小食皇大排檔

營業中

休息中

九龍灣除咗有好食嘅米線之外，仲有一間隱世嘅車仔麵檔，呢間車仔麵喺以前牛頭角下邨已經做開一直好受歡迎，之前叫做文記傳統車仔麵。最近好似改咗名轉咗老細不過味道一樣依舊啊！環境雖然迫迫地，都有油煙味，但都勝在抵食，喺九龍灣街坊嘅童年回憶🙏🏻🍴豬頸肉牛腩咖喱魷魚油麵 $51 (8/10)餸同埋麵都好足料，豬頸肉係必食，食落去彈牙又有椰香味，牛腩煮到非常軟腍又唔黐牙，咖喱魷魚爽口彈牙咖喱汁好香濃，油麵係粗身有口感，一定要叫辣汁，辣得來好過癮，又帶少少薑味，香得有層次，同出面食嗰啲麻辣醬好唔同，真心好食又飽肚。之前食過豬腸係用新鮮大腸去整同出面嗰啲好唔同，如果鍾意食大腸嘅話一定要試吓😆🍴煎釀三寶 $22 5件 (7.5/10)炸魚蛋係必叫，佢哋嘅魚蛋係攞鯪魚肉，再打到起膠，食落去係有鯪魚肉嘅香味，同時又好煙靭，講真未食過其他魚蛋有呢一個味，好食！推薦指數: 8/10舖頭細細乜都有得食，炒粉麵，車仔麵，煎釀三寶腸粉燒賣，真係勾起以前喺牛頭角下邨食嘢嘅回憶，個人推薦車仔麵煎釀三寶，仲有個碗仔翅加魚肉再加辣菜譜都係好好食，咁多年來味道都無變，依然keep到質素！

碗仔翅-濃稠度調較得剛剛好食落無味精..唔會口渴內有肉絲、冬菇、粉絲等等⋯⋯加上胡椒粉及麻油，個人口味唔會落醋喜歡 💲22/碗煎釀三寶-再番炸整熱，加上甜豉油、甜醬，正常發揮 💲22/5件炸雲吞皮-有驚喜係喺雪櫃攞出即炸，熱辣辣又脆卜卜又有1啖彈牙魚肉餡料超正呀 💲12/5件腸粉-喺車仔蒸櫃熱乎乎剪落紙再加上甜豉油、甜醬又係個人口味唔要麻醬、辣醬亦唔需要灑上芝麻～都係正常發揮💲12/4條住附近但咁炎熱🥵嘅天氣行到過去，男店員都話可以先坐低🪑等外賣🥡服務態度抵讚

附近做完運動 想搵啲小食見倒佢有韮菜豬紅大腸 即刻入左去正wor 份量充足 豬紅係我鐘意嘅小 in un type 大湯底唔重味精 有辣菜脯吊一吊味更正另外 見好多人叫即炸三寶 好想食 不過我就唔可以放縱食甘多 留番下次先仲有個碗仔翅配餃子都好唔錯甘

專登來這間小食店, 是想試下很久都沒有食過的, 一個人就叫少少嘢過下口癮 食物 : 叫咗一份好耐無食過的韭菜豬紅豬腸 $32, 都幾大碗, 不過味道偏淡, 豬腸洗得乾淨, 無異味, 豬紅及韭菜味道正常 煎釀三寶叫咗五款 $22, 大大件, 味道唔錯, 韭菜餃好脆, 裏面好多韭菜, 味道好香, 其他各款的味道正常 環境 : 裝修格局跟小時候差不多, 來小店主要是感受童年情懷 地點 : 小店在淘大商場隔離, 主要做街坊生意 服務 : 姐姐好好人, 我唔知想食咩, 佢叫我埋去睇陪我慢慢揀食咩 價錢 : HK$54

這家餐廳的煎釀三寶和炸雲吞皮都讓人驚艷！煎釀三寶的外皮酥脆，釀魚肉紮實鮮咪，口感非常豐富。炸雲吞皮則是外脆內軟，搭配上鮮美的雲吞餡，其他地方的炸雲吞皮只得皮，這間竟有餡，口感更為豐富。服務員也非常熱情，讓人感到賓至如歸。

🍖 #九龍灣 #小食皇大排檔同屋企人喺九龍灣玩劇本殺，當然要買返個大啲嘅晚餐準備好大量用腦😆 我哋喺淘大附近見到呢間「小食皇大排檔」有小食，有茶記碟頭飯，任君選擇，就揀咗～🐮 滑蛋牛肉飯男朋友揀呢個牛肉飯超重份量！無論飯量、雞蛋，定牛肉份量都好多🤩 仲要好夠穫氣，炒得好香😋 調味都係鹹香適中🥰🍛 咖哩雞扒飯我叫呢個咖哩雞扒飯就好細心咁分成咗兩盒，一盒白飯、一盒咖哩雞扒，方便帶走食又唔會變淋晒～ 咖哩好香，雞扒份量又係超多，好味😋🥟 其他小食屋企人仲叫咗啲燒賣、腸粉、碗仔翅、餃子，呢啲都好抵食，又香又可以選擇調味，堂食定攞走都咁方便！

朋友介紹呢間大排檔好正，咁岩係淘大附近就黎試下，雖然呢間小店唔係大街，但由地鐵站行過去都只係大約5-10分鐘，相當方便。入面環境充滿香港情懷，好接地氣，唔會好迫，lunch時間見到老闆都同啲客人有講有笑咁，氣氛好歡樂🥰🌟菜遠排骨炒烏冬 $55份量真係唔講得小，成隻碟都堆到滿滿都的，菜同排骨都好多，超值性價比✨🌟星洲炒米 $45炒得好靚仔，勁有鑊氣同夠乾身，帶咖哩同其他香料，香噴噴味道香濃，非一般水準👍🏻🌟炸雞髀$30大大隻雞髀炸到金黃色，份量十足！大過隻手掌！🤗雞肉啲汁鎖住哂係入面，有輕輕的胡椒調味過，惹味非常，好推薦✨🌟腸粉4條 $12上枱時出哂白煙，蒸透入心，入口熱辣辣，腸粉白滑而泛油光，配埋啲靈魂醬汁，真係一番風味🤤🤤🌟燒賣5粒$10粒粒彈牙，肉質煙韌結實，係高質燒賣，唔係食落變粉狀果啲🫣

前兩日陪媽咪去左九龍灣，探住喺德福花園既外婆，因為朝早飲左早茶， 到左lunch time 我地都唔太肚仔，所以就喺樓下一間小店舖，食少少野餐餐肚。韭菜豬紅腸 $32份量唔少，湯底清清地，豬紅食落口嫩滑，仲有豬腸魷魚等其他材料，同樣煮得非常入味，炆到琳琳地唔會好靭好易入口，韭菜非常新鮮。生菜魚肉 $21湯底係用雞湯熬製而成，飲落口味道清甜，魚肉份量十足，魚肉食落口勁彈牙，食行出係新鮮手打出嚟既，而且調味做得非常出色。見到隔離枱食既無骨炸雞，非常之吸引，下次一定要買來試吓。可樂 $8

🍢 #九龍灣 #小食皇大排檔今日同家姐去咗九龍灣嘅淘大商場行街，之後就出咗商場隔離嘅食店食嘢😋 我哋揀咗呢間貼地嘅「小食皇大排檔」，呢度有小食（燒賣、腸粉、碗仔翅等）、茶餐廳飯餐、車仔麵⋯ 應有盡有㗎🤪🍜 車仔麵車仔麵有幾十款餸可以揀🤩 亦有唔同價錢嘅麵底任君選擇😋 雞扒份量超多，啲肉都好厚🤤 牛筯牛腩都好香！ 蝦餅都好推薦，好大塊又彈牙😚🐣 炸雞半份炸雞有四件，炸得金黃香脆，而且皮薄餡多😋 熱辣辣好好味㗎😋🍡 墨丸、燒賣充滿港式風味嘅街頭小食都有好多😋 可加豉油辣油🙆🏻‍♀️

小食皇大排檔前身係牛下老字號文記車仔麵，雖然轉左手，但係提供嘅食物同之前差唔多，最出名嘅煎釀三寶同魚肉碗仔翅依舊保留，不過今次我就試咗佢嘅車仔麵。呢度嘅車仔麵最低消費 $32，計埋麵底，大約就係三餸。我揀咗水魷魚，蘿蔔同蝦餅，餸嘅份量正常。味道方面，蘿蔔夠腍夠甜，唔錯；蝦餅冇乜蝦味，反而有啲似魚腐，都 ok 好食；至於水魷魚就冇乜味，不過口感夠爽滑。特別想講下佢嘅秘汁，係好稠嘅芡汁，有啲似煎釀三寶個汁，我覺得同車仔麵唔係咁夾，下次剩係要腩汁就夠。

去完淘大買野，諗住到前面食下茶記，見廣告牌有間小食皇，好耐無食過腸粉個啲，去食下都好。小店都幾舊式風格，但食品種類就超級多，除左港式小食，仲有炒粉麵飯，車仔麵，蒸頭飯等。😋腸粉燒賣腸粉四條加魚肉燒賣五粒，下午時段都蒸過龍，腸粉仲好挺身㗎，最正係多醬多豉油，仲有芝麻添。😋煎讓三寶呢樣又係勁鍾意嘅小食黎，要左紅腸、青椒、矮瓜、豆腐同魚蛋各一件，其實款款都鍾意食，好難揀😅三寶預先炸過，點嘅時候再即刻返炸，拎上枱時熱辣辣，魚肉彈牙大大件，真係好好味。😋兩溝再點左碗魚肉溝碗仔翅，店員問落唔落醋、胡椒粉同辣菜莆，咁正梗係要落齊啦，碗仔翅足料杰身，魚肉雖然較淋，但調味唔錯，仲勁大碗好抵食啊。😋可樂食咁多野再加支冰凍可樂，爽呀！一個人咁多都幾誇張，但好多無食覺得好好味，樣樣都想食呀嘛。

之前偶然見到關於介紹呢間食店既炸雞軟骨同車仔麵既文章，身為一個炸雞軟骨既Fans，就去左試下💜炸雞軟骨($30)雞軟骨係即叫即炸，仲要係生炸，所以同出面成日食到有炸粉個啲雞軟骨唔同，好食好多，而且炸得好乾身，食曬成兜都唔覺得油膩。味道方面就椒鹽味偏重，但調味啱啱好唔會太鹹，呢個價錢有呢個份量兼呢個味道，真係極高質👍🏻👍🏻🍜車仔麵【米粉底、咖哩魷魚、螺肉、辣菜脯、加秘汁】($35，配冷飲+$8)因為預左要食雞軟骨，就諗住叫啲比較細份既餸，點知呢個就係中伏既開始咖哩魷魚：唔太入味，撈左落啲湯度之後就更淡螺肉：太淋，仲要完全冇調味過辣菜脯：小小辣，但係唔入味，所以同魷魚一樣，同湯撈埋一齊之後啲調味唔見曬之餘食落仲有陣怪味，從來冇係其他菜脯到食到過呢種味道秘汁：有啲甜味既蒜蓉汁其實相信中伏既原因好大機會係配搭出左事，由於所有調味都只係得表面，一沉曬落個湯度就變左闇鍋咁，個湯變到太濃味，完全唔知自己食緊乜，為左唔好浪費食物所以夾硬食曬😓建議大家唔好叫太多本身有調味既餸，見其他食客嗌啲比較少汁或冇汁既餸睇落係比較好食。的確呢個價錢係極抵食，但餸既質素亦真係有待改善🤔雖然雞軟骨真係好好食，但係車仔麵

💕小食皇大排檔疫情之下好耐無掃街，搵到個好地方可以坐低慢慢嘆街頭小食😆牛頭角呢間小店隱藏巷仔裡面仍然不乏捧場客💁🏾‍♀️有齊煎釀三寶、碗仔翅、車仔麵等等經典小食，好鍾意呢類香港獨有嘅人情味小店🥰🔸車仔麵配料多籮籮，雞翼尖、清甜蘿蔔當然必試，豬紅、酸齋亦係個人最愛之一，加上秘製醬汁同自家製辣菜脯，確係有風味🔸煎釀三寶 $22/5件起茄子、尖椒、豆腐、魚蛋等等任你揀，見好多人嗌茄子我又跟隊嗌嚟食🤣佢哋嘅茄子切到大大件🍆特別有口感又唔會覺得油膩，果然受歡迎係有原因☺️🔸生菜魚肉碗仔翅 $25’‘三溝‘’大大碗，即係生菜+魚肉+碗仔翅，魚肉份量俾得好足，撈埋胡椒粉、麻油同菜脯，其實都幾飽肚😋🔸腸粉 $12/4條熱辣辣嘅腸粉已經越嚟越少地方有得食😍腸粉整得夠薄身，食落滑嘟嘟，加上甜醬麻醬甜豉油，而家講起都想再食🤤

打電話嚟叫外賣，負責煎釀三寶個呀叔自己聽錯咗，發曬脾氣，話係我講錯😂跟住勁大聲話唔要就收。痴痴地。幫襯左成年，之前生意唔好出曬廣告牌，我仲話多啲食小店，呢個男人啲態度咁差真係唔好聽啲食評講話咩賣人情味 買一肚氣😂上次黎買煎肉餅飯，飯整好左，到比錢個陣先話加左價😂😂😂？？？？加左十幾蚊，但出面餐牌係無改。

放假日頭去咗佐敦谷野餐，夜晚就順便喺淘大嗰邊買埋嘢食先返屋企。朋友住附近，佢推介想買炒粉麵飯嘅話🥢，可以考慮「小食皇大排檔」。餐廳位置雖然唔係喺正大街，不過有好多人幫襯，堂食同外賣訂單都有，證明係街坊店。呢度環境正正常常，無乜裝修可完🙈，但都算企理，而且冷氣充足。街坊店乜都有得食，例如炒粉麵飯、小菜、車仔麵同各色小食等，一應俱全。佢價錢仲好相宜添，全部幾十蚊有交易，而且份量仲夠晒多👍。乾炒牛河($55)，牛河係今日嘅特價餐，所以平啲，只需$45，仲送例湯。炒河多數避免唔到會好油膩，但佢又OK喎，而且仲幾滑身。🐮牛肉大大片，有好多塊，每啖都食得到，餐廳出手唔孤寒。星洲炒米($55)，星米都唔錯喎，米粉唔會炒到碎濕濕，亦無炒燶，而且加咗好多爽脆芽菜、洋蔥同韭菜一齊炒，以添口感。同時，🥘咖哩味好香，微微辣，唔係無味嘅螢光汁。鹹魚雞粒炒飯($52)，炒飯乾爽，粒粒分明🍚，而且用足料炒，包括鹹魚、雞粒、火腿、蛋、生菜同蔥等。鹹魚滲透其中，口感綿綿的，令飯好入味，但又唔會過鹹。超人氣NO.1無骨炸雞($32/四粒)，估唔到小店會有炸雞賣🍗。無骨炸雞唔係用上一般雞扒肉，而係用去咗骨嘅雞翼，所以肉質特