小鍋霸 (Imperial Kennedy) (已結業)

其實呢間小鍋霸我食過好多次，每次都唔會令我失望。今次帶外國反黎既朋友去試下，叫左個姖松䇯雜菌湯底，滾起飲左啖，清甜夠味，仲好多料👍🏻我地係食288既套餐，因為我既經驗，覺得呢個價錢都好夠食😍雖然較平，但肉質一啲都唔失禮，夠肉味，唔會成陣雪味另外我一定要推介佢個芋頭雪香，超好飲，仲要可以走甜，好岩減肥既人同埋呢到竟然有鵪鶉蛋，我好耐無食過，好驚喜🤤同埋沙茶牛肉都好出色，出面比較少火鍋店有鐘意食海鮮既朋友一定要食蜆，好新鮮，鮮甜，仲有小小海水味最後一定食個雪糕埋尾，我叫左紅豆🫘，朋友叫左咖啡，雖然無咩特別，但有個甜品埋尾心情都好d架。值得一讚係職員每次既服務都好到位，地方闊落，坐得舒服，乾淨👌🏻

返西環搵媽咪食飯，記得西環有一間台式火鍋店，每次經過都見到坐滿食客，今晚就同媽媽去試下！我哋被安排坐卡位，坐得好舒服，而且冇限時，可以慢慢食真係好！有幾款價錢嘅任食火鍋，我哋揀咗$298套餐，牛肩胛肉同西班牙無激素豬肉片任食，仲有非常多款的火鍋配料任食，各種台式飲品任飲！湯底都有15款！媽咪比較鍾意清淡，食到食物的原汁原味，所以我揀了姫松茸什菌湯底！除咗姬松茸，還有其他菌類和雞肉，湯底清甜！我覺得性價比最高當然是牛肩胛肉！牛肉肥瘦均勻，色澤好新鮮，口感軟嫩！我哋encore咗好多碟！除咗牛肉，海鮮都係好受食客歡迎，推介蝦和蜆，媽咪就鍾意食鮮魚片，啖啖肉又冇骨！另外仲有好多台式火鍋配料，例如甜不辣、台式腸、米血糕、台灣鴨血等等！鴨血好嫩滑！仲有個驚喜係除咗炸魚皮，仲有炸魚骨，超香脆！墨魚滑同花枝滑都好好食，好彈牙！菜都好新鮮！最後甜品仲有一人一款高級雪糕！真係超開心！最後，值得一讚的是火鍋店，上菜的速度非常快，店員基本上都是以半跑的速度送到食客面前，又親切友善，食得好開心！

呢間喺堅尼地城嘅餐廳，湯底款式非常多，我哋就揀咗藥膳椰子雞鍋。湯底清清甜甜顏色奶白，雞肉嫩滑。🐥～～～而套餐方面就有三款可以選擇。我哋揀嘅Prime Grade牛肩胛肉及西班牙無激素豬肉片套餐，l包咗台式特飲任飲同埋雪糕一杯。豬肉片食落有少少似日本四元豚嘅質感，好軟滑。🐷～～～呢間火鍋店嘅飲品真心值得推介。蜂蜜綠茶、熱香芋雪香、凍檸茶全部都有高質茶記水準，好懷疑佢哋廚房水吧同事係咪喺邊一間出名茶記做過。而且全部飲品都可以自選甜度同埋冰量，貼心。個人最鍾意就係香芋雪香，裏面有少少麥片好健康，熱辣辣又順喉，令人一天嘅疲勞盡消。～～～火鍋料方面有好多款都有特色。奶油南瓜包、🐟方形魚腐、芋泥貢丸、甜不辣、芫荽燒賣都係出面冇見過嘅。南瓜包入邊有扎實嘅南瓜泥，香甜香甜的。～～～🥟手工黑松露芝士豬肉餃屬誠意之作，咬落去有拉絲嘅效果，記得趁熱食，如果唔係芝士就做唔到流心效果。～～～另外佢哋嘅蔬菜裏面亦都有高質嘢可以揀，萵筍紫蘿蔔全部都新鮮無根，同甜甜地嘅椰子湯底非常合拍，仲有健康貴價嘅羽衣甘藍等等。

兩口子去堅尼地城覓食，一落巴士，就見到呢間台式火鍋店😍黎到火鍋店，梗係先打量下啲湯底，有辣有唔辣，我哋揀咗養生蟲草花桃膠雞鍋，湯底清清地，有少少藥膳味，入口帶甘，唔錯！我哋揀咗PrimeGrade牛肩胛肉set，肉無限添加，牛肉烚下已經好夠味，唔需要點任何醬料！牛肉肥瘦剛剛好，無雪味，入口滑溜無咩筋，我哋都order咗好多盤。除咗台式飲品係亮點，最後仲有貴價嘅Movenpick雪糕添，性價比高🙌🏻🙌🏻

📍小鍋霸 (Imperial Kennedy) (西環)西環卑路乍街80號Imperial Kennedy地下6號🫕無限時任食打邊爐，電子落單，選擇多多。🫕套餐價格分別$298/$398/$498小編就叫咗$298 套餐🥥今日叫咗個椰子雞湯底，椰子好濃郁好甜！ 🐖食物方面唔錯， 豬同牛任叫就真係好基本， 估唔到海鮮都可以任叫。 生猛海蝦同埋帆立貝係今晚小編主打，海蝦好鮮甜仲好大隻，帆立貝都唔差！ 🥟嚟到都要試吓，佢哋嘅自家製水餃， 今晚叫左黑松露芝士豬肉餃同埋手工白菜豬肉餃。大家可以試一試佢地自家出品，絕對唔會令你失望。 🧋飲品方面，種類都幾多，又大杯同大罐。 又有金柑檸檬，水蜜桃茶，茉莉花茶，可樂等等⋯⋯⋯🌟環境方面，光線好充足，裝修好新淨，最緊要係乾淨。🔔總結：食物新鮮，食物種類，最緊要冇限時間任食，送食物速度極快！ 地點⭐️⭐️⭐️⭐️味道⭐️⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️⭐️（5星為最高分）

之前同朋友聚會食過呢間台式火鍋店，覺得好唔錯，尤其係多款嘅湯底，可以滿足晒我哋嘅口味。外面自取區有多款醬料，餐廳所有order都係用QR code落單，夠哂環保👍🏻牛肩胛肉和西班牙無激素豬肉片都切得非常薄，烚30-50秒秒就食得，口感滑嫩！另外特別推介雞腿肉，非常滑溜，忍唔住食多幾隻😄。配料方面驚喜地見到，比較少有嘅紫蘿蔔，比平時普通嘅白蘿蔔更清甜。呢度一到七點後就好full ，用餐氣氛好好👍🏻下次要黎都係book定位穩陣😁

聽過好多人講話西環黃昏日落景好靚，今日趁平日放假天朗氣清，我地就來到港島西的海邊走走日落之後氣溫驟降，沿路行去地鐵站時見到有間台式火鍋店，有少少凍打個邊爐都好。這間台式火鍋主推台式鍋底湯底選擇多任君選擇，包括:台灣養生醉雞涮涮鍋養生姬松茸什菌涮涮鍋藥膳椰子雞涮涮鍋台灣古早牛肉涮涮鍋養生蟲草花桃膠雞涮涮鍋蕃茄雞肉/牛肉/豆腐涮涮鍋麻辣雞肉/牛肉蕃茄涮涮鍋 我地選擇了台灣養生醉雞涮涮鍋，醉雞湯底酒味好出，非常惹味，最估唔到係雞件大大件而且高質，仲可以不斷追加，而且亳不吝嗇的有雞脾肉質新鮮嫩滑，套餐方面我們選了$289任食Prime Grade牛肩胛肉及西班牙無激素豬肉片Prime Grade牛肩胛肉外表雪花紋平均，不沾醬都食到牛味濃郁，牛魔王大愛，輕輕淥數秒已經可以。我自己就更加喜歡西班牙無激素豬肉片，又是輕輕淥十數秒已經可以，豬肉片入口鮮嫩即化，肉質唔會很難咬，我們二人encore了數次！ 除火鍋配料，呢度仲有好多台灣小食，當中有我最愛台式腸，鴨血，春卷，燕餃，特式丸類及餃子，最令我驚喜是台灣麵，台灣麵就是老媽拌麵的口感，淥數分鐘後再加配自己在醬料區預先混了的炸蒜蒜蓉及自家辣醬的豉油，完

以前細細個就係呢區住，昔日嘅地方和現在多咗好多食肆，好似呢間任飲任食仲係無限時任坐，勁👍👍👍👍👍————————-好多款養身窩底任你揀👍仲有幾款套餐任你叫😇我就揀咗呢款湯底❤️養生蟲草花桃膠涮涮鍋：足料又夠甜、桃膠養顏、蟲草花滋補養生Prime Grade牛肩胛肉：🐮油脂豐富，軟熟滑溜西班牙無激素豬肉片：🐷無激素，食得安心又放心，而且肉質鮮嫩😋👍是日海鮮：花蛤：新鮮又夠甜生猛海蝦：肉質爽口彈牙😉鮮魚片：肉嫩滑又夠魚味😇帆立貝：鮮甜彈牙😋台式飛魚籽：咬落又脆口感覺的飛魚籽，自家手打，自家製的出色😄仲有好多款食物任你叫，任飲任食，認真抵食😋—————————-任飲任食無限時，超值抵食好滿意👍其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶———————

今日同屋企人黎到西環天氣凍就想打邊爐經過見到呢間好吸引就決定試下裝修好闊落，夠光猛，坐得好舒服牛肉有分3個級別，同價錢成正比配料都有好多選擇，全部台式正宗食材有醬料自助區，可以調配自己喜愛既口味有葱，蒜泥，辣椒等藥膳椰子雞涮涮鍋一上枱就聞到陣陣椰子味飲落好香濃，滿滿既椰子香仲有雞既鮮甜味呢個湯底好濃郁好岩我口味一開始就飲左幾碗，停唔到西班牙無激素豬肉片& 美國prime grade牛肩胛肉2款肉都好高質肉質軟淋，肉味重有骨魚皮 貢丸 台灣腸有台式風味，值得一試！

女女幾鍾意食火鍋放題，因為可以揀自己鍾意食嘅嘢。今日帶佢去西環小鍋霸😋，餐廳唔限時慢慢食。💕店員姐姐服務幾好，好nice，會留意住幫手加湯。環境好舒適，坐卡位好闊落。平平地揀咗 $298 既prime grade 牛肩胛套餐，都已經好豐富。🍅番茄雞肉鍋底勁濃郁，雞肉我地都清埋，🍗 雞髀位非常嫩滑。🐃 牛肩胛牛味濃郁，無激素豬肉片非常 juicy 。我最鍾意海蝦同鮮魚片，非常新鮮，屬回本位。😁囡囡就鍾意食肉燕餃，食咗好多隻。最後仲有大人小朋友都鍾意嘅雪糕，每人一款。佢揀咗曲奇雲呢拿味，我就揀咗咖啡，女女話要媽媽再帶佢嚟。😜

近幾日一早一晚都特別凍, 只有14度天氣凍就想打邊爐, 應該係每個香港人既習慣今日黎到堅尼地城無限時台式火鍋出街打邊爐好處就係唔洗買太多野係屋企, 食完又唔洗食係餐廳食幾多就叫幾多. 珍惜食物邊爐套餐有3個價錢 298/398/498主要是肉既品質分別湯底就有15款選~今日叫既椰子雞湯底好香濃椰味隨湯雞件唔算多, 可以再另外係QR CODE到叫套餐揀左既係Prime Grade牛肩胛肉及西班牙無激素豬肉片 / 298肉肉無限添食好基本啦仲有好多款既火鍋配料就連海鮮都有手工既餃子都有3款飲品方面亦都相當有誠意唔係細細樽既支裝茶, 有兒時回憶朱古力/香芋雪香又有柑桔檸檬, 水蜜桃茶, 芒果茉莉花茶0糖代表有無糖茉莉花茶店員上菜同加湯都非常有禮貌加湯都係加上湯唔係水,愈煲愈香濃重點推介佢既海蝦, 新鮮彈牙鴨血好滑嫩響鈴卷一件等如出面兩件既尺寸, 炸得鬆吸湯之後都唔覺油膩連骨魚皮出面真係比較少有最鍾意張外皮浸到好軟中間仲係脆既雙重口感三星蔥貢丸裡面既餡好似薑蓉咁雪糕每位一客揀左Dryers焙茶甜筒大滿足

之前經過西環行過已經見佢地開張，門口幾光猛企理。今日終於有時間約埋個friend去食下.門口就寫明不限時任食，不過我地收工時間都要6:30先到。由於比較早，入到去服務員已經即時安排到位置比我地，湯底款式好多款，今日唔想食辣揀左個藥膳鍋我地點左個$298餐，反正都係為無限時吹水，點知竟然有驚喜。野食全部都好新鮮，雖然每次黎份量唔多，但整體質素好好，係任食黎講除左款式少左少少，質素絕對好過唔少任食火鍋，我自己幾中意食辣牛丸，幾有牛味仲辣辣地開胃。另外蜆蝦都好新鮮大隻，而且唐生菜竟然都好綠，有洗過揀過，值得一讚。有一樣唔可以唔提係雖然佢有好多款湯，但要加湯時係按原湯款式加而唔會因為加湯溝淡湯。所以店有好多樽唔同湯款最後食埋雪糕，坐左成三個鐘，施施然出門口

為慶祝朋友搵到份新工，今晚就同佢食佢最鐘意嘅火鍋放題。餐廳位置幾好，好近地鐵站。環境乾淨企理，地方大，坐得好舒服。我哋叫左個$298套餐，除左醬料在外面自取之外，所有火鍋配料同飲品都係用QR code落order。呢度湯底選擇好多，飲品有罐裝汽水，仲有自家製奶茶之類。而最吸晴嘅係，佢呢度係無限時食到飽套餐，同朋友一路食一路傾計，唔駛話睇住時間。湯底：我哋揀左個養生姬松茸什菌涮涮鍋，個鍋配料有好多菇、雲耳同日式油揚豆腐，另外仲有雞同粟米，整個鍋好香姬松茸同菇味，越食越濃味。肉類：牛肉係美國Prime Grade牛肩胛肉，而豬肉就係西班牙無激素豬肉片。兩款肉脂肪分佈均勻，肉味濃，牛切得厚比較有口感，唔錯。海鮮：是日精選海鮮係花甲，另外叫左海蝦、墨魚滑、花枝滑同帆立貝等等。花甲新鮮鮮甜，海蝦都幾大隻，同樣新鮮，其他果D一樣好食。其他配料：8寸長巨蟹棒夠大份，炸魚皮大碟又脆，台灣腐皮響鈴幾特別，好大塊，朋友就鐘意自家製手工黑松露芝士豬肉，佢話有少少拉絲芝士感覺，唐生菜洗得乾淨，整體火鍋配料質素幾好，值得讚。飲品：我叫左個凍朱古力雪香奶茶，呢個真係重量級，朱古力好濃，又唔太甜喎。朋友就叫左個熱柑

這間主打冇限時的，任食台式養生火鍋，無限是任食，可以一邊傾偈，一邊享受美食。餐廳地方非常闊落，服務員亦招呼周到。我們叫了最平的套餐，每人只是$288，如果晚上七點前離席，仲可以有八折優惠，實在太抵。🤩🤩湯底的選擇非常多，我們選擇了藥膳椰子雞涮涮鍋，淡淡的椰子雞香味，揀完湯底，可以用QR code落單，非常方便，上菜亦非常快。主打美國🇺🇸牛肩胛肉和西班牙無激素豬肉片🐷，另外台式特飲飲飲，加上Movenpick或Haagen大雪糕每人一杯，非常飽足。

聞說西環開了一家以"養生"為主題的火鍋放題店，收工一於過來試試。位於堅尼地城卑路乍街的小鍋霸，店鋪設計以白色為主題，燈光通明，座位舒適。打開餐牌，見到餐牌寫住 "無限時吃到飽套餐"，湯底款式多達十五款。今次選了298任食套餐，湯底係養生虫草花桃膠雞涮涮鍋。可直接掃瞄二維碼點菜，十分方便!!火鍋湯底十分足料! 蟲草花、雲耳、紅棗、雞肉大大件，加上有大量桃膠，夠哂滋補，湯汁清甜。餐廳主打Prime Grade 牛肩胛肉 以及西班牙無激素豬肉片，無限任點，真係啱哂我呢隻食肉獸。肩胛肉薄切，用筷子夾住放在火鍋裡滾幾滾就熟了，肉質嫩且口感豐富，啖啖肉香。豬肉片都係薄切，只係比牛滾耐少少就煮熟了，肉質雖然不及牛肉，都是唔錯的口感，加埋醬料更勝一籌。海鮮方面，可以任點海蝦、蛤、鮮魚片，都是十分新鮮。蔬菜方面，都係款式多多，有津白、萵筍等，此外更有唔是好常見的紫蘿蔔，紫蘿蔔真係非常好味，跟火鍋湯底好襯好夾，encore再encore飲品種類琳瑯滿目，冷熱飲品加加埋埋都有廿幾三十款。更重要，更重要，更重要就係有movenpick,  dreyer's雪球，任君選擇! 果然係 "無限時吃到飽套餐" ，性價