小南國 (已結業)

係港鐵站見到廣告話沙田新開左間小南國，心郁郁想食上海菜，就黎左呢度食晚飯。七點幾去到，好多人等位，間餐廳又細，等左成半個鐘先有位。以往通常去中環個間小南國食Lunch, 全部散叫，呢度有二人餐，好似幾多野食，就試下啦！前菜雙拼燻魚，百頁卷燻魚幾好，甜甜地，但好多骨。百頁卷都唔錯，馬蘭頭好香"草"味。清炒河蝦仁我同男友最愛既菜式，爽口，但多油。砂窩雲吞雞湯一人得一碗，好少喎！湯好濃，有雞味，但佢地俾雞翼我地，覺得好奇怪。香酥鴨呢個最好，用片皮鴨既皮，包住香酥鴨，蔥，青瓜，加D紅色酸酸地既醬，好好味，鴨一D都唔酥，有少少肥，好香口，正！勝瓜炒菌絲賣相晶瑩剔透，但其實全部都係油，D油多到我要用清水過一過先敢食。小籠包自問我夾小籠包都有一手，但呢個小籠包我就失手，一夾即裂！皮比較厚，一般水準。雪梨紅蘿蔔糖水未食過咁既 Combination，味道一般，甜甜地，不過幾滋潤。我下次去沙田唔會再黎小南國，服務麻麻，有咁多好食過佢又平過佢既多的是。都係去中環個間好D。

一行三人，所以沒有叫套餐，散叫。可能就是由於散叫，所以沒有之前食評所說的食物半暖不冷情況。雞絲粉皮：份量頗多，味道一般芙蓉炒河蝦仁：賽螃蟹+蝦仁，味道頗淡上海炒年糕(雪菜)：味道頗佳，熱辣辣時吃"煙靭"砂鍋雲吞雞：雲吞12粒，味道一般；湯有少少酸味，不過應該是調味不是變壞百頁小棠菜：百頁有點兒乾及硬，小棠菜味道一般男朋友說不會再來第二次，並非因為難吃，只是上海菜館多的是，這裏又貴又不是特別好吃，不值得。另外我頗不滿的是明明已經訂枱，但安排我坐的卻是門口第一張枱。雖然我食相並非難看，但讓路過的人看著我用餐總有點不自在。而且不知是坐位近冷氣風口還是普遍問題，食物涼得很快，年糕涼了便硬，變得不好吃...

今日番工人才仔仔，所以就一班人黎食小菜，但真係好失望‧‧‧我地黎既時候已過兩點，而呢度 last order 兩點半，三點收鋪，唔知係咪趕收鋪所以求其甘煮？！薺菜百菜卷 ($28)：極度難食既冷盤！百菜卷沒有味，只食到薺菜既 “青草” 味，難食到我吐左出來！羅漢素鵝 ($35)：腐皮內既餡好少，個茨汁太 “傑” 和鹹，似食薄片既鮮竹卷甘。特色燻魚 ($45)：食唔出佢有咩特色之處，魚肉乾身左些。芙蓉河蝦仁 ($79)：蛋白炒得唔夠滑 “實實地；蝦仁好細粒又少，成碟菜都係無咩味。上海菜炒飯 ($58)：菜粒炒得仍 “青青地” 味，炒飯無味又唔香。上海炒麵 ($68)：唯一一碟size正常既菜，麵炒得有咬口，但都係無咩鑊氣。招牌小籠包 (6隻 $50)：皮頗薄，肉餡鮮甜多汁，幾好！蓮子桂花八寶飯 ($68)：我覺得最好味既菜。八寶飯內有好多荳沙餡，好味。另收每位茶芥 $10，每人要俾 $77但又食唔飽，真係唔會再黎！

成日都聽到身邊的朋友話食過小南國，自問都係為食之人竟然未食過，呢晚咁岩得咁橋行經呢度發現佢，當然入去試下﹗中式酒樓格局，賣的話係上海菜，於是我地點左薺菜百頁卷、沙鍋雲吞雞、叉子燒餅同埋小籠包食o下﹗未坐低已經問我地飲咩，佢話有茶有雪梨水等等俾我地揀，我仲以為是送的於是點左雪梨水，點知埋單原來係收錢12蚊杯的，早知問清楚﹗薺菜又名地菜，含豐富的維生素C 和胡蘿蔔素，有助於增強機體免疫功能，好鬼有益，切碎再用腐皮卷住切成一件件螺旋型的，入口味道青青帶腐皮香的，講真就無咩味架喇，雖然知佢係冷盤不過實在雪得凍了點，如果暖番一點當佢係齋食作一個前菜是不錯的﹗再來是呢度既招牌小籠包，皮做不得薄，包心注滿濃鮮的雞湯汁，好味﹗叉子燒餅一客有四件，餡料是肉碎、菜碎仲有粉絲、蔥等，塞進餅中大啖吃下，很有滿足感，但燒餅不熱亦不算鬆脆，可以做得更好﹗最後是一人一碗沙鍋雲吞雞湯，有菜膽、雲吞兩隻再加雞件一塊，湯味濃郁鮮甜應沒有太多師傅，28蚊一碗是貴貨色不過味道尚算不俗﹗埋單一人百二蚊，四個未能吃飽的菜是貴了點，整體食物仍可做得更好﹗

同媽媽兩個人去食叫左小籠包、醬鴨同排骨面小籠包先上，夠熱，但好易穿，同埋啖湯太少，唔夠鮮，不過肉夠好味，但鼎泰豐同紅磡又一店都無得更出色之後到排骨面，湯幾清，面質爽滑，排骨（即豬扒）醃得夠味，幾腍最好味係醬鴨，大大碟，用醬油醃左，好入味，d皮好滑得來又唔會肥為左個醬鴨，我一定會再黎！

今餐我都係呃飯食拉車邊稍為一額汗險過乜乜乜的一餐晏仔…隨大隊中其中一位的意願想一嘗咩叫小南國就有共識三人一致決定今餐就小南國吧！scenario—三人都第一次食喎！另外兩位食飯就什為隨緣唔會話特別標籤咩食肆該幫趁或該出局，而我就約三、四年前與某書友閒談時久仰這食肆，因為當時朋友仔hons fresh grad第一次出糧豪請冚屋企cwb分店開飯咁啦！當時佢俾我的參考口碑不俗的，而對方與我口味相近，但因為食過比我多好佳餚而比我更更挑食。因為話晒第一次唔洗去咁盡，最後掀勻成本menu就選了以下的套餐來小試牛刀。我們選了A餐的原因其一係勝在菜式分佈平均可試勻各基本魚肉瓜菜的各功架如何，其二都因為深明一般食肆都是拉上補下的策略基於其中一樣材料特別矜貴一點就稍為將價格膨脹以致其餘菜式只是擔當配角。江南前菜雙拼<特色燻魚vs.百頁卷—我先食百頁卷就先談它吧！它望落翠綠配上白色的卷皮很美很清新有春天感覺，食落口有點像香葉，那股香味像似曾相識，但想不起確實名字，只是依稀記得越南或印度的正餐或fusion菜式遇過，另兩位就覺得是薺菜，乜傢伙！﹗不過這卷當時不存溫度，究竟正常係咪暖食定點架！？至於配

小南國給我的印象是不錯的上海菜館，人多檯密不能避免，但食物OK，服務都合格。可是10/2/2009幫襯新開的沙田店，真是皆大失所望。點了5樣菜：齊菜卷蟹粉豆腐獅子頭糯米排骨叉子鬆灌湯生煎飽價錢和大小我都不太介意。叫菜不到5分鐘即有熱盆上，新鮮程度可想而知，糯米排骨是暖，一試便知一早蒸叉子鬆的肉鬆是微溫，燒餅是乾及硬生煎飽皮厚肉少，硬要加些灌湯，湯還是不大熱最不能接受是獅子頭上菜時的碟是冷，咬開的獅子頭最多可用暖來形容，但豆腐是熱騰騰，完全看出廚房只求炒埋一碟的心態服務：可能因為是晚上9時才到，人客還是有，但大部份已到了執檯埋單的階段，伙計的心早想收工，揚手叫人，D伙計行過都好似看不到，茶壺打開蓋待加水更是不要指望。新城市廣場食肆有咁多，這間小南國可以放棄了。

其實之前已經跟家人到過其他地方的小南國吃飯，不過始終家住沙田，近水樓台先得月，這天就跟父母來到沙田的分店進餐。這家小南國的裝潢比起同一層的其他餐廳有一個優點，就是十分光亮，不像附近的Mr.St●ak、Simply Th●i等，一片昏暗，讓人進去就昏昏欲睡。這一次所坐的椅子，看起來好像挺好坐的，不過其實也還是普普通通，還好也還可以接受啦。不能不提的就是菜牌做得很精美，很多都附有彩色照片，方便對上海菜不太熟悉的客人點菜。還有開胃的酸菜，也十分值得推介。它跟一般酸菜不同的是，它酸的來不會過了火，還有一點鹹鹹的，害不愛吃酸的我吃的停不下來w照片1：我最愛吃的雞絲粉皮呀!! >w< 其實味道很不錯，不過好像有一點太鹹了? 而且別看它這麼大碟，其實底部放了很多生菜絲……照片2：這個薺菜年糕可能是遷就了香港人的口味，所以變清淡了。就半個上海人的角度，我嫌它不夠鹹，肉絲也太少了啦(泣照片3：這一碟上海炒麵就是一碟沒啥特別的麵條，不是不好吃可是也不值得為它付六十元啦\~/照片4：吃上海菜不得不嘗的小籠包！這個小籠包一口咬開就有一些湯汁湧出，十分鮮味！不過可能是我的舌頭比較苛刻，我還是覺得

We went to the Shatin shop yesterday for lunch. The restaurant is well decorated. However the services and food are really bad. We have ordered 生煎飽 & 小籠飽., fried rice & fried noodle and other dimsum for 4 persons but the waiter said you just ordered the 飽 & fried noodle, etc. only, why we not order 小菜 impolitely. The waiter also picked up the plate while we haven't finished the food.The food is bad too. The meat in 小籠飽 is cold & also the size is small & the taste is not good as we have in

Just came to this new restaurant at Shatin Plaza for lunch. The restaurant was very busy and we were lucky to have a seat without a long wait. The restaurant has a modern decor and seating is reasonably comfortable. Service is on the weak side, though, as the restaurant is clearly understaffed, so be prepared for delayed / missed orders. And that was exactly what happened to us - we ordered a hot soya bean milk and the drink did not arrive until after we had settled the bill at the end of the me

今日同老公仔同一個朋友少有地過左海去沙田新城市行街~見到小南國有好多banner show出黎話新開wor咁咪走上去望下有咩好推介啦~上到7樓, 見佢個牌寫住11.30am先開門望下個錶, 咦, 都11.20am啦就決定等下位啦,現場仲要見到成10個人排緊隊,朋友甲岩岩食飽飽都俾我地拉左去食XD11:30開場,一行埋去先問你12:30要離坐得唔得= =心諗有無咁巴閉呀,一開場就趕定你走,ok,是但啦,坐低d荼係幾好飲既,不過坐得個一個鐘,拿拿聲叫野食,叫左個清炖獅子頭,招牌小籠包,蟹粉鍋貼同糯米燒賣+白飯x2先講獅子頭,同o係屋企整既史x生雞湯無分別,湯唔係特別有味,就好似溝淡左既上湯,內附咬唔斷既菜數條,o係真係咬唔斷架= =我地20歲出頭都咬唔斷,老人家食咁點算,生吞?獅子頭既肉都仲ok,不過個湯底太淡變左剩係有肉味,好似烚豬肉咁.下一味小籠包,包既底外皮唔算太厚,但係唔知點解個包既上層既皮又超厚,咬完之後仲見到d麵粉未熟既白色一點點至於粒小籠包既size...真係好'小'...起碼'小'過南x同x翠拉面= =糯米燒賣既外皮同而家某某寬頻既廣告一樣,成個光纖頭咁既樣,頭頂既皮一樣.

間舖頗為細間, 食物幾好味, 但係咪唔夠人用呢? 執枱慢咗D.仲未有得叫4式拼盤, 叫咗香姑麵筋煲, 小黃魚, 糖醋小排骨, 雞絲粉皮, 雞煨麵, 除咗D麵林咗D, 其他都OK好味.埋單有兩張50蚊COUPON送本來好開心, 但喺沙田店要限住星期一至五先可以使用, 如果六日午市都用得, 同其他兩間店一樣就好使D