宮崎日式燒肉店 (已結業)

一向對放題或自助餐都興趣不大(一來食量不大二來不喜歡給人趕的感覺), 今天朋友相約就下佢地, 點知就領嘢朋友先去坐低, 但我們其餘四人遲了15分鐘才到, 去到嚇一跳, 7個人坐卡位??雖然6大1小, 但都好逼, 但得一個爐, 那燒得切??七色肉: 一般啦, 但得两份?? 因二個朋友先到, 之後未見過......算羊扒 : 冇騷味係冇味, d肉仲好'鞋', 我呢d羊怪竟然食一塊就算生菜有d黑黑地....免嘞, 炸物相當厚粉, 冇哂興趣亦唔熱清酒蜆 : 定清水蜆??, 沒有酒味每兩人送一份的辣五花肉 ; 賣相醜, 肉太肥, 除了辣味, 還是辣味, 最大問題是甩單, 限時兩小時我們的爐有半小時休息時間, 我地又唔知它來不來就再下單, 去到差15 min夠鐘埋單後, 竟然一次過將一個小時前的order一次過來哂, 一時間成枱都係, 乜野意思呀, 食唔哂有罰款, 最後我們發脾氣地食哂全枱食物, 超時都唔走, 最尾10min至送食物來係咁架啦, 逼我做蟹客, 冇下次

聽朋友講宮崎燒肉唔錯，想試好耐，今晚終於約到朋友！旺角地鐵站一出行5至10分鐘左右往油麻地方向再行過一條樓梯，就到餐廳。宮崎燒肉係以燒肉做主打，類似日式牛角燒肉岩晒我呢啲牛魔王。舖頭坐位唔算太多，不過坐得都舒服。另外餐廳送埋「憤火牛仔」。入口牛肉味濃，其他肉類方面，餐廳豬頸肉切得好厚，食落味道濃厚，啖啖肉。牛肉粒, 醃料整得唔錯，唔會易焦海鮮，雖然海鮮燒完會有一股炭味，但餐廳的海鮮都算唔錯，食落肉質唔會有爛嘅感覺，羊肉，餐廳切得薄，兩邊燒一陣就食得，不過味道ok，食落肉質唔錯。其他食物方面，天婦羅都算唔錯，上枱果陣有點凍。各種刺身我覺得份量大啲會更好，同埋壽司不過食落口都算係ok總括而言，宮崎燒肉係個就腳gathering嘅好地方，不妨黎呢度試下。

有日係某雜誌出版的得獎專輯入面見到旺角有網燒燒肉食, 而且二百蚊左右就可以任飲任食, 當然要約男朋友試下~聽聞宮崎燒肉經常滿座, 所以一星期前book定比較穏陣。17:30-19:30 時段進場最抵食, 每位$188再加一。店舖位置係雅蘭中心地庫, 但入口係要出返路面轉個彎先見到, KFC的斜對面。入到去侍應好快就送上8色燒肉, 4塊豬腩4件雞肶肉, 雞肶肉非常juicy! 二人同行送一份menu無既肉類, 冰鎮大頭蝦 / 憤怒牛仔 / 仙境純情豚。大頭蝦差不多有一隻女仔手咁大, 蝦膏仲好豐富呢~ 如果約當月星座生日既壽星仔女去再會送豪華海鮮或肉類。豬牛羊海鮮蔬菜任點, 亦有刺身壽司食, 飲品就自取。刺身都夠凍, 細片但厚切過下口癮幾好。燒肉以原味為主, 有調味既種類都唔會重手, 汁少減少燒網燒焦既機會。最鍾意羊架無筋羶味輕, 海蝦鮮味十足又彈牙, 牛油扇貝大推介!!食到膩可以燒新鮮菠蘿, 再飲埋烏龍茶中和一下。網燒比起傳統韓燒火力平均, 火力大又唔會燒焦薄切既肉類~ 上菜快無漏單, 所以好快燒到飽。

話說今晚即興同女朋友去食放題，但又想食燒烤，到最後試呢間，野食真係一般，勝在份量多，野食上得唔算快，附近幾台都有漏單，牛肉算係比較好d，雞同豬就一般，不過不失，壽司就細件d，海鮮唔太新鮮，唔知係咪因為食飯時間，人多就出得慢，食完都有少少口渴，但環境，服務態度唔錯

我雖然是女生，但我認，我有個黑洞胃，也是食肉獸不要跟我談什麼減肥之類的事情，我只怕肚餓，只怕不飽肚來到日式燒肉店就是要大吃大喝，就著的去吃便不痛快了一位侍應帶我們到座位，另一位便即時端來招牌「八色燒肉」 「八色燒肉」包括香蔥、胡麻、黑蒜、山葵、紅酒、千島、辛茄、芭蕉，八種味罐裝飲品是任喝的，真好刺身是一般款式，排得整齊，我最喜歡吃的是三文魚，切得平衡的剛剛好，鮮甜肥美 壽司來說，我最喜歡吃鰻魚壽司，百吃不厭凡二人同行便可以免費從三款裏自選其中一款 :「冰鎮大頭蝦」、「憤怒火牛仔」或「仙境純情豚」「仙境純情豚」端上來的時候，豚肉下面冒著一陣一陣的煙，感覺挺有氣勢的味道是甜甜的，肉質是嫩口還是嚡口，就要看自己的烤肉的手藝，我烤的當然是惹味又滑嫩吃肉獸，就是要吃肉，急需吃肉牛肉的味頗濃郁，肉質滑嫩柔軟，我喜歡吃偏生的牛肉，略烤數秒便會吃 ~除了優質牛肉外，還有豚肉、雞肉、海鮮，肉質還不錯的也夠肉味，燒好後蘸蘸醬汁來吃，就是爽朋友們全都飽上心，敗下陣來，只有我在吃，沒錯我就是黑洞胃

是日同女友行街食飯, 我就偷偷地卜左呢間宮崎日式燒肉, 其實好耐之前已經好想試, 因為而家成街都係韓燒韓燒, 燒到聽到個韓字都驚驚地X(由於佢係雅蘭中心既地庫, 而入口係雅蘭外面, 所以就算平時行咁多旺角, 都好少會留意到呢間燒肉,但只要見過佢門口概都會留左一個印象, 因為對我黎講, 日式燒肉真係比較少見, 仲要重點係"網燒"!!!!落地庫既樓梯好有網燒主題既氣氛嫁! 一坐落黎, 上左兩隻唔同既醬汁, 甜豉油同芝麻醬, 正!! 另外送左一個好有特色辣辣牛肉, 用木架上, 下面仲有乾冰出緊煙嫁! 超正! 點左野之後, 最早上既係牛肉, 一口牛, 薄牛肉, 唔同口味, 款式真係講都講唔哂, 今次都試唔哂咁多隻款,個人黎講芥辣味最好食, 因為我好中意芥辣XD!! 由於我地中意食牛多D, 所以冇咩點影到豬同雞, 呢到有舊燒好既雞, 佢D雞舊舊都yip得好入味, 而且都好滑嫁, 最衰食量少左唔食得多TT燒緊既時候真係不禁諗起好細個個時玩既一隻flashgame, 都係玩燒肉既, 但game入面D肉好易燒到黑哂, 實際上都唔係咁難姐~另外有得燒海鮮tim!! 青口元貝最正XDDD 上面加多舊牛油

嚟宮崎燒烤，先要過佐「八色烤肉」，「八色」指嘅係8種燒肉口味，包括香蔥芭蕉、胡麻、黑蒜、山葵、紅酒、千島、辛茄和芭蕉香噴噴，一邊燒一邊劃定其他嘢食，出面汽水機任攞汽水啤酒連韓茶都任飲。刺身嘅質素係適中嘅，燒肉最著重火喉。軍艦一啖一粒，上面餡料爆滿肉嘅肉質好，調味唔差，只要好好嘅燒，外脆內軟一走食到。最後得一杯雪糕。

平日與朋友晚飯，旺角永遠都是最好的地方之一，交通方便且存有不少隱世美食。難得同朋友見面，當然要吃一點點比較好的餐廳，放題是其中一個好選擇，可以選揮自己的美食，攬住肚腩離開的滿足，非筆墨之形容。 平日日式放題的餐廳十分多，但可惜質素沒有保證，吃極都是刺身等，很單調。故決定吃一個燒肉放題，滿足心靈。 先來一個主打 「八色燒肉」， 當中有不少口味的燒肉，包括牛，雞，豬，燒烤味，黑椒，蜜糖等。而且每件的份量都十分少，總會有一種是適合自己口味。 令人覺得這個放題CP值高的原因是有很多不同的海鮮。先來一個牛油帶子，每一碟的份量都不細，而且很新鮮。 緊接的是大蝦，大蝦用作燒烤，可以將蝦頭的蝦膏逼出，而令十分香口。這個大蝦已令整個放題的數值大大提高。 說得上燒烤，當然少不了一堆堆牛肉。我們作為「牛魔王」，牛肉當然是主打之一。 肉身的脂肪比例十分平均，而且肉質鮮口，可以稱上是上等的質素。肉身的油脂將味道帶出，十分香口。 當然少不了刺身！ 刺身都十分十鮮，比起平日日式放題的質素比，十分接近。而三文魚等都十分新鮮厚切，很不錯。

早就聽啲朋友講過話宮崎燒肉幾好食，一直想試好耐，今晚終於紉到朋友去喇，超興奮囉！！在旺角地鐵站一出行5至10分鐘左右再行過一條樓梯，就到餐廳喇。一去到我先知原來宮崎燒肉係一間以燒肉做主打，連刺身同熟食都有得食嘅舖頭，我之前一直呢度係淨係食燒肉，真係唔知原來有呢種食法，不過日式牛角燒肉，再加埋大量嘅刺身，應該好正。。。至小一定食到飽，岩晒我呢啲肥仔。入到舖頭入面，突然發現原來宮崎嘅坐位唔算太多，不過坐得都算舒服。另外餐廳而家二人同行仲送埋「憤火牛仔」。入口真係牛肉味濃，而且味道超鮮美。。。其他肉類方面，餐廳的豬頸肉切得好厚，食落味道濃厚，啖啖肉咁。牛肉粒, 醃料整得唔錯，唔會太易焦海鮮，雖然海鮮燒完會有一股炭味，但餐廳的海鮮都算唔錯，食落肉質唔會有爛嘅感覺，牛油扇貝大家黎真係要試下。羊肉，餐廳切得比較薄，所以兩邊燒一陣就食得，不過味道都ok，食落都肉質唔錯。其他食物方面，天婦羅都算唔錯，粉唔會太多，不過上枱果陣有點凍。各種刺身我覺得份量大啲會更好，同埋壽司不過食落口都算係ok最後食左咁多肉，緊係要食番啲沙律中和下喇。總括而言，我覺得宮崎燒肉係個就腳gathering又食到好野嘅地方，如果

餐廳係旺角實在太方便~入場, 環境乾淨, 座位非常多,但係都係坐滿晒~ 實在誇張。(建議訂位)訂左位, 等左2分鐘就入得~ 正一坐底就一份八色燒肉每樣肉都試下!之後就老實不客氣~ 超大食!!叫呀~叫呀~黎得放題, 真唔好比佢停, 食得晒就要叫主打都係肉類: 雞/牛/豬叫呀~海鮮有帶子/多春魚/蝦/青口.真係好抵食~  喪叫喪食~肉既質素絕對對得住個價錢!而淹製過的肉, 係穩陣之選~燒清酒白蜆 就必點~蔬菜有菇菌,菠蘿, 茄子燒菠蘿, 點完又點點完又點點完又點我女朋友食左8片=_= 係佢食得最多的item最岩一班朋友黎吹水食野~ 食到好high~  當全場爆滿時~ 見到煙霧迷漫~ 感覺好正~~  

中午相約了朋友到旺角睇戲然後晚飯，難得天氣突然轉冷，再次來到宮崎主要是由於地點便利而且座位舒適，沒有過份擠迫的感覺，可以跟朋友慢慢烤肉慢慢聊天無需等候太久，店員經已收拾好桌子安排我們入內，而桌面上就已經擺放好一份份餐具及醬料，醬料有燒汁及麻醬,豉油有需要時可自行加入同樣先看看餐牌，2人同行即送一份宮崎鮮味之選，有冰鎮大頭蝦,憤怒牛仔及仙境純情豚3款選擇。而另一邊就寫有價目表:週日至週四:17:30-18:00前 成人$188。小童$13818:00-19:00前 成人$208。小童$14819:00-21:30前 成人$258。小童$13821:30後 成人$198。小童$138週五/六,公眾假期及前夕:17:30-18:00前 成人$198。小童$13818:00-19:00前 成人$218。小童$14819:00-21:30前 成人$278。小童$13821:30後 成人$198。小童$138週五至六還有一節宵夜時段:23:00-01:00 成人$198 。小童$138食品方面就有刺身、炸物、壽司/卷物、小食/沙律、和牛、黑豚肉、地雞、海鮮、野菜、烏冬/面及飯類等飲品方面就有百事,

位於旺角雅蘭中心二期地庫既宮崎燒肉放題一向都好多人，經過時長期有人等位，所以今次一早訂好檯去大擦一餐 !這個櫃最下層擺放咗一杯杯既生菜，拎飲品時記得拎埋呀! （當晚所見，生菜杯超搶手呀！）燒肉用生菜包著食別有一番風味又無咁熱氣!  汽水啤酒任飲，隨意在飲品櫃自取，唔使畫紙仔 ，方便!  還有雪糕杯，也是自取!燒肉放題有：牛/豬/雞/羊/海鮮/野菜、刺身、沙律、壽司、炸物/天婦羅、烏冬、拉麵、飯、汽水/啤酒；有好多食物可以點喎 ～ 咁多張紙全部都可以任點任食，開始有選擇困難症.....每檯也會自動捧上的八色燒肉 ～ 質素很好，全是厚切 ；八色即是紅酒/黑蒜/辛茄/香蔥/芭蕉/胡蔴/千島/山葵，8種口味各有特色~ GOOD !每二人同行免費3選1既宮崎鮮味之選 , 分別係 冰鎮大頭蝦/憤怒火牛仔/日本岩手県直送仙境純情豚，這一個木架上的就是「憤怒火牛仔」~ 有睇頭 ， 而且肉汁滿滿 !自選刺身 ～甜蝦北寄貝八爪魚，質素也不錯!冰鎮車厘茄，有大量冰粒墊底 ~ 小蕃茄新鮮可口依條腸好好味，推介!!!!!! 建議食時記得用生菜包住一齊食咁就唔怕太熱氣!爐內放滿食物, 好忙碌但勁豐富，除了肉類還有

朋友間慶祝生日，放題係走唔開嘅慶祝活動，而我哋今次就揀咗宮崎嘅燒肉放題！因為餐廳位置非常就腳，係旺角地鐵站行5分鐘都唔洗就到雅蘭中心宮崎喇！我哋一坐低，就即刻送上12星座燒肉，初頭食咗幾舊就估佢哋係咩味，點知原來餐牌有介紹到每款味道，有紅酒、黑蒜、香蔥、辛茄、胡麻、千島、芭蕉同山葵。一共8種醃料味道，都幾有特色！咁多款之中，我反而覺得個味係胡麻好出色，燒完之後好香口。因為一次份量太少，又點夠我哋食呢？所以我哋再encore多幾次！我真係超鍾意呢度嘅食物款式好多種類，有炸物、壽司、雞肉、豚肉、和牛、海鮮同菜喇！又有唔同口味醬汁簡，有味之餘又可能帶出肉類本身嘅味道！拿捏得不錯！食肉當然係我哋嘅重點！今次就推介放題必食Top 5：Top 1－黑椒薄切牛舌，口感煙韌，燒完有少少香脆，非常讚，我哋encore左兩次！Top 2－黑椒一口牛粒同辣味都好味，肉質都夠嫩滑，每粒肉都厚度都岩岩好，又唔韌！辣味簡直係我嘅最愛！Top 3－嗱！食牛硬係要肥瘦均勻，肉質口感先係最fit，半肥半瘦嘅肉紋，呢幾塊薄牛就盡情表現出嚟！Top 4－燒雞翼食我至愛！呢度連雞翼都有唔同味，絕對唔會hea！有蒜香、蜜糖、辛

去完日本番黎同好姊妹Gathering，順便派手信!!!雖然個人番左香港，但個心仲留左係日本...和牛呀~~~刺身呀~~~日本呀~~~燒肉呀~~~~為左一解單思之苦，決定番香港再食多次，所以就揀左去宮崎同好姊妹食番餐飽!!!!!!!入座之後店員就好快手放左八碟燒肉上檯!!八碟燒肉有唔同既口味，分別以千島、胡麻、芭蕉、香蔥、紅酒、黑蒜、辛茄為醃料，款款都醃得非常入味!!!唔洗點醬料都已經夠哂好味!!!!我地一行4人仲有野送添~2人同行就可以揀一份冰鎮大頭蝦/憤怒火牛仔/日本岩手縣直送仙境純情豚中意食海鮮既 一定要揀冰鎮大頭蝦!!!大頭蝦唔只果頭夠大，仲超級大隻，長過手掌。雖然係大隻，但食落一d都唔”鞋”口，鮮味十足，唔落鹽都夠哂味，夠哂鮮甜，仲好彈牙爽口添!一口牛cp值爆燈!!! 餐廳採用澳洲和牛，水準非常高，係我既大愛唷!!~牛粒既脂肪比例分佈平均呈雪花狀，燒起上黎牛味濃郁香噴噴，令人胃口大增!一口牛size適，岩哂又為食，又要顧儀態既女生，呵呵!!牛粒入口肥美，肉質鮮嫩多汁，簡直人間極品。等牛粒燒熟期間，梗係唔會錯過刺身環節喇!刺身既款式都十分多元化且頗高水準，有三文魚、甜蝦、榮螺等

燒一燒賀新年, 決定去食燒肉燒旺佢, 揀左得獎燒肉店宮崎日式燒肉 佢地大玩星座配野食, 雖然九唔搭八, 但做人又何需太認真!? 輕鬆下啦香港人 每人的三色醬 每二人同行即送, 我地2條友揀左憤怒火牛仔, 上台個陣個底仲要識憤怒到出煙, 剩係睇都已經開心晒, 加上佢肉質鮮嫩, 真係無得頂 配給的豬肉同雞肉, 因為實在太多野食, 我真係唔記得佢係咩肉, 只記得兩隻肉都好好肉地, 咬落彈牙, 讚 燒雞翼我鍾意食, 雖然要長少少時間去燒, 但本身醬料已滲入雞翼內, 一路燒一路香味四溢, 也是一種享受 海鮮都唔可以少啦, 無論蜆, 蝦同帶子都非常新鮮, 牛油香味自由配, 我就鍾意重牛油味 都叫左D壽司同甜蝦, 壽司無咩特別, 甜蝦則大大隻, 爽口彈牙 燒到懶, 叫左好多炸物, 非常香口卜卜脆, 亦叫左個熟蜆, 但略嫌唔夠辣 總括三舊水之內食咁多野都算幾抵