寶哥火鍋味館 (已結業)

平日放工又想返屋企食住家飯 ，天氣又涼涼地，所以就同老婆出去打邊爐， 同事介紹咗我嚟佐敦寶哥火鍋 試下任食，所以放工就立即坐地鐵去佐敦， 價錢叫做合理，但唔叫做好抵食， 性價比一般 ，238蚊 有部分食物任食， 牛肉質素幾好 ，但任食款式相對較少， 飲品選擇亦都較少 ，類似一般 舊式火鍋店， 但服務叫做幾好，啲員工都好有禮貌 ，亦沒有漏單情況。我哋叫咗個胡椒豬肚湯底， 可能我偏向重口味，覺得胡椒味唔係好夠重。 海鮮都幾新鮮但係份量較少 ，建議可以提供多幾款海鮮任食就更加比好啦。

香港人食嘢一向刁鑽，打邊爐除左 要有得滾下滾下，最好仲可以有啲日本嘢食㖭。今次就搵咗佐敦嘅寶哥， 貪佢可以一邊打邊爐， 仲有盤高質素嘅日本刺身可以一齊食。咁就可以滿足曬兩個唔同嘅胃喇。寶哥喺佐敦長樂街， 門口有啲細，唔係太起眼不過如果見到地下係賣酒嘅鋪頭, 開門，然後上樓梯就係啦。寶哥入面環境都幾舒服， 火鍋區域間左一個個卡位， 可以保持私隱度又坐得舒服。任食火鍋有三種套餐， 我哋揀咗中間嗰隻。首先係嘢飲，可以任飲，有汽水啦有啤酒又有竹蔗茅根同埋酸梅湯， 涼爽清熱又解毒。然後到湯底，湯底呢度都好多款可以揀㗎。除咗有沙爹湯，有椰子湯， 想食多啲餸嘅話，可以揀鮮人參醉雞湯、胡椒豬肚湯，亦都可以揀蕃茄牛坑腩湯，仲可以揀雞煲添。 不過因為我哋想食清啲，所以揀咗猴頭菇鯊魚骨湯。 真係會見到一塊塊鯊魚骨喺入面㗎， 亦都有猴頭菇喺湯入面。重點嚟啦我哋揀咗個套餐包咗六款和牛刺身拼盤， 刺身拼盤都幾多款式， 有吞拿魚有左口魚邊有刀背同北寄貝等等， 全部都非常新鮮，而且雪味亦都唔重。 最正嘅係吞拿魚係厚切嘅， 無筋之餘又入口即溶。另外仲有海鮮拼盤有海蝦 有帆立貝 有生蠔仲有青口。 海蝦肉質爽而彈牙， 帆立

天氣開始轉涼啦🧣係提我要約朋友瘋狂打邊爐既時間啦～～今次就簡左位於佐敦寶哥火鍋味館，呢度係火鍋放題，有3個鐘任飲任食喔😍有3個價錢選擇，3個餐既分別係刺身、海鮮、牛同埋飲品，我地就揀左A)$188有成70多款食物可以簡~刺身每人一人一件豉油、辣椒、蒜蓉和蔥已經放左係枱度👍🏽湯底就簡中了鮮人參醉雞湯，湯底入面有大約2、3條人參還有紅棗，好岩冬天來補一補身先！話明係醉雞湯底，當然仲有碟雞啦！雞既肉質好嫩滑，酒味唔算係好濃我地好快就畫好左食啲咩，叫左成枱都係野食😆食物既份量太約係按人頭給的，很好呀可以樣樣野食都食到，唔會怕食唔曬，可以避免浪費食物既情況出現特級美國肥牛肉淥一淥就食得啦，牛肉味好重招牌炸響鈴呢個一定叫呀～夾起既時間ғᴇᴇʟ到熱熱地，應該係新鮮炸出來的招牌白鱔片和脆肉鯇魚腩好新鮮，食落好爽口。而且白鱔片無咩碎骨，可能好放膽咁食

同朋友行完街就去左佐敦長樂街寶哥火鍋味館食打邊爐好快就有位入座跟住就係點野食喇混下醬先和牛刺身,北寄貝,甜蝦,榮螺,墨魚,八爪魚,希靈魚刺身都算新鮮幾好味龍躉-魚香十足,咬落肥美魚油味濃海蝦-爽口彈牙生蠔-好肥美既蠔同埋好鮮味大蜆-好食冇沙青口-都不俗靚牛拼盤--油脂好平均唔好太肥,牛香十足竹蔗茅根水,汽水,啤酒雪蓮椰子湯百花釀油條,粟米,午餐肉,本地牛坑腩,秋葵響鈴,黑木耳,貢丸,冰豆腐,竹笙,特級墨汁墨丸,黃沙豬仔膶皇帝菜,唐生菜菜都好新鮮黑豚肉,野豬肉眼根魚腐,韮菜餃,芝士腸西洋菜,招牌白鱔片,脆肉鯇魚腩,特級美國肥牛肉荔芋片

佐敦位於香港既市中心 交通非常發達 而且非常多元化 有商業區 又有特色文化區 更加有好多唔同種類既食堂 今日我就黎到佐敦搵好野食啦 打開香港人既代表開飯喇 就搵到呢間個名幾有霸氣既寶哥火鍋味館 好 就入去睇下係咪真係咁正先首先有一份刺身 有三文魚 吞拿魚 章魚 帶子同蝦 全部都新鮮而且幾甜 尤其是帶子之後就叫左牛肉黎食啦 呢間啲牛肉既味道較淡 但勝在位置刁鑽(封門柳) 係幾彈牙既再黎就有豬肉 一樣都係偏淡 肉味一般牛腩既味道又相反 個人覺得幾鹹 但係都尚算爽口既最後就到白膳 白膳同牛肉一樣都係打邊爐必點既 呢個白膳真係幾好食 富魚味得黎又好彈牙 一啲都唔痴牙 為今餐爭取返不少分數

寶哥喺佐敦 長樂街， 由 佐敦 b1地鐵站行過去 只係兩個街口就到了，非常方便。 雖然寶哥火鍋嘅門口唔易搵, 因為佢哋下係一個賣酒嘅地方, 但如果你識飲嘅話, 喺樓下買完酒, 再上去打邊爐, 梗係一個非常唔錯嘅選擇啦。今次選寶哥去打邊爐，係因為貪佢啲食物夠精， 而且以私房菜嘅形式去經營打邊爐， 無論食物 定服務都有一定嘅水準。今次同朋友嚟揀咗佢 有牛有刺身同有海鮮拼盤嘅任食火鍋。先講刺身：希靈魚非常甜美魷魚晶瑩通透八爪魚非常爽口吞拿魚切得夠厚非常和味仲有和牛刺身，入口即溶呀再講埋個海鮮拼盤有貝類有海蝦有蠔亦都有青口，每款都食得出係好新鮮， 貝類唔會有沙，就咁淥一淥已經食到佢哋清甜。另外隨餐仲有靚牛拼盤美國特級天然封門牛柳 同埋本地手切肥牛，封門牛柳有濃郁的牛味，而手切肥牛就啖啖肉，一次過滿足曬兩款口味。另外仲有三款手打丸，有蝦丸、墨魚丸、同埋鯪魚丸全部手打起曬膠， 入口彈牙而有充滿海鮮嘅鮮味， 淨係食呢碟都已經值回票價。除咗呢幾款拼盤之外，隨餐仲有其他七十幾款食物可以任叫白鱔切得非常美麗， 證明師傅刀功非常了得黑牛柏葉非常爽口紐西蘭鴨紅豆補血又唔會太鹹脆肉鯇魚腩夠爽口，魚卜有嚼勁，非常

今天和男朋友來吃火鍋放題。寶哥火鍋放題有三款套餐可選擇，每款均有特定的海鮮拼盤還有任點的菜單，另外加無限飲品。我們點的是猴頭菇鯊魚骨湯底，湯底用了分量十足，有很香濃的魚味和菇味。拼盤包括手打牛肉丸、墨魚丸和鯪魚丸，和外面市面上吃到的不同，口感柔軟彈牙。海鮮包括鮮蝦、生蠔、帆立貝帶子和藍青口，用料10分新鮮。另外還有安格斯牛小排，牛肉味10分香濃。特級美國肥牛切得很薄，滾一滾即可吃，入口即溶10分美味。本地五香肥牛則比較厚身，肉味比肥牛更香濃，但肉質10分嫩滑，必試！鯪魚釀豆卜和百花釀油條是比較特別的菜式，手打鯪魚的鮮味被豆卜吸收了。百花彈牙而油條香脆，很有層次感。另外䉀汁很清甜，我們二人喝了一整瓶呢。唯一美中不足的是，我們的拼盤應該有刺身的，但是最後也沒有端上來，我們也因為吃得太飽所以沒有追單了。

眾多佐敦火鍋店，這一間的食店實在吸引，因為地點方便而且座位很寬敞呢。而由於跟朋友都想吃任吃火鍋和聊天，因此選了最平$188可任食，湯底選擇多食材特別少見，有10款湯底選擇，火鍋料有60款，如果吃更高級的火鍋便有更多的海鮮和肉類既選擇。之前吃的火鍋點都是2小時任食，這點的時間也很充裕，沒有令人覺得很趕，慢慢地吃，配料任吃，包括牛、薯粉、即炸響鈴、水魷、精製的餃子和蟹籽蝦滑等，很高質。一班胃口大的朋友搞活動，亦棒，因為我看到通常男士會愛吃的火鍋等，但我在這卻發現不少女士來選擇這火鍋放題，想必是天氣冷喔，所以，跟朋友經過見到這任飲任吃的地方，立即進去聊聊天，吃著以人手製的餃子，感受到店主的用心呢。更重要，是這店員工很好，加湯及出材料也是很快很足，令人有親切貼心既服務呢。

幾年前食過寶哥，對佢既食物質素印象好好，原來而家已經改成任飲任食，仲要有成3個鐘，即刻要去食返次有三個餐揀，分別主要係海鮮、刺身同埋飲品，我地就揀左個中價既刺身拼盤會有6款刺身同埋和牛，當然質素唔可以同平時放題比較，但都唔錯喎，特別係北寄貝，都幾鮮甜海鮮拼盤5款時令海鮮，好正 全部都好新鮮肥美咖，而且唔係cheap野，有蝦，大蜆同鮑魚 美國特級天然封門牛柳會跟一碟靚牛，見係牛柳原本擔心會靭，但無喎 仲好有牛味，滿意招牌三寶丸手打丸好彈牙，特別係墨魚丸，好有咬口鴛鴦鍋要讚個沙嗲湯底，好香好濃好惹味，同埋唔會油，之後淥菜都無問題任食火鍋配料雖然本身已經跟左幾碟野，但仲有好多火鍋配料，我就推介炸魚皮同埋白鱔片，炸魚皮夠香脆，而白鱔片喺街食好貴，呢度有得任食我encore左幾碟飲品啤酒汽水任飲，真係飲飽食醉

最近,好多朋友都有新出路,轉工亦有,生命就是這樣, 期待遇上更好的人,帶你看到另一片不一樣的天空,不要說,這是賭運還是瘋是癲,趁有力氣去試去闖,是年青應有的態度!!是晚就來一個三六滾一滾,慶祝佢地順利到外面闖一闖！火鍋對於我來說真的一年四季都合適，而呢間【寶哥火鍋味館】幫襯過的食客一定感受到佢嘅誠意。所以我今次既選擇都係反兜佢...位於佐敦既【寶哥火鍋味館】，係一間有多款湯底選擇既火鍋店，好評都唔小！位置長樂街8號，橫街行入小小，見到樓下大大隻既寶哥招牌就無錯了。用饍既餐桌全部都係2樓，行上小樓梯即達，樓下放晒紅酒，應該是生意兩邊做吧！餐廳裝橫不太誇張華麗，就似中式小茶居，新淨、舒適、光猛吧無壓力下食客們都暢快地食，暢快地談天説地，好配合打邊爐既風味。我地坐係梳化座打邊爐好舒服呢！「寶哥」係任食式既火鍋店「價格分3個組合，最平$188，最貴都係$288」價格上絕對是合理大眾化，一場黎到...要食當然要食最高級...對吧。✨「寶哥任食火鍋組合 $288」✨🔹加拿大象拔蚌、和牛刺身併盤🔹七彩海鮮拼盤🔹靚牛拼盤🔹限量矜貴豬肉眼根🔹招牌三寶丸🔹紅白酒任飲除此之外仲有70多款自選火鍋配料選擇，包

任食火鍋的節奏🍲寶哥火鍋味館🦀一個價錢飲飽食醉🍷寶哥火鍋味館由火鍋界猛人寶哥親自主理👨‍🍳以新鮮食材會友🍽多款特式火鍋湯底、靚料海鮮🦐勁多不同部位靚牛🐄另外仲有 70 多款任食配料豐富到不得了！我哋就揀咗 C餐 $288/位 💁🏻‍♀️特長3小時高級火鍋放題 ，紅白酒任飲，真係抵到犯晒規我哋一選擇好套餐之後，店員就好快手咁幫我地上菜，最吸引眼球已有第一個出場嘅就係6款升級版刺身。有加拿大象拔蚌、和牛刺身、日本甜蝦、赤身魚肉、日本刺身墨魚、帶子、希靈魚、北寄貝等等⋯其中和牛刺身好似真係第一次在香港食，入口即溶。仲有象拔蚌刺身一樣鮮甜味美。 7款特選海鮮一樣有驚喜，廣島蠔、青口、虎蝦、帆立貝、白鱔片和鮮魷魚⋯⋯一次過食晒成個海洋落肚。靚牛拼盤 勁多新鮮靚料一次過食勻晒，有美國特級天然封門柳、特級美國肥牛、牛小排等好多不同部位的靚牛肉。大家開心share少食多滋味。跟住落嚟就可以任點70多款任食的配料，任點任食但係一d都唔弱。有老公最愛的本地牛坑腩、本地黑柏葉 、百花釀油條、汕頭牛筋丸、必食炸魚蛋、魚肚⋯真係聯合國咁嘅款。到最後太飽食唔到 日本稻庭烏冬 添！呢間寶哥火鍋真係好豐富！一邊火鍋一邊

今日黎到寶哥火鍋私房菜打邊爐，地點位於佐敦，幾方便，一入到去環境好大呀，燈光夠，行入去有好多卡位，四至六人枱，行入少少，有三四張好大嘅圓枱，啱晒成班人一齊去打邊爐。我哋叫咗個餐，一開始送咗刺身拼盤俾我哋，之後仲送咗個海鮮拼盤俾我哋啊，又有加拿大象拔蚌、海蝦、又有蜆、青口、帆立貝，好豐富呀！打邊爐除左材料緊要，最重要仲要係個湯底夠入味，一邊係椰子雞湯，一邊係蕃茄粟米湯，兩邊都好鮮甜呀，推介大家叫呢兩個湯底（唔食辣既話）。當然要叫啲肉類食啦，包括有本地手切肥牛、美國特級天然牛柳、黑毛豬，好多野簡架。仲叫咗響鈴，係即炸架，熱辣辣脆卜卜。招牌三寶丸，都好煙銀呀！飲品方便都好多選擇，我哋當然要叫咗清熱解渴嘅竹謝茅根～寶哥，適合一班朋友嚟打邊爐聚下舊，住附近/放工既朋友可以約埋一齊食呀！

今日去左佐敦寶哥打邊爐，一心諗住打邊爐，估唔到$188既價錢都有刺身送。抵讚👍🏼。汽水、啤酒、酸梅湯同雪梨茶都係任飲。打邊爐有涼茶消滯解熱氣，都唔錯。今次揀左好大路既清湯配沙嗲湯底。值得一提係清湯湯底用好多食材餚製，味道唔錯，唔會淡味到似滾水😆。火鍋紙上食物款式比較大路，唔會太多花巧食物，不過基本既肥牛，丸類或者海鮮都有。 揀哩到打邊爐絕對係重質唔重量。當中有好幾款火鍋配料落左單三四轉😆，因為真係好好食。哩到既豆腐真係冇得彈，勁香豆味，食落質感同味道都好似冇落糖既豆腐花🤤🤤🤤，好滑。哩款黑豚肉又係必食之選，豚肉脂肪部分都唔少，食落肉質好淋，又爽口。兩個人食得唔多野，不過試左佢個汕頭牛筋丸同必試魚蛋都覺得唔錯。丸類非常爽口彈牙，又滑，口感超好。牛坑腩唔係間間火鍋店食到。肉質好淋，啖啖肉，不過比較大件，食多兩件好易飽，多人食我會超級推介。蔬菜同魚都好新鮮架！打邊爐點少得肥牛。哩款美國肥牛肉質好淋，一啲都唔肥膩👍🏼。哩到個烏冬都唔錯，口感煙煙韌韌。同個沙嗲湯係絕配。