寶蓮禪寺齋堂

營業中

休息中

今日自駕遊到大嶼山，去完貝澳肚餓就去食下齋。之前嚟過幾次都覺得好好味，雖然次次黎都加價，由69食到而家98蚊嘞今日係平日，無得食98蚊果個，得返138貴賓餐。一場黎到，貴就貴d啦！ 於是6個人就開始左一餐又貴又唔好食嘅午飯。。。呢碟叫做最正常，亦係最落本，因為有腰果麻。呢個生菜冬菇無乜特別，不過好多油囉！西檸雞，又係一般，情願佢煎左佢算。炸春捲，入面得耶菜，蘿蔔絲都無條，頂！芋頭魚，係唯一一個好好味嘅餸。好鬆好滑，但一人得一粒炸蓮藕餅。d汁已經浸到個餅無左炸嘅意思最後一個等左幾個字先黎，就係翅。又係果句，難食又唔係，好食就一定無佢份。仲有白飯任裝。138蚊，食咁嘅野，我覺得太唔抵嘞！同以前嘅質素差太多，無下次。

每次上寶蓮寺和大佛也是和客戶匆匆忙忙地到此一遊，沒有時間品嚐素食，今次專程來到食齋，即時可以食只有普通位也沒關係，反正也沒有印象了(上次在這𥚃食齋已經是N年前了😜)，買了票即時入座。先上湯和茶，合掌瓜和節瓜湯，好清甜👍飯菜一起上，四餸加白飯一鍋，有小唐菜炒冬菇、粟米什粒豆腐、乾齋炒四青、炸蘿蔔春卷。冬菇細細粒軟口配爽口小唐菜👌粟米什粒蒸豆腐，豆腐比較老😜乾齋炒青椒西芹青瓜翠玉瓜，爽脆又好味👍👍👍腐皮春卷包着蘿蔔絲，香口，只是春卷下也頗多油😜😜😜有時心靜下來食一頓素齋是不錯的選擇💪

入到寶蓮禪寺梗係要食齋應下景啦!!!有貴賓齋同珍味齋揀~我同friends揀左珍味齋珍味齋有:古法老火湯;脆皮炸春卷;碧綠腐球片;冬菇扒時蔬;彩虹滑豆腐;寶蓮羅漢齋;香煎鮮腐竹;絲苗白飯古法老火湯:入面有粟米同紅蘿蔔~夠哂清甜解喝~天時暑熱飲一定再好不過脆皮炸春卷:有紅蘿蔔同木耳絲等等~好脆唔油膩~外脆內軟~最鐘意食呢個!好好味!!!碧綠腐球片:有青瓜、翠玉瓜、西芹同腐球片等等煮成~蔬菜好新鮮~入口好爽口~腐球片軟腍清香好好食!冬菇扒時蔬:冬菇爽滑濃香~d汁同棠菜好夾~彩虹滑豆腐:好色彩繽紛~用三色豆(青豆;粟米;紅蘿蔔)同豆腐一齊煮~用三色豆黎撈飯食超好味~豆腐都好清涼好有豆香!!!寶蓮羅漢齋:好多材料好有色水~汁好濃滑~d食材同汁好夾~香煎鮮腐竹:外脆內軟既口感~醬汁同腐竹都好爽~好清甜!絲苗白飯:任添~岩哂大食既朋友(請注意齋菜唔可以添^^)間唔中食清淡d都唔錯!!!

很久沒有與全家人一起外出，今年新年選擇到大嶼山，祈求羊年事事順利也順道來珍味素吃點齋菜****************羊年大年初六，即興與家人到大嶼山寶蓮寺拜大佛，祈望新一年平安健康，大家笑口常開，除了可趁假期與未有搭過昂坪纜車的爸爸一同暢遊昂坪市集、參拜大應寶殿，其中一環就是到珍味素吃齋菜。主要分貴賓齋和珍味素兩種套餐，前者價錢較貴農曆新年人流較多，取收據，等候入座珍味素五人套餐，菜式相當豐富啊!在收銀處看看餐牌，套餐分兩大類，貴賓齋和珍味素，筆者選了價錢較平的後者，套餐菜式共8款，包括古法老火湯、脆皮炸春卷、碧綠腐球片、冬菇扒時蔬、彩虹滑豆腐、寶蓮羅漢齋、香煎鮮腐竹與絲苗白飯 (HK$490@5人份量)，其實相當豐盛，由於仍屬農曆新年假期，顧客相對較多但不算太擠擁，取收據後稍等一兩分鐘就可以入座啦。(1) 古法老火湯以巨型湯碗先上，內裡有粟米多件，底部有點眉豆蓉和紅蘿蔔，基一上是純湯，沒有太多配料，但就喝到一份蔬果天然清甜。(2) 冬菇扒時蔬，看似普通得很的食材配搭，放進口中卻令我暗中讚歎，全靠廚師技術，冬菇爽滑濃香，滲進每棵一開四的小棠菜內，遮蓋了本身的菜腥味，又軟又滑，第一感覺

每年新年總會向大佛拜年…今年就選左大年初二去會會面…估唔到新年既第二日都超多人…有不少係內地人黎呢…©，©當然一場黎到…梗係食番餐齋啦…>，<…呢度既規矩係要先到齋堂登記處買票…今年又加左價啦…$98一位…齋菜款式已訂…無得散叫…如到貴賓廳就貴少少$138…但似乎年年都係食果幾味…^^！當然人數多d就多幾味餸…但覺得貴賓廳既餸好似只係好少少啫…唔差得太遠…所以我地都係選左普通…買左票之後…可在1130-1630期間使用…但要去登記左先…人多既時候…有機會會叫你係指定時間再返黎食…人少就係門口等一陣叫number啦…呢度無咩服務…簡簡單單茶壺碗筷等…今日例湯係眉豆花生粟米湯…清清地…之後係四餸一湯…白飯任裝…豆腐只係蒸熟…之後淋上粟米獻…仲有青豆，雪耳…撈飯一流…碧綠比較豐富…有青椒，青瓜，脆玉瓜，西芹…黃椒作點綴…味道也不錯…冬菇扒白菜…有菇味…同樣係清清地…不過不失…春卷係由腐皮包著蘿蔔絲炸成…炸皮十分之鬆脆…可是好油味…略為遜色…總括黎講…係一餐家常便飯…無味精清清地…非常應節…亦好抵食…

同屋企人參加左一日遊, 去大澳及大佛, 中午係寶蓮寺食齋,第一次嚟食齋菜,都好多人呀, 一圍有八餸一湯,一大盤飯.湯係素湯, 入面有些豆, 瓜, 好甜呀, 好飲. 餸有: 豆腐粟米, 豆腐好滑架, 好味 芋頭魚, 酸酸甜甜的汁, 好食呀, 芋頭夠粉冬菇扒小唐菜, 冬菇好多, 好甜, 大隻的 腐竹, 呢個腐竹炸過, 但係好香, 同埋都好大碟素生炒骨, 賣相都幾似真的生炒骨咁樣, 係麵根嚟的, 但個汁都幾好食, 有菠蘿, 青椒, 紅椒翠玉瓜炒西芹, 兩樣都夠爽口, 清甜, 有些豆腐粒的 炸雜菜素卷, 呢個都幾香口, 入面係好多菜的絲, 切到好幼, 好有口感羅漢齋, 有好多草菇, 磨菇, 一些麵根, 都好好味的, 我鍾意食磨菇

難得空閒的週末, 大家會選擇怎樣的活動? 因為最近都睡眠不足, 踩單車呀行山呀這一類的活動我都受不了。思前想後, 不如就去大嶼山走一轉吧。長這麼大了, 還未去過看天壇大佛, 也說不過去。來到天壇大佛這邊, 可做的事不太多。可以先在小小的昂平市集走走看看, 然後才走長長的樓梯看大佛; 看過大佛, 可以走15分鐘左右去看鳳凰山上的心經簡林。少不了的, 自然是在寶蓮禪寺吃個齋。寺內有兩款齋可以吃, 一是用料比較靚、用餐環境比較好的「貴賓齋」, 二是用料普通一點、在大廳用餐的「珍味素」。不論是「貴賓齋」還是「珍味素」, 餐單都是一早定好的, 款式和份量就隨人數而改變。如果不想吃正餐, 寺內也有小食如炒米粉、各式糕點售賣。不論在大佛之下還是在寺內都可以購買齋券, 非常方便。順帶一提, 帶同齋券就可以內進大佛座下的小小博物館, 可以看看字畫和舍利子。白飯任裝二人份量的「珍味齋」共有四餸一湯, 重點是白飯任裝。不過本人覺得重點是這一個小巧的飯煲, 感覺非常鄉土又不常見! 有趣有趣。佛手瓜蘿蔔湯但是看看這個湯就知道很足料。味道不太濃, 吃得出蔬菜的甜味, 頗好吃。一窩湯里有這麼多的佛手瓜, 吃光光都已

多年沒到寶蓮寺，這天趁著放假一遊，順道到面的齋堂吃頓齋菜，清清腸胃。這天是夫妻二人同行，所以叫的是二人套餐。齋堂內的二人套餐分兩種，貴價一點的叫「貴賓齋」，價錢是 $128；便宜一點的叫「珍味素」，價錢是 $88。兩者菜式雖然大同小異，「貴賓齋」的菜式始終會比「珍味素」來得名貴一些，我倆夫妻既不是甚麼貴賓，那就吃「珍味素」好了。「珍味素」的菜式包括四餸一湯，白飯任裝。四餸分別是「脆皮炸春卷」、「碧綠腐球片」、「冬菇扒時蔬」和「彩虹滑豆腐」，而一湯則是簡單的「古法老火湯」。這天我們來得晚，來到的時候已經差不多是齋堂閉門的時候，所以雖然仍能入內用餐，但餐內的豆腐已經賣光，所以改為以最傳統的「羅漢齋」代替。「古法老火湯」清清淡淡的，是傳統佛寺齋菜的特色吧！湯的甜味主要來自湯中的粟米，其他材料則還有眉豆、蘿蔔之類的食材，感覺尚可，但湯不夠熱，則是敗筆。四道菜式中，以「脆皮炸春卷」較為令人失望，春卷皮不夠脆，也不夠熱，似乎是翻炸過的，雖然春卷內的沙葛等材料都幾爽口，仍然難以令人感到滿意。至於其餘三道菜式，整體來說可算中規中矩，不過不失，當中又以「冬菇扒時蔬」味道較佳，茨打得好，冬菇和小棠菜都見入

山長水遠黎到昂坪，點可以唔試下出名既寶蓮寺齋堂，人生第1次食齋，呢到打破左我對食齋既睇法，原來食齋都可以簡單得黎又好味。首先要係門外售票處購票先入去，有珍味素$88位同貴賓齋$128位揀，因為睇過2者分別不大，貴賓齋只係多左個翅，所以最後只係揀左普通珍味素試一試。入到去比票比侍應就會自動上菜，因為上網睇過湯同飯係任添的，所以就想試下係味真，因為就禁睇真係完全唔知可以添的，所以飲完個湯就試下叫侍應再添，點知真係可以無限添，呢個真係加分，因為我係湯怪來的^^湯水方面，其實個湯真係無咩味，可能食齋本來就係強調無味精而比較清為主，所以可能連鹽都唔落，但清清地都可以接受的。食物方面，最好食係個炸春卷，真係想像唔到原來入面好多料，但個味又夾到，炸得好脆好香口，口感一流！個粟米豆腐都好好味，d豆腐超滑！拎黎送飯真係一流！個冬菇都好正，食得出蚊左好耐，入哂味，真係好滋味。另外個碟瓜都爽口的，但相比之下就不過不失。整體黎講$88位都值的，食到齋之餘又添到香油，何樂而不為？不過題外想講一講就係個廁所位置就比較遠少少，要穿過呢個大圓門口直出到尾行一段樓梯山路先去到，都比較遠，不過沿途都欣賞到風景都可以接受的

細佬安排我們去這裡吃齋菜..很有效率的..人頭計..在門外購票後進入交票給工作人員就會安排你們的人數份量自動上檯^^ 白飯和湯是無限任添的..每位hkd 88.. 合共有六款齋菜..我最喜歡是粟米豆腐和炸沙葛卷^^說實在其實我都不知道它們的餸名..只能夠口吃到什麼就說什麼吧.. 炸沙葛卷..不蘸喼汁單吃都很好吃..最開心是炸得鬆脆而不油膩..配合沙葛的爽身口感..我覺得非常夾..多吃幾件都不覺膩.. 粟米豆腐..撈飯一流..方便有益又有營養..大人小朋友都適合.. 其他的齋菜我覺得不過不失..味道不錯..但又未吸引到要大力推薦吧..平時在外面多姿多采..想吃什麼都可以..有幾何會主動吃齋丫?難得一場來到..我覺得一起吃吃齋都是不錯選擇..我現在已有七個多月身孕..多菜其實絕對適合我清淡口味..不過BB已頂著我胸口和胃..所以每餐我吃少量已吃不下了..當然很快又會肚餓啦..因為根本未飽 寶蓮禪寺齋堂 Po Lin Monastery大嶼山昂坪昂坪路寶蓮禪寺2985 4736

今個新年最開心就喺去大嶼山玩了二天, 有個同學租了渡假屋邀請我全家一齊去玩, 間屋好靚, 3層, 地下聽和開放式廚房2樓和3樓各有2間睡房, 還有天台,第一日去完沙灘, 晚上燒烤, 第二日就去寶蓮寺食齊, 今年好貴在寶蓮寺入面食, 每人要$88, 味道就差左, 下次都要去大澳食先得

新一年，新開始，一於跑到大嶼山郊遊。身為香港人，卻未坐過昂坪纜車，回想上一次到寶蓮寺，已是孩提年代的記憶。安娜知道後，就提議一起坐即坪纜車，遊覽大佛和寶蓮寺。當然，對於愛吃的我倆，重中之重其實是一頓豐富美味的寶蓮寺齋菜！走進寶蓮寺園區，往內走到盡頭左轉，便會見到齋堂。齋堂有室內及室外座位，附近亦有供應素小食的店子，例如點心、豆腐花。想吃齋宴，就須要到登記處登記。　　齋堂供應的齋菜套餐有兩款，分別為較經濟的珍味素（$88），以及貴賓齋（$128），亦可散叫。套餐價格相差五成，內容分別卻不大。以二人餐為例，不同之處為老火湯變成了八寶素翅羹，以及將彩虹滑豆腐改為西檸鮮竹片。另外，貴賓齋的用餐地比較舒適漂亮。以價格差而言，並不對等。但實際上，我們付的並不是金錢，而是香油。齋堂不是賣齋，而是招待添香油的善信。所以，本著這個心態，隨心選自己喜歡吃的就好了。　　我倆要了二人份的「貴賓齋」。用餐的齋堂，位於登記處的右手面。門面相當有特色，內裡則是中式小飯店格局。店員招呼我們坐下，喝杯茶，菜色不久後便送滿一桌。　　最先來的是八寶素翅羹。配料豐富，以腐竹、木耳為主。味道比平日吃的碗仔翅清，但不會淡而無味。

1．6．2013 (六)天氣終於放晴，與陽光久別重逢的感覺實在高興! 好天氣最適合到戶外，剛巧男友有兩張免費的昂坪360套票，順理成章就出發了。(GoGoGo!) 於高空欣賞大嶼山沿途的秀麗景色後，下車當然要去寶蓮禪寺吃個齋菜。先於齋堂門口購票，珍味素 (普通餐) 每人$78，貴賓齋 (VIP) 即每人$118。我們點了普通餐，「四餸一湯，白飯任裝」。  彩虹滑豆腐豆腐入口嫩滑，再鋪上色彩繽紛的雜豆，令人食慾增加。  脆皮炸春卷 以腐皮包著紅、白蘿蔔絲同炸。外層炸得脆卜卜，個人喜歡沾上醋汁同吃，更惹味! (醬汁要自行拿取)  冬菇扒時蔬冬菇算是厚身大隻，配以爽口清甜的小棠菜，簡單的調味令人能夠品嚐食材的自然味道。  碧綠腐球片結合了多種清爽的蔬菜，翠肉瓜、青瓜、西芹、紅椒和黃椒，伴入素雞，味道清新又開胃。能夠偶然遠離市區的繁囂，在郊外/寺廟感到另一種寧靜，簡單又愉快!

寶蓮寺有$78同$118既齋生日積福添添香油，所以選擇了$118以為貴賓齋會吃的比普通齋美味唔同原來食物一樣，只係地點不同素翅味道淡淡，加多一點胡椒粉會更好味個西檸雞好好味，酸酸甜甜味道剛剛好扮雞既腐皮軟硬適中春卷炸得剛好，脆口但一啲都唔油膩，個餡都好味其餘有腰果炒三色椒同埋冬菇生菜味道總而言之清清地甘如果想食好味既齋，去粉嶺雲泉仙苑散叫更好味

上班日子，趕頭趕命，迫人又迫車，所以在假期的時間，如非必要我都不會出走市區，而是選擇到山上﹑去郊外等地方舒展一下身心。早幾天友人提議到昂坪一遊，想起來我很久也沒探望過360了，而且對水晶晶車廂一直存在興趣，於是便立即成行﹗從纜車車窗外看著大嶼山的景色，其實香港也很美的；透過透明車底，看到沿途的行山者也會舉頭向我們招手和歡呼，其實香港人也有可愛的一面。美景和笑聲，令我將煩事逐漸拋開，心情也一步一步愉快起來。差不多一點才到達山頂，早餐只吃幾口麥皮的我，四小時後當然已經饑腸轆轆了，下車後什麼都不理，直衝寶蓮禪寺齋堂去﹗多年前幫襯過，至今還記得是分兩個齋菜價，60元和100元，除了價錢，連進餐地方也有所不同，前者在齋堂外的範圍，後者在齋堂入面。因為今天中午昂坪都只有八﹑九度，不想凍風吹呀吹，一心預食貴版的，問及後才知曉，原來兩種價錢都集中坐在餐廳內，啊，有改進是好事，至少食客都不用再受任何天氣及溫度所影響。需在收銀處先買票，後吃飯。原來價錢已加了，是78元和110元，兩個價錢都提供一至八人的套餐，餐牌全都貼在窗口上，收銀員還細心叫我們慢慢看﹑慢慢選。基本上一至四人餐吃到的菜式是一樣，分別是份量