宮崎日式燒肉店 (已結業)

同女朋友行過旺角，女朋友話想食肉肉，本來諗住打邊爐，但我想食熱氣的，就去左隔離既宮崎一開始都好地地，唔洗排隊唔洗咩，７點半入座兩百幾蚊加一差唔多三百蚊一位，旺角食放題呢個價唔算過分入到去，環境唔差，兩個人可以坐到４人枱，見到冇甜品櫃，雪糕櫃得雀雀雪糕，野飲方面就啤酒汽水之類，開始有Ｄ失望到叫野食喇，肉既選擇都算合理，但係壽司刺身既選擇比較少，咁好啦，主題係燒肉，理解既落左單１５分鐘先黎第一碟，同之前某食評講既一樣，依家睇番嗰個食評，心諗：唔通係規舉黎？豬肉方面幾好，但牛肉呢。。。就。。。點解Ｄ牛肉冇味既？點解Ｄ咩一口牛，咬落去啖啖水既？真係好juicy呀！定要講wet？反正一咬落去，就係一塊好多水又冇味既肉，每種牛肉都係咁，除左佢地話２人同行送既辣牛肉真係薄薄地有味道，其他都係垃圾！1st round既刺身都唔錯，三文魚同油甘魚都幾爽口9點鐘last order時叫左2nd round刺身連壽司，真係想爆粗，家陣我係咪食緊明將？明將都冇咁過分囉！辣味螺肉用塊紫菜包住，但點解咁淋既？梅菜定紫菜？三文魚之前明明爽口，依家無論係壽司定刺身都係干身好難入口Ｄ飯好散，好容易突然＂腰斬＂，唔知咁樣

基本上冇乜嘢好食 食過咁多間放題最差嘅一間刺身唔新鮮 服務態度差嘢食等好耐 剔咗同一張紙有一半都無落單飲品選擇少 豬肉牛肉無味又唔好食 只有清酒煮蜆同埋粟米好食今次燒肉放題太令人失望 唔會再來

第一轉落order,等左15分鐘食物至黎到，但冇黎齊所有食物，D牛肉片一疊仔咁上，但好多肥油！衰過D百幾蚊任肉打邊爐！肉質好差!再叫第二次野食等左45分鐘都冇食物！問待應佢地都係係咁拖，但係冇野出比你食，兩小時放題個半鐘就已經比單你叫你找數！五個人有三位女士連加一，$1584但就食唔飽！待應態度都唔係太好！唔想大多無辜人受害故此出呢個post! 請各位小心選擇，以免中伏！

任食日式烤肉，限時兩小時，一開始就點了主打菜「牛」，但等咗半個鐘有多先有，好似貴嘅就慢慢上，先上晒啲配菜平價嘢。每枱可揀一款特色燒，我地要咗大蝦，蝦都算大隻，肉質實實。魚餅意外地好味😋到食主打「牛肉」，點咗好多款但一碟上，唔知乜肉打乜打，只知大部份都好韌，咬唔開，但絕對唔係因為燒得耐韌，有懷疑切錯紋，不過連一口肉粒同樣都好韌呢😝。羊架好味，唔食牛食羊補返數😁三百幾蚊一個人食韌牛就真係好貴啦，去任食燒烤場食好過😂

呢餐飯真係食到一肚氣，除左豆腐沙律件豆腐係正常之外，其他野都好難食好唔新鮮。燒肉質素差，牛舌咬唔開，好多款肉都薄到紙咁，冇試過食燒肉只係點左一次肉冇encore，因為諗起都驚。多春魚冇挑內臟，苦到刺身更加伏，八爪魚係霉既，吐都吐唔切，啲甜蝦食一隻就夠，唔新鮮之餘仲覺得怪怪地，唔似平時食個啲。三文魚點左但係已經唔敢試。天婦羅係比較正常，不過不失。拉麵烏冬個啲因爲食得太少都要叫一兩碗黎頂肚，味道就算啦，冇期望就冇失望。但係服務係唔錯既，環境都舒服，洗手間乾淨，希望可以努力改善食物品質。

之前一直都想黎試下, 今次朋友生日, 請佢食生日飯, 一早訂左位。呢到食物種類多, 有壽司, 刺身, 海鮮, 燒肉, 有我鍾意食既台色香腸, 好好味, 刺身新鮮, 仲有海鮮任叫, 味道唔錯, 肉類選擇繁多, 大家都食到好飽! 大滿足!

琴日我地一行5人去食得一個爐都算😑個火已經係較到最大😨但係完全無火😨d野食燒勁耐都未得。畫左第2，3，4輪既野食等左當半個鍾都未梨😳我地一共燒左一個鍾但無咩點食過野，仲係勁肚餓。呢間野真係x店。仲要一人250蚊！！250唔係問題，我黎都知道係咁既價錢但唔飽個下先想喊大佬😤請我都唔會再去😤

一直都冇寫食評的習慣，今次點都要上嚟講下! 上星期六到該店食生日飯，店員服務態度甚差，全程都係自己收碟執碟都算，客客氣氣想麻煩店員幫忙影張全家慶祝相(擺上fb都益你地宣傳啦)，該店員(見上傳相片)面黑黑拿住我部電話口up up(疑似講粗口)，求求其其按咗一下擺低電話就走，拿返電話一睇，得返鬼影，真係火滾，我知你忙，所以都自己執位收碟冇叫你地，係咪影張相一分鐘都唔洗都要咁對客呀…用二千蚊嚟買氣受，一定black list，唔會再有下次!

記得幾年前食過依間宮崎 啲食物水準好 服務態度都唔錯 今次同學約食飯咪推薦依間唯一評語：大失所望！唔計last order叫左4 round食物 食物黎得勁慢！我地8:15左右入坐 每隔10分鐘左右就落單（因為冇野食唯有再落單） 成9:00先黎齊哂頭2 round 啲野食9:00就話last order要人埋單落埋最後一次野食 態度惡劣 完全係想趕人走既態度黎！成枱都係遲到既食物 根本落唔到單 唯有稍後先落 但係！不斷黎催我地加單 我地已經清楚講明 前一批既食物都未黎 落唔到last order連「幫我地跟跟」既門面說話都唔講 只係催我地落單我地無奈唯有落單 但係等極都未黎 侍應又黎催 咁唯有講番已經落左 但係成張單冇黎到利申返先 我地只係叫左4樣熟食 一張紙搞掂跟著 我地就比個侍應鬧啦冇錯 好似小學欠交功課咁樣我地比個侍應鬧鬧我地遲落單 搞到佢地漏單所以我地唔可以快啲走人交番枱比佢地啦（以上為該人親口所說並沒有設計對白）.............excuse me?我地都無話可說啦 唯有不斷道歉認錯啦 即刻重新再落過單 果侍應幫我地跟番 即刻黎齊哂啲野食啦 又比人鬧多一鑊 冇錯 係又

侍應服務很差，一野中買來，未知發火咩事，大大力關火。羊架鞋到吃唔到，扇貝細只到丁甘大只，牛肉太薄，燒起來碎到夾唔起來，三文魚切到超薄片，重要每次只可以叫十片，魷魚腥到入口即吐，到最後，叫個甜品，朱古力脆脆一口咬落，勁像豬油，一入口即吐。無下次幫親，

同幾個朋友食，我帶住個差不多2歲既仔仔去食，但全場得一張bb椅，坐坐下重問我要五要，要比其他客用，一去五洗等有得入，入到去就如常叫野食，刺身、壽司個d都算快黎，但我叫個熱烏冬比個仔食佢就比個冷既，再落過單啦今，點知就咸到爆，跟手叫既牛，豬，雞全部都勁耐先黎問佢可五可以幫我睇下，佢就call入去廚房跟，點知都係無左回事，今我唯有再落單啦，等左勁耐，我再同個女待應講點解人地後面遲黎過我既成枱野食有得燒，我就乜都無？？今次有野黎啦，3隻雞翼，3粒牛肉粒，幾片黑邊既肥牛卷，個待應話廚房得你呢張單，我話我後尾落左幾次窩，佢話後加既單重覆左廚房五做，我話問題係你連我坐低落既第1張單都未比到我！！！等到一肚氣，點知d牛肉粒勁多根勁un，完全食五到，屋企自己整都好食過佢，真心五會再去食！！！成晚真係等到飽，第一次數得出自己放題食過既野！（甜蝦，三文魚棘身幾件，雞軟骨一串，牛肉2片，豬肉1片，雞翼1隻，牛肉粒2粒重要難食到吐番出黎！！！）最重要問題係，食完第二朝起身即肚柯（已經係熟先食，呢個今熱既天氣我都五敢食生豬牛雞啦！！）真心五會再食！！！

首先唔講環境同食物質素，真心懷疑你地果198個好評點得返黎，一係就係香港人實在太善良！員工服務態度極差，講野一舊舊，倒瀉食物落客人度可以一句道歉都冇，話轉頭上過一份？果一份去到埋單都未見影啊，定係你地既員工係係度搞笑？限時兩小時唔緊要，好多放題都限時，但係走單走到七彩，問客人last order前真係唔該你地check下走左幾多單先啦...食完d碗碟放係枱上面九個字都可以冇員工清理，但係就不停見你地d員工推清潔車入去，幾個經過既員工明明望到d碗碟都可以扮睇唔到完全唔理，不過見到客人枱面有帳單清潔個阿姐又識得第一時間走去問客人埋單未喎，即係點？上食物就慢慢黎，趕客走就你至快？講完服務同你講食物，勉強加到分既得牛柳粒，其他肉食尚可，但係要客人受員工氣，食龍肉都冇味啦？份量唔洗講，限每單每項目最多寫10件，但係黎又黎唔足，仲要眼見附近幾枱都漏單，呢個餘興節目都幾壯觀！咁既服務質素敢收人258仲有面收加一，比錢買難受，絕對冇下次！

出開去旺角，咪去試下這間，開頭都冇乜野。只係一食入口，其實已經知質數馬馬地，不過見佢唔係貴，就算係合理啦。落間第二round,開始黎d我冇order嘅野，都算！番到屋企，去厠所都去到腳軟，以後請都唔會去。如果想去的朋友，要腸胃好好，先好去！

今次去位於旺角雅蘭的<宮崎日式燒肉店>. 首先一坐低就已經有八色燒肉迎接你(四款雞肉和四款豬肉，一次過試曬八種味道)，而2人同行更會送你三選一(冰鎮大頭蝦，憤怒火仔牛，和仙境純情豚)，牛魔王的我當然選擇了火仔牛(就是辣味簿牛)，的確唔錯!開始點單了，菜單分為A-H, 有海鮮, 蔬菜, 粉面飯, 炸物, 黑豚肉, 和牛，雞肉(詳細menu請看照片).首先當然要選刺身先啦~ 刺身方面都算新鮮，選擇足夠，不過切得很細塊，要叫很多才會滿足。之後急不及待要燒下肉喇~! 牛肉方面，都比較有驚喜，牛肉鮮嫩多汁，最喜歡食牛柳粒，味道最濃最多肉汁。豬肉方面最喜歡就是豬頸肉，爽口好味，雞肉方面因為前菜已經食咗，所以燒咗唔同味嘅雞翼，雞翼都幾大隻好滿足。炸物方面最好食係炸蝦和炸蠔。到咗最後當然要食下燒菠蘿~~! 菠蘿鮮甜多汁，我應該有食左十件! 哈哈! 飲品方面都是普通汽水和烏龍茶可供選擇。提提大家，如果大家想食雪糕一定要問店員，因為出面冇雪餻櫃的，不知道有雪糕食啲客人可能會miss左。總括來說, 雖然食物質素都算好, 裝修都算唔錯, 不過有點扣分就是個爐, 當有油滴落個爐時, D火就非常猛

Cool！今次九個人，餐廳比左間房我地，哈好彩比左間房我地炸！可能怕我地太嘈，不過我地真係好嘈！六個大男人講起野上黎嘈到啦！如果影響到其他客人，真係唔好意思！！可能餐廳係地牢既關係，我覺得抽油煙唔係太好啦！其實個爐本身都係有位置抽煙既，不過唔係個個都係大廚！D男人COOK到D野黑曬好多煙個爐個抽氣位根本唔足夠，不過都係登D野唔慘！大嘥鬼會黎搵你地！「八色燒肉」就係四件豬腩和四件雞肶肉，本身我意為兩個爐會有兩份八色燒肉，不過佢得一份。九個人得八舊肉仔都唔夠食，所以咩味都唔係好食得出。。刺身都幾多選擇呀！不過大家就唔係好食生野。又唔係放得好靚。係D魚下面放甜蝦，D蝦咩味都冇曬！「憤怒火牛仔，仙境純情豬仔，冰鎮大蝦」我地九個人依三樣野可以選五樣，每樣我地都有選到！我地覺得最好食係大蝦第二係憤怒火牛仔第三係仙境純情豬仔！冰鎮大蝦有我隻咁呀！重有好多蝦膏呀！講真一句，我覺得豬肉好食D，係架上面清楚睇到肥瘦分明燒出黎D油分好靘靘，可能我唔怕食肥野啦佢D串串幾好！佢個點紅點綠原來就係大蔥同蕃茄仔！感覺有D比騙了！不過我太鍾意食雞軟骨！我地叫左30串！其他野食都OK呀！大部份食物都係以原汁原味為主，雖