寶哥火鍋味館 (已結業)

一家人聚會最好食火鍋，一齊烚下烚下特別感覺溫馨，店位於佐敦地點環境方便，靜中帶旺，環境相當不錯，歡聚閒談的好地方。地方環境舒適，乾淨整潔，氣氛不錯，給人放鬆的感覺，繁華的背後，能夠停下來暫時忘憂，用餐更輕鬆暢快。新鮮刺身是打邊爐的bonus點左個雞煲，可能叫小辣所以冇乜味雞煲大約10分鐘可以食，真係件件夾起都大大件雞肉~ 雞煲不停加熱，雞肉要做到嫩滑就無咩可能~不過雞肉唔係乾柴~ 合格打邊爐呢個環節我地就叫咗個海鮮拼盤，啲海鮮好大隻，份量好多，都好新鮮，有蝦、鮑魚、扇貝、帆立貝大大隻任食時刻必試魚蛋，爽口彈牙食咗好多粒👍🏻特級黑汁墨魚鮮味出眾，肉質嫰滑有彈性酥炸魚皮即叫即炸，新鮮熱辣辣又脆口，放湯稍灼數秒便可吃 ~特級美國肥牛肉，厚薄相稱，色澤紅潤而且富有光澤，牛肉味濃黑臀肉睇落好靚，肉質好爽口。豬肉味幾濃。雞髀菇、鮮冬菇都洗得好乾淨，落入湯中夠甜。

呢間火鍋店係佐敦區都幾出各，仲可以有埋海鮮，刺身等等既放任食套餐揀今日係有少少既寒意，即刻去打個邊爐暖一暖我地揀左既套餐係包埋有任食火鍋之外，仲有埋刺身拼盤同紅酒/白酒包！呢個真係豪華宴係我地揀緊個湯底既時候，刺身已經送到，種類唔算多但勝在夠新鮮！係咁多個湯底入面我揀左雞煲，因為又可以食雞煲又可以打邊爐。一次過滿足兩個願望雞煲好香，份量都幾多下，而且肉又嫩又辣！不錯不錯然後就係打邊爐時間，超多食材可以揀海鮮超生猛！有蝦有帶子有鮑魚等等，就咁唔洗加醬料已經食到個鮮味

香港人一年四季都鐘意打邊爐，湯底、海鮮、火鍋配料都特別著重，今日試下佐敦嘅寶哥火鍋味館，3個鐘火鍋放題有$188-288套餐，食物款色多到數唔哂例如本地及美國肥牛、白鱔脆肉鯇、汕頭牛丸八爪魚等，湯底有雪蓮果椰子湯、猴頭菇鯊魚骨湯都幾吸引，我睇天氣轉凍就揀銀杏胡椒豬肚湯，任飲汽水啤酒同竹蔗茅根。首先係套餐嘅限定拼盤、海鮮同靚牛盤、招牌三寶丸等，海鮮有生蠔、花甲、海蝦，安格斯牛小排肉味濃，龍躉腩皮好厚身超讚！任食選擇我會推介五香鮮牛肉、白鱔、脆肉鯇、香滑京都豆腐都想再嗌！Menu每款嗌一樣都好豐富，又可以每樣試吓，都覺得好抵食！餐廳除咗食物同環境，服務都係重要會令客人想再嚟，呢間餐廳嘅店員我特別欣賞，好好敬業樂業清楚各樣食材，聽佢哋推介實無錯！寶哥火鍋味館地址: 佐敦長樂街8號文興樓地下至2樓電話: 23320998

來到佐敦，梗係食返d名稱強勁的餐廳。。寶哥火鍋味館！一入門口就有好犀利的酒櫃！樓上就是火鍋了~坐低就點一點~汽水啤酒就出邊拎~來了！鮮人參醉雞湯底！等佢滾下~海鮮來了！襯新鮮呀~碌下！Mmmm..青口好彈牙！貝類好鮮味呢~點埋醬油味道一絕呀！到食下丸類了！墨汁丸好香，好有墨魚味！魚皮餃的皮夠彈牙，一咬多汁！脆魚皮又係露比至愛！沉幾秒即刻拎起，入口香脆！到手打丸ssss !豬肉一定最香了~牛肉其實食落都認真不錯~墨魚丸又好滑好香呢！牛肉都來了！本地牛！出名夠滑夠新鮮！即碌！果然鮮味十足！到美國牛！薄片可以好快就有得食！食片。。好味道！來路貨係好味ge! 最後就食點菜！黄芽白好爽！秋葵又好新鮮~開心美味滿足的一餐呀！

秋風起 又係時候約老友記打邊爐了今晚㨂左寶哥 朋友話佢啲套餐好抵食我地㨂左中價位唧套餐 已經包左刺身同海鮮拼盤先上左個刺身拼盤 有希靈魚 北寄貝 赤貝 八爪魚同埋生牛肉 北寄貝同赤貝都好鮮甜湯底都幾多款式 我地㨂左猴頭菇鯊魚骨 湯底呈奶白色 入口好清好鮮甜之後海鮮拼盤黎啦 有大大隻嘅鮑魚 大蜆 生蠔重有蝦同龍躉肉 鮑魚好鮮好彈牙跟餐重有特級封門牛柳 入口好滑好有牛味除此之外 重有三十幾款火鍋配料可以叫飲品方面 唔算好多 不過就包埋啤酒 鐘意飲返幾杯嘅朋友就岩晒

天氣轉涼 又係食火鍋嘅時候約埋幾個朋友一齊 烚下烚下就最開心朋友中有人提議寶哥火鍋 咁就二話不說訂位啦！餐廳有三個任食套餐 我哋㨂咗$238套餐首先送上6款剌生 有北寄貝 希靈魚 八爪魚 墨魚赤貝同埋生牛肉 鮮味十足 再有5款海鮮拼盤 有蝦 鮑魚 大蚝 生蠔同 龍躉片仲送一碟美國天然特級封門牛柳 好正湯底我地㨂左猴頭菇鯊魚骨湯 湯底雪白清甜重有30多款火鍋料任叫任食 汽水方面都係任飲最特別有豬仔生腸頭鯇魚卜同脆鯇鮫 各人食到肚滿腸肥後就結賬啦

而家天氣開始凍啦，咁嘅時候緊係食火鍋啦，放工前打電話比老二，叫佢今晚一齊食火煱，约咗佢係佐敦地铁站等，因為有嗰朋友介绍我去佐敦，嗰度有間好出名嘅 火鍋店，叫做(寶哥火鍋味館)，地鉄站行过去都係大概 十零分鐘咁上下，侍應比咗嗰近窗口嘅位我地，餐牌有一個任飲任食套餐，分A,B,C，我地揀左A餐，先嚟一個刺身拼盤，甜蝦和希靈魚味道鲜美，跟住叫咗嗰 寶寶雞煲 我要咗一個小辣，咁就唔使要湯底，雞肉 鮮嫩，辣味適中，食咗雞煲先打边爐， 火鍋配料 要咗，特級美國肥牛，野豬肉眼根，豬仔蝴蝶腩，百花釀油條 ，招牌白鱔片，脆肉鯇魚腩，鮮鯇魚卜，鮮蝦雲吞，鳳城水餃，台灣貢丸，特級墨汁墨魚丸，黑木耳，鮮鵝腸，飲品要咗啤酒，食咗大部份雞件，先放美國肥牛先，肉質和口感都一流，配埋嗰個人自家制醬汁，正，再食吓特级墨汁墨魚丸先，真係用墨汁撈埋一齊整㗎，墨魚味道好濃，又彈牙，其他食材味道都好OK，直得一提係野豬肉眼根，係我全晚嘅至愛，味道和口感都好正，兩兄弟今晚飲啤酒都唔少，因為啲嘢食真係有水準，下次一定要再來食過，二佬話我介绍咗佢食呢餐正嘢，等佢做東喎。

今晚阿頭請食飯，一向節儉的佢，竟然一反常態，有少少擔心......地點佢揀，位於彌敦道旁的橫街中，冇人帶路應該唔會知道。佢話係任食火鍋，唔使同佢客氣喎。上到去，環境又幾好噃二人都有卡位坐，配料放滿都仲有位剩，一D都唔會逼夾，呢到只係一部份咋。呢兩張 order 紙，係可以任食的配料。其他仲有D刺身呀海鮮呀靚牛呀等等就按人頭只出一 round， 火鍋放題的老規矩啦。刺身拼盤，勁多種類，有左口、赤貝、甜蝦、希靈、八爪、魷魚，甚至連牛肉刺身都有 另一個最欣賞係鯇魚腩，又肥又大條仲好夠脆，叫左幾 round 。大蝦夠大夠新鮮，不過好似只限一 round 。黃沙豬潤仔，耐心地烚緊緊熟，真的正到喊 手打三寶丸，係招牌，必叫必叫 ！ 好彈牙，有蝦味，有魚味，有墨魚味，好好味。鮑魚 BB 就弱左少少，好過冇啦⋯⋯仲有黑柏葉都 good 的，好爽口。特色野，百花釀油條，都幾新奇，但好難掌握要烚幾耐囉，烚得耐件油條會太淋，烚得唔夠又怕百花唔熟，十分懊惱深海墨魚鬚堅大條，令我回想起條世盃墨魚保羅呀墨汁丸味不算濃，牛筋丸正正當然唔少得靚牛，質素唔錯有樣你睇。野豬肉眼筋，熟左的（下）同真身（上）放埋一齊大合照。

火鍋黎講寶哥真心不錯，無論衛生環境食物質素都對得住價錢有突，無限時任食價錢仲要只係$188-288，慢慢坐食到飽完全無人趕的感覺係普通任食的火鍋店真係搵唔到。唔同價錢的set有唔同份量的高質牛肉，魚生同海鮮，份量為人口定，其餘所有野食野飲都任叫。今次食$238set，湯底選了猴頭菇鯊魚骨湯，湯頭鮮甜補身，加入多種中藥材，真材實料，食物經過上湯，不用調味都能帶出鮮味。首先跟餐的有和牛刺身拼盤，有wasabi同日本醬油，頭盤來說都幾新鮮，刺身連赤貝都有，食落爽甜一d都唔腥。海鮮拼盤有蜆，蠔，蝦，龍躉魚片等等，龍躉魚片好滑無骨，入口即溶。蠔同蜆都好大隻同肥美，整體來說海鮮都算新鮮，唔係任食但都抵食。靚牛拼盤名乎其實，封門牛柳真係好高質好靚，新鮮鮮味十足不特只，牛味仲好濃，係濃而不羶，剛好熟的時候食更是香滑。手打的三寶丸特別彈牙，味道香濃爽口，出色得好似食緊鮮蝦/鮮墨魚，鮮甜軟軟，無得任食實在太可惜。食完跟餐的食物就可以瘋狂剔紙食到飽了，款式都好多，奈何眼闊肚窄，只好選喜歡的來吃。墨汁墨丸雖然無手打的爽彈，味道依然香濃，彈牙可口。魚蛋一樣，如名稱般是必試之選，魚香，不是普通魚蛋般粉。美國肥牛沒

最近天氣轉冷，同屋企人去打邊爐。我地去左位於佐敦既寶哥。餐廳既環境都幾闊落，好適合同屋企人，朋友圍爐邊食邊傾。今次簡左鴛鴦湯底，有沙嗲同清湯，沙嗲湯都幾香濃D刺身都幾新鮮，彈牙三寶丸煙韌有咬口，顯出師傅功夫海鮮拼盤鮮甜可口，款式多美國牛肉都唔錯飲品係任飲既，有竹蔗水同酸梅湯，仲有汽水之類其他仲有好多款野食，有自製響鈴，雲吞，墨汁墨丸，五香牛腩，豬頸肉，羊肉片，都幾嫩滑，整體既食物質素都唔錯，價錢都合理

天氣開始凍啦！秋意漸濃，最啱就係打邊爐。所以我早幾日一於同埋屋企人一齊上呢間叫做寶哥火鍋味館好好品嚐一下佢嘅火鍋。呢間火鍋店最吸引嘅係70款火鍋料3個鐘頭任叫任食，仲有啤酒、汽水、酸梅湯任飲。我哋今次食嘅係A餐，有一份日本刺身送，每位$188嘅價錢仍然非常抵食，非常平民嘅價錢。店裡十分乾淨，環境幾好，坐卡位又會啲小擺設，幾得意㗎！講返份刺身，有北寄貝、魷魚、希靈魚同甜蝦。口感都不錯，同新鮮嘅。同喺酒店食到嘅高級刺身可以話係不相伯仲。今次我哋嘅湯底係雞煲湯底，啫係我哋同時可以食到雞煲，再打埋邊爐，係咪一舉兩得呢！雞煲一出嚟，啲香味帶住少少辣味簡直令人垂涎三尺，雞肉嘅口感更加係令人回味無窮。之後嘅火鍋我前前後後都叫咗快有40碟，雖然每碟嘅份量都係得兩人份，因為我哋得兩個人。但係碟碟都可以話係食之不厭。可惜我哋食力未夠強，未能食盡70款火鍋料。最正嘅我諗應該就係佢嘅特級美國肥牛同埋東山羊肉片。肥牛片脂肪分佈平均，絕對比起喺街市買到嘅好幾十倍。羊肉片都一樣冇乜羶味，最啱啲想試羊肉又驚重羶味嘅人，啫係我，哈哈! 再沾上自己溝嘅醬汁，簡直係十里飄香。另外要介紹嘅係呢個香滑京都豆腐，佢真係好滑好甜好

今天和朋友兩個Book 了佐敦的寶哥火鍋打邊爐，貪佢位置好，地方寬闊坐得舒服。這裡的火鍋放題有三個組合選擇，有A餐$188、B餐$238和C餐$288。今天我們食咗B餐。B餐包括了安格斯牛小排、六款刺身及和牛刺身，還有五款海鮮，與及我覺得最好味之一的招牌三寶丸，係新鮮手打的，大粒之餘，味道好!湯底方面這裡有多達十二款湯底選擇，就連我最喜愛的雞煲也有，不過朋友話雞煲食過太多了，所以今天反樸歸真，選了沙嗲拼清湯的鴛鴦鍋。其實呢個鍋嘅配搭認真不錯，想吃較濃味的可以用沙嗲那邊，而喜歡清一點的可以用清湯那邊。除了跟餐的牛小排好味之外，這裡的其他肉類也相當不錯，肥牛是必食之選，牛味足。仲有必食的就係，招牌白鱔片和脆鯇骹，好鮮美。至於八爪魚就非常新鮮，所以食落非常爽口彈牙。還有，其他的魚蛋、墨汁墨魚丸、肉丸和響鈴的質素亦非常高，粒粒都真材實料。整體來說價錢合理，質素很不錯，下次撇低呢個朋友再來，一定要選雞煲湯底試下。

我相信大家都有出街係餐廳打港式邊爐或者係日式餐廳食刺身, 但我相信好少人會試過係同一間餐廳入面同時食刺身又打港式邊爐。今次我和幾位朋友一齊去呢間位於佐敦的「寶哥火鍋味館」。呢度可以揀任食套餐(而且有幾款餐揀)又得, 或者單叫都得。咁一班後生仔梗係想任食架啦, 而且最平個款套餐只係兩舊水有找。不過我地就嘗試下冰火的感覺, 既有刺身, 亦食火鍋。而任食Menu上面的火鍋配料, 都好多選擇, 剩係單單湯底都已經超過10款你揀。頭盤先來的當然係刺身, 份量係一人一件, 都有七款魚生以及一款和牛刺身, 款式絕對唔少。唔好以為係火鍋店食的刺身就唔好食, 呢樣真係有驚喜, 每款刺身都好新鮮, 仲有好特別的佐口魚刺身, 非常爽口。至於和牛刺身, 如果夠膽食, 亦食到好鮮甜, 唔會有「騷」味。飲品方面都係任飲, 幾款汽水唔少得, 亦有啤酒選擇, 最特別就係有一渣渣的酸梅湯同埋竹庶茅根。而我就揀左飲竹庶茅根, 佢唔係買鴻X堂個D倒落去, 而真係似自己煲, 唔會過甜, 非常滋潤, 好適合打邊爐。火鍋方面, 我地都食左唔少野, 以下幾款食物都係我覺得幾出色。手打三色丸, 墨丸、鯪魚丸以及蝦丸, 三款都係彈牙,

天氣漸冷， 係食火鍋嘅好時間， 食火鍋一定要有新鮮食材， 呢間火鍋出名係靚雪花肥牛， 依家仲有火鍋放題認真超值， 三小時任食， 啤酒汽水任飲。隨餐每枱送一客刺身及火煱海鮮😀😀😀!刺身~八爪魚，象扙蚌，北寄貝，牛肉刺身等等..... 鮮甜可口。 另外還有大蝦，班片，火鍋蠔，花甲等等....生猛海鮮. 湯底~ 椰子湯底, 清香嘅椰子味 不油不膩, 喜歡清淡朋友啱曬, 火鍋配料 超過幾十種款式,  非常豐富。火煱必食食材~ 雪花肥牛, 雖然係薄切, ㄧ放入口牛肉鮮味浸出来, 口感嫩滑, 仲好有牛奶香, 簡直係百食不厭不能不提火鍋蠔, 比軟覚得食蠔必定係生食最味美, 熟食嘅蠔ㄧ定冇好食, 可能係我哋把握時間啱啱好! 剛從煱裏撈上来蠔, 除了味鮮, 肥嘟嘟賬卜卜, 竟然冇縮水, 放入口仲非常 juicy , 應該係食材新鮮及上等嘅質素, 否則ㄧ定唔會有如此口感!其實仲有很多味美食材，一定要親身来試試，真係不能盡錄。

今日落雨，跟住翻風，已經入秋喇，就心思思約老友去打邊爐，老友話佐敦有間抵食火鍋， 可以任食三個鐘 ，提議一齊去試下。任食火鍋有三個選擇，$188，$238同$288， 因為我唔飲酒，所以就揀了$238。$238係包括和牛刺身拼盤、海鮮靚牛拼盤、 招牌三寶丸、豬肉眼筋、任食配料和飲品任飲。室內環境寬敞舒適， 侍應服務亦非常殷勤，主動添湯換碟，抵讚。我揀咗個比較特別嘅湯底 ~ 雪蓮果椰子湯， 湯底清甜，我未食火鍋就先飲一碗靚湯滋潤一吓。招牌三寶丸係魚丸、墨魚丸和蝦丸，三種丸都非常彈牙。食火鍋前先送上和牛刺身拼盤，是日供應嘅刺身拼盤係赤貝、甜蝦、北寄貝、八爪魚、白身魚、墨魚和希靈魚，仲有和牛㖭。刺身好新鮮， 仲係用冰雪住上桌，可以慢慢食。海鮮拼盤有蝦、青口、脆肉鯇、生蠔，大蜆， 隻蜆都仲郁緊㗎。其他材料都唔錯，因為太多種類，我只叫少量嚟試，試完好味再encore， 無謂浪費食物。估唔到蝴蝶腩都有得食，少見！牛肉靚又好重牛味，必試魚蛋和特級墨汁墨魚丸都好爽，好好食，響鈴好香脆，應該係自家製嘅。汽水啤酒任飲，仲有酸梅湯同自家製甘筍粟米水，不太甜，夠滋潤。呢間任食火鍋最好嘅地方就係可以食足三個鐘頭