家嫂

營業中

休息中

食物質素差，前菜冇樣好食，肉類又要配給，海鮮冇甜味啲蝦有電油味，手打丸很難食重衰過凍肉舖貨色，連蟹都話冇哂，飲品淡而無味，食過最差嘅Hotpot ，收咁嘅價錢真係取差嘅體驗！

垃圾級別！前菜冇樣好食，飲品淡而無味，手打丸衰過凍肉舖貨色，海蝦有電油味，其他海鮮冇甜味，蟹🦀️又話冇晒，成晚到底食咗啲咩，一味得個嘈字，唔怪得執淨柴灣分店。

第三次去柴灣呢間家嫂，頭兩次係同同事十幾人去，今次就同夫人兩個人去，食物質素一樣好，服務質素亦比美以服務出名的海X撈。個人認為要改善的是，如果人少可以轉細份就更加好！家嫂最正之處係，你基本唔駛諗要點咩黎食。佢有四個主題（階段？）第一段係前菜，一共有七味，好食到你食到半飽（咁就洩哂底）。第二段係刺身，不過不失，最唔好係無得添加。第三段係雞煲，係主菜？又真係好味嘅！識食一定食辣！第四段先係邊爐，一定要訂台提佢留花膠湯底，只有完成到第四段，你就會覺得400蚊一位係何其抵食。總有，識飲一定要叫佢地啲特飲，唔好剩係掛住拎櫃入面啲涼茶呀！！！總括而言，你叫哂啲大食朋友去，佢地一定會滿足

安心出行取消咗，同老公出去食餐好先天氣凍，又唔想出咁遠 家嫂 就最啱家嫂 當然係任食火鍋啦次序係：刺身、小食、雞煲、火鍋、甜品多款自家製飲品任飲刺身只嚟一轉，冇得翻兜小食9點前可翻兜元貝同糍粑翻兜咗一次雞煲唔記得影，翻兜一次（小辣，中辣）食到火鍋，我已經覺得飽海鮮可翻兜，我哋集中翻兜 鮑魚、蝦同蟹豬同牛我哋只食咗一碟集中攻打海鮮最後係芝士蛋糕🍰，飽到只食出甜味兩條友埋單$810星期五晚爆場，建議不要玩即興可以食到晚上10:00，唔點限時味道ok服務員ok衞生我俾唔足分，冇去廁所睇睇，持平價錢為都ok食過初心…我個人覺得比初心抵食好多囉

有頭威，無尾陣！😠😠😠刺身、小食都ok，去到打邊爐個part，頂！D鮑魚臭嘅，D聖子多沙到暈，D🦀殼仲有好多泥痴住，好明顯係冇洗乾淨 🤮🤮 🐷🐮都係一般貨式🙄🙄服務質素👎👎👎，講明紅白酒任飲，唔比自己斟，叫佢斟就等N世，再西9你面，咁係咩玩法?? 🤔🤔160分鐘放題，我地仲有47分鐘先完，叫野食咩，呢樣冇，個樣又冇都算！咁我地諗住飲下酒，傾下計都算啦，但侍應同我地講：D酒已經收左車，呢round已經係最後一次(黑面mood)，咁點解你唔一早講明幾點收酒車呢？！呢間野真係無下次，永久blacklist🤬🤬🤬🤬

今晚6人去食，先上魚生，質量一般，份量較預期少，對比隻船那麼大…雞煲可以，但豬皮不夠入味、蜆有沙。邊爐叫咗花膠野菌湯底，只有兩片花膠，之前其他食評似乎言過其實。食物質量還好。其他小食、飲品，環境都不錯。就是洗手間需要清理密一些…

📍#家嫂人均消費: HKD417家嫂剛剛開嘅時候食過一次，已經好幾年，當時印象勁好！今次一行16人，刷餐勁嘅！佢係雞煲放題，每位$348 ，台式飲料，紅白酒任飲，但啤酒就另計！成個放題分八主題，刺身，小食，雞煲，火鍋，樣樣齊！💯季節當造刺身一圍夠8人就會有一米刺身船，上台真係超震撼！刺身有帝王蟹，鮑魚，八爪魚，帶子，三文魚，油甘魚，池魚王，海膽等等！唔好睇小佢主打火鍋同雞煲，啲刺身真係非常新鮮！全部都勁正🤤💯精選𠮩𠹌小食一坐低就已經有六至七款小食，最鍾意去過松露蝦多士，熱辣辣又香口！仲有胡麻翡翠螺同花甲都好好味，食小食已經食到停唔到口💯惹味雞煲佢個雞煲超濃超惹味！雞肉超級滑而且超入味，尤其雞皮特別香！雞煲裏面仲有好多豬皮，蜆等等，全部都勁正！如果你未想打邊爐，係可以要求家雞煲，直至你食夠為止💯四季湯底我哋揀嘅係家嫂花膠老火湯，唔係講笑，打邊爐前真係飲咗個湯，勁足料！個湯超濃，花膠煲到個湯都起晒膠，好好味⭐️環游海鮮船海鮮類有鮑魚，貴妃蚌，珊瑚蚌，魷魚，青口，蠔，墨魚滑釀冬菇，蝦，蟹，蟶子！又唔可以話樣樣都超出食，鮑魚，珊瑚等等有好幾款都十分新鮮，大部份都值回票價！⭐️極上牛肉/豚肉卷肉類我

呢間嘢好爆，我提早幾日去book都冇位係當日有人cancel佢先通知我哋，李總話去到得返一張枱，其他枱都爆曬！一坐低佢會比幾個小菜你，有螺肉.有酸菜魚湯.有菜脯花生.有炸翠玉瓜？仲有個我最鍾意食嘅紅糖糍粑…首先嚟咗好大個刺身船,嘩!好靚,刺身有海膽.三文魚🍣.甜蝦.八爪魚🐙.帶子.油甘魚..不過本身自己對刺身麻麻，只食咗甜蝦.都幾鮮甜跟住係雞煲，個雞煲好棉，豬皮同雞都浸到好入味好食！之後 係打邊爐，佢先送咗兩大個海鮮拼盤款式都多，有扇貝、鮑魚、聖子、蝦🦐….我最鍾意食個聖子好鮮味同爽口仲有其他牛肉.蝦餃.炸魚皮.腐竹…到最後仲有雪條食，有紫米雪條榴槤雪條椰子🥥芋頭雪條…呢餐飯食得好開心，店員嘅服務態度都好好👍

姑奶「生日飯」之拾下拾下篇終於可以黎到【家嫂】試下佢個雞煲同海鮮，黎到唔洗等位，因為一早book台，早一日confrim booking，職員提醒我地記得做快測，因為我地8個人，我地7點黎到已經好多人，職員招呼完我地坐底，就上小食比我地，呢到食野要跟住次序，先小食→刺身→雞煲→海鮮→極上和牛/豚肉卷→火鍋料我地叫咗幾款小食︰1. 清酒花甲︰花甲肉質幾爽，上湯清甜，2. 紅糖糍粑︰紅糖糍粑比想像中好食，叫咗2次，3. 胡麻茄瓜︰職員話係青茄子，加入少少芝麻醬作調味，口惑不錯，4. 松露蝦多士︰熱騰騰脆卜卜，最欣賞松露配沙律醬，食完小食，職員上刺身，刺身算幾新鮮，賣相不錯，食完刺身，職員上雞煲，雞煲有分唔同辣度，我地叫咗唔辣，因為有小朋友一齊食，雞可以無限添，我地叫咗兩round，之後就食海鮮，火鍋湯底有好多款，不過職員講完一大輪，我地都唔記得，最後我地叫咗花膠野菌湯底，海解都有好多款，有飽魚，大蝦，蜆，生蠔，桂花蚌，青口，蟶子，蟹海鮮樣樣都好新鮮，蟶子同桂花蚌好爽口(order咗3次)，生蠔新鮮唔腥，飽魚算幾大隻，極上和牛/豚肉卷，和牛好有牛味，豚肉卷正常發揮，火鍋料有，炸魚皮，三色肉丸

近年的另一個「私藏」，彌足珍貴的是：與她「邂逅」是在疫情爆發之後、「感情」更難維繫的年頭。朋友在此附近上班，並帶我們來一試；如此，造就了之後我們帶親朋好友同享、還有我和同伴一再光顧。放題的優點，就是一坐下，就可以毫無顧慮的，選喜歡吃的吃；在這兒特別的是，有設定好的「行程」：小吃、刺身盤、雞煲，火鍋。還吃得下的話，還有甜點等著食客。因為有「行程」，為了要盡情享受每個「景點」，就要管理好自己的食欲，分配到不同的環節中，以免「晚節不保」！吓？任食都要分配胃口？當然，否則這裡的美味特色小吃，已經可以叫人淪陷！ 很豐富、很美味？溫馨提示：正餐還未開始呀！小吃也可以無限追加，不過奉勸一句：慎點！第二回合：刺身船。二人版的，一開始我們看到了。刺身八品、茶壺噴煙，已不能impress您？那麼看一看大夥兒光顧時，會看到甚麼。準備…開船！若問刺身的質素如何，鄙人會說有很高 (但不是超高) 的性價比。有海膽和整隻的帶子，而其他較普遍的 (魚類、螺片、北寄貝…) 都新鮮，已是合格以上。相信我，好戲在後頭！第三回合，雞煲上桌。說實話，質素不錯，除了雞件外還有內臟，被辣汁煮過後特別美味；但兩位一煲會有吃不完而浪費

位於柴灣地鐵站附近嘅東貿商業大廈，有間比較隱世嘅餐廳叫家嫂！晚市就出名食雞煲、海鮮、刺身等放題，旺角同大埔都有分店，環境算寬敞舒服，不過估唔到午市都幾多選擇牛味濃拉麵🤌🏻今次餐牌推出咗呢個牛味濃拉麵，我食慣家嫂酸湯都忍唔住想試吓🫡佢有牛尾骨、牛臉肉同甜蘿蔔，肉質唔靭真係有牛味，而湯底雖然比較清但都有濃濃牛味，再加上清甜蘿蔔無渣好難得，真係完全收貨👍🏻凍桂圓肉杞子茶🤌🏻平時餐廳飲開都係凍檸茶/奶茶，呢度有啲比較養生嘅飲品，而我就揀咗桂圓肉杞子茶，唔算太甜同真係好足料👍🏻餐廳比較難搵，屬於商廈其中一層，不過午市時間都好多人🚩家嫂 (柴灣)柴灣利眾街24號東貿廣場6樓#addifoodie #addifoodie柴灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

朋友推介大家聚餐的地方$348一位加一，地方都算闊落坐得舒服，由六點坐到十點鐘足夠時間大家暢談聚餐，餐廳有紅白酒供應，也有幾款特色涼茶飲品。特色小食有五款任食，包括黑松露蝦多士，黑糖糍粑，蒜蓉炒蜆，芝麻醬螺肉，酸薑蓉皮蛋，新鮮炸出來的蝦多士很香口好味，蒜蓉炒蜆也好味不過好快就售完，黑糖糍粑也炸得很鬆軟不是太甜煙煙靭靭。海鮮有蝦,蟹,鮑魚,蜆,生蠔,魷魚，十分之新鮮，雞煲我們選擇小辣雞肉十分之嫩滑，豬皮吸收了雞汁十分之入味。不過可惜刺身船冇得任食，以人頭計每人每樣得一件，份量實在是太少了。而火鍋其他配料選擇也不多，得幾樣選擇，我們主要食牛肉和海鮮，不過食了一個雞煲已經有少少飽。

當見上本晚10人book左枱入座，但有2人遲到，第左一陣見肚餓，所以先叫上雞煲，但個待應就話唔得，一定要上左刺身先可以上雞煲，但話我地未人齊所以就唔上刺身，其實到依家我都唔明點解唔得。過一陣個待應就提議我地可以上4人+4人先，咁我地就話上刺身，但當刺身黎到我地發現無左海膽，於是就走去問個待應，待應就話你地上果個係4人份刺身所以無海膽，要5人份先有海膽。就算當時我地10人有2個人未到，但我地唔係有8人咩，點解要提議我地上4+4人份嘅刺身先而奄走我地嘅海膽到打邊爐，之前可以任加嘅蟹，鮑魚，都無得加話賣哂成間鋪嘅性價比完全消失，服務質素就更加唔洗講食物就正常水準

位於柴灣地鐵站c出口～過馬路前行一個街囗入的東貿商業大廈裏面就搵到這間家嫂！ 雖然地點有點不起眼，但這間店舖都好FULL下！值得來試下！晚市$348＋10％ 17：00-22：00特色小食丶雞煲丶海鮮丶刺身等放題！真係一次過滿足曬所有要求！環境仲寬敞舒服！一啲都唔差～～成盤日式刺身好新鮮～雖然冇得任食！但份量睇人頭計已經好足夠嚟到小食環節～有幾款任你揀～任你食～本人覺得好食係黑松露蝦多士～因為熱辣辣新鮮炸出嚟！好脆口！D蝦肉仲好彈牙～～ 與黑松露沙律醬一齊食簡直係最佳配搭～ 其次好味嘅係黑糖糍粑! 煙煙靭靭我至愛！這款糍粑好少喺食店出現～ 雖然飽肚～但都決定 encore叫多一碟小食方面仲有三樣揀：酸薑蓉皮蛋丶蒜香炒蜆及芝麻醬螺肉 ～～這三款小食真心睇得出用心制作！我最喜歡炒蜆冇沙～～～小食完畢後～嚟個bb辣雞煲～ 對於我不太吃辣剛剛好！好惹味！啲雞仲好滑添！沙煲內除咗嫩雞仲有豬皮～ 豬皮吸哂D辣汁好正呀食到呢度已經飽咗一大半～最後再嚟過海鮮肥牛打邊爐火鍋配花膠湯底！真係見到都嚇咗一跳～正到暈！啲海鮮仲可以任加任食！梗有一款你至愛！ 對於喜歡食海鮮的人不容錯過～絕冇誇張！最後～大家覺得

之前晏晝已經食過佢嘅咕嚕肉好好味，今次終於可以試下佢嘅雞煲打邊爐，之前同事講個話家嫂份量嘅好大，唔使再加單已經好飽食唔哂，佢真係冇欺騙我。有小食，皮蛋好好味，但最中意佢嘅清酒煮蜆。魚生份量唔多但算係唔錯。 雞煲本來揀左小辣但係望落去已知味道比較淡，侍應姐姐好好佢話要中辣先好食所以幫我地加返啲辣醬，跟住就似番樣啦。講起拉佢啲調味品真係好好味，唔係一般出邊打邊爐嘅調味品。至於飲品大部份都係佢地自家製嘅涼茶，唔太甜冇冰，自我感覺良好幾健康🤭🤭。最後到打邊爐，侍應姐姐建議是佢地嘅花膠湯底，佢咁好人即管試下，裡面真係有大大舊嘅花膠，至於味道，我本身唔鍾意飲湯所以都okay 嘅。打邊爐食物超級多海鮮，每樣都叫做新鮮，仲要任何海鮮都可以自己在翻吃唔洗加錢，真係超級抵食，海鮮有螃蟹，龍疐，珊瑚蚌，海蝦，魷魚，蠔，花甲，鮑魚，蟶子。除此之外肥牛同埋豬肉片都係可以任加任食，當然仲有平時打邊爐會有咩配料好似餃子，丸等。食完仲有雪糕甜品。。。雖然我已經冇食甜品但係翻到屋企依然飽到唔識郁🤣🤣🤣