小辣椒 (已結業)

食晚來到位於北角開業多年嘅特色四川小店。酸菜桂魚 $208酸菜魚份量好多，大大塊魚片超滑有少骨，湯底酸味好出，又唔會太辣，唔太食得辣嘅朋友都可以食到👍🏻辣子田雞 $138紅辣椒乾同花椒鋪到成個碟都係，田雞外皮炸到脆卜卜，入面啲肉就好嫰滑，仲有花生件碟，送飯送哂都一流。松鼠鱸魚 $138今次係我第一次試道菜，味道非常有驚喜。用麵粉同調味料將鱸魚炸到外酥內嫩，加上酸酸甜甜醬汁，食落真係好開胃，味道有啲似食緊咕嚕骨甘，真係好好味。夫妻肺片$55口感好爽口，配上酸辣汁，麻辣又鮮香，食落好過癮。涼拌土豆絲 $45薯仔切到一條條絲狀再經冰水浸泡後，口感爽脆，配上酸辣醬汁，好開胃。

對我來講真係好難搵到啲好食嘅川菜 懶得北角有間小辣椒🌶️！都係朋友介紹，即刻狗衝去試🤣🤣🤣 水煮牛肉我哋叫咗中辣 肉質軟淋 鹹淡適中 最驚嗰啲望落去好辣 但係食落去係冇味 😑😑 點解可能已經將牛肉調過味 食落去係淡淡香加少少麻辣嘅感覺辣子雞呢個都係我嘅最愛 雞粒肉質滑嫩 表面鋪咗好多辣椒 望落去都已經好架勢🤣 小小鹹鹹地辣辣地 正干煸四季豆呢個都係我每次去食川菜會叫嘅嘢 食咗咁多肉都要有少少菜掛😂😂 係唔錯嘅 👍🏻👍🏻 總括而言真心值得一試 下次會再過嚟食下佢哋嘅水煮魚🥰🥰

秋風起，又係時候食辣野啦😻今次推薦呢間係北角既小辣椒，d店員全部都係講普通話，應該夠曬正宗啦掛🤔首先係前菜，我地叫左涼拌萵筍絲$48同蒜泥拍青瓜$45。呢兩碟涼拌比想像中多好多！而且好開胃✨辣子蝦$128用大量乾辣椒同炸花生炒既辣子蝦，辣味香濃，但又唔會完全搶曬蝦既鮮味。蝦肉質比想像中好，緊實彈牙又鮮甜🙈推薦✨酸菜桂花魚$208呢度既酸菜魚比較清淡，只用左酸菜同泡椒，而且唔會好多油，幾好。😜桂花魚肉質嫩滑又無骨，感覺超新鮮✨松鼠鱸魚$138將鱸魚切片再炸到外酥內軟，加上酸甜既醬汁，超開胃！最後食得太興起，叫左兩杯奶茶，水準同茶餐廳一樣，適合香港人口味！正最後值得一讚係有位短髮姊姊服務態度超好！佢見到我地d餐具有少少問題就主動幫我地換埋，而且又有禮貌多謝佢

前菜我哋叫左兩個冷盤1. 口水雞 ～ 佢個汁唔算太辣，酸酸辣辣咁😋2. 雞絲粉皮～專登為咗個唔食辣嘅朋友叫架，d粉皮好爽口，唔會淋pat pat 之後主菜就當然唔少得酸菜魚啦⋯⋯魚🐟有好多選擇架，我哋就叫左個酸菜桂魚⋯⋯d魚係勁滑，平時食果啲魚塊就薄薄一片，但呢間…um... 好似係將成條魚拎去起肉後再放返落去咁，因為我食到個魚頭！跟住又係為一個唔食辣嘅朋友叫嘅糖醋魚塊~啲魚唔會黐到成pat 都係粉醬，酸酸甜甜咁好開胃😋最後我哋揀咗店員大大推介嘅農家拆骨肉湯 ～有白羅白，芽菜，豆卜，豬肉，薑…。入口好重薑味又夠清甜！當然唔少得我嘅凍檸茶少甜少冰同朋友仔嘅凍朱古力啦重點係佢你地啲食物全部都好大碟架，我覺得佢一啲都唔貴！我哋兩個人食，所以淨左好多野🙈😭😭估計4個人都夠食丫最後要比10個like👍嗰度啲店員呀，超級好禮貌呀！

10月份最多人講既就係食蟹，搞到我都心郁郁想返返隻🤭 去左間屋企人食過覺得唔錯既中菜館。雞絲粉皮表現正常，涼涼地配上麻醬食落係幾開胃。當然叫左隻香辣蟹食下 ($298) 非常濃既蟹膏香，肉既份量亦不少，使用既配料亦十分合我口味，洋蔥炒得幾軟同入味，香辣惹味，雖然平時好驚麻煩但最後竟然都有耐性食晒全隻😚松鼠魚($138)酸酸甜甜好醒胃，原條直炸但竟然係無咩魚刺！真係可以講係啖啖肉咖🥰 外脆內軟好易就食晒全條魚👻平時無紅肉不歡既我地都叫左個牛腩煲，會用火一邊燒住熱住，保證食入口果刻都係熱辣辣既！入面既白蘿蔔係我地最愛。最後用返碗白菜鮮肉水餃收尾，淡淡地中和返全餐食過既重口味食物🥴

平時一向都好鍾意食 #川菜 同 #水煮菜式鍾意佢 #麻麻辣辣 #酸酸美美 好開胃一路都有幫襯開 #北角小辣椒🌶️在當區也非常有名的由於佢炒得好有鑊氣而且性價比好高今次專程再度山長水遠過去再食！⊰⊹════════════════⊹⊱✎ 食後感 ：✨餐前小食 : 🔴「 #夫妻肺片 」入面有滿滿的豬肚及青瓜，配上麻辣醬汁，食落去有咬口之餘仲好滋味。🟠「 #雞絲粉皮 」花生醬迷一定很喜歡這道小食，同樣地配上青瓜絲及雞絲，喜歡粉皮很薄，滑溜之餘仲好濃郁。主食 : 🟡「 #酸菜桂魚 」來到這裏必食的招牌菜酸菜魚，口味仲有幾款選擇，我就比較喜歡桂花魚魚肉滑溜少骨，酸菜魚仲可以揀酸辣度，飲埋佢嘅酸辣湯真係好正！🟤「 #奇香雞煲 」奇香的味道很獨特，而且雞件嘅份量很多，多肉少骨，雞肉很鮮嫩，一邊用Gas爐煲着慢慢嘆，熱辣辣食更加滋味。🔵「 #小辣椒一品燴 」入面有成六款食物，包括蝦、肉片、豆乾、西芹、魷魚絲及黃鱔，望落去非常豐盛大碟，想不到蝦雖然細細隻但係好爽口彈牙，而且魷魚絲好有咬口煙韌，鵝腸半肥瘦好爽口，豆乾仲好入味添！☕️最後叫咗杯熱華田暖暖胃，朋友就點了可樂爽一爽喉嚨！這麼平靚正、性價比高及食物質

🟢每次經過望見入面總是坐爆人，咁犀利「晚餐試一試，生活好寫意」....😂😂————————收工就去了解日日都咁多人一定有D道理。👨‍🍳😛食完果然係好好味😋————————主菜🔴辣子蝦🦐：落單前記得同店員講咩辣程度🌶️味道出色，辣得好食，足料做法，又夠特色，唔好以為咁多辣椒🌶️多🦐小，成個底都有好多蝦🦐，惹味得令人吃不停口，原來辣椒入面仲有好多花生🥜一齊炒，怪不之咁惹味，我仲要好食到粒粒花生🥜都比我食哂。蝦肉咬落爽實的肉，就知道用新鮮蝦🦐材料，食第一道菜已經讚不絕口👍—————————-🟤豉椒肥腸：豉椒鵝腸食得多，咁就要試吓豉椒大腸，又係嗰句，大腸要做得好食。又要炇得夠腍，又要腍得來又有口感，呢到又可以做到我既心意，洋蔥🧅青紅椒🌶️豉椒炒得又夠味，食第二道菜一樣咁好昧👍—————————🟡枸杞鱸魚湯：加入豆腐的鮮甜，杞子的補眼，健康養顏又養眼的魚湯又是清甜，煲咗湯既魚🐟一樣咁滑，第三道菜好味到已經回味😋————————小食：蒜🧄泥白肉：爽脆的🐷白肉、滑滑的質感，🧄香噴噴的🧄蒜蓉，咬落「short short」脆的👍😋底下又有爽滑的粉皮配搭，混合埋蒜泥吃落就更加滋味🥰————————-手拍青瓜：

今日同朋友特登嚟到北角呢間小辣椒食酸菜魚，意外地發現原來呢度嘅小炒都非常美味，值得推薦！肺片口感煙韌，充滿油香。油雞麻椒味很重，雞肉嫩滑無比，拌飯一流。酸菜魚$208呢盤酸菜肉，無論魚肉定酸菜都份量十足，魚肉肉質扎實，湯頭辣度唔會太重，夾起酸菜，加點湯連同魚肉入口鮮味十足。炒鱔糊$138鱔肉爽口彈牙，鱔糊配上大量芽菜加上經典醬汁，味道濃厚。炒萵筍$50食咁多惹味菜式，叫碟窩筍清清喉嚨就最適合不過。

自從疫情之後同朋友都少見面咗好多，難得今日咁啱撞到，帶咗我去佢去開嗰間小辣椒話帶我食好嘢。呢度啲小菜原來都好有份量，嗌咗幾個小菜，諗住樣樣都試吓，點知原來大碗成咁，食到好飽個個捧住個肚🤣#毛血旺 $188這個毛血旺是這裏的招牌菜，今次就我點了小辣程度，朋友食開大辣，說辣得夠暢快👍講真係幾好食，麻中有辣辣中帶麻，而且超足料，數之不盡的甜美豬紅和爽口牛柏葉和勁多黃鱔魚，仲加咗我最鍾意嘅金菇菜同埋大豆芽同埋木薯粉條，木薯粉條同埋大豆芽吸晒麻辣醬汁，真係好食到震呀！#酸菜桂魚 $208一整條桂魚被拆骨成一塊又一塊白雪雪的魚肉，真係睇見都好吸引啊！第一次食酸菜魚原來咁好食㗎喎！口感滑嘟嘟，加上魚肉完全冇骨好方便食，酸菜魚完全唔辣，一家大細包括小朋友都好啱食㗎 ！下次要帶埋啲小朋友嚟食先得！唔使拆骨拆得我咁辛苦啦😆#辣酒黃鱔 $138秋風起食黃鱔魚補身就最正㗎啦！呢款用咗少少辣酒去烹調，可以完全除去黃鱔魚嘅泥味，食起嚟特別鮮味可口☺️而且起骨功夫做得好好👍最驚喜係原來有粉絲，粉絲充分地吸收海鮮嘅氣息，而且粉絲keep到好彈牙👍只賣$138真係好抵食🥰#蒜泥白肉 $55三層白肉肥中瘦喺埋一齊，食起嚟

北角有家人氣川菜叫小辣椒， 幾乎每次經過都見到排長龍等入座或外賣。趁假期特地叫朋友過來一起辣個夠。大大個招牌離遠已看見，門面很有中國風。 餐牌食物種類很多，見到這麼多川菜，真的 很難選擇，先來兩個涼菜吧！蒜泥白肉$55,這道菜是不辣的，不過生蒜蓉 帶有辣的口感所以會以為是辣，其實生蒜蓉更能調出豬上肉的香。醋夠香又不會太酸，墊底有陳村粉，吸收了醋味和蒜味，滑嘟嘟的。覺得這道蒜泥白肉分量，比其他餐廳的算大份呢！蒜泥泊青瓜$45, 也是不辣的，因為喜歡吃蒜蓉，蒜蓉分量夠多，用醋涼拌過之後，青瓜感覺很清新，吃辣的又可以解辣消暑。這裡有我們最愛的水煮魚，原來有很多煮法，其中藤椒大魚$148, 價錢算便宜啊，朋友說藤椒比一般麻辣更加麻，就點這個試試。見到藤椒一串串的鋪在魚片上，還有很多芽菜墊底，試了一口湯，真的十分麻辣，別以為這是清湯哦，這可是麻辣的藤椒湯，但湯味咸度適中，其實也挺好喝的。魚片因為是大魚，比較多骨，但肉質非常滑。我們不消一會已把魚片消化掉，脷子感覺越吃越麻，十分過癮！牙菜吸收了湯味，吃得更滋味呢！毛血旺$188,見到滿江紅的賣相，令我們嗜辣的癮更旺盛！上桌才知道是這麼大盤的， 裏面

曾經在北角區內住了一段時間，還記得當初看着這間小店開幕，如今已經搬進了新鋪一段時間，好奇心的驅使，今晚便來到了。夫妻肺片$55，牛𦟌和牛肚，軟硬適中，酸辣美味。雞絲粉皮$55，麻醬香味十足，配合雞絲和粉皮，是一個不錯的前菜。水煮桂魚$208，水煮的麻辣香味十足，桂花魚的魚骨比較少，啖啖都是肉，肉質鮮嫩，美味可口，配菜還有芽菜和粉皮。乾燒鮮蝦鍋$148，用明爐伴上，乾鍋內的香料，迫入蝦肉內，令到蝦肉更加鮮味可口。乾燒田雞鍋$148，已經很久沒有吃過田雞，因為擔心烹調方法，未可以令到田雞的肉煮熟，今次看到這個用石油氣爐的干鍋田雞，可以控制烹調時間，便放心享用。田雞鮮甜美味，肉質嫩滑，加上辣的醬汁，層次更加豐富。

Some of my friends suggested to meet up for lunch and one of them suggested Little Chilli, a chinese restaurant known for their spiciness. Since all of us can take spicy food, we duly agreed to. It was located at North Point Road, several minutes walk from North Point MTR.Msot of their dishes were Sichuan cuisine, offering fish, seafood, meat, side dishes, rice or noodle and drink etc. Most if not all dishes were spicy-related. We ordered iced ovaltine, iced chocolate, 7-up and herbal drink to q

小辣椒我屋企人不嬲都好鍾意食辣野，嗰日我媽咪就話想去北角試下呢間小辣椒，咁啱得閒就陪咗佢黎，佢哋碟碟都好大碟，好豐富😋秘製薑蔥炒蟹 $298 （時價）炒蟹比起其他處理蟹嘅方式需要更加多步驟，唔似就咁將即係放入蒸籠入面焗熟佢就可以，佢哋嘅炒蟹先炸後加上薑、蔥作為輔料同埋調味料等等去爆炒佢，炸一炸左隻蟹之後先至再炒真係唔同好多，佢哋嘅炒蟹唔會太咸，好鮮甜。 呢一份炒蟹係嗰度嘅職員推薦嘅，佢話今日啲蟹好靚，點知一上到嚟，啲蟹真係好多膏，啲膏入口甘甜，蟹肉亦都好鮮甜，食得出係新鮮蟹！😋水煮牛肉 $208水煮牛肉真係食川菜食辣野一定要嗌嘅一樣餸，佢哋嘅水煮牛肉就擁有川菜嘅特色，麻、辣、鮮、香，好多配料，薑蔥再加上唔同嘅辣椒，味道好豐富，配上好嫩滑嘅牛肉，好惹味酸菜桂魚 $208佢地嘅酸菜魚用上了桂花魚，魚肉片份量多，肉質滑嫩、冇乜骨、啖啖肉。再加上芫荽等香料，另外辣度和酸度啱啱好，非常開胃。我哋另外仲嗌左乾鍋菜花同埋鐵板炒豬什，都係好多輔料，好惹味😋

呢排我對麻辣上晒引，基本上每三餐晚飯都有一餐係食辣。本身以為已經好癲，夠晒皮，點知今日係公司無啦啦辣引起，唯有lunch都揀咗間喺附近嘅麻辣止止引。餐牌嘅選擇有好多，有麻辣有酸菜，又有唔同嘅冷盤小食，目不暇給，搞到我選擇困難症發作，最後揀咗幾樣招牌菜試。《辣子雞》$138辣子雞嘅辣椒鋪滿成個碟，非常震撼，睇見都流晒口水，雞肉揸得酥脆，食落口又辣又鹹，最岩用黎送啤酒，食完一舊又一舊《酸菜大魚》$148酸菜魚嘅湯底唔係剩係得酸菜味，食得出佢用好濃厚嘅魚湯湯底去熬製，令到成個菜式唔單調。比較可惜係啲魚有骨，如果用魚柳嘅話啖啖肉會食得更加爽《涼拌萵筍絲》$45萵筍絲嘅大細均一，睇得出師傅既刀工唔錯，加埋啲麻油同埋醋，作為前菜好開胃，我覺得其他餸菜太辣都可以用佢嚟解辣《乾煸四季豆》$58四季豆用咗蒜頭、薑、蔥、辣椒，仲有啲蝦米肉碎去炒，非常有鑊氣，四季豆嘅表面唔會過油，同時又有焦香，送飯一流。埋單大約一人兩百蚊到，下次一定要再嚟試佢嘅酸菜桂花魚同埋秘製香辣蟹🤤🤤

咁耐無去過北角，仲要係晚餐時間，當然要搵野食啦，見到依間小辣椒，都唔少人係人面，咁我就去試下。睇完餐牌，發現真係好多野食好多選擇，咁我地兩個人真係好肚餓，就叫左幾樣野食。第一樣黎既係招牌拆骨肉，好大碟！我自己好耐無食辣，見到咁多辣椒都有啲驚，跟住食入口好彩唔係好辣！佢反而係好香！重點唔會好多油，唔係全部反哂光！肉都好多，有肥有瘦，仲唔會太老！好有咬口！之後就係雞絲粉皮。佢唔係亂擺，係有擺盤既！粉皮好大塊好滿足！雞絲又係唔少，但好嫩口。涼涼地咁樣好好食，仲有啲麻醬唔會太多，唔會蓋過哂雞絲粉皮既味。之後就係蒜泥白肉。啲肉唔係亂放，係一層一層咁放，幾有心思。蒜又好多！好夠蒜香！好正！加上啲肉唔係好肥，岩哂我！成碟好夾，好好食！之後就係蒜炒篖篙。依個好爽好有咬口，唔太油，蒜香又夠勁！好味過普通炒菜！好彩有聽伙記話，聽佢推介叫依個！最後就係糖醋黃花魚。好正既係師傅係係魚身界左幾刀，再將肉同骨分開左先放落鍋炸，所以係好易拆到肉出黎食。咁食落口又係好脆，但唔會無左魚既鮮味！個醬酸酸甜甜又係好開胃！真係好好食！依間小辣椒啲野都好大碟，價錢都唔算貴，性價比真心幾高！我會再番黎食！