宮崎日式燒肉店 (已結業)

作為一個返星期一至五嘅打工仔，去到星期三個心已經飛咗去放假。為咗提升返工嘅動力，所以同朋友一早約定收工後去瘋狂食肉發泄下！雖然餐廳喺旺角雅蘭中心二期，但入口係山東街，大家約朋友記得提佢哋係呢度入。餐廳設計走簡約風，喺七、八點嘅晚飯時間全場客滿，非常旺場！坐低後已經見到有兩款唔同嘅燒肉醬汁，燃起我即刻落單狂食嘅慾望！每二個人同行就會免費有一份「宮崎鮮味之選 」, 分別係日本岩手縣直送仙境純情豚、憤怒火牛仔同冰鎮大頭蝦！「憤怒火牛仔」有仙氣散出，最岩放Instagram Story打卡。咁岩朋友係生日月份，店員仲送咗琵琶蝦俾我哋。琵琶蝦新鮮肥美，肉質非常嫩滑另外職員話俾我哋知因為3月係宮崎開張6周年，所以有抽獎活動，而我哋就贏到水漾鮑魚！聽講如果手風好更可以抽到免1位人頭費嘅優惠！水漾鮑魚個汁勁正！餐廳用寫紙仔方式俾你叫野食，食物種類算多，刺生、壽司、燒物、麵類，一般日式放題有嘅佢都會有！任飲櫃有幾款唔同飲品，特別啲嘅有「利賓納」、「士多啤梨汁」、「提子汁」，不過我最愛都係翡翠檸檬綠茶，因為出面買唔到！落單叫嘅野食上場喇，刺身比預其中好，全部爽口新鮮。極推介龍脷魚，香口有鮮味！最開心呢度有

有一段時間冇喺旺角食嘢 喺旺角雅蘭中心附近 位置都係幾方便 就算食夜啲都唔怕冇車返屋企 雖然係放題 刺身都幾新鮮其實同出名嗰啲日本餐廳分別唔大 加上有好多款式 所以就樣樣都試下 不過三文魚始終係我o既至愛追加咗n次 真係飽到一個點 除咗刺身 燒烤嘅材料都唔弱 最重要係有我最鍾意嘅青口同扇貝 牛肉都有好多選擇 如果鍾意食牛嘅牛魔王 就啱曬 總括嚟講呢一餐好滿足 下次會再幫襯

平時喺旺角食燒肉，好多時都食呢間㗎 不過我住新界，前排比較忙，都有一段時間冇嚟 點知有驚喜喎，多咗好多新嘢，嘢飲嘅款式唔同咗，又有自助沙律吧 。最開心嘅係刺身拼盤竟然有我最愛嘅三文魚子！不過侍應同我哋講係四個人以上先至有㗎~最後仲每人有個青森蘋果送 多人食都仲會諗點樣進步嘅餐廳@@抵讚呀

白色情人節怕多人, 所以就約左男朋友同其他兩pair情侶15號先補食情人節大餐~呢間宮崎平時行過就行得多, 入黎食就真係第一次,中意食刺身既我緊係係咁叫啦旁邊幾隻食肉獸就係咁燒牛

近排忙住搬屋，執到好夜成九點，兩個都好肚餓喇，就決定去食燒肉，成日都見到依間舖既廣告，就決定去試一試佢入到去....佢棟門又係同佢附近啲地庫舖咁難推都係果句重死人任食晝紙形式，想燒咩就填幾多，一入去仲有三款食物俾你簡左先，餐牌冇既，有牛，豬，虎蝦，我地簡左牛，全名係咩我就唔記得喇上面果碟我地都冇叫過但黎左初初睇到個樣覺得應該都好食喇，點知係超油超油超油重要既事要講三次，食落去好似食梗成湯匙牛油咁，真係不得了，差啲想嘔出黎燒粟米，蕃茄，多春魚好食以上既其中一款蒜香雞肉，酸架我冇食，我聽我老公講，食左一啖就dum左lu帶子，淨係食中間果度好喇北寄貝，追加左三次，好食最尾附送既青森蘋果，香但唔爽口雪糕果度唔明點解限住每人只可以食一杯咁小囉，佢雀巢黎架炸結論係我唔會再去食，因為真係太~～~～油喇，我接受唔到

呀妹琴日介紹伊間宮崎燒肉放題店，3月去有機會有「1位人頭免費」既優惠，所以同朋友今日約食飯就即建議左伊間，岩曬我地伊班食肉獸~一黎就有伊盤「和牛拼盤」，每舊雪花紋都分布均匀~ 多汁细嫩，肥美鬆化，個個都爭住食!然後order左 d海鮮，「青口」肉味鮮美，鮮嫩可口，唔錯唔錯~最估唔到係有「雞泡魚乾」，真係第一次係燒肉店可自己燒雞泡魚乾! 油脂清香，非常可口，輕微燒焦味道更好! 好食到要叫3碟先夠~2位以上仲送會狂噴煙的「火牛仔」~再黎仲有「刺身拼盤」，「三文魚」超級厚身肥美，好多放題店都唔及伊間正!!! 而「三文魚子」更唔係間間有，粘粘既口感加濃厚鮮味，好似係日本食緊一樣呀!! 壽司都有好多款揀~仲有我最愛既「芝士年糕」，流心芝士，食落又唔太咸~ 仲有任飲「利賓納」果汁~ 朋友就狂飲有鮮果肉既「韓國士多啤梨汁」~仲有個自助「沙律甜品吧」，樣樣都好新鮮，仲有雪糕任食tim~

因為好想食燒肉，所以早2天決定來這裡食日式燒肉！在門外看到特定時間入座 2人/4人 同行免費專享鯛魚刺身！好似好吸引喎！當然真身也是很吸引的！第一次食原條魚上桌的刺身味道也很不錯👍另外，牛肉都好好味，特別是憤怒火牛仔😊由於肉類本身已經太多，所以海鮮我們只點了帆立貝，沒想到這麼大隻整體來說食物都很不錯，而且種類也算多！魚生、壽司、熟食都有相反飲品選擇就比較少！另外，店裡還提供生菜讓客人搭配燒肉一起食，這樣食的話就不會覺得太膩了！最後還有雪糕做飯後甜品！簡值是大滿足的一餐！跟朋友們都食得很滿意喔！

第一次日式燒肉以往吃日式刺身放題生日當天送左鯛魚刺身Facebook 送大蝦憤怒火牛仔服務態度好薄牛肉好ok辣味薄牛肉ok推介羊架-薄牛肉 -刺身道地檸檬綠茶好好饮

Yo又到情人節快樂恩愛既時光梗係要出去食好西啦 今次來到燒肉放題系列 女友極力推介之 ''宮崎燒肉日式放題''由於我地兩個都係無肉不歡之人 立即進入主題吧刺身系列甜蝦真係好正 入口即融而且帶有微甜 雖然細左D 但口感真係一流😋😋👅一口牛 薄牛 牛舌等等🙃跟住係肉類放題la 哇真係好多選擇 😁d肉類真係好新鮮 💯尤其是一片片既薄牛😍有唔同味俾你揀 當中梗係帶到微辣既最受歡迎la當然唔少得愛海鮮之人的恩物😜有青口 扇貝 海蝦之類 不過食落就冇咩海鮮味反而淡而無味 牛油帶唔出海鮮既新鮮🤔🤔 有少少失望既最後系列串燒我叫左麻辣雞中翼 雞腎 雞軟骨 呢d我平時最愛 發覺自己燒完之後同出邊食開既有得揮wor除左好驚喜之外 真係冇其他字可形容關於環境 服務員態度 😗環境輕鬆當天 裝修機有藝術感 帶有日式風格飲料的選擇 有幾款分別是 烏龍茶 檸檬茶 beer 都幾特別2小時任飲任食 2人埋單先550蚊 溫馨提示：不同的時段有不同的收費8點入座索價268（再加一服務費）最後臨走前 職員幫我地影左即影即有相免費提供tim 真係好Suprise呀🙈

任食日式燒肉，朋友生日決定去大策一餐，黎到餐廳等既人比較多，等左好耐先有位，餐廳係地底，而且要推開兩道門先入到去，其實感覺空氣都幾唔流通。不過我地坐係卡位，都算舒服。坐低之後朋友都第一時間落order，等左一陣就有野食喇呢個係每台限定送既，我地揀左呢款黑毛豬，賣相幾得意，不過食落就一般般，而且份量好少海鮮有帶子，青口同大蝦，每樣叫左d試下，感覺佢有d求其，樣樣都擺一粒芝士落去，其實唔係咩都擺芝士就好食。海鮮過得去，唔算特別新鮮可能係任食既關係，求求其其堆埋一碟就算，牛肉有d比較韌。朋友叫左一堆串燒，其實燒既時候有d麻煩，我地驚d野燒唔熟，但燒得耐支竹簽就會斷，最後我地決定拆開d竹簽黎燒，咁先易燒d今個月有既優惠係每人送一隻聖子王，聖子好大隻，食落好新鮮。任食既食物質素真係有待提升，不過呢個價錢黎講都算不過不失咁啦！

一年前食過一次係唔錯，一坐低有幾碟仔唔同味既肉同個牛肉架，都幾有趣，但個牛肉架仲係有血水滴滴下😨😨。當時既凡立具已經超迷你，燒完後可以話係冇肉食！蝦由始至終都係唔新鮮，好似霉霉地咁👎🏼👎🏼希望海鮮方面要努力改善一下😓😓肉類細細件易入口但好油，刺身一般，北寄貝有沙😥😥除左好少部分係熟食之外，其他都要自己燒，一條菜都冇得食，兩個人燒到夠鐘都食唔哂😟飲品選擇唔算多，亦冇乜甜品，所以二舊再加一就唔值呢個價囉⋯⋯所以呢應該冇下次了。

生豬肉好肥，烤左都食唔到。生牛肉用架上，滴住血，好恐怖。生蝦亦系滴住水嘅。有限量大蝦，每人一隻之類，味道可以，冇挑蝦腸嘅，好核突。要烤嘅蛤肉拎嚟系熟左浸住少少海帶湯，但成碗放系其他生肉上面嘅，碗嘢亦系凍嘅，太似賣剩嘅蛤蜊海帶湯，唯有放D凍嘅蛤蜊去烤，原來D粘著嘅海帶會周圍爆彈，好危險。熟食嘅炸嘢好林，亦唔熱，亦冇味。生同熟嘅食物同樣一系冇味，一系好甜嘅味精加豉油味。食完勁口渴。可以食兩個鐘，但1小時20分鐘已經叫你快D落單last order。

環境空間都幾大，但是抽油煙不足，都幾大陣油煙味上枱會有蝦同牛 豬選一個，選了這牛同豬，上枱有乾冰好靚甘，但其實不好食，完全沒特別，而已太肥一盤牛肉，全部都好薄切，得中間個款幾好食，肥牛太肥，牛肉粒太靭了，牛舌幾厚但係吾好食，羊架就正常無乜騷味，都幾淋雞翼有好多味，但其實每隻味都無乜分別，雞軟骨沒有調味，加左鹽先好食，雞腎好爽口都ok嘅其他豬肉雞肉都不值一提，不好味都有幾款海鮮選擇，帶子燒完超小隻，食左好似無食甘，蝦系大但肉系梅嘅，最好就系青口喇，大隻同都幾有鮮味嘅三文魚無魚味，八爪魚好靭，而且螺肉好腥！！不好食， 北寄貝同甜蝦都正常嘅最後過左時間都無馬上趕我們走係幾好嘅，但係尼種價錢尼種質素真係，性價比好低，不會再考慮來食囉

今日係12月23日平安夜前席，唔使訂位walk in 都入到，咁奇怪。。?其他食市都爆哂棚，原來真係有問題。以前都黎過幾次食，第一次大概5年前，好好味，但而家越黎越難食，到最近又食，oh no, 好難食，比漢漢園更差，但人地收你160蚊，你收300蚊。牛肉冇牛味，d 肉又勁肥，蝦又有d 異味。。。不過個清酒煮蜆都還可以。另外，落單後等勁耐都冇野送黎，我諗住夠鐘都唔走人架。最後狂吹先黎d 食物。唯一好既係其中2個waiter服務都唔錯，加返少少分。。唔會再黎，bye~

十二月飯局停不了，今天又約了朋友一齊食燒肉放題，今次選了這間位於旺角雅蘭中心的宮崎日式燒肉店，位置十分方便。和一般放題差不多，都是劃選菜單飲品和醬汁都是大路貨，沒有什麼特別憤怒火仔牛 - 放在架上送上桌比較特別，可惜牛切得比較簿，燒的時候都是黏在網上燒好時已很碎了各式燒牛肉-質量不錯有牛味但不突出，牛舌非常韌，根本不能咬碎吞下😳至於海鮮方面蝦十分新鮮，燒過後也十分爽囗彈牙刺身質量一般，選擇也很少。刺身切得比較簿身和小塊入口時沒有滿足的感覺，鮮味欠奉