質彈牙而沒有怪味, 十分不錯喔!是晚服務差一點, 希望下次有改善!

父親同母親先去了等位, 我後到叫左1碟1蚊雞1蛟黎講真係無得彃, 唔會似擦紙膠或者鞋加埋沙薑汁同辣醬真係一流8x蚊冬瓜盅 (因為1x蚊燉盅已極速售韾)好足料, 消暑良品, 又大盅 (我覺得唔嗌都夠食)再加多個晚市孖寶: 上湯淡水龍蝦伊底同花膠什菜煲, 百六蚊左近不過不失啦, 什菜煲味道就較淡, o者o者芥蘭應該惹味d見唔少婆婆都單人匹馬入去開餐, 嗌一碟雞加個飯(甚至唔加)真係...1蚊依家都唔知買到咩, 所以趁機會大家都可以去試下...不過要早返d 5點半前好等攞籌啦

友人有事到荃灣, 就提意到此店試試壹蚊雞.點了一隻雞同好棧孖寶推介 :霸王雞 $1 : 雞大大隻, 沒有將貨就價. 雞雖然無雞味. 肉質未至於會好鞋, 但唔滑. 值得一讚係雞淋上大量蒸魚豉油, 甜甜地帶點蔥香味, 正. 孖寶 $178 :上湯淡水龍蝦球(送伊麵) : 伊麵唔糊口, 龍蝦球都爽, 但用大量洋蔥同蔥粒煮茨汁, 味太濃. 蓋過了上湯味 花膠海味什菜煲 : 花膠都有五六片, 粉絲都OK. 菜有西蘭花, 白菜, 菜心同菇類. 用料足. 如果可以整理吓啲菜頭先煮就非常好喇

星期四放假約咗一班人去行街，行街前要先醫醫肚，一嚟叫咗好多野灌湯小籠包:但名不呼實，只係上湯浸小籠包，味道都幾好，最好都係改改名好。家鄉煎薄罉: 煎得唔够香。蜆芥鯪魚球: OK炸雲吞: 够脆，但油多咗D仲免茶免芥免加一

依間食店間唔中都會幫襯~食評就第一次分享! 整體食物其實唔錯~而且keep得到水準由其煲仔菜最熱賣~冬天最岩食..夠存熱ma! 依日一行2人去食左..梅菜扣肉 - 基本上次次去食都會叫~肥瘦度剛好而且個汁整得好正~送飯一流砂窩焗魽魚 - 配料好足~用豉麵醬令整個煲都好惹味~魚肉好滑完全唔腥又夠存熱~味道夠平衡..好味濃湯浸魚鰾 - 依個唔掂..碟上好快凍+魚鰾好腥又唔夠味~唯有放埋去砂窩等佢熱返d~利用煲仔汁提升返個味砵仔蒸飯 - 飯夠粒粒爽口(更多相片 - http://hk.myblog.yahoo.com/yanomi_chung/article?mid=75028)