寶蓮禪寺齋堂

營業中

休息中

$60/位, 好好味... 不重味...兩個人, 一湯三餸, 白飯任食...$60 包一餐及大佛腳下的展館...如不食午餐, 可以$23 包豆腐花+素小食及大佛腳下的展館

同男友去大嶼山玩, 搭昂坪360來到寶蓮寺, 梗係要”入鄉隨俗”食下齋啦. 食齋要先買票, 有$60/person 同 $100/person 比你選. 兩者既分別係$100/person坐既地方靚d, 同有翅食. 去到佛堂就唔好介意環境同食唔食好野啦. 我地清心寡欲 , 選左$60/person.2人餐有一大碗湯, 一煲白飯(任添), 蘿蔔絲春卷, 粟米豆腐, 冬菇炒白菜, 同埋食落似扎肉的東東. 樣樣都幾好味. 環境都唔錯, 企企理理. 同埋有好多外籍同自由行人士都來呢度用餐.

大年初四，同老婆一齊上寶蓮寺睇大佛，體驗一下古剎鐘聲，洗滌心靈。由東涌坐巴士上寶蓮寺，買了大嶼山一日通，平日25蚊可以全日任坐大嶼山巴士，上完寶蓮寺再落大澳，買一日通就好抵。上到寶蓮寺，開始肚餓，於是先去食齋菜，我地買了60蚊一位的齋票。我地兩個人，一共有四餸一湯，同一煲白飯，菜式包括粟米豆腐、香菇白菜、炸春卷同素雞炒雜菜，味道不錯，而且份量真係好大。風捲殘雲一輪，最後，我地兩個人其實都食飽了，但不想浪費食物，於是勉強地繼續吃，最後吃下全部食物，飽到上心口。其他食客大部份都食唔哂飯餸，真的很浪費。阿彌陀佛，真的不應該暴歾天物 。我地覺得兩個人食三個餸已經很足夠，一張齋票的份量便很合適。可惜齋堂逐位計，不容許有這安排。希望寶蓮寺可以改一改齋菜份量，不要再浪費食物。阿彌陀佛，善哉善哉

去昂平 360 玩其中一個節目梗係要黎寶蓮寺食齋啦，如果唔係基本上都無咩好做，哈哈，聽講食齋個D錢係要黎做善事既，佢有 $60 同 $100揀，還掂都係啦，我地就揀左食 $100啦，同埋諗住可以坐得舒服D嘛。一坐低佢就整左成大兜翅黎，根本無可能食得哂，我見人地 3-4人份量同我地 2 人份量都好似差唔多咁，感覺上都係多芡左少少，但唔算太濃味，清清地都可以接受。我鍾意佢個D竹笙呀!之後佢再擺低左 4 個小菜，個人最鍾意食就係檸檬素雞，因為真係超開胃，唔會過酸，脆脆地又甜甜地，真係好好食呀! 食到停唔到口。另外仲有2碟蔬菜為主，一個係北菇生菜，D菇好大隻好入味，而另一個就伙炒什菜咁乜都有D，有好多料例如荷蘭豆,草菇,雲耳等等，但就普通D，無咩特別。我最唔鍾意既就係炸春卷，因為真係太熱氣啦，同埋有種好油膩既感覺，我地兩個人每人都係食左一至兩舊就算，都無食哂。其實我地兩個人佢俾少一碟菜我地都得，因為而家食剩左少少，雖然佢未至於係勁美味，但既然係做善事既，唔好咁高要求啦。而且環境又舒適，我食得好開心呀。

Just coincidently, we arranged our itinerary to visit Giant Buddha in Lantau Island on 9th, Aug.And 9th, Aug is a special day...It is 观音诞. Thus it makes our vege lunch in 寶蓮寺齋堂 be more meaningful on that special day, There are two types of lunch ticket, HK$100 and HK$60.We took the cheaper one, HK$60...Overall, the food was quite nice...just that too much of mushrooms hahahaha...Also the food portion was too big. We were 4 gals there, but the food portion could definitely feed for 6 person.We we

仔仔想搭360，今日我哋約埋個friend一家去搭360同行吓寶蓮寺，嚟到寶蓮寺當然要試吓D齋啦。四個大人兩個細路，有五餸一湯，份量充足，味道OK但菜式就普通咗D。粟米豆腐 - 我最欣賞呢個，豆腐幾滑，sauce少少辣，幾好味，送飯一流。冬菇白菜 - 冬菇冇也菇味，味道一般。炸春卷 - 呢個炸得唔錯，唔油又十分脆，餡料都好爽口，其實味道OK嘅，但我唔係幾喜歡D餡料。羅漢齋 - 味道OK嘅。素雞炒雜菜 - 我喜歡食素雞嘅，所以我覺得呢個都唔錯。每人$60，五歲以下，不用收費。

本人對齋菜一向都不感興趣, 簡單黎講就係無肉不歡, 不過食完d餐之後有所改觀。同個自由行朋友睇完大佛, 個朋友話想試下d齋菜, 咁就去左寶蓮寺間齋堂食la~ d餐係我今年第一餐食齋...黎左d齋菜, 試左一啖蘿蔔絲春卷, e~ 又幾好食wo~ (未食之前仲係以為會淡而無味)之後試個粟米豆腐, 又係好滑wo (一定唔係百福豆腐, 相信係自己整)雖然個湯淡左d, 但整體黎講係好好~ 今餐一人$60, 遊客區黎講又唔算貴, 下次再黎都會再食多次~

每個月都差不多會到大嶼山一次，最近兩次都來了寶蓮寺。今次都有十幾人一齊，所以齋菜款式多了幾款——八餸一湯，白飯任「莊」。炸芋蓉——好味，因為炸，特別香口，芋蓉夠「林」。冬菇扒白菜——冬菇肉厚，白菜新鮮，清淡得來味道夠鮮。素雞——今次是豆豉汁，水準一般。玉米豆腐——淨睇個賣相就已經吸引，豆腐好滑，唔知係唔係山水豆腐。炸蘿蔔絲春卷——外皮脆，裡面爽。翠玉瓜炒雜菜——又係一碟五顏六色的素菜，清淡之選。羅漢齋——全統齋菜，用料十足。甜酸素排骨——開胃菜式，淨係這一道菜，就已經可以食兩碗飯。之前因為怕午飯時間人多，尤其是星期日，因為有很多遊客，為免要等位，便沒有來寶蓮寺，但今天差不多兩點才到達，所以不用等位，便在這裡享受了一個豐富的齋菜。

今天四人行坐昂坪360水晶車看大佛，打算買左飛食齋，賣飛個個女人話平個只$60有機會同人搭檯，而另一只$100就係貴賓廳，而且Ｄ齋靚Ｄ，個翅又好食！行完心經簡林後，我地四人十一點九到達寶蓮寺齋堂先黎翅，味清大碗內有很多菇同竹笙！味道很好呢！西檸素雞：好好食呀！酸酸地好醒胃呀！大冬菇生菜：真係真材實料，唔會呃鬼你！炒雜菜：西芹、荷蘭豆、草菇、雲耳、露荀（唔平咖喎～）、腰果炸春卷：好香口又脆，我一個人食左唔少呢！炸芋藕：蓮藕內夾左好多芋頭，由於男朋友唔鐘意食，只係得我同伯父母食，不過真係好好味～但食得多會好滯！每人一碗白飯，唔夠可以再添茶又是一大壺！

唔會好多油~配搭適宜,唔會好似d齋舖用好多成品(素肉)你睇下d相, 我同阿爸兩個人全部食晒呀,真係好好味呀~

今天一早上鳳凰山頂一睹"小強"的風采, 他今天不是領先到達, 幸運地見識跑山者的步速真的很快很快! 我們行了伯公坳至寶蓮寺一段, 順道於此吃點東西, 齋堂外亦設有小食部, 專賣齋, 甜品, 炸物! 什錦齋, $20, 豆腐花, $8, 凍糕 - 芝麻, 紅豆綠茶, 雲耳紅棗, $10/3! 先說什齋, 好好食, 完全無硬既感覺, 又熱又腍, 我覺得齋鴨腎好食啲, 老公就覺得酸齋好食啲, 豆腐花唔夠人和既滑, 豆味唔濃, 不過都合格, 三件糕就差啲, 芝麻唔香, 略硬, 紅豆極硬, 雲耳紅棗仲硬過 Jelly, 下次專攻齋鹵味!

Went to 360, the Iron Buddha and Po Lin Monastery, stopped there for lunch, we (two people) bought the "General" ticket, food came quite fast, healthy and tasty, my favorite is the Corn with Tofu, the other dishes are fried mixed vegetables, mushrooms and pok choy, spring roll and soup, there's enough to serve three people, everything was fresh and tasty except for Spring roll which was a bit too oily and the mushroom with pok choy is a little too blend. We didn't expect much for the environment

今天兩公婆特登去坐昂坪360,順便遊大佛,臨上大佛樓梯前,個counter亞姐問買唔買食齋飛,分$60及$100,於是問佢有乜分別,佢話$60嗰隻有機會同人搭檯,$100嗰隻係貴賓廳內食,唔駛同人搭檯,啲齋靚啲,仲有個翅食,心諗反正當做善事無所謂啦,就要咗$100嗰隻.經過一番大佛及心經簡林之遊後,終於到達寶蓮寺齋堂,果然$60及$100的地方是不同,$60的是一個無乜裝飾及普通的食堂,而$100的果真是有地氈有佈置的地方,確實與別不同.先嚟個翅,味道很清,很大碗,翅很大條,亦有很多,仲有金菇同竹笙,味道很不錯.跟住嚟個檸檬素雞,這個非常有水準,檸檬味不會酸,更帶點甜,個素雞更加十分入味.仲有個北菇生菜,北菇同菜都算新鮮,北菇亦很爽.還有另一碟蔬菜,西芹,荷蘭豆,草菇,雲耳,幾新鮮,亦很大碟.唯一一個餸覺得不太好,就是炸春卷,雖然入面用蔬菜,做得不錯,但是炸得比較油.仲有每人一碗白飯添,值得一讚的是這裡的茶是一大大壺,而且好有茶味.

2008-10-19兩個人，要了$60 的齋基本上佢會根據你圍檯有幾多人而俾幾多你，但都真係多到湯飲唔晒，飯無郁過，都幾浪費青紅蘿蔔湯，真係超清，不過我都唔mind……所以出面o的例水先要加味精除o左個炸蘿蔔絲春卷，樣樣都好好食不過素雞鹹o左o的個粟米豆腐超好食，唯一清晒o既一碟佢o的茶都淡過人雖然多遊客但好乾淨真係當洗滌心靈吧

一行7人到寶蓮寺禮佛同食齋, 選擇了$60那種先來一大碗冬瓜荷葉湯, 味很清, 熱天飲解暑啱哂了. 唔夠可以還再添共7個餸, 份量不少, 所以都無食過飯最好食既係炸芋蓉, 入口有香濃芋味, 不太"漏", 外層脆脆的, 好吃另外煎腐皮也不錯, 咬下去一層層的身2有層次感冬菇時蔬的冬菇很有香味, 雜豆豆腐亦香滑其餘有一碟炸春卷, 內裡是蘿蔔絲, 味道太寡, 不太欣賞 羅漢齋同素鮑魚就無甚特別雖然唔係話十分好食, 不過主要都係黎禮佛, 食野開心自在就得, 在此也不需太講究了另外值得一提的是, 廚房4:30pm就會收爐, 如果買左齋券就請4點半前黎到落單, 唔係就算買左都無得食呢!