富記麵家

營業中

休息中

香港傳統風味, 好味道食出人情味服務好, 員工友善 品質好, 牛腩味濃, 牛筋入口即溶, 蘿蔔夠甜, 魚蛋有魚味, 炸蒜和蔥袒龍點精, 有驚喜!! 冷氣夠,  夏天都唔會食到身水身汗香港店, 香港人在附近上班, 會多多支持!好人一生平安 香港人加油#粉麵 #牛腩 #牛雜 #牛根 #牛丸 #金錢肚 #河粉 #水餃 #鳳城水餃 ~~~~~~~~~~~~~#富記麵家灣仔灣仔道177 至179號保和大廈地下6 號鋪~~~~~~~~~~~~

香港人加油 甘啱行街經過支持下真香港人餐廳<好味牛腩>見到一 d人好有心機分左香港人餐廳 見到呢間真香港人開 富記麵家 甘啱經過開灣仔支持下先👍🏻入面普通粉麵檔格局 重點係冷氣夠 客觀地講食物未到最正 但都 above average . 牛腩好味 經過值得食下🍴牛盛薈河粉50 蚊🍜🐂有牛筋 牛腩 牛肚 牛丸 牛丸兩粒 其它有3 舊 牛腩好軟淋 牛肉味濃 牛肚爽口 但個人覺得味唔夠濃 牛丸爽口 幾彈牙 而牛筋都燘得幾淋🐂 河粉係比較幼身爽口 個湯底 牛味都濃 十分唔錯 👍🏻🍴鳳城水餃河粉33 蚊🍜🥟有四粒水餃 大細正常 佢個餃皮十分爽滑 尾部都好爽 入面有筍 木耳 蝦肉 豬肉 🐷 落足料 河粉幼身爽口 加左腩汁湯底都偏濃#粉麵 #牛腩 #牛雜 #牛根 #牛丸 #金錢肚 #河粉 #水餃 #鳳城水餃 Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~

牛筋入口即溶 正 蘿蔔夠甜 10分我會俾7分 有啲驚喜 員工都幾友善 不過可能附近太多餐廳啦 所以冇乜客 從第二個角度黎講 都坐得幾舒服既 估唔到睇落普普通通 入去嗰感覺唔錯 希望富記生意興隆 繼續提供有質素既粉麵。

下午茶同女友走左入去，叫左碗牛腩麵，女友叫墨丸河加碟菜心同炸魚皮。 原來下午茶送飲品，凍飲+2蚊，熱飲免費，抵 清湯腩OK夠淋滑有牛味，墨丸原來上過TXB，唔怪得知店面有張海報，但又真係幾好食，佢D河粉同出面有D唔同，好似滑D，同好大碗。勢估唔到係碟魚皮，上枱熱既?好奇怪，真係未食過熱既魚皮，以為返叮，問下伙記原來老板在厨房剛炸出來，真係好食到冇得輸。一定要返啅

今天星期日6月2日，特意走去灣仔道試試富記麵家，真的看看大台有冇騙小市民；幾好味道喎，墨丸彈牙有鮮味$35一碗，自家制的魚皮新鮮$23 一碟，最怕吃哪些有油溢味，正。涷飲加$8一杯。後生仔的良心顧主，同上下打成一片，出錢請他們去大佛一回，百幾元一位，不過吾好攪他，都幾好笑。缺點是分體冷氣機滴水，快D整好佢；遲D好多客人來，夏天來了⋯⋯改善廚房的抽氣及散熱系統，因為會影響我們食客的用餐，提防冷氣機滴水的情況。

下午去試下，見txb東張西望講完好似好正錦。結果名不副實，墨丸河$35，四粒墨丸、河粉、少量炸蒜蔥粒、炸魚皮$23，來貨嘢、冇比碗清湯，清湯收$10....先講湯底：估計好多味精，完全唔自然嘅味道，飲完個口好難受河粉：普通水平，份量足夠，冇斷粉墨丸：大力宣揚手打、自家制，但個人覺得深水埗北河街街市的一檔墨魚滑比較彈牙有墨魚味，總括來說，好不濟。好失望魚皮：來貨嘢，冇特別，冇跟湯，不過試完d湯覺得冇比都係冇所謂，反正味精水口乾到爆

要練習步操，當然喺練習前緊係醫咗個肚先啦，於是就喺摩利臣山道附近行吓睇吓有咩好野食。行行吓見到有間舖頭外面放咗攝影機腳假，八卦嘅我當然望吓入面拍緊咩啦！原來大台拍緊野！當時心諗，有人拍嘅話，食物質素應該唔會差得去邊，正當猶豫入唔入去之際，有個職員就好禮貌咁招呼我，咁我就入去試吓啦！原來大台拍緊兩個後生仔食墨魚丸，我聽到當然唔蝕抵咁叫返碗，但又唔想只得墨魚丸，就點咗個雙拼牛腩墨丸河。等咗一陣我嗰碗牛腩墨丸河就送上，例牌第一係試吓啖湯先，湯底無咩驚喜，好普通；河粉如是。墨魚丸彈牙只係一般，唔算十分之爽，不過都好過好多舖頭，但同我心目中食過嘅最好都差一點點。牛腩都算淋及入味。整體算中上上，埋單$40

今日在灣仔見客 等客人其間去了一間新開的粉麵店 點了一碗牛腩墨魚丸河粉 一杯熱奶茶！這裡的奶茶比其他粉麵店的高質素很多 就連茶餐廳都未必有這麼好！牛腩好淋 好夠味 亦好香牛味 而墨魚丸和外面的完全不一樣 問過店員之後原來他們說手打的 難怪墨魚味和鮮味咁重 而湯底十分清 但仍然很重骨味和甜味本人很喜歡食粉麵 新開的粉麵店有很多 但有質素的卻很少 店鋪職員又有禮貌又後生 而我亦聽到其他客人點餐時店員推介生牛肉 下次一定會再黎試試個牛肉

中午放飯 路過灣仔道一帶見到間新開既麵店決定入去一試 畢竟灣仔麵店好多要做得住都吾係咁易呢個麵字 真係離遠都望到叫了碗鮮蝦雲吞河有6隻雲吞都幾大隻食落新鮮爽口 河粉質地亦好滑加辣油一流都算大碗

<<誠意推介清湯腩>>香港好多出名既清湯腩都有小小沽名釣譽feel, 今次試呢間係九龍城既總係老字號但我又未食過, 而佢最近新開左分店係灣仔, 試佢一試之後真係掂過碌蔗! 堪稱我食過最出色既港式清湯腩!!!  其實佢做法有小小似越式, 因為個湯真係好用心, 好重骨味, 加埋小小香料野~ 而最出色係啲腩, 真係又滑又嫩, 得一個字可以形容到: "好食" -雲吞好似都係自己包, 算係中上水準而足料, 都係可以一戰既選擇! 而奶茶都係佢地皇牌之一~ 好多呢啲粉面鋪水吧果個環節都偏弱, 但呢間既奶茶係絕對值得奶茶控去品嚐一下, 係茶味同奶既滑溜之中攞到個靚平衡! 推介!! 呢間野仲要如果你加紫菜, 佢係會比勁多你.... 史上最多.... 而呢間野見你啲湯食食下唔夠, 佢會加湯比你.... 史上第一次食粉面鋪有咁既服務.... 正到....

第一次食，魚蛋有魚味🐟，魚片唔夠魚蛋好味，$29碗🤩，味道不錯😋, 中規中矩。炸蒜和蔥，有兒時味道。店家後生又有禮貌，可以多多幫襯。地方乾淨，可能算新舖，辣椒油筷子都乾淨，難得😅。今時今日，要求真係越來越低。😭