容記小菜王 (已易手)

11月21日晚六時許，經過深水埗，順便去"米芝蓮"餐廳 - 容記小菜王，試試他們的小菜。叫了三個小菜: 白菜仔-無特別，菜干蠔豉粥-很香的蠔豉味，但是蠔豉和菜干都很碎，伙計介紹的，抵讚!菠蘿生炒骨-炸粉皮層算薄，燒肉-皮脆肉嫩，好食!伙計的服務態度也好。埋單196元，下次要搵多幾個人去，試吓其他菜式!

晚上要落深水埗買野, 順理成章係度食埋飯, 於是入黎開飯睇下有邊間好食, 見呢間都吾錯, 尤其燒肉好吸引一於去呢間啦, 但無訂位, 諗住如果無位要等, 就走記.去到, 望下, 好似得門口有兩人位, 諗住如果要坐門口位, 就吾食啦, 行入去, 原來都好大, 不過, 無乜二人枱喎, 大部份都係大枱, 不過, 最後都有一張細細的二人枱, 望下周圍環境, 原來呢間係米芝蓮推介餐廳, 真是失覺 仲係有營食肆添點菜啦, 我們叫了三個餸, 燒肉, 沙拉骨, 小炒王, 兩個白飯, 同隔離枱一樣, 又咁啱 個燒肉, 真係好得, 好脆, 好好味沙拉骨無乜特別, 小炒王就好香口, 好像有炸白飯魚? 或者炸豬皮? 蝦乾之類的東西.最後沙拉骨吃不完打包, 好滿意的一餐, 走的時候, 大枱也坐滿了, 好彩早去吾洗等位.

難得一家人回家食飯, 家中小朋友喜歡食生炒骨.回家前就到此店買盒生炒骨加料喜歡此店既生炒骨係因為佢地既醬汁唔係好似其他食店咁個醬汁好似螢光色咁.生炒骨炸後再加上酸酸甜甜既醬汁,薄薄既一層炸粉, 炸得香脆, 回家食時都有幾件外表仍然脆口., 醬汁酸甜適中配料既青椒及菠蘿都算多用來配飯一流

每次光顧都沒有失望，之前吃過招牌燒腩肉，一試難忘，這裡的小炒都是真材實料，熱辣辣，從廚房傳菜出來，不花十秒鐘，這才是“獲氣”吧．．．【菜乾蠔豉粥】－ (５0分)　　～　淡，蠔豉幾粒仔，無乜味道。。。【生炒肉排】－ (90分)　　～　平時很怕吃生炒骨、咕嚕肉等的螢光橙物體，因為不喜歡那些刺鼻的酸味，但既然是招牌菜，又給你一次機會吧，一口咬下去，果然令我大大改觀，不但不刺鼻，甜和酸都很平衡，外脆內軟，無得挑剔！【西芹炒田雞】－ (90分)　　～　田雞又大隻又新鮮，鮮甜味美，火喉洽到好處，非常嫰滑，而且份量足，相信有兩大隻田雞，一般食店都只會將＂牠＂切到碎濕濕，孤寒得很！

今日6個人黎到食.係門口睇以為環境會好差忝. 點知入到去, 地方都乾淨!呢度必食係鐵板茄子, 一黎到, 熱辣辣, 真係好好味!!仲叫左椒塩墨魚咀, 即叫即做，冇乜油!! 如果有埋甜品就好LU~

昨天星期日返娘家打麻雀, 打至九時要吃飯, 便想起「容記小菜王」九時後有七折, 平常很少享受到此優惠, 便一行五人前往,以往間中也會來吃一次半次。最先到的是‘菲式蒜香骨’, 標價$88一碟。同普通炸骨冇分別, 肉少又不夠鬆軟, 如何菲式則不知道, 但我和姊姊吃的還未熟透, 女待應把剩下的送回厨房番炸, 並說送上一窩細例湯。上一兩次吃‘燒汁薯仔牛仔粒’, 兒子很喜歡, 今次是必吃的了。起初牆上沒有標價, 上次約$68-$78, 後來姊姊看菜單時發現是$128一客, 心想兒子喜歡又有七折, 即使仍是貴，唔抵食, 算吧! 怎料上菜後, 牛柳切大粒, 內裹不熟, 碟頭亦細。另一碟 ‘容記小炒王’$68, 其實沒有甚麼材料，只有韮菜炒蝦干, 味道也不錯幾香，但叫得小炒王一般也有鮮魷、蝦粒等材料。兒子隨意點他的至愛蒜蓉生菜$48, 一點水準也沒有, 我炒的必比它好。隔離枱埋單, 見那位太太把帳單看了很久, 又和家人研究, 隱約聽到是許多菜也沒有計七折, 但門外招紙是海鮮類菜色除外。到我們埋單, 同樣事情發生了。我也是把帳單看了很久, 又和家人研究。女待應告訴我們四個餸中, 只有 ‘蒜蓉生菜’ 是

今晚係第一次食容記~之前成日都好多人等但可能今日夜晚落雨，而且已經9點竟然吾洗等位so lucky上菜都幾快，d員工都幾友善。地方環境都算係甘，講開又講，冷氣幾凍6個人叫左7個餸，3個飯，2支啤酒薑葱炒蟹，普通啦，70分，以$128黎講算係甘雞半隻，都係普通，70分甘都係熱既，吾係「鞋」囉椒塩墨魚咀，呢個得得地，80分熱辣辣，即叫即做，冇乜油燒汁薯仔牛仔粒，冇得頂，95分超好味，連d薯仔都可以拎配角獎好入味，少少辣，脆脆地魚腸，個個都話好味喎，我試左1匙，仲未接受到果陣味西蘭花鮮魷，正常，75分大路野，鮮魷分量都多既因為第一次食，期望幾高，但食完又覺得ok啦，吾係話好食到識飛果個牛仔粒真係正斗

點左4個菜...都好快上... 之但係...咸魚肉餅D好好霉..... 口感 味道都好差牛仔骨... 多筋多肥肉... 最慘係佢D洋蔥勁多...仲要唔熟..甜味都未炒出黎再來硯蚧肉眼... 哇...無硯蚧味咁滯... 差D爆粗... D肉....又係霉GE...仲有少少雪味最後一個雙菇時菜... 呢個入面D鮮菇... 入面好似釀左鹽咁.....唉...無第次.... 極之唔推介

食過今次呢餐之後，我覺得openrice D笑臉係不能盡信的。見到容記咁多好評，所以就特登搭車黎深水埗一試佢既小菜。兩個人，叫左以下四樣食物：燒肉(細份)：做到皮脆肉嫩，不失為招牌菜，點青色芥末食味道幾夾，幾好味。招牌齋菜卷：一碟有六條，分成十二舊，兩個人食太多。味道其實無咩特別，脆脆既外表，入面有菜同竹筍，食落爽爽地。椒鹽墨魚咀：墨魚咀好細粒，外層用上厚厚既炸粉，令你睇上黎好大粒，但食落就好大舊炸粉，好熱氣。雖然煮法係用椒鹽，但椒鹽味唔足夠，食唔到椒鹽味道，只係覺得食緊炸粉！魚腐湯：清清地既一窩湯，入面有六至七舊魚腐、兩舊芋絲、少量粉絲、冬菇金菇同西蘭花，味道清淡。以佢所用既材料來計，應該再賣平d！每樣食物都係$68，兩個人就$300埋單，以如此質素的小菜，個人認為略貴，唔抵食。今次特登走黎搭車食，但除左燒肉之外就無滿意食物，真的好普通，所以要俾個喊！

一個晚上，與兩位友人來到吃晚飯。沒有試這裡最出名的「脆皮燒腩仔」，只吃了同樣是肉類的 「黑醋骨」。本來想叫的「招牌齋菜卷」又因為這夜我們來到的時候太早，這道菜還未準備好而改叫了同樣是素菜的 「雙菇扒白菜仔」。再加上一碟 「薑蔥魚雲煲」，便成為了這夜我們一行三人的晚餐。在深水埗這附近名叫小菜王的菜館其實不只一間，不過這間「容記小菜王」相信是生意最好的一間。要不然，它也不會佔據了這條街上的三個舖位，而且還有不少名人，好像曾蔭權、梁振英和多位演藝人來過幫襯，並且與菜館老闆拍下合照了。這夜所吃的菜式，不知是否因為不是招牌菜的關係，水準其實只是普通而已，鑊氣是有的，不過就不算怎麼美味。三道菜式中，「黑醋骨」的肉排頗為厚身，也不會太肥，啖啖肉的心覺都不錯，不過黑醋味就不太夠，酸味不足，要是黑醋味濃些的話，會更加開胃。「雙菇扒白菜仔」味道尚佳，但獻汁就稍稠了些，「薑蔥魚雲煲」水準中規中矩，都算惹味。希望下次到來，能夠吃到這裡最有名的「脆皮燒腩仔」和特色的「招牌齋菜卷」等更美味的菜式吧！

２人去吃小菜，實在不能點太多。可恨的是我們想吃的多得難以作出決擇！燒肉一定要點！幸好醒目的侍應給我們來個細的，否則。。。不敢想像！燒肉層次份明，皮下的肥／肉層層相間。皮極脆，吃到最後依然爆脆！粟米斑塊︰實在大件夾抵食！魚塊炸得香脆可口，粟米汁味道一流，送飯佳品！還點了一個煲仔飯，是排骨來的。忘了拍照，哈！下次一定要多啲人去，叫多幾款！

人生中，最不想遇到的是離別，這一晚，同時要經歷兩個「告別」的場合，一個是出席同事母親的喪禮，只是五十出頭，被病魔折騰了幾年，病者與家人都身心疲累，終於撒手塵寰，在另一方面看，是對各人的解脫，希望在另一世界，免受痛苦，可過安逸的生活。隨後是出席另一同事的離職送行晚餐，與她共事六年，每天並肩作戰，一旦離開，亦有說不出的離愁，雖然一萬個不願意，但也要面對現實。說是送行晚餐，因人數並不多，只得四個人，不是主角「亞寶」人緣不好，只是她想低調，大家老友吃餐飯便算。大家選吃「容記」，主要是遷就我，在楓樹街鞠躬後，很快便到，其次是我們想吃這裏馳名的燒腩仔。來到店前，同事已苦候十多分鐘，很不容易才有張檯，裏面已坐滿人，高談闊論，好不高興。甫坐下，啤酒女郎已來推廣，同事都是「飲得」之人，先來一瓶，要求夠凍，送來後見到起霜，果然夠凍。我們點了必吃的燒腩仔，招牌素菜卷，又點了菲式排骨，XO醬炒螺片和排骨煲仔飯。燒腩仔雖然售價不菲，賣$168一碟，但份量頗多，每件清晰見五層，皮、肉、脂肪薄薄相間，入口時，感覺很熱，中下層的肉和脂肪，肉質很鬆化，香軟，脂肪亦入口溶化，皮很脆，像吃厚薯片，唯油脂在口中爆發，多吃幾件

做大廚既朋友介紹呢間小菜王, 咁岩又係附近 所以去左試下~等左大約10分鐘, 佢有2間大鋪, 所以都好快有位我地叫左, 排骨煲仔飯:排骨好明顯係有調過味, 有少少鹹, 個醬油唔甜所以唔太好食~D飯仲好淋咖哩雜菜煲: D 咖哩冇味, 係菜多~沙拉骨 對呢呼菜好有期望...因為呢到係食小菜, 但係...好乾,... 3個菜都好似一般般~

1月20日同朋友及佢屋企人一齊去食晚飯,本來係去第二間的,但要等位等到十點先有位,好多人呀!!跟住就諗起附近呢間啦,即刻打嚟訂位,佢話8:30pm可以俾枱我地,所以即刻行過嚟,原來門口都勁勁勁多人等位,好彩打左電話嚟炸,見帶位亞姐不停走嚟走去安排,我不停同佢講我打嚟訂左,好彩佢都有安排我地8:35pm大右就可以坐低.一坐低就叫嘢食,出名既係脆皮燒腩,又叫左隻雞,但係呢兩樣都賣晒啦,超快.跟住就叫左勁多餸,後尾伙記話仲有燒腩,咁我地梗係要番啦.燒腩仔真係好好味,個皮好脆,又唔會好肥,佢配青芥辣的,都幾特別呀,好味呀!蒜蓉蒸班腩,唔係蒜蓉嚟架,係蒜頭,味道唔係好得喎,因為冇咁香,同埋我覺得有點鯹,魚肉唔夠滑,如果用蒜蓉會好味好多呀.瑤柱豆苗,瑤柱份量都幾多,豆苗都青綠唔老的素卷,好豐富又大個,入面好多料的,有些紅蘿白絲,粉絲及其它配料,好味呀,不過太大個,如果細番少少更加好.雞腳,好新鮮架喎,應該係鮮雞腳,都幾淋身及入味呀啫啫雞煲,雞肉都幾入味及滑的豆豉鯪魚油麥菜,呢個我冇食到,不過好似都幾多鯪魚咁喎好豐富又滿足的一餐呀!!呢度的菜冇咁多油,雖雞冇另一間咁抵食,因為份量細d,不過都ok呀.

好耐無去容記, 於聖誕日, 感到近來食得太多打邊爐, 突然想食小菜. 但一定要早, 過了6:30, 就要等到唔知幾時!!!!馳名燒腩仔 (HKD78- 例牌), 此乃番”叮”之餸! 水準依舊, 一d都唔覺肥膩, 肉是熱的, 皮是脆卜卜的, 一流, yummy  最特別是個pat疑似wasabi 開稀之蘸汁, 又幾夾喎>> HKD38 四只蒜茸粉絲蒸蟶子, 唔食就笨, 嘻嘻>> 鐵板原只燒茄子(HKD88), 吱吱喳喳, 伙計較剪一揮, 香噴噴的茄子呈現眼前, 我平時唔鍾意食茄子, 皆因茄子要煮得好食, 是要用大量的油 但容記唔知點整 是否油是由肥的免治豬肉來的, 不得而知><>> 抵食排骨煲仔飯 (HKD28), v如果無老人痴呆,似乎是加左價, 或是調整至合理水平, 之前賣HKD15, 有好多人貪平叫黎浪費>< 味道不過不失!!!加一支Carlsberg, 盛惠HKD246 (兩人)!!! 平民地方, 雖有”米芝蓮”, 但不太舒適, 食飽就要起身, 費時阻人做生意><個人覺得此處不